ضرب الحبيب مثل اكل الزبيب و الا جرح في القلب عمره ما يطيب ؟

[Dark Chocolate]

المشاركة الأصلية كتبت بواسطة عبدالله الشّلاحي

سؤال في غاية الأهمية
لكن قبل الإجابة أنا عندي قناعة أن اغلب النساء ترفض الضرّة ليست محبة في زوجها .. لكن من خوف الشماته مستعده تحتمل الإهانة داخل البيت ولاتقبل نظرات الإهانة من الأخريات ..

بالنسبة لي زوج متعدد يحترم أختي أفضل من شخص غير متعدد يضربها ..
فالأولى من حقه أن يتزوج لكن الثانيه ليست من حقه ابداً .. ولن اتغاضى عنها أو امررها له ..

الله الله عين العقل
و مسألة الشماته ذي لا بد منه عند الحريم اذا على لبس ما تكرره عشان مايقولون لبسته مرتين كييييييييف اذازوجها تزوج عليها خلاص راحت قيمتها

نورت يا باشا

[Dark Chocolate]

المشاركة الأصلية كتبت بواسطة -PEARL-

-



صبآحك ورد يا وردة حيآتي اللي منوره بعد غيبه

من طول الغيبات جا بالغنايم , التاليه ذي غنآيمتس

ماعلينا نرجع لـ موضوعنا




لا ذي ولا ذي , كل وحده اردى من الثانيه

عاد انا انسانه ديني ودين الشراكه , فما بالك تجي معي مره ثانيه !!

ويصير لي ضرّه ؟

اتوقع انا بصير نفسهم .. بختار اني اتفاقع انا وياه و يرجع يرضيني عقب

ولا تجي بنت ابليس وتقعد على قلبي وتقهرني الله يقهرها ,
> تحمست هههههههههه

هلا هلا
اي شايفه غنايمي شقد چبيره
انت اصلاً اللي يشوفك ماعاد يقدر يشوف احدن غيرك
بس عاد ان الجلد عندك عادي ذي حاولي تعيدين النظر فيها يا اختس
يعني ممكن يتزوجها و يطلقها او تكون دخلتها خير عليكم و يعرف قيمتك اذا عاشرها

نورتِ جويجه

[Dark Chocolate]

المشاركة الأصلية كتبت بواسطة Ms.Solo

صباحك جوري وفل وياسمين

عندي يتزوج علي ولا يضربني لان الضرب والعنف ايا كان نوعه اشوفة شي ضد الكرامة الانسانية اللي كفلها لنا الشارع سبحانة وتعالى

وحتى عندما ذكره الله سبحانة وتعالى في قولة : ( وَاللاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلا إِنَّ اللَّهَ كَانَ عَلِيًّا كَبِيرًا ).. صدق الله العظيم

وجاء في تفسير ابن كثير رحمه الله تعالى ما يلي :

وقوله: ( وَاضْرِبُوهُنَّ ) أي: إذا لم يَرْتَدِعْن بالموعظة ولا بالهجران، فلكم أن تضربوهن ضربا غير مبرح، كما ثبت في صحيح مسلم عن جابر عن النبي صلى الله عليه وسلم: أنه قال في حجة الوداع: "واتَّقُوا اللهَ في النِّساءِ، فإنهن عندكم عَوَانٌ، ولكم عليهن ألا يُوطِئْنَ فُرُشكم أحدا تكرهونه، فإن فَعَلْن فاضربوهن ضَرْبا غير مُبَرِّح، ولهن رزْقُهنَّ وكِسْوتهن بالمعروف" .

وجاء في تفسير البغوي مايلي :

( وَاضْرِبُوهُن ) يعني: إن لم ينـزعن مع الهجران فاضربُوهن ضربًا غير مبرِّح ولا شائن، وقال عطاء: ضربًا بالسواك وقد جاء في الحديث عن النبي صلى الله عليه وسلم أنه قال: "حقُّ المرأة أن تُطعمها إذا طَعِمْتَ وتَكسوها إذا اكتسيتَ ولا تضرب الوجه ولا تُقَبِّح ولا تهجر إلا في البيت" .

هذة هي سنة المصطفى صلى الله علية وسلم اين رجال اليوم منها لما يشوهون زوجاتهم بالضرب قدام اطفالهم اويقذفونها او يسب اهلها طبعا ما اعمم لاحد يدرعم


متى راح تتأزمين لما يتزوج عليك؟؟
لما تعتقدين ان الزواج انك تنسين نفسك وتخلين حياتك كلها حصرا على زوجك
متى راح متى جا متى اكل متى لبس متى متى ..

لما تلغين شخصك وتنسين كل شي كنتي تسوينه قبل زواجك هواياتك صديقاتك دراستك شغلك كله علشان سي سيد

شي طبيعي في هذي الحالة بيفرق معك لان الوقت اللي كان مالية عليك راح تحسي بالنقص وان احد خذاه منك ويشاركك فيه لكن لما يكون اصلا انتي محتفظه بنفسك والزواج كان اضافة جميلة لحياتك فوقتك اساسا ممتلئ
وحافل بشي غير زوجك

الزواج شراكة عزيزتي وليس استحواذ

انا عندي يتزوج بالحلال بالشي اللي مرضي رب العالمين ولا انه يمثل علي انه هيمان ويروح يلعب من وراي ثم يجيب لي امراض الدنيا غير الامراض النفسية ,,
قال تعالى : (مثنى وثلاث ورباع فان خفتم الا تعدلوا فواحدة او ماملكت ايامانكم ) يعني الاصل في الزواج التعدد واستثنى ان خفتم الا تعدلوا اي اذا ما عندة القدرة على العدل يكتفي بواحدة منعا لظلم بقية الزوجات


الخوف من الناس ما راح يحفظ لي كرامتي الناس راح تتكلم بجميع الاحوال

يووووه تزوج عليها
يووووه مسكينه يضربها

بالحالتين راح يتكلمون فالافضل انك تبحثين عما يرضي رب العالمين اولا ثم مايرضيك ثم ما يرضي الناس


همسة..

الناس الان اصبحت متعلمة وواعية انه الضرب عمرة ما كان حل لاي مشكلة بين اي شخصين فما بالكم الزوجين
عدم احترام الزوجة ينشئ زواج مشوه اطفال مشوهين نفسيا وتكبر عقدهم معاهم وتستمر سلسلة العنف لاجيال في العائلة وقد تمتد لخارج العائلة لان المعنف عمرة ما كتفي بايذاء ضحيته لكن يحب يفاخر ويحرض اللي حولة على نفس السلوك علشان يخفف من عقدة الذنب وبالنهاية نحصل على مجتمع مشوه بالكامل ..



عذرا على الاطالة

يا هلا .. كلام جميل جداً ..
يعني للاسف الحريم مزاجيات اذا هي تبيه تتحمل كل شيء منه ماتقول احبه لا تقول عشان عيالي
طيب عيالك نفسياً بيقدرون يعيشون في هالجو طبعاً لا .. بس اذا كرهته تنسى عيالها و ابوهم اولى فيهم بشوف حياتي


نورت يا مس سولو

[Dark Chocolate]

المشاركة الأصلية كتبت بواسطة P e a c e

صباح الرضا والنور

ما استغربت اختيارهم الحقيقة
على قولة المصريين "علأة تفوت ولا حد يموت"

بالنسبة لي المقارنة صعبة, هالشي تقرره المرأة

لكن عموما عندي التعدد (بدون ظلم وتفرقة) ولا الضرب والإهانة

يعطيك العافية

يا هلا باستاذنا

شوف هي ماراح تفوت لان اللي يضرب مره بيضرب كل مره
و بستوطي حيطها
خلاص اهم شيء اخترتوا التعدد مثلي مافيه الا رويجه

نورت استاذنا

[Dark Chocolate]

المشاركة الأصلية كتبت بواسطة .Rosemary

...


من قال زبيب ...! ها ؟؟!
+
اتفق مع الأستاذ عبدالله في كل كلمة ..و اقولك قناعتك اللي تؤمن فيها صحيحة مليون بالمية 👍

+

أمام الكرامة مافيه خَيارات..
و اللي ترضى ع نفسها تنضرِب و بعدين يراضيها بخاتم و إلا إسوارة
تستاهل ما يجيها..حتى لو تتعوّق..

+
الجمعات النسائية اللي ماعندهم الا هالسالفتين لا عاد تجلسين معهم

هلا هلا

طيب وش اخترتي
صح اللي تعجبت منه انه يراضيها قدام اهلها يعني عندي اللي تنضرب و تسكت و يتراضون بينهم اهون من اللي كل العالم تدري عنها و ع اساس انتصرت لكرامتها بهالذهب و الا هالفلوس

تعرفين عاد ما تحلى الجلسات الا اذا كل وحده حشت بالمسكين اللي عندها



نورتِ يا جميله

[Dark Chocolate]

المشاركة الأصلية كتبت بواسطة عطرالحروف

_

ههههههههههههههههههههههههههههههههه عجبني حماسك
اريج

للبنات وش اهون عندك يضربك او يتزوج عليك ؟
امممم لايضربني ولا يتزوج كلهم صعبين
وانا من النوع الحساس جدا يعني لو ضربي مارح أجلس عنده
لو دقيقة ..
ولو تزوج نفس الشي ..
ما عندي حل وسط يا عنب وكرز يا إلى الجحيم ...
يقهروني الرجال مادري ليه اختيارهم قاسي وويوجع

الله يرزقك بالحياة الجميلة اللي مافيها خيارات صعبه يا اوخيتي


نورتِ يا عطر الملتقى

[Dark Chocolate]

المشاركة الأصلية كتبت بواسطة لمياء الفيصل

كلام جميل اوافقك الرأي

يعني عندك هـ المثل [ ضرب الحبيب مثل اكل الزبيب ]

مثل يدعونا للخضوع والاذلال للمضرة .. وعشانه حبيب تهون عليك نفسك ..


ولو كان هذا الحبيب حبيب بالفعل .. ما مد ايده وضرب او [ ضر ] الشخص اللي يحبه سواء بكلمة او موقف ..

نص امثالنا للاسف مودره
يبي لنا نسوي موضوع لهالامثال
كلام سليم 100٪‏ بس عاد انتهت الجلسه و ارتفعت حرارتي و هن مايبن يستوعبن


نورتي يا لمياء

[Dark Chocolate]

المشاركة الأصلية كتبت بواسطة .Rosemary

ي زين الحماس ...سهل الكلام ي أريج
بس وقت الجد >>إبئي آبليني بئه
لا سمح الله لو سبب لك كدمة او كسر لك يد ..راح تقولين له روح تزوج عساك ماتتهنى..!
عشان الثانيه تاخذ نصيبها من العنف بعد ..

بعيد الشر طبعا ..

وبس لئلاّ يُفهم تعليقي الأول سلباً..

خليها للحين خارج الدائرة يعني زي مايقولون ذا هرج السعه
اذا صارت الصدزيه نشوف وش يصير وقتها


-

[Dark Chocolate]

المشاركة الأصلية كتبت بواسطة عبير الوادي

هههههههههههههههههههه موضوع قمه ..

والله انا مارح أرضى بشي
بس ع حسب انا متقبله الزوج او لا
ولو كانت العلاقه قويه وجميله.. ’ انضرب ولا تجيني ضره


ووووبس

هرج السعه رقم 2
يختي اذا العلاقه جميله و قويه ماراح يمد يده اصلاً خلي عنك بس
الا اذا كان عنده انفصام بالشخصيه ذا شيء ثاني

نورتِ عبير


-

[-- yasmeen --]

المشاركة الأصلية كتبت بواسطة Dark Chocolate

السؤال الان ..
للبنات وش اهون عندك يضربك او يتزوج عليك ؟


-

صباحكم ورد
اشتقت لهالقسم بصراحه

لاذي ولاذي بصراحه كل شي اقوى من الثاني
بالنسبة للضرب ابدا مااويد الزوج يضرب زوجته مهما كان ممكن نقاش ممكن يعصب بس يده لاتمد ابد والمره تقضب لسانها

بالنسبة للزواج الشرع محلل اربع ولكن ركزو على لكن اذا فيه سبب مقنع للزواج اذا هي مقصره معه بشي اين كان يحق له لكن اذا هي قايمه بكل شي ويعرس لا والله ماينفعش كدا

اخيرا العنف عمره ماكان حل ابد

موضوع جمميل وشدني العنوان شكرا دارك الجميلة