|
إلى عمادة التسجيل ............... مع التحية ؟ !
السلام عليكم ورحمه الله اتمنى من كل انسان يقدر يساعدني انه مايبخل علي بالمساعده مشكلتي: انا من اهل نجد ونسبتي 97,53 % قدمت على جامعه الملك فيصل فرع الاحساء كلية التربية تخصص (تربية خاصه) ودخلت أختبار القبول وقدمت الافضل قدمت على الدفعه الاولى لكن للأسف ارسلتلي الجامعه ( نعتذر عن القبول ......الخ ) و قدمت على الدفعه الثانيه وارسلتلي الاعتذار مع العلم ان صاحباتي نسبتهم اقل من نسبتي ( دون التسعين ) ولا قدموا الاختبار ( اختبار القبول ) <<<< لكن الواسطه تلعب دووووووووور ودخلوا الجامعه بالقسم اللي يبون اناشد كل مسؤول ان يتقي الله ويشوف من اولى بالتقديم واولى بدخول الجامعه يا خساره على الايام اللي راحت وتعبت فيها نسبتي الكل يحلم فيها هل ذنبي اني نجديه او بالاصح سنيه ؟؟؟؟؟؟؟؟؟؟؟؟؟؟؟؟؟ حسبي الله ونعم الوكيل ................. |
رد: إلى عمادة التسجيل ............... مع التحية ؟ !
اقتباس:
وعليكم السلام ورحمة الله وبركاته ,, اقتباس:
مشاء الله نسبة ممتازة ,, وتمام دخلوك الإختبار ., اقتباس:
إن لله وإن إلية راجعون ,, اقتباس:
هم إن لله وإن إلية راجعون ,, اقتباس:
الكل يعرف ان الواسطه لاعبه لعب في الجامعات ,, اقتباس:
اختي والله انا مالومك لكن الكلام اللي تقويلينه خطير ’’ وعلى فكره الجامعه فيها كوادر كثير من السنه وهم من الشيعه ,, وكلا الطائفيتن يقولون الواسطه عند الطائفة الثانية ,, ونسيتي شيىء ان الواطه ماتعرف سنه او شيعه ,, الواسطه واسطه .. وعلى فكره جامعة الملك فيصل تفضل طالبات الشرقية على اهل نجد وانا اعرف بنات كثيرة نسبهم 99 و 98 مانقبلوا فياأختي لاتقذفين احد ؟ وشكراً لك |
رد: إلى عمادة التسجيل ............... مع التحية ؟ !
اقتباس:
مرحباً بك أخي واشكرك على سرعه الاجابه لكن اين القذف..........؟! انا ماقذفت أحد لكن حبيت ابين حرقه قلبي صح الواسطه تلعب دور لكن مو لهذي الدرجه نسبه ممتازه زي ماتقول واختبار قدمت طيب وش الخطأ ؟؟؟؟؟ شكراً لك Mjaaree7 |
رد: إلى عمادة التسجيل ............... مع التحية ؟ !
اقتباس:
السلام عليكم اختي العزيزة لك الحق انك تبردين قلبك لاتكن لاتحددين اي شخص وكما قلت ان بعض الظن اثم كيف عرفتي انهم مايقبلون الا شيعه وكمان من الشرقية .. ياأختي مثل الرياض الأولية لبنات الرياض هم الشرقية الأولية لبنات الشرقية وإن شاء الله تنقبلين وتفرحينا بقبولك إن شاء الله ,, |
رد: إلى عمادة التسجيل ............... مع التحية ؟ !
انا لله وانا اليه راجعون
قدمي خطاب الى عميد كليه التربية لان هناك دفعه اخيره على مااظن وهي المستثنى وهى اخر دفعه تتم في نهايه التسجيل لايوجد تفريق بين اى مناطق ولا طوائف اعرف طلاب من الاحساء في كليه ابها وجامعه عبدالعزيز وكذالك سعود وهم من الاحساء وليس في الامر تفرقه بين الطوائف اسعي بالموضوع لاتوقفي وانشاء الله تتوفقين |
رد: إلى عمادة التسجيل ............... مع التحية ؟ !
اقتباس:
مرحبا اخي أنا ماجبت طاري الشيعه بكلامي http://www.kfus.org/vb/images/icons/icon7.gif ولا اقصد الشيعه بتااااتاً أنا اقصد فئه أخر وانا بعيده عن الطائفيه انا نجديه الاصل حساويه الولاده والمنشأ العذر والسموحه منك ان كان بكلامي ما يسئ ...؟ |
رد: إلى عمادة التسجيل ............... مع التحية ؟ !
اقتباس:
مرحباً اخي محمد ربما لا تكون طائفيه ولكن واسطيه اتمنى توضيح الامر اكثر بالنسبه للدفعه المستثنى ..... تقبل تحياتي ..... أختكم / مجاريح |
رد: إلى عمادة التسجيل ............... مع التحية ؟ !
مجاريح عزيزت ي..
اصبري الى الدفعه الثالثه .. لأن فيه اكثر من دفعه تطلع ,, واذا ما فيه امل .. شوفي نظام الشواغر للطالبات والطلاب .. والله اني اتمنى لك التوفيق ... واذا كان قصدك انهم ما اقبلوك لأنك نجديه .. فأنا ما اشوف ان ذا صح .. لأن هم ما يقبلون على الاصل .. يقبلون على انتي باي منظقه ساكنه .. يعني اللي بالحسا وسجلو بجامعة الملك سعود اغلبهم ما انقبلوا ,, ليه ! لأن الاولويه لطالبات سكّان الرياض و و و بس واتمنى لك التوفيق .. |
رد: إلى عمادة التسجيل ............... مع التحية ؟ !
اقتباس:
حرام و الله ما يقبلونك .. نسبتك ترفع الرااااس و مسكتة بعد !!!:000: انتي ما طلبتي طب عشان يرفضونك ... اممممممممممم لو بحثنا عن أسباب أو بالأصح مبررات .. ممكن يكون لبنات الشرقية أفضلية على غيرهن .. و هذا الي حصل لأغلبية و ممكن كل بنات الشرقية لما سجلن في جامعة الملك سعود و ما انقبلن .. على فكرة .. كلية التربية في جامعتنا تضع الأولوية لخريجي و خريجات القسم الأدبي على القسم العلمي بس تبقى درجاتك مسكت للكل !!! اقتباس:
درجاتك فوق فوق .. و ترفع الراااس بس المشكلة في الأساس محدودية المقاعد الدراسية و فوق أمور ثانية تتحكم في القبول مثل الواسطة و المحسوبيات .. اقتباس:
مستحيل يكون القبول لدواعي طائفية أبداً .. بالعكس أحنا كلنا أخوان و أخوات .. لنا رب واحد و دين واحد و نبي واحد و قبلة واحدة يكفي أن كل هالأمور تجمعنا تحت مظلة واحدة .. هي الإسلام :119: |
رد: إلى عمادة التسجيل ............... مع التحية ؟ !
اقتباس:
ياسمين مرحبا بك اختي صراحه انا مرررررررررررره ضايق صدري مدري وش اسوي واتمنى ان المسأله مو بالاصل والطائفه لان صراحه صعبه اروح للرياض عشان ادرس مجرد اني من أهل نجد حتى لو أقدم على جامعه سعود بيقولون الاولويه لبنات الرياض انا من سكان الاحساء ؟!؟! انتظر الحل منكم اخواني ............................. :011: |
رد: إلى عمادة التسجيل ............... مع التحية ؟ !
اقتباس:
مرحبا اخي اشكرك على الاخلاق الراقيه واتمنى انا المسأله ماتتعدا سوء فهم ..........؟! لان فيه بنات نسبتهم بالثمانينات ولا دخلوا اختبار القبول وقبلوا بالجامعه ؟؟؟؟؟ اقتباس:
وبالمناسبه انا قسمي ( أدبي ) يعني كل الشروط متوفره ؟؟!! اشكرك اخي بو أحمد أعيد وأكرر ياليت اللي يقدر يساعدني ما يبخل علي لو بالنصيحه أختكم بحاجه لكم :011: مجــــــــــــــــــــ Mjaaree7 ـــــــــــــــاريح |
رد: إلى عمادة التسجيل ............... مع التحية ؟ !
يا حبيبتي يا مجاريح
انا مالومك اذا انتي تضايقتي .. لأن انا اعرف بنت قسماً بلله يا مجاريح انها جايبه 99 بس ما نقبلت في الجامعه .. وكثير وكثير وكثير ,,, ....................... خليني اقولك شي .. تدرين سبحان الله انا نسبتي نفس نسبتكـ بالضــبــط 97,53 بس اني ما رحت للجامعه وسجلت فيها ,, لأ رحت للكليه ,, ليه ! .؟ لأني كنت عارفه ان الجامعه تقبل على ( المزاااااااج ) فــ رحت لكلية التربيه الادبيه احسن .. المهم ... امرنا مو ذا ,, ,,, اسمعي.. انا وحده من صديقاتي سجلت بالجامعه ونسبته 94 بس ما اقبلوها وقلت لها تجي بالكليه وسجلت بالكليه عن طريق البانر اللي كانوا هم حاطينه للطالبات اللي اكثر من 90 والحمد لله انقبلت في الكليه انصحك انك تشوفين لك طريقك في نظاااام الشواغر ( عساه بس ما يكون اخر طريق ) ... بس شوفي لا تقعدين انتي كيذا ,, يعني اذا شفتي كل الابواب مسكره ( وان شاء الله ما تسكر ) شوفي لك اي مكان ثاني ,, الجامعه العربيه المفتوحه الاكاديميه الكنديه حتى كلية التقنيه اي معهد اي اي شي ,, و و و و بس والله هذا اللي عندي وانا اسفه جدا اني طولت بالكلام وشكرا |
رد: إلى عمادة التسجيل ............... مع التحية ؟ !
مرحبا0
صراحة انا يامجاريح تعاطفت معاك كثييييييييير وحاسة فيك ياقلبي تدريين ليه حاسة لاني ساكنة في الاحساء وانا من نجججد واشوف كيف العنصرية باهل الاحساء وبالذات على اهل نجد ليش مدري طبعا مو كلهم بس الاغلبية يعني لكل قاعدة شواذ يمكن يرجع السبب لتعدد الطبقات والطوائف اقولكم موقف على سبيل المثال (ابوي راح يسجل اخوي الصغير في حلقه من حلقات المسجد ولكن انصدم ابوي من رفض الامام بحجة اكتفاء المسجد بعدد من الطلاب 00 راح ابوي وكلم رجال من جماعة المسجد عشان يتوسط واستطاع بكل سهولة تدخيلة ) لييييييييييييييييش رفض الامام لان ابوي نجدي ووهابي و انا مااطعن باهل الاحساء بالعكس فيهم صفات كثيرة حلوة بس الله يهديهم على العنصرية الزايدة عن حدها اسال الله لك التوفيق |
رد: إلى عمادة التسجيل ............... مع التحية ؟ !
عزيزتي ..
انا بقولك سالفتي وان شا الله تستفيدي .. انا نسبتي 96% . قدمت حاسب الي واعتذرت الجامعه عن قبولي بعدين قدمت في الشواغر قسم كيميا علق الطلب يعني اذا فتحت البانر يطلع الحاسب وربي بكيييييييت لين قلت بسس ورحت الاربعا للكليه قالو ما ندري شوفي الى الخميس بتنزل دفعه جديده للاسف انا كاطلع لي شي .. رحت الكليه يوم السبت وقلت عن سالفتي كلهاااااااا قالت حرااام نسبتك حلوه وتدخلك اللي تبين بعدين قالت ان الكيميا اكتقى وخيرتني بيين الاقسام واخترت فيزياء واخذت اسمي ورقم السجل المدني .. يوم جا يوم السبت الساعه 11 ونص جاني اتصال من الاحسا من الكليه وثال ان الكيميا اكتفى واخترت فيزيا وقال الاحد بتطلع النتيييييييجه على البانر طلعت يوم الاحد لكن الجامعه تعتذر عن قبولك ... انا هنا اعلنت استسلامي .. جلست ابكي ولا اكلم احد يعني من جدددددددد قهرر يوم الاثنين راح اخوي واخذ شهادتي للدكتور اتوقع سعد الحريقي في جامعة الملق فيصل بالدمام قال تدخل القسم اللي تبييييييييييه حرام نسبتهااااااا حلوه واخذ بياناتي وفعلا الظهر كتبوا لي مبروووك تم قبولك ... انصحكم يابنات اللي نسبتها فوووق التسعين او حتى اقل بشوي ترووح للدكتور الحريقي والله ان اخوووي يقوووول ماشاء الله رجال محترم والنعم فييه .. بنات الحقووووو لا تضيعووون على انفسكم .... مصقووعه |
رد: إلى عمادة التسجيل ............... مع التحية ؟ !
???????????????????
|
| All times are GMT +3. الوقت الآن حسب توقيت السعودية: 11:20 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه