|
اهل الدمام طلبتكم
صباح الخير
شلونكم؟؟؟ حبيت اسأل بنات واولاد الدمام اذا تعرفون سكن طالبات خاص زين ومميزاته حلوة يعني من ناحية المكان والخدمات من ناحية المواصلات والنت وهالأشيا وياليت لو تزودوني بالأسم والرقم اذا ممكن وراح اكون شاكرة لكم :119: مع تحياتي: ريــــم |
رد: اهل الدمام طلبتكم
راح تدرسين هنا
قصدي بالفيصل فرع الدمام ؟؟ |
رد: اهل الدمام طلبتكم
اي حتى اني ابغى سكن:222g:
|
رد: اهل الدمام طلبتكم
أيوااا يا Dr.nlp رايح تدرس ريم في كلية التمريض أتمنى أشوف فزعتكم يا أهل الدمام |
رد: اهل الدمام طلبتكم
الله يوفقها يارب
بس لو اعرف كان ماقصرت اتمنى لك التوفيق وتحصلين لك سكن قريب من الجامعه |
رد: اهل الدمام طلبتكم
وأنا كمان أبغى سكن :cheese:
|
رد: اهل الدمام طلبتكم
مشكورين والله
وبصراحة وهقة اغلب الشركات المعروفة الي اهم السالم ونجمة الرضا والحمادي ما عندهم فرع في الدمام والسالفة يبيلها تحووس عدل الله يعين الجميع :011: |
رد: اهل الدمام طلبتكم
والله ياأختي ريم كان بودي أساعدك
أنا سألت بس ماحد يعرف إذا عرفت مكان زين بعطيك خبر بالتوفيق إنشاء الله :praying: |
رد: اهل الدمام طلبتكم
بس عندي سؤال ؟؟؟؟؟؟؟؟؟
ليه ماتسكني بالخبر موأحسن |
رد: اهل الدمام طلبتكم
يعني في سكن زين في الخبر؟؟؟
انا قلت اذا في مكان قريب من الدمام حيل حيل اوكي ماكو مشكلة تعرفين مكان بالخبر؟؟ |
رد: اهل الدمام طلبتكم
حبيبتي ريم أنا ساكنه بالخبر
ويوم رحت الجامعة روحة وجيه كانت المدة أقل من 10 دقايق أنا مستغربه أنهم قالوا بالدمام لأن الجامعه بحي أسمة الراكه وهي بالخبر مو بالدمام نحنى ساكنين فيها :cheese: لمن تجين عندنا راح تستوعبين هذا الوضع :119: ولا تخافين في عمارات سكنيه هناك إن شاء الله بسأل لك وبعطيك خبر وإن شاء الله في مكان لك لأن فيها ضرب نعل بسبب قرب الجامعه :003: :119: وإذا جيتي عندنا عطينا خبر علشان نقوم بالواجب :119: |
رد: اهل الدمام طلبتكم
شوفي ريم بالبداية بعطيك رقم المجمع السكني التابع لجامعة الملك فيصل
لأن حتى بنت خالي ساكنه هناك وإنشاء الله ما تواجهين أي صعوبه 8140155 وإذا دقيتي من الحسا لاتنسين تدقين بالبداية ( 03 ) علشان مفتاح المنطقة بس لازم تروحين لعند مشرفة السكن أسمها ( رباب عبدالهادي ) بالعماده أول شيء بعدين تتصلين عليهم لمن تأخذين الموافقة على السكن في المجمع السكني وتراجعين عندهم طبعاً هذا إذا بقيتي أقرب شيء بس إذا ما نفع في شقق مفروشه مثل مجمع الفلق السكني هاتف: 03 8574017 فاكس: 03 8577032 عبري فيه لين أدور الحين بس أغلبية السكن عندنا :mh19: بيوت في كمبونات أو دوبلكسات يعني حق عيلة وفنادق أو شقق فندقية بس شوفي الشهر بكم :s12: ما يسوة عليك ومازلت أدور عن شقق عادية لعزاب :cheese: يعني للأحتياط بس إذا دورتي حاولي ما تبعدين عن هذول الأحياء حي مدينة الملك فيصل الجامعيه بالدمام حي الصفا بالدمام حي الفنار بالدمام حي الحسام بالدمام حي السيف بالدمام حي الخالدية الجنوبي بالدمام حي الراكة الشمالية بالدمام حي الراكة الجنوبية بالخبر حي قرطبه بالخبر :lllolll: تعالي عندي حي المدينة الرياضية بالخبر الظاهر بعت :mh35: يمكن أبعد حي ما يأخذ 10 دقايق إلا وأنتي واصلة لاحظتي العفسة هذي قسموا الراكة لقسمين عطوا نصها للدمام والنص الثاني للخبر علشان يقولون جامعة الملك فيصل بالدمام :t5: وإذا تبين تسألين عن السكن أتصلي على الأستعلامات 905 وأطلبي اللي تبين وفي موقع جنان مررررررررررررررره اللي تبين منه تأخذين http://www.eastmaps.net/ar/viewer.htm يوصلك بالخريط ما عليك إلى تكتبين المدينه بعدين الحي حتى إذا بقيتي شارع معين راح يعطيكي أياه وأتمنى إني أفتك :s17: والله يوفقك :d5: |
رد: اهل الدمام طلبتكم
طموحة :d5: |
رد: اهل الدمام طلبتكم
مشكووووووووووووورة حبيبتي
كل كل الشكر والله يعطيج الفين عااافية وهذا بجرب وبقعد احوس بعد مادري شلون اشكرج بعد روحي :d5: |
رد: اهل الدمام طلبتكم
اقتباس:
بتنورين الدمام والخبر :222g: |
رد: اهل الدمام طلبتكم
الأخت طموحة ماقصرت
الله يعطيك العافية أختي ريم بالتوفيق انشاء الله وإنشاء الله تحصلين على سكن بسرع حلو ومريح وقريب |
| All times are GMT +3. الوقت الآن حسب توقيت السعودية: 08:36 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام