ملتقى طلاب وطالبات جامعة الملك فيصل,جامعة الدمام

- - Silent for your right (https://vb.ckfu.org/t200428.html)

Silent for your right

السلام عليكم

اول شي الحمدلله اني مو عندكم بنفس الجامعه
الله يخلي جامعتي
ولا كان من اول اسبوع سويت انقلاب على الجامعه

ثاني شي معليش ما فيكم ولا رجال

عارفين ليش لانكم ساكتين عن حقكم

والرجال يجيب حقه لو كان في اخر الارض

ولا عرفتم كيف تاخذون الدرجات اللي تستحقونها و تعبتم فيها

واللي يمكن اهملتم عيالكم وزوجاتكم واهلكم عشان تقدرون تدرسون

وفيه منكم من تسلف ولا جمع مصروفه ريال على ريال ولا اشتغل سكيورتي عشان يدفع للجامعه

ما فيكم واحد قدر يروح للجامعه ويكلم اللي اكبر من عبدالله النجار اصلا هو عارفه كيف صار عميد

هو ينفع لك وظيفه الا انه يكون عميد

تكفون لا تقولون كلمناه لانكم كذابين ما كلمتوه

هم ناس مرسولين او بنات يدافعون عنه

ولا الحقيقه النجار ما يرد على اي واحد فيكم

لو كان صدق رد عليكم يا كذابين كان طلع وبكل ثقه وقال هالكلام بموضوع

عشان يقنعكم بكلامه

بس للاسف انت مع الخيل يا شقرا

لو انا الحين انزل موضوع امدحه فيه واقول حرام انا بعد كلمته وقال وقال وقال

اتحداكم لو احد فيكم كذبني

للاسف انتم دفعه ما اسميها الا ( Silent for your right)

عندكم مليون حل

اولهم رحوا للجامعه ولا تطلع منها الا ان قابلته وكلمته وجه لوجه وتسجل كلامه بالحرف

وان ما اعطكم حقكم روحوا للاكبر منه

وان ما فاد الجرايد

ولا عارفين الله يخلي الفيس بوك حرر دول قلب دول

موصعب عليه يرجع لكم حقوقكم

بس خليكم من الاستسلام اللي انتم فيه

الشاطر اللي فيكم يسال متى نقدر نقدر المواد اللي رسبنا فيها

ولا اللي بيسحب ملفه ولا اللي ................الخ

يا حسافه عليكم قسم بالله اني مكلمه واحد بالوئام وقالي ماوصلنا اي شكوه بخصوص طلاب الجامعه

تعرفون ضحكت قالت ياليت فيكم احد مصري ولا سوري ولا تونسي كان عرف كيف ياخذ حقه

مع السلامه يا طلاب وطالبات ( Silent for your right )

ونصيحه لا ينحذف الموضوع لان هذا الموضوع نزلته عنكم بالفيس بوك

وكنت انزل اخباركم اول باول على الفيس

واخر شي نزلت هالموضوع هناك بالفيس وقلت لهم عن وقت تنزلي لي للموضوع في منتداكم

وكلهم هنا الحين راح يقرونه

يعني مو من مصلحتكم تحذفونه لانكم راح تطحون من عيونهم

رد: Silent for your right

انا اسف على الاخطاء الاملائيه بس من العصبيه اللي فيني

واتمنى احد يتكلم ويناقشني في كلامي

رد: Silent for your right

اقتباس:

المشاركة الأصلية كتبت بواسطة ليش-يادنيا (المشاركة 3989769)

السلام عليكم

وعليكم السلام ورحمة الله وبركاته

اول شي الحمدلله اني مو عندكم بنفس الجامعه
مع اني اشك في هذا الكلام جملة وتفصيلا لكن نحن نبادلك الشعور نفسه
الله يخلي جامعتي
امين ويخلي لنا جامعتنا

ولا كان من اول اسبوع سويت انقلاب على الجامعه

مو عشان كذا بيقول أطعم الفم تستحي العين يازين المكافأة زيناها

ثاني شي معليش ما فيكم ولا رجال

المرجلة لها ميادينها وعلوم الرجال موب بالكلام والصياح والنياح هذي تصير علوم الورعان

عارفين ليش لانكم ساكتين عن حقكم

والرجال يجيب حقه لو كان في اخر الارض
(( ما انتقم رسول الله صلى الله عليه وسلم لنفسه ، إلا أن تنتهك حرمة الله ، فينتقم لله تعالى )) وش رايك بهذا اللي قال هالكلام وين تحطه بميزانك الخاص بالرجوله

ولا عرفتم كيف تاخذون الدرجات اللي تستحقونها و تعبتم فيها
لكل مجتهد نصيب ونحن رضينا بما قسم الله لنا

واللي يمكن اهملتم عيالكم وزوجاتكم واهلكم عشان تقدرون تدرسون
عيالنا وزواجتنا واهلنا وقبلهم كلهم والدينا اهم ناس عند حتى من الشهادة نفسها ومايهملهم عشان دراسته الا الناقص ولا اعتقد انه احد من طلاب فيصل ناقص او يفكر بهذا التفكير الناقص

وفيه منكم من تسلف ولا جمع مصروفه ريال على ريال ولا اشتغل سكيورتي عشان يدفع للجامعه
هذه الحياة كفاح وعمل وما تجي بالساهل نحن آل فيصل عصاميين مو زي غيرنا مكافات ومو فالحين .

ما فيكم واحد قدر يروح للجامعه ويكلم اللي اكبر من عبدالله النجار اصلا هو عارفه كيف صار عميد

هو ينفع لك وظيفه الا انه يكون عميد
الدكتور عبدالله النجار عميد التعليم الالكتروني والتعليم عن بعد تاج فوق رؤسنا نحن آل فيصل وهو قريب منا ومن همومنا وليس مسموح هنا النيل منه ومن مكانته العلمية والشخصية ويبدو انك تعرفه جيدا لتحبه هذا الحب الكبير

تكفون لا تقولون كلمناه لانكم كذابين ما كلمتوه

هم ناس مرسولين او بنات يدافعون عنه

ولا الحقيقه النجار ما يرد على اي واحد فيكم

لو كان صدق رد عليكم يا كذابين كان طلع وبكل ثقه وقال هالكلام بموضوع

عشان يقنعكم بكلامه

بس للاسف انت مع الخيل يا شقرا

لو انا الحين انزل موضوع امدحه فيه واقول حرام انا بعد كلمته وقال وقال وقال

اتحداكم لو احد فيكم كذبني

للاسف انتم دفعه ما اسميها الا ( Silent for your right)
كلنا كذابين وانت الوحيد الصادق طيب ليه جاي تقنعنا بوجهة نظرك وانت غاسل يدك مننا ليه متحمس وشوي تطلع على الشاشة وتحوسنا واحد واحد عشان تثبت نظريتك صدقت او لم تصدق لم ولن يهمنا نعرف حقوقنا ونعرف كيف ناخذها بالنظام والود والاحترام بعيدا عن أسلوب البلطجية والغوغاء

عندكم مليون حل
اول الحلول انت ماشاء الله عليك مو مسجل معانا وصاير محامي لنا بس للاسف محامي خايب تعرف ليه لانك لاتملك الا العويل والصراخ

اولهم رحوا للجامعه ولا تطلع منها الا ان قابلته وكلمته وجه لوجه وتسجل كلامه بالحرف

وان ما اعطكم حقكم روحوا للاكبر منه
هذي يبيلها فرقة انتاج تلفزيوني نروح بكامراتنا ونصور اللقاء عشان حضرتك ما تقول علينا كذابين

وان ما فاد الجرايد
الجرايد من فضاوتها هالايام تخبر لادوري ولا رياضة قاموا يطقطقون ودهم باي شيء لتوصي حريص علومهم ازين من علومك

ولا عارفين الله يخلي الفيس بوك حرر دول قلب دول
بس اشعل الفتن وحرض دول وقلب الامن والامان الى حمام دماء راحوا فيها الابرياء

موصعب عليه يرجع لكم حقوقكم

بس خليكم من الاستسلام اللي انتم فيه

الشاطر اللي فيكم يسال متى نقدر نقدر المواد اللي رسبنا فيها

ولا اللي بيسحب ملفه ولا اللي ................الخ

يا حسافه عليكم قسم بالله اني مكلمه واحد بالوئام وقالي ماوصلنا اي شكوه بخصوص طلاب الجامعه

تعرفون ضحكت قالت ياليت فيكم احد مصري ولا سوري ولا تونسي كان عرف كيف ياخذ حقه

مع السلامه يا طلاب وطالبات ( Silent for your right )
وهل في نظرك اخذو حقهم اما انهم في صراع له بداية ولم تعرف له نهاية

ونصيحه لا ينحذف الموضوع لان هذا الموضوع نزلته عنكم بالفيس بوك

وكنت انزل اخباركم اول باول على الفيس

واخر شي نزلت هالموضوع هناك بالفيس وقلت لهم عن وقت تنزلي لي للموضوع في منتداكم

وكلهم هنا الحين راح يقرونه

يعني مو من مصلحتكم تحذفونه لانكم راح تطحون من عيونهم
لا اشدعوه ينحذف بوق اعلامي ووبلاش ايش نبي اكثر من كذا بس نصيحتي لك ان تتاكد من الأخبار قبل نشرها عشان المصداقية بس مو تهتم بنشر الغسيل وتنسى تجمعه

طبعا ان استرسلت معك بالكلام ولم ابدي لك حقيقة ما استنتجت من خلال اطروحتك الغاضبه سجل عندك :

* اولا بدر لي من أسلوب حديثك انك انثى ولست ذكر كما سجلت في معرفك والاسلوب واضح جدا في الكتابة واكد لي شك اكثر هذه العبارة لانها جائت من ثنائي الكلام وفي حالة الغضب التي سيطرت عليك "

يا حسافه عليكم قسم بالله اني مكلمه واحد بالوئام وقالي ماوصلنا اي شكوه بخصوص طلاب الجامعه "

* انت إحدى طالبات جامعتنا العزيزة ويبدو انك أخفقتي في بعض المواد ولما لم تجدي طريقة لتعديلها لجاتي لهذا الاسلوب لعل وعسى تجدين طريقة لتعديل درجاتك من خلال تحريض الآخرين على الانقلاب:cheese:.

عموما وبعد ما ذكرتي نحسن الظن بك ونشكر لك حرصك على متابعة اخبارنا لكن نصيحتي ان تهتمي بدراستك ولا تضيعي وقتك في متابعات أمور لا تعود عليك باي شي واترك آلفيصل يديرون شؤونهم بانفسهم الا ان كنت منهم :(269):

رد: Silent for your right

-

مدري مين موكلك المتحدث الرسمي عنا ؟
لكن برد عليك ,

جامعتنا الموقرة ماقصرت معنا , بتقول [ منافقة ] قول ,
جامعتنا عطت كل طالب وَ طالبة [ 30 ] درجة على طبق من ذهب ,

صحيح الوصول لهالثلاثين درجة فيه صعوبة بسبب تعليق النظام ,
لكن في النهاية كل الطلاب ضامنينها وهم مغمضين عيونهم . . .

جامعتنا ترد على اتصالاتنا . . . من قآلك مايردون ؟
وَ حنا مرتاحين ومو محتاجين رايك ولا مساندتك يَ الغالي

اقتباس:

تعرفون ضحكت قالت ياليت فيكم احد مصري ولا سوري ولا تونسي كان عرف كيف ياخذ حقه

اما هذي الجملة حكاية ثانية ؟
يَ رب لك الحمد :(269):

تحياتي :wink:

رد: Silent for your right

مافيكم ولا رجال :(269):

ماادري هل اللغه العربية صارت فقيره من الكلمات التي
تهدف الى المعنى دون المساس الى الجوهر

:d5:

رد: Silent for your right

اوووووف انقلاب مره وحدة ياكافي

ليه وش صاير؟؟؟؟

احنا دخلنا الجامعة واحنا عارفين كل اللي فيها والكمال لله وحده ... ولا نقارن انفسنا بأي جامعة ... في كل مكان لا زم تلقى نقص... وبصراحة انا سجلت هنا بعد مقارنتي بعدة جامعات وهي الافضل والاقوى

نحن نطالب ببعض الحقوق

بس النتيجة الاهم هي وسيلة التعليم ... نحن طلاب وطالبات تعليم عن بعد ماراح نلقى افضل من الدكاتره اللي يشرحون لنا ... يا خي شرح فوق الممتاز

وبعدين انت جاي تبي الفتنة يعني ؟؟؟ والا وش تبي بالضبط؟؟

اذا انت طالب جامعي خلك بجامعتك ودراستك افضل لك

رد: Silent for your right

ليش يادنيا انت او انتي
احد الطلاب المنتسبين لجامعتنا
و هذا سبب اندفاعك و ثورتك العارمة
يا حرام يا مسكين رسبت تراك مو انت الوحيد
و لا ترمي اخطاءك على الغير
لكل مجتهد نصيب و الي انظلم نقوله
ما يضيع حق وراه مطالب
نحن طلاب الملتقى جامعة الملك فيصل
زي السمنه على العسل
الكل يساعد و يقدم الخير لـ كل الاقسام واضح
روح التعاون و المحبه بيننا
يا شرير انت حاسدنا

كل جامعة لها سيئات و حسنات و درب العلم
يحتاج الصبر و العزم و الاجتهاد
الي انت فاقدهم

سلام

رد: Silent for your right

اقتباس:

المشاركة الأصلية كتبت بواسطة عيون ALmaha (المشاركة 3989851)

مافهمت ولا كلمة :24_asmilies-com:

رد: Silent for your right

السلام عليكم ورحمة الله
ياشباب هذي بنت راسبة وجابت العيد
لانها جنت مازرعت

كتبت لها هالكلمتين لعل وعسى احد يتفاعل مع كلامها الغير منطقي

لكن اقول لها وبالفم المليان

جامعة الملك فيصل هي الافضل لانها تعطي كل ذي حق حقة
ولو بعد حين

صح ان فية بعض المشاكل في البلاك بورد وتاخير في الدرجات
ولكن

كل شخص اخذ حقة كاملا غير منقوص

وانا مالي الشرف اني اخذ درجات ماستحقها كزيادة او غيرها ابغى اخذ ماجنته يدي ومازرعته من سهر الليالي والجد والاجتهاد.

مادخلنا الجامعه انا واغلب الطلاب والطالبات عشان يجي احد ويدفنا درجات لان الي تفكيرة كذا ماراح ينجح ولا راح يذوق طعم النجاح

خلي الفيس بوك ونقلك للاخبار ينفعكي
بدال ماتذاكرين وتشدين حيلك قاعدة تتاملين بزيادة وخرابيط لعل وعسى
تفكيرك بدائي وحرام اصلا تكوني طالبة جامعه.

تحياتي

رد: Silent for your right

-

اقروا هالمووضووع

http://www.ckfu.org/vb/t200408.html

:biggrin: