رد: اللي عنده إستفسار عن دفع الرسوم و إرسال الوصل .. يتفضل :)
 

بحة الشووق

العفـو ,

وموفقه إن شـاءالله :smile: .



:106:

رد: اللي عنده إستفسار عن دفع الرسوم و إرسال الوصل .. يتفضل :)
 

دنفـش


غراسياس سينيورة :mh318: ,

العفـو منج ومن الكل , وأتمنى يكون الموضوع وكل ما تضمنه كان فيه فايده لكل من شاهده وإطلع عليه ,

والله يجزاج خير كل خير على هالكلام الطيـب والدعوات الطيـبة :119: ,

يسلموووووووو وما قصرتي دنفــش :smile: .



:106:

رد: اللي عنده إستفسار عن دفع الرسوم و إرسال الوصل .. يتفضل :)
 

موكاا فراوله


حياج الله , تسلمين والله على رحابة الصدر يا موكاا :119: ,

أصلن من شفت النك نيم قلت أكيد صاحبة النك ماخذه الدنيا ضحك وفرفشه , ولا عندها عُقد بعض بنات حواء :(204): ,

وتأكدت لما قلتي اسامي الطباخين اسامة و رمزي وما ذكرتي ولا حرمه معاهم , خصوصا منال العالم :cheese: ,

وإمحق قدوة رمزي واسامه , قولي غيرهم يا بنت الحـلال :tongue: ,


حلوة دعوة يا مال الصـلاح , عسى الله يصلحنا ويصلح الجميـع :smile: ,

اي والله صدقتي بخصوص المطاعم , الحين قل الإيمان , وأهل المطاعم يفكرون بالربح أكثر من صحة الزباين ,

مو مهم يشتري خضرة طازجه ولا لحم طازج , أهم شيء شلون يزيد ربحه , حتى لو على صحة الزبون :017: !!

ولا تحاتين.. روحاتي للمطاعم نادره جدا , والمطعم اللي أروح له لازم يكون نظيف وسمعته زينه ,


أحب أكل البيـت , حتى لو يكون خبزة وجبن وطماط :wink: ,



افا موكـاا .. طلعتي من اللي يقلبون ويحوسون المطبخ :hahahahahah: هذولا نسميهم الرفـلات بس إن شاءالله منتي منهم ,

وترى طولتي .. ما صارت موكا مع فراوله , لو كانت طبخه شنو راح تسوين وقتهـا :tongue: ,

<---- منتظر الموكا بالفراولـة :(269):

جربي وحوسي المطبخ , يمكن تطلعين لنـا في شيء جديد :wink: .




:106:

رد: اللي عنده إستفسار عن دفع الرسوم و إرسال الوصل .. يتفضل :)
 

الله يسلمك
مادري ليه من كلامك احس انك مقهور من بعض بنات حواء شمسوين لك :33_asmilies-com:


وسؤال ثاني وش دخل عقد بعض بنات حواء باسامه ورمزي ؟؟

اوف ياحركات تعرف منال العالم بعدين لا تسب اسامه ورمزي ذول احبابي
و ياما تعلمت منهم طبخات :icon9:

ولا تزعل خلاص شوف عايشه المطوع شي خطنطر ابداع من نوع ثاني
تخليك تحمس تقوم تطبخ :53:

لا والله مو من اللي يحوسون ولا من الرفلات بس اكره غسيل الصحون والكاسات
بس اذا افتكرت انها وراي وراي ومافي مفر اغسلها :Cry111:

هههههههه اصبر يا ابني الشي اذا جاء بعد صبر له مذاق ثاني
اصبر حتى اشعار اخر :lllolll:

سؤال اخر بعد اذنك من كتابتك حاسه انك كويتي صح؟

رد: اللي عنده إستفسار عن دفع الرسوم و إرسال الوصل .. يتفضل :)
 

مرحبـا موكاا ,

معلش .. السموحه عـ التأخير , المزاجية وما تعمل , شفت ردك قبل يومين ولكن ما تهيأت لي فرصة مناسبة للرد :icon9: ,

مو صح واحد , صحيّن , <---- كويتـي :119: ,

لا والله ماني مقهور من بنات حـواء :cheese: , مهما كان أمي من بنات حواء , أختي من بنات حواء , زوحتي من بنات حواء ,

زميلاتي من بنات حواء <---- يتمصلح علشان الواجبات والإختبارات :tongue: ,

وسالفة بنات حواء طويلـة , تقدرين تقولين قضيت ثلث عمري أتابع وأقرأ وأراقب تصرفات بنات حواء ,

وبـصراحه عجزت أفهم عليكم , صعبين حيييييل أنتم يا بنات حواء , ما فيه قاعده ثابته نقدر نتعامل فيها معاكم !!

عمومـا .. الكلام يطول عن بنات حواء , تابعي المدونة وراح تعرفين رأيي فيكم <--- يسوي دعاية للمدونة :tongue: ,


منال العالم ما أعرفها ولا أبي أعرفها , بس مرة من المرات كنت أتابع مباراة وإنتهى الشوط الأول ,

صرت أفرفر بين القنوات , وأطيح على قناة فيها وحدة محجبه قاعده تسوي أكلات وحلويات ,

وديكور المطبخ مدري شلون صاير , تحسين قديم ومن سنة جدتي وجدتج !!

واللي تطبخ تستخدم أدوات غريبة !! يمكن الأدوات بالنسبة لكم يا بنات معروفه ,

ولكن على كثر ما أودي أمي السوق ومحلات المواعين والأواني ما عمري شفت مثل هالأدوات ,

المهـم .. تابعت البرنامج وراح نص الشوط الثاني وانا اطالع في هالبرنامج , واللي بعدين عرفت إن إسمه منال العالم ,


وما سبيت احد ترى :mh12: قلت إمحق قدوة بس ,

وبعدين تبين أترك تاريخ جدي وجد جدي , وأحط واحد ماسك له سكين وملعقه وأخليه قدوتي , يستريح زين :cheese:

منو عايشة المطوع ؟!! شنو تطلع هاذي بعد :(107): !!


حتى إشعار آخر هااا :017:

افا والله موكـاا .. هاذي آخرتها , بريد وبعدين حمام زاجل وآخر شيء إشعار آخر !!

طيــب ماشي ..

<---- مجهز دعوة حق موكاا فيها غسيل صحون :tongue: .



:106:

رد: اللي عنده إستفسار عن دفع الرسوم و إرسال الوصل .. يتفضل :)
 

عادي ياأبني كلنا تمر علينا المزاجيه وتحوسنا :icon9:

ههههههههه بس غسيل صحون طيب قول برسلك تشيز كيك فراوله اترك البخل :mh35:

وكوييييييتي >>فيس متعجب شلون تدرس بجامعه سعوديه
وهل يعترفون فيها عندكم:(107):

على العموم يامرحبابك في جامعتنا :106:


بالنسبه لبنات حواء مو الكل نفس بعض
اذا اصابع اليد الوحده ماتتشابه فمابالك ببنات حواء
وحتى انتم ترا فيه منكم صنف يالطيف مانقدر نفهمكم
وتجيبون الشيب :tongue:

بالنسبه للمدونه لقيتها لي فتره من اول ماسجلت >>تحب تفرفر بالمدونات
وعجبتني سالفه العصفور والضب والاهداف ال 20


ومنال العالم مو مره تعجبني بس ترا مواعينها تقريبا احدث صيحه بالمواعين
والديكور مادققت كثر ما ادقق بالطبخه بس مع ذلك ولا مره جربت من عندها
شغلها كثيييير وبعدها مواعين ملطخه كيثييييير :biggrin:

وعايشه المطوع كمان طباخه بس بقناه قطر
لا اوصيك ترا تجي السبت اجلس وانتقدها
ترا من الحين اقولك هي تشتغل بعبايتها
علشان ماتنصدم

طيب ياأبني خلاص بسويه بس الصبر زين >>> الحين اكيد بتتفحم من العصبيه :lllolll:

على كلن ساد تشرفت بمعرفتك اخو وصديق

انا حاسه اني قلبت الموضوع موضوع سوالف
المعذره منك عزيزي
واتمنى اشوفك باحسن حال
لك ودي :106:

رد: اللي عنده إستفسار عن دفع الرسوم و إرسال الوصل .. يتفضل :)
 

يا هلا ويا مرحبـا أخت موكاا ,

والموضوع إعتبريه موضوعج , وعادي مو شيء جديد على بنات حواء كثرة السوالف <--- :tongue: ,

لولا إني خايف تخربين الرجيـم كان أرسلت لج درزن تشيز كيـك ,

بعدين التشيز كيك كله حلا وسكريات , يمدحون السلطه والفواكـه :wink: ,



تسلمين عـ الترحيـب , والحمدلله السعودية قريبـه من عندنا , نص ساعه وأكون بالخفجي ,

ومسألة الإعتماد .. التعليم العالي عندنا مزاجيييين من الطراز الرفيع , مره يعتمدون ومره يسحبون الإعتماد ,

عندهم الشغله لعبـه , وما يراعون الله ولا الناس اللي تتعب وتروح تدرس وتضيع من عمرها سنوات طويله ,

ولكن الحمدلله عندنـا قضـاء عادل ونزيه , وفي حالات سابقه وكثيره إعترفوا فيها في شهادات جامعات هنديه وفلبينية ,

فما بالج في شهادة جامعة سعوديـة وتحمل إسم الملك فيصـل طيب الله ثراه ,

بعدين علشان لا نستبق الأمور .. خليني أخلص وأتخرج وبعدين أفكر في الإعتماد :cool: ,



ايه والله صدقتي .. البنات مو كلهم مثل بعض , وهالشيء وضحت في أكثر من مره ,

وبالعكس فيه بنات أفضل من 100 شاب و رجل , تحطها على يمينك وما تشيل هم اللي أنت مقدم عليه ,

وأما الشباب فـ مو بس يا لطيف , إلا يا 10 لطيـف , فيه نوع ما تطب الذبانه على خشمه ,

وإذا ما لقى أحد يتخانق معاه , تلقينه يتخانق مع نفسه , يا لطيييييييييييييييف :71: ,



سالفة العصفور والضب :cheese: , عجيب اللي جاب ضب , الناس في أول ليلة يجيبون وردة , ككاو , خاتم , شيء رومانسي ,

مو هذا يا دافع البلاء , مدخلها فلم رعب :017: ,


الحين مواعين منال العالم أحدث صيحة :000: إمحـق صيحه والله , يا زين مواعين وصحون أمي :(204): ,

حلو إن الحرمة تحترم نفسها وتلتزم في لبس يسترها قدام الله وخلق الله ,

بس سالفة إني أقعد وأنتظر برنامج طبخ , إسمحيلي :cheese: , مباراة حاضر وأبشري , ولكن طبخ ومواعين No Way :tongue:


خلاص لا تسوينه :tongue: ..

البنات عنيدات , إذا قلنا سوو الشيء ما يسوون , و إذا قلنا لا تسوون يسوون :cheese: ,


حياج الله موكـاا .. ولو أخت عزيزه وإن شـاءالله تصيرين زميلـه عزيزة أيضا في المستقبل القريب :smile:



:106:

رد: اللي عنده إستفسار عن دفع الرسوم و إرسال الوصل .. يتفضل :)
 

اول شي معليش تأخرت على ردي
ثانيا تسلم من ذوقك ياعزيزي
وتسلم على كلامك بهمسات الاعضاء
وبالنسبه لتشيز كيك ماعليك قطعه بالاسبوع ماتخرب الرجيم
يعني البريد المستعجل يحتريك :hahahahahah:

وخلاص كلن يتابع اللي حسب ميوله
تابع ابو شوشه مادري كشه وانا اسامه وعايشه
علشان ماتقول متعصبه لبرامج الطبخ :biggrin:
عاد مالي ميول بالكوره من فضل ربي احس ماعندهم سالفه :41jg:

اما بالنسبه لموضوع الموكا بالفراوله
ترا يمدحون كوب موكا وجنبه صحن فراوله
عاد الطريقه شلون كل واحد بلحاله
يعني خذلك من اقرب كافيه كوب موكاا
بس ما اوصيك لازم تغسل الفراوله زيييين وتشيل الجزء الاخضر منها
وتحلي بالفراوله مع الموكا بدل الكيك
طريقه سهله وماتسبب كركبه مواعين واجد :lllolll:

عاد هذا اللي توصلنا له حاليا
ترقب باقي التجارب في القريب البعيد :(269):

عاد شكلي بنجلد هالمره :000:

رد: اللي عنده إستفسار عن دفع الرسوم و إرسال الوصل .. يتفضل :)
 

موكاا

السموحه أولا على الغياب والتقصير , مشاغل وظروف الحياه ما تخلي الإنسان على كيفه !!

وإنتي اللي تسلمين على الكلام الطيب اللي كتبتيه لي , وما جزاء الإحسان إلا الإحسان :wink: ,

وإن شـاءالله ما في جلـد , الجلد عندكم يا البنات .. حنا الشباب قلوبنا رهيفه ورحومين وعطوفين .. مو مثلكم :tongue: ,


يا ساتر عليج .. يعني ما في فكه .. الكيكه فينا فينا :cheese: ..

ودامها بالبريد المستعجل أجل إنطريني يوصلج شيء .. يمدي موظفين البريد أكلوها وحلوا فيها :tongue: ..

شوفي لج طريقه ثانيه :cool: ,



حلوه بوكشه ههههه .. حنا بعد نقول كشه بس الشوشه أشمل وأعم لأنها تكون مثل الـليفه ,

وصح كلامج الأذواق تختلف , والميول أيضا تختلف , خليني مع ابو كشه , وخليج مع بو سكينه :biggrin: ,



والله حلوة طريقتج .. جبتيها يا موكاا :d5: , واهم شيء ما فيها كركبه على قولتج :(204): ,

زين بما إنج خبيرة طبخ ..

ما ينفع نخلط الموكاا مع الفراولة , مو لازم تكون حاره , لكن أهم شيء تكون مع الفراولة ؟؟



:106:

رد: اللي عنده إستفسار عن دفع الرسوم و إرسال الوصل .. يتفضل :)
 

بارك الله فيك أخوي على الشرح الوووافي . وفيت وكفيت .. في حفظ الرحمن ..