ملتقى طلاب وطالبات جامعة الملك فيصل,جامعة الدمام - :::::::: تجمع المنتقليين الى المستوى الخامس تخصص انجليزي ::::::::

رد: :::::::: تجمع المنتقليين الى المستوى الخامس تخصص انجليزي ::::::::

اقتباس:

المشاركة الأصلية كتبت بواسطة reaching higher (المشاركة 12515534)

كل عام و انتم بخير جميعا قبل الزحمة ..

احد شيك السجل الاكاديمي تبعه .. نزلوا لي درجة مادتين فقط و ما احتسبوا لا المعدل و لا الساعات

و انتم كم مادة نزلوا لكم؟

الحال من بعضه
ونفس الشيء الفصل الماضي
هذا هو التسلسل الي ماشيين عليه
للحين الوضع طبيعي :biggrin:
الموطبيعي انك تلقي كل المواد نزلت مره وحده :biggrin:

رد: :::::::: تجمع المنتقليين الى المستوى الخامس تخصص انجليزي ::::::::

كل عام وأنتم بخير بحلول شهر رمضان المبارك

جعلكم الله من صوامه وقوامه و عتقائه

رد: :::::::: تجمع المنتقليين الى المستوى الخامس تخصص انجليزي ::::::::

اقتباس:

المشاركة الأصلية كتبت بواسطة {تهاويل} (المشاركة 12515487)

عن نفسي لما رحت اشتري كتب المستوى الماضي من المكتبة شريت معهم رواية :
Under The Dome
الى الكاتب الرائع : Stephen King
سبب اختياري الى هذه الرواية اني شاهدت الموسم الاول والثاني كمسلسل
والذي هو عباره عن تجسيد لهذه الرواية
مما سوف يعطيني تصور افضل عن الشخصيات والاحداث اثناء قرائتها
بدأت فيها بعد الاختبارات ، وكنت انتظر الاختبارات تنتهي حتى ابدأ اقرأها
الوقت ما يسعفني اقرا كثيره ، كم ورقة كل يوم .
الرواية ضخمه ، وجميله. وتعلمت منها كلمات جديدة.
ومازلت اتعلم.
ومفكر بعد ان انتهي اشتري قصة روبنسون كروز الي قالوا عنها مستوا خامس السابقين. :biggrin:

Hhmm, there'll be <<UnderTheDome >>soon. I almost forgot. First season was the strongest and I hope the third won't make me sad like the 2nd.

رد: :::::::: تجمع المنتقليين الى المستوى الخامس تخصص انجليزي ::::::::

اقتباس:

المشاركة الأصلية كتبت بواسطة {تهاويل} (المشاركة 12515487)

ومفكر بعد ان انتهي اشتري قصة روبنسون كروز الي قالوا عنها مستوا خامس السابقين. :biggrin:

قصة روبنسون رهيبه. من خذتها بالمستويات السابقه وللحين ببالي من كثر ماهي حلوه. اليوم كنت بجرير واشتريتها (ب19 ريال وفي كثير قصص كلاسكيه من اللي ندرسها لو احد حاب يشتريهم)

ماشاء الله دفعتكم رهيبه. متحمسين ومسوين خطط وانا دفعتي حتى موضوع مو مسوين هههههههههه

وبما اني داخله عرض بكل الاحوال بقولكم مخططاتي الصيفيه إذا ربي راد:

اشتريت روايات كثيره وحاليا قاعده اقرى Les Miserables (البوساء). روايه كلاسيكه وحلوه كثيره.

في كتاب اسمه 8000 things you should know هذا كل كتاب من السلسلة يتكلم عن مواضيع كثيره
الحيوانات, الارض, الفضاء, التاريخ الخ. الحلو فيه كل صفحه فيها موضوعين وكل موضوع كم سطر
فيه كمية فوكاب كبيره وتاخذون فكره عن مواضيع كثيره يمكن مانعرف مرادفها بالانجليزي (مثل العلوم
في شغلات كثيره ماكنت اعرف اسمها بالانجليزي)

احاول امارس اللغه بس المرات اللي مالقى احد اجنبي امارس معاه افتح التسجيل بالكمبيوتر واقعد اسولف خرابيط ههههه تنفع رفع معنويات صدقوني

عقدتي بالحياة الاسبلنق. اعتمد بشكل رهيب على التصحيح تبع الجوال والكمبيوتر. اللي اسويه الحين
اني امسك مقالات واجيب سبورتي (نعم عندي سبوره عادي جدا ههه) واقعد اكتب الكلمات اللي احس
صعب السلبنق تبعها. بالكتابه السلبنق يثبت اكثر من لمى اكتب بالكمبيوتر والجوال

وبس اعرف هذره طويله. وسلامتكم والله يبلغنا رمضان ويعينا على صيامه وقيامه. كل عام وانتم بخير

رد: :::::::: تجمع المنتقليين الى المستوى الخامس تخصص انجليزي ::::::::

اقتباس:

المشاركة الأصلية كتبت بواسطة sham9966 (المشاركة 12515634)

ماشاء الله تعرف تتكلم قطيفي هههههههه بس تتكلم قطيفي زي المناطق القرى عدنا القديمه احنا نتكلم القطيفي الحديث هههههه
بنسبه لزوجي هو الي علمني على السوني. بس ياما كسرت يدات من العصبيه وانا العب ههههههه

واااو واخيرا لقيت وحدة من بنات القطيف :5aga:.. لازم لازم نتعرف ..

رد: :::::::: تجمع المنتقليين الى المستوى الخامس تخصص انجليزي ::::::::

اقتباس:

المشاركة الأصلية كتبت بواسطة المستقبل المشرق (المشاركة 12516613)

ماشاءالله عليك
رائع جداً
ممارسة متعددة الجوانب
بالنسبة للسبلنق ترى حتى الانجليز والامريكان انفسهم يتورطوا فيه
ويمكن انك بتلقي نفسك تكتبي الكلمات افضل منهم.
عندهم مسابقات وطنيه في الـ spelling لتشجيعهم
فكرة السبورة جميله، من زمان وانا مفكر احط لي وحده بس ما حطيت هههههه.
اخربش في الدفاتر. احب الدفاتره ، عندي انواع واشكال :biggrin:.
استانس لما اتعلم كلمة جديده والقاها في مكان مختلف ، احس نفسي استفدت.
الجميل بالقصص ، بالاضافة الى تعزيزها لمحصول الكلمات ،
احس انها تعلم الوصف ، والتعبير ، و المحادثة. فهي تفيد اكثر من المقالات.

وشكراً لك المستقبل المشرق على مشاركتك
وحياك معنا ، نستفيد من تجاربك في مستوياتك السابقه او في حياتك مع اللغة الانجليزية. :(204):

رد: :::::::: تجمع المنتقليين الى المستوى الخامس تخصص انجليزي ::::::::

اقتباس:

المشاركة الأصلية كتبت بواسطة vanillastar (المشاركة 12516660)

واااو واخيرا لقيت وحدة من بنات القطيف :5aga:.. لازم لازم نتعرف ..

ههههههه
الموجودين من كل حدب وصوب
من كل مكان تتخيليه
الله يوفق الجميع

رد: :::::::: تجمع المنتقليين الى المستوى الخامس تخصص انجليزي ::::::::

اقتباس:

المشاركة الأصلية كتبت بواسطة المستقبل المشرق (المشاركة 12516613)

اشتريت روايات كثيره وحاليا قاعده اقرى Les Miserables (البوساء). روايه كلاسيكه وحلوه كثيره.

في كتاب اسمه 8000 things you should know هذا كل كتاب من السلسلة يتكلم عن مواضيع كثيره
الحيوانات, الارض, الفضاء, التاريخ الخ. الحلو فيه كل صفحه فيها موضوعين وكل موضوع كم سطر
فيه كمية فوكاب كبيره وتاخذون فكره عن مواضيع كثيره يمكن مانعرف مرادفها بالانجليزي (مثل العلوم
في شغلات كثيره ماكنت اعرف اسمها بالانجليزي)
احاول امارس اللغه بس المرات اللي مالقى احد اجنبي امارس معاه افتح التسجيل بالكمبيوتر واقعد اسولف خرابيط ههههه تنفع رفع معنويات صدقوني
عقدتي بالحياة الاسبلنق. اعتمد بشكل رهيب على التصحيح تبع الجوال والكمبيوتر. اللي اسويه الحين
اني امسك مقالات واجيب سبورتي (نعم عندي سبوره عادي جدا ههه) واقعد اكتب الكلمات اللي احس
صعب السلبنق تبعها. بالكتابه السلبنق يثبت اكثر من لمى اكتب بالكمبيوتر والجوال
وبس اعرف هذره طويله. وسلامتكم والله يبلغنا رمضان ويعينا على صيامه وقيامه. كل عام وانتم بخير

مشكوره على مشاركتنا تجاربك وأفكارك وحبيت أقول إن أفضل حل للرونج سبيلينج هو شيئين
الكتابة بكثرة <<<وهذي ساعدتني شخصيا حتى مشاعري أفكاري كنت أكتبها مو شطارة أو تعلم لأ طبع فيني والحمد لله ساعدني جداا وأفضل شيء الكتابة مع النطق تثبت أكثر وأكثر
الجزء الثاني والأهم بالموضوع كله هو تجزئة الجملة إلى جزئين أو أكثر
مثلا كلمة يبالغ أذكر نطقها ومو حتى 100 بالمية بس شلون ثبتتها بذهني؟! بأني فصلتها جزئين وهالطريقة موجودة أصلا بالقواميس يعني exaggerating صارت exag جزء والآخر gerating وبالنهاية exaggerating وتقدرين تجزئينها أصغر بحيث exag+ge+rating
كلمة صديق Friend تكون Fri اختصار ليوم الجمعة end نهاية <<<وهنا جزئناها وربطناها بذهننا وكلن وطريقته. والحمد لله نادرًا ما أخطيء حتى بالكلمات الطويلة بالعكس أحيانا أشوف اسبيلينج خاطيء ببعض الردود بالمنتديات الأجنبية ... تحتاج ممارسة بس

لي رجعة للموضوع بعدين عشان أشوف الكتب اللي تنصحون فيها وأشتريها بإذن الله
وياليت ماتقاطعينا

رد: :::::::: تجمع المنتقليين الى المستوى الخامس تخصص انجليزي ::::::::

الله يبلغنا رمضان وكل عام وأنتم بخير

رد: :::::::: تجمع المنتقليين الى المستوى الخامس تخصص انجليزي ::::::::

اقتباس:

المشاركة الأصلية كتبت بواسطة {تهاويل} (المشاركة 12516711)

ههههههه
الموجودين من كل حدب وصوب
من كل مكان تتخيليه
الله يوفق الجميع

الجميع فيه الخير والبركة :5aga: