|
رد: تفاعل داود الشرياني مع الترم الصيفي
يختي اذا وصلت لداود الشريان افضل اني اتكلم بموضوع يهمني اما اني اركض واركض عشان اطالب بترم صيفي لاوالله ماني فاضيه اكرف والناس مسافره اذا كلمتيه سلميني عليه وقولي له جمال الروح فيني تقول استعجل بموضوع الخدامات الله يعافيك ويخليك لنا ذخر ....:53:
قال ترم صيفي قال |
رد: تفاعل داود الشرياني مع الترم الصيفي
كل ترم يزيد عدد الطلبه وتزيد معها نسبة الطلبه اللي فاهمين غلط ,,, الجامعه عندها قوانين وانظمه مو بالقوة تفتح صيفي لنا الحق اننا نطالب بترم صيفي ,, ومن حق الجامعه توافق او ترفض بالأسباب اللي تشوفها مقنعه , اما سالفه الشريان وانكم تبون الشغله بالقوه هذي مع احترامي للجميع مهو اسلوب طالب جامعي مافيه حق مهضوم لدرجه تشتكون للشريان ولجريدة سبق مثل ماقريت في احد المواضيع اليوم يفترض اننا نكون اعقل من كذا # وجهة نظري ان الطلبه هم الخاسر الوحيد من هالبلبله اللي سايره |
رد: تفاعل داود الشرياني مع الترم الصيفي
دائم في اي موضوع اذا صار فيه تدخل من طرف خارجي تتقلب العلاقة وتصير رسميه مرره
اذا بتطالبون بالأعلام راح تحوسون على أنفسكم لان بعدها راح تتعامل الجامعة معنا برسميه شديده وراح تطبق الانظمه بحذافيرها (مثل عدد محاولات حل الواجبات- الإلزام بحضور المحاضرات أسبوعيا - سالفة النسخ واللصق بالمناقشات أنسوها - المحاضرة الاخيرة من كل ماده بتكون محاضره صدقيه مو مراجعه -وغيرها وغيرها أنا وانتم نعرفها من الحذف والتلميح و المساعدات ....الخ ) دائماً افضل شي تكون رقعه الثوب منه وفيه قالوا لنا الأسباب و عطيناهم حلول هم اعرف وش يصير بداخل العمادة عندهم الظروف والإمكانيات يشوفون انها ما تسمح حاليا رحم الله امرئ عرف قدر نفسه الحين حنا نشتكي من وضع البلاك ونشتكي من المحاضرات المباشرة ونشتكي انه احيانا تصير لخبطه بالمواد وهذي مشاكل تحصل في السمسترات الأساسيه نجي نطالب الجامعة انها تضغط على نفسها بشي اضافي هم اعترفوا انهم ما يقدرون عليه لا يكلف الله نفسا الا وسعها اذا حابين ان وقت الاجازه ما يضيع عليكم حملوا مواد المستوى القادم من الأرشيف والمواضيع المثبتة وأبدوا أدرسوا من أنفسكم وبكذا تكونون استفدتوا من الوقت و ذاكرتوا المواد وبوقت الاختبار تصيرون تراجعونها و ما تأخذ منكم ذاك الوقت .............. سالفة ان اللي يعارض اللجوء للإعلام هذا عميل للجامعه ما تدخل العقل مبدا ان لم تكن معي فانت ضدي المفروض اننا نصير أعقل منه وافهم اصلا الفكرة كلها يكبرها احسها مو مقبوله ( ان الجامعة موضفه ناس عشان يدافعون عنها ) اذا كنت تظن أن الجامعة موضفتني انا بعد ادخل مواضيعي وردودي وبتشوف أني أنتقدت الجامعة في بعض الاشياء فقل لي بالله كيف الجامعة موضفتنا نلمع صورتها وحنا وننقد الشي السلبي اللي نشوفه ؟ |
رد: تفاعل داود الشرياني مع الترم الصيفي
اقتباس:
القضاء الفساد البطاله المطلقات والمعلقات الانظمه اللي على الورق وبس محاكمات سيول جده الغش التجاري التعليم وبلاويه الأحوال المدنيه وااااجد وااااجد اشياء أشوف انها اهم من الفصل الصيفي انها تطرح لو وصلنا لداوود الشريان |
رد: تفاعل داود الشرياني مع الترم الصيفي
اقول الفضاوة شينه ههههههههههه |
رد: تفاعل داود الشرياني مع الترم الصيفي
اشوف ان الترم الصيفي حق من حققوق الطالب ومالهم اي حق يلغونه سواء منتظم او منتسب ناس تتاخر بالتخرج والسبه مافي صيفي :(177): صراحه الشريان مااقصر ناقش اشياء كثيره كانت مستورهـ
|
رد: تفاعل داود الشرياني مع الترم الصيفي
انا ودي بالمطالبه والجامعه تقبل اراءنا وتحقق مطالبنا
وضد الاعلام وفي نفس الوقت ضد الانتقام من الجامعه ان طالبنا بحقوقنا وانا ااتوقع لو الجامعه تسمع للطلاب كان ماوصلنا لهالحال |
| All times are GMT +3. الوقت الآن حسب توقيت السعودية: 04:25 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام