|
كيف اسوق للمشروع بعيدا عن الاقارب ؟؟
.
السلام عليكم ورحمه الله بدات بمشروع صغير لكن ربحه ولله الحمد كبير طبعا ما بدات فيه الا بعد دراسه جدوى.. سوقت للمشروع بين صحباتي الي بمدن مختلفه لكن عند الاقارب لا لاني مو حابه يعرفون ابدا طبعا امي وافقتني ع الراي ؛ ابوي العزيز ما زال يفكر اما اخواني فما بالظروره اقلهم :16.jpg: المهيم ابي اعرف كيف اسوق لهالشي بعيدا عن الاقارب خاصة انها نسائي :060: وبعد ابي اعرف خبراتكم لو بداتم بمشاريع صغيره وكبرت ^ هههه بزر :hahahahahah: بعض المشاريع مهما قابلت اصحابها فشل يستمرون لان اول خطوات النجاح الفشل :(204): وشكرا لكل من يفيدني :004: |
رد: كيف اسوق للمشروع بعيدا عن الاقارب ؟؟
عليكم السلام ورحمة الله وبركاته
كثير مشاريع صغيرة اشوفها في وسائل التواصل الاجتماعيه مثل انستقرام ممكن تفتحين لك حسابات بإسم المشروع وتسوقين لمنتجاتك مع الإحتراز من ضعاف النفوس وربي ييسر امرك |
رد: كيف اسوق للمشروع بعيدا عن الاقارب ؟؟
..
نسيت اسال بطاقه التسوق الالكتروني تبع الراجحي اقدر اطلعها بيوم ولا ؟؟ .. اقدر اطلع بطاقه راجحي يعني يكون الحساب باسم البوتيك تبعي ولا ؟ لازم موسسه مدري وخرابيط.. لان مو حابه يكون اسمي :cheese: |
رد: كيف اسوق للمشروع بعيدا عن الاقارب ؟؟
اقتباس:
اي فتحت حساب بس متابعيني 21 بكم يوم مشكلة الكل ما يحلل احد ينشر عنده :hahahahahah: صحبتي متابعينها 12 الف نشرت لي بس لان الحساب جديد مش الكل يعمل فلو :139: |
رد: كيف اسوق للمشروع بعيدا عن الاقارب ؟؟
مع الوقت بيصير عندك متابعين
لو 10 متابعين جادين بالشراء افضل من 1000 متابع ما فيهم من يشتري |
رد: كيف اسوق للمشروع بعيدا عن الاقارب ؟؟
قواك الله ووفقك ربي
خطوة جيدة جدا ،، وياليت اقدر افيدك ،، واذا احتجتي اي شي حاضر وفقك الباري من حيث لاتعلمين |
رد: كيف اسوق للمشروع بعيدا عن الاقارب ؟؟
بالتوفيق لكن ماعندي خبرات تجاريه
مع اني حاولت ودخلت اكثر من مشروع لكن لم يكتب الله لي فيه نصيب حاولي وبالعكس المشروع الصغير ممكن في يوم من الايام يكون عملاق توكلي على الله ولازم تصبري وتتحملي جميع العقبات واذا الله كتب لك نصيب راح تحققي هدفك |
رد: كيف اسوق للمشروع بعيدا عن الاقارب ؟؟
أولآ .. عليك بإعداد خطة تسويقية تساعدك على معرفة طرق إيجاد العملاء والحفاظ عليهم وتحقيق أهدافك من خلال مواقع التواصل الاجتماعي ثانياً .. كوني لديك فكرة عن منافسيك، وتعرفي على ما يتعلق بعملهم وبإعلاناتهم أيضاً أبحثي عن المعلومات الإحصائية واستخدميها فمن خلالها ستتعرفين على سوق العمل والعملاء المتوقعين للمشروع أخيراً .. أنصحك بأن تستمتعي بمشروعك فأحد مقاييس نجاح مشروعك الصغير هو إحساسك بالفرح والإثارة عند نجاحه ونموه ولا تستسلمي أبداً إذا فشلتي في البداية ، لا تكفي عن المحاولة ويجب أن تعرفي أختي الكريمة أن كثيراً من أصحاب المشاريع الناجحة فشلوا أكثر من مرة قبل أن يحققوا ذلك النجاح الذي ترينه الآن بين أيديهم دعواتي القلبية لك بالنجاح والتوفيق |
رد: كيف اسوق للمشروع بعيدا عن الاقارب ؟؟
وعليكم السلام ورحمة الله
هلا شوجي .. اشتقت لك !!:verycute: شوفي حبيبتي .. انا فتحت مشروع من كم شهر .. كنت مندوبه لشركه .. وبعدين ماحسيت براحه .. لحد ماكسبت راس مال بسيط والحمدلله الحين وكيله لشركه معروفه .. اول شي ابعدي عن الاقارب وخلي لك رقم للتواصل مع زباينك يختلف عن رقمك تبع الاهل !! مش خوف منهم !! لا بس تجنباً للكلام اللي ماله طعم وانا مجربه قبلك هالشي .. ثاني شي مايهم عدد المتابعين .. اخلصي نيتك لله وربي بيرزقك لو من زبون واحد بس .. حاولي تتعرفي على منافسينك بس من بعيد لبعيد وشوفي كيف طريقتهم بالتسويق .. خلي حسابك نشط ولاتهملينه اكثر من يوم .. فيه حسابات كفيله بالنشر التجاري ابحثي عنها بالبرامج اللي مسجلها فيها حسابك .. الهاشتاقات تنفع :(204): مدري عندي كلام كثير .. :(107): بس اتمنى اني ساعدتك لو بشي بسيط .. دعواتي لك بالرزق الحلال ويغنيك بحلاله عن حرامه :rose: اذا احتجتي شي لايردك الا كيبوردك الجميل :5aga::tongue: |
رد: كيف اسوق للمشروع بعيدا عن الاقارب ؟؟
صباح الخير
انا لي خبره بالتسويق الالكتروني بالنسبة اذا كان شغلك نسائي فقط .. غير مواقع التواصل الاجتماعي .. ادخلي المنتديات النسائيه واقسام التاجرات فيها والبيع واكتبي مواضيع لك وتابعيها كل فتره وارفعيها كل اسبوع مره مثلا .. وضيفي فيها كل روابط حسابات مواقع التواصل الاجتماعي ورابط الموقع ان وجد عندك او مدونه والاخيره افضل تفتحيها وكثير تلقي مجاني لانه صداقاتها مع محركات البحث افضل بكثير وطبعا ارقام التواصل معك بهالشكل بسهوله للي يبحث عن خدمه تشبه الخدمات الي تقدميها يوصل لك بسرعه عن طريق جوجل .. غير طبعا ممكن لو سويتي تجربه النشر عن طريق باقات البريديه ,,, بتفيدك ايضا ومثل ما قالوا لك الاخوه لا تستعجلي كله مع الوقت يجي حددي هدفك وركزي عليه فتره وبعدها فكي ارتباطك فيه .. بيتحقق بإذن الله العبارات الاخيره تخص تطوير الذات تحياتي لك :rose: |
رد: كيف اسوق للمشروع بعيدا عن الاقارب ؟؟
الله يوفقك ويرزقك من واسع فضله
افتحي لك صفحه بالانستغرام وتويتر ضعي بالبدايه وسائل التواصل بي بي و كيك وايميل وعلي الدايركت اعملي إعلانات مثل الصحف الالكترونيه بعض المواقع والحسابات بالاننستغرام هدفا دعم مشاريع الشباب خبريهم يعلنون لك اعملي عروضات ومفاجات جائزه وسحوبات ولاتسين تستخدمين الهشتاقات |
رد: كيف اسوق للمشروع بعيدا عن الاقارب ؟؟
وعليكم السلام ورحمة الله وبركاته ماشاء الله خطوة حلوه والله يرزقك من اوسع ابوابه فكرتك خليها واضحه قدامك تخصصي بالشيء اللي بديتي مشروعك فيه لاتشتتين نفسك بأشياء ثانيه الى ان تتمكنين و تثبتين نفسك بهالعمل بعدها زيدي اشياء ثانيه اذا حابه تتوسعين اكثر بالافكار مو لازم احد يعرف شخصك من هالمشروع لا اصدقاء ولا اهل حاولي تسوقين كثيير وتتبادلين مع حسابات المشاريع الاخرى توكلي على الله بأصغر امورك وثقي انه بيختار لك طريق ينفعك وبيسره لك سبحانه في الاخير انا عندي اكاونت ومتابعيني كثير اذا حابة انشر لك من عيوني :) |
رد: كيف اسوق للمشروع بعيدا عن الاقارب ؟؟
اقتباس:
يسعدك ربي يكفيني هالدعوات من قلبك :rose: يخليك ربي خيي :004: |
رد: كيف اسوق للمشروع بعيدا عن الاقارب ؟؟
اقتباس:
انا اعشق شي اسمه تجاره :verycute: بس محال حد يعطيني مبلغ كاول تجربه لذلك بعتمد ع نفسي بهالمشروع البسيط لين اجمع مبلغ معين لمشروع في بالي اخر ويسعدك ع الدعوات يخليك ربي خيي :love080: |
رد: كيف اسوق للمشروع بعيدا عن الاقارب ؟؟
اقتباس:
كل سطر فيها فايده كبيره جد اهم شي الاستمتاع بالمشروع لاجل اعطيه باجمل صوره :004: ويسعدك ربي ويخليك :004: |
رد: كيف اسوق للمشروع بعيدا عن الاقارب ؟؟
اقتباس:
مي تو برشا برشا :004::004: ^ نسفت ام اللغه :hahahahahah: اي قد قرات سابقا بمدونتك عن مشروعك المندوبه بس احسه صعب كتير ومبروك عملك الجديد و موفقه فيه واكيد لو بحتاج شي بجيلك :060: ما انحرمش منك :004: |
رد: كيف اسوق للمشروع بعيدا عن الاقارب ؟؟
اقتباس:
الله يسعدك يا شيخه :verycute: مدري كنت مطنشه المنتديات بحكم اغلب الناس اعتزلوها يمكن الا ملتقانا :71: راح اجرب انشي مدونه ؛ او متجر الكتروني بس احس هالخطوه بدري حيل و يبيلي اقرا عنها حقت البريد شنو هاي ؟ ؛ مفكرة اعمل اعلان بشوبنق كبير عندنا بس مدري :verycute: يسعدك ربي :icon19::love080: |
رد: كيف اسوق للمشروع بعيدا عن الاقارب ؟؟
اقتباس:
امين ي قلبي ولك بالمثل عملت صفحه بالانستا ؛ بس بالتويتر لا :lllolll: حقت التواصل للحين وذكرتيني فيها :(204): راسلت حق دليل منطقتنا هو يعلن كاتب ما يعلن عن صور نسائيه طيب مو عاريه ؛ :verycute: و الهاشتاق باقي :(204): يخليك ربي :004::106: |
رد: كيف اسوق للمشروع بعيدا عن الاقارب ؟؟
اقتباس:
امين يارب ولك بالمثل اي سوقت عند صحباتي لانهم ع وجهه زواج فديتهم :004: اما الاهل لا ولله الحمد :tongue: اي اجل برسلك حسابي بالخاص :004::verycute: ي فديتك بس :004: |
رد: كيف اسوق للمشروع بعيدا عن الاقارب ؟؟
يعتمد على نوعية مشروعك غذائي -ملابس -الكتروني - دراسي
وكلهم تقدرين تسوقينهم في المدارس اذا كان مشروع أغذية لأن هذا أكبر همهم اذكر مره كنت اشتغل في مدرسة وكنت اطلب فطاير يوصلها المخبز للمدرسة واطلب يومياً لي و للمعلمات سألني اذا حابين نطلب من عندهم وهم اساساً المدرسة من وانينها ان الاطفال يجيبون معهم وجبات صحية و قلت له ماصدقني بس ما يأس يوم ثاني وانا ادفع الحساب اعطاني عينة وقال لي عطيه المدير عشان اذا حابة تتعامل معنا قلت له اوكيه وقالت لي عارفه قوانينا انتِ مانقبل بالوجبات الخارجية ولا ردت للمخبز خبر وبعض المشاغل الجديد مكياج او ملابس اذا كان في خياطه بالمشغل وتسوقين لأعمالك عندهم مجاناً و تعطينهم عينة دعاية وفي صالة السيف يسوون معارض للأسر المنتجة كذا واحدة من اللي كنت اشتغل معهم سووا لهم معرض و اشتهروا بروشور اعرضي فيه أعمالك مع إرفاق صورتين او ثلاث و أهم شيء الكروكي الخاص بموقعك او طريقة التواصل سوي لك كرت اعرضي فيها اسم المحل و الايميل والتويتر و الانستقرام في سيدات أعمال عالانستقرام تقدرين تستفيدين منهم و تتواصلين معهم بالواتس وقلوبهم شرحه مررره اذا سألتيهم عن تجاربهم و انتاجهم و كيف تطور ؛المرأة بحد ذاتها اذا سألتيها بتقول لك كيف بدأت و كيف نجحت مارح تبخل معك بإذن الله بالتوفيق ان شاء الله |
رد: كيف اسوق للمشروع بعيدا عن الاقارب ؟؟
ما شاء الله تبارك الرحمن :004: أسأل الله انه يوفقك ويبارك لك في مشروعك ويكون فاتحة خير عليك يارب، أنا للأسف ما عندي هذيك الخبرة بالمشاريع وإدارتها؛ لكن لا تنسين الصدقة ترى هي تبارك في الرزق والمال. :icon1: |
رد: كيف اسوق للمشروع بعيدا عن الاقارب ؟؟
الله يوفقك شجون ..مثل ماقالو الاخوان ضروري تفتحين صفحه بالانستغرام وتويتر ""مواقع التواصل الاجتماعي كولها حاولي تسوقين من خلالها اتمنى لك التوفيق والنجاح:004::106:
|
رد: كيف اسوق للمشروع بعيدا عن الاقارب ؟؟
ماشاء الله عليكم قلبتوها تجارة
.......................................... انا اعتقد اي شي في الدنيا يمكن واكيد ان يتحقق اذا توفرت حالتين هما : (الرغبة والشوق ) |
رد: كيف اسوق للمشروع بعيدا عن الاقارب ؟؟
انا اختي الصغيرة اخصائية وعملت مشروعها للأهالي المحتاجين دورات او منشورات كيف يطورون اطفالهم ذوي الاحتياجات الخاصة وبدأت بالانستقرام على مصغر والان ماشاء الله دول الخليج يطلبونها........
الله يوفقها يارب ونسيت اقولك انه مايدري احد عن مشروعها الا احنا يالاخوات فقط حتى الاخوان مايدرون ولا الاقارب ماله داعي الكل يدري :sm4: |
رد: كيف اسوق للمشروع بعيدا عن الاقارب ؟؟
شجونه موفقه حبيبتي
انا سبق وجربت التجاره قبل كم سنه وبالفعل صراحه نجحت وكسبت كثير بس ضروفي ماساعدتني وتركتها كلام الاخوان الي سبقوني كله صحيح راح ازيد عليه حاجات بسيطه نصيحتي لك اولا لاتستخفين بالمنتديات ..اعرضي بضاعتك فيها لان فيه ناس مايتعاملون مع الاستقرام وهالاشياء ثانيا اكتبي رقم عشان يسهل التواصل معك لان كثيييير من الطلبات الي كانت تجيني كانو يسوون بحث في قوقل واذا شافو الرقم طلبو ثالثا حطي لك حساب في بنك الراجحي والاهلي والرياض الا اذا احد من اهلك عندهم هالحسابات راح يسهلونها لك لان فيه ناس يقولون مانحول الا على بنك معين انا بصراحه كنت افضل الطلبات الي تكون من برى مدينتي لاني اشحنها وخلاص طبعا اسهل لك حددي يوم او يومين للشحن اتمنى اكون افدتك واي سؤال انا حاضره (اسلوبك وطريقتك في الكلام نفس اسلوب اختي الصغيره عشان كذا حبيتك) :106::106::106::106: تقبلي مروري |
رد: كيف اسوق للمشروع بعيدا عن الاقارب ؟؟
حياك وجعلك على القوه
المشاريع كثيره الي تنشاف هالايام ,, من خلال خبرتي اول شي تحددين الشريحه المستهدفه للمشروع وبعد كذا يمكنك التوجه لمواقع التواصل الاجتماعي أو مركز رسائل تقدرين ترسلين عليه رسائل تسويقيه بالمنتج الخاص بك على ارقام عشوائيه وبالنسبه للارقام تقدرين تطلعينها على مقسمات يبدا من 0500الى 0509 مع تمنياتي لك وللجميع بالتوفيق |
رد: كيف اسوق للمشروع بعيدا عن الاقارب ؟؟
ما شاء الله الاخون والخوات مابقو لي شي أٌقولـةة ..
بس إني حبيت أتمنى لك التوفيق بـ / تجارتك .. :rose: :004: |
رد: كيف اسوق للمشروع بعيدا عن الاقارب ؟؟
أهلين شجوون …
ربي يوفقك ويفتحـ لكـ بآآب الرزق … قبل أي شيء توكلي على الله وحددي خطتكـ سواء لسنه كامله أو لأشهر .. ولا تندفعي بقوووه ولا تنصدمي لو ما حققتي الربح اللى تبينه بسرعهـ … التسوويق موب لازم بالأقاارب أبداً عندك موآآقع اعلانات وعندكـ انستقراام برضووآ وهذه ما سويته بفترة من الفترات في تجارتي اللى وقفتها غصب خخخخخ .. لكن التسويق بعد ما ترتبي لك صفحه من إلى وتبدأ الشغل بشوي وقتها تسوي تسويق تكوني كسبتي معرفه أكثر ورتبتي أموركـ أكثر … أهم شي الصبر في التجارهـ وتوقع الخساره قبل الربحـ ودائماً من يبدأ بتجاره ما يفكرون بالربح على الأقل خلال ثلاث شهووور .. بالتووفيق وأن شاء الله ما نقصر بالإستشارات :) تحيتي .. |
رد: كيف اسوق للمشروع بعيدا عن الاقارب ؟؟
استغفرالله واتوب اليه
|
رد: كيف اسوق للمشروع بعيدا عن الاقارب ؟؟
السلام عليكم ورحمة الله وبركاته
حبيت الموضوع انا شفت كثير في الانستقرام يتاجرون بكل شي وحبيت اكثر فكرة التوزيعات يعني فيها ابتكار وتصميم اشياء جديده ومميزه بديت ادرس المشروع واشوف التاجرات ايش عندهم وبكم يبيعون شغلاتهم شفت طريقة التوزيعات في النت بديت وحطيت لي كم صورة في الانستقرام وقلت بسم الله نبداء في البداية ماكنت اعرف اسوي تاق لصوري ماكنت عارفة كيف انشر بس كنت اضيف تاجرات وشوي شوي صرت اسال قوقل طبعا هو مايقصر كانوا كثير يسالون بكم سعر هذي وكذا بس ماطلبوا طبعا في البداية يعني قبل 3 اسابيع:biggrin:واخيرا جاتني طلبية من برا السعوديه فرحت كثير :5aga:طبعا الزبونه طلبت كميه وطلبت نفس تصميم انا مسويته بس غيرت الالوان وبديت اشتغل الغلط اللي طحت فيه اني ماحسبت حساب الطباعه الطباعة لحالها كلفت اكثر من 300 ريال غير المشاوير غير الشغلات اللي ازين فيها العلبة اللي انا مسويتها وماعرفت احدد سعر الاشياء اللي انا اصممها فلما بديت الشغل والطباعة وكذا صارت مصاريف الشغل اكثر من القيمه اللي انا حددتها لها:(269):يعني خاسره خاسره بس قلت بما انها اول طلبيه يلا نمشيها منها تكون اعلان ومنها درس وتجربه ولما قلت للزبونه حولي لي المبلغ قالت ان البنك سالني عن بياناتك واسمك باالكامل انا صراحة خفت لاني ما اعرف وهذي اول طلبيه او انها بتجي السعوديه واقابلها واسلمها الشغل بليز علموني كيف اتصرف ودي اعرف مطابع تساعدني في الطباعه لان الحبر غالي :Cry111:ودي بعد اعرف مندوبين يساعدوني بالتوزيع لو جاتني طلبيه :sdfgdsf: نجي للنقطه الاهم الاقارب لايدرون خطوط حمر من هنا للسماء لاني قبل فتره صرت ابيع شغلات حلويات وشيبس وعصيرات في حارتنا المشكله صارت الحاره كلها تبيع لاتستغربون الحاره كلها قرايبنا:oao::hhheeeart4: وبعدين قلت خلي الحلاو والشبسات اعرف شوي بالصوف وبديت اشتغل فيها وابيع شوي الا جاو لي وهم جايبين صوف يقولون الصوف علينا وانتي عليك الشغل وبالنص الارباح:007: فعلا لا يدرووووووووون |
رد: كيف اسوق للمشروع بعيدا عن الاقارب ؟؟
سوي حساب تويتر وادخليه وتابعي فيه كل يوم ٤٠٠ ولمده اسبوع او اسبوعين بيكون عندك عدد طيب في الاخير
ومنشني الناس الهوامير او الممثلين مثل فايز المالكي او الاعلاميين مثل بتال القوس. اي ريتويت منهم بيجيك فولورز بالهبل واكتبي بالهاشتاقات الجديده واللي فيها تفاعل وغير كذا عندك حسابات تعلن لك بفلوس مثل حساب هاشتاق السعوديه الريتويت الواحد يمكن ب ٥٠٠ غالي لكن كل الناس تتابعه وبكذا توصلين لشريحه كبيره وسوي حسابات فولو وفولو باك يعني شغلتك تتابعين الناس. واذا كثر عدد متابعينه تسوين لحسابك اللي فيه تجارتك دعايه ^_* <هالخطوه تصلح لتويتر والانستقرام تحياتي ^_^ |
رد: كيف اسوق للمشروع بعيدا عن الاقارب ؟؟
+
اشتري متابعين لحسابك طبعا بيكونون وهميين مجرد رقم بدون تفاعلات لكن اي زبون بيفضل التعامل مع تاجره لها متابعين كثير ع تاجره متابعينها قليل مسألة ثقه لا اكثر |
رد: كيف اسوق للمشروع بعيدا عن الاقارب ؟؟
اقتباس:
غلطتك ما حسبتي حساب الطباعه لانه ملون ويكلف كتير عملت ثيم لحلفله ولد اختي كانت للكوب كيك والبوب كورن وشغلاات بسيطه وتقريبا كلفها حول خمسين ريال طبعا هي طبعت اظن عشرين ورقه وكآنت الورقه بيها التصاميم كلهآ وبس جلسنآ نقصقص فيبه كآن متعب هههههه.. آول فكرت بهالمشورع تميت اسبوع وانسحبت .. بس اذا شغلك مميز وهيك بيكون مربح كتير خآصه توزيعآت الموآليد .. - بخصوص البنك اكيد لازم تعطيهآ لو اسمك الاول والاخير .عشان تحول لك .. والافضل لك ..خدي عربون متلا بيكون حسآبهآ كله 500 ريال خليهآ تدفع عربون 250 ..او تدفع كامل المبلغ ويكون الارسال ع البريد لانه رخيصَ ,,حطي رقمهآ و اسمهآ ومدري شو باقي :(204): بس كتير اشوف بنات بهالمشروع يطلبون دفع اول منهآ يشترون الاغراض ومنهآ الربح وروحي لمحلات الجمله بمنطقتك ..آزين |
رد: كيف اسوق للمشروع بعيدا عن الاقارب ؟؟
اقتباس:
آنا اللحين بحسابي الانستآ كل يوم آتابع بس اخاف اتجاوز الحد المسموح ويبلكني الانستغرام :verycute: بس شغله الفلو والمتابعه بالتويتر احسهآ تتعب كتير :verycute: الا ادا فيه حدن ثقه بيساعدك .. متشكر ليك :rose: |
رد: كيف اسوق للمشروع بعيدا عن الاقارب ؟؟
بلتوفيق لك
|
| All times are GMT +3. الوقت الآن حسب توقيت السعودية: 04:04 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام