|
مدري كيف وضعي و مدري من وين أبدا ):
السلام عليكم ورحمة الله وبركاتة ~
كل مافي الموضوع انا قدمت العام على كل الجامعات الدمام و انقبلت بالخفجي مو رغبتي الاولى المهم انقبلت وانا ساكنة بالدمام و لا عندي احد يوصلني و لا اقدر اسكن هناك المهم طلبت تاجيل ترمين والحمدلله تم والحين بدت السنه الجديده ولا عارفة وش اسوي ؟ لاني ماراح اداوم :44: وش الحل ؟ افصل واسجل السنه الجايه ؟ *بس اخاف ماانقبل* طيب الحين اقدر اسجل الفصل الثاني تعليم عن بعد ؟ يعني افصل و اسججل * تعليم عن بعد * ولا لازم من بداية السنه ؟ راح الوالد لهم يعني اذا فيه امكانيه ينقلوني لدمام المهم قالوا لازم تدرس في الخفجي على الاقل اسبوعين ): طبعا ماقدرت اروح للخفجي طبعا عارفين المسافة بين الخفجي والدمام ): الله يوفقكم ساعدوني عطوني حلول وش اسوي ؟ مانيب عارفة اسال مين ولا اروح لمين :36: تعبت من التفكير :40: :1::16: |
رد: مدري كيف وضعي و مدري من وين أبدا ):
وعليكم السلام .. :16:
اذكري الله اولا من وجههة نظري .. قدمي ع الترم الجاي عن بعد وكملي سنة .. << سجلي باداراة اعمال :30::27::1: واذا من جد بخاطرك تدرسي انتظام بالدمام اوو ماجاز لك الوضع سوي معادلة مواد مع تقديم لجامعه بالدمام ووسلامتكك :29: والله ويوفقك :29::16: |
رد: مدري كيف وضعي و مدري من وين أبدا ):
^ لاإله الا الله :1: الله يسعدك زي ماسعدتيني ب ردك :16: اقتباس:
الحين سؤالي اقدر اسجل على بداية الترم ؟ ولا لازم من بداية السنه الجديده لاني كنت بسجل انتساب قالوا لازم بداية السنه بس التعليم عن بعد مثله ولا عادي اقدر ابدا من الترم الثاني اقتباس:
كيف ! اشرحي لي على السريع اذا ماعليك أمر :34::3: |
رد: مدري كيف وضعي و مدري من وين أبدا ):
اقتباس:
بالتوفيق .. :16: |
رد: مدري كيف وضعي و مدري من وين أبدا ):
اقتباس:
طيب الحين لو سحبت ملفي من الدمام و قدمت عن بعد لجامعة الملك فيصل يجي ؟ بعدين ماروح للكلية صح كل شيء عن النت الا وقت الاختبارآت صح ؟ جزاك الله كل خير ام عمر :1: |
رد: مدري كيف وضعي و مدري من وين أبدا ):
^ ما عندي علم بأنظمة جامعة الدمام .. اي لما تسحبين ملفك من جامعة الدمام وتقدمين في جامعة الملك فيصل يقبلونك إن شاء الله .. صحيح كل الشغل على النت إلا أيام الإختبارات تروحين مركز في نفس مدينتك تختبرين فيه .. :29: |
رد: مدري كيف وضعي و مدري من وين أبدا ):
وويسعدك يارب :1: ^_^
تقدري تسجلين بجامعه الملك فيصل لترم الثاني % اقصد بالمعادلة المواد .. لازم تكوني مخلصة سنة ع الاقل .. عشان تقدرين تعادلين وتحووولين لجامعه ثانية |
رد: مدري كيف وضعي و مدري من وين أبدا ):
بجامعه الدمام يفتح التسجيل بالتعليم عن بعد كل سنه فقط ..
وفيه تحويل للانتظام اذا استوفيتي الشروط |
رد: مدري كيف وضعي و مدري من وين أبدا ):
+ جامعه الدمام - تعليم عن بعد مافيه معادله مواد
|
رد: مدري كيف وضعي و مدري من وين أبدا ):
الله يرزقكم و يفتح لكم ابواب الخير :1: بس وش تشورون علي ؟ اسجل من الترم الثاني في جامعة الملك الفيصل ؟ ولا اريح هالسنه واسجل السنه الجايه في جامعة الدمام انتظام واذا ماقبلت انتساب واذا ماقبلت عن بعد ولا عندكم حلول ثانيه ؟ جامعة الملك فيصل اخاف اذا سجلت فيها لازم في البداية اروح لهم ولا ؟ |
رد: مدري كيف وضعي و مدري من وين أبدا ):
وافية الله يسعد قلبك
الحين ادارة الاعمال وش تدرسون فيه بالضبط احسه صعب احس فيه معادلات و لخبطه ولا :42: |
رد: مدري كيف وضعي و مدري من وين أبدا ):
^ لا ابد ما تروحين لجامعة الملك فيصل ولا شي .. كل شي تسوينه من بيتك ..:29: عندنا التخصصات الآتية إختاري منها وأنصحك بالدراسات الإسلامية ..:27: كلية الآداب وتشمل :: 1/ الدراسات الإسلامية .. 2/ اللغة العربية .. 3/ علم الإجتماع .. 4/ اللغة الإنجليزية .. 5/ التاريخ .. 6/ الجغرافيا .. / وعندنا كلية إدارة الأعمال .. - استخيري وربي يكتب لك الخير .. :16: |
رد: مدري كيف وضعي و مدري من وين أبدا ):
اذا تبين تتسلين هالسنه سجلي بجامعه الملك فيصل او بمعهد تقضية وقت لا اكثر . .
/ واذا بدأ التسجيل للانتظام بجامعه الدمام سجلي واذا مانقبلتي سجلي عن بعد مانصحك تسجلين انتساب الافضل تعليم عن بعد والتعليم عن بعد يتيح لك فرصه تحويل للانتظام بس جيبي معدل عالي |
رد: مدري كيف وضعي و مدري من وين أبدا ):
الله يسعد قلبك يا ام عمر و ريمنقو
بس الدفع يكون 3500 صح ؟ طيب الحين انسحب من الدمام ثم اسجل تعليم عن بعد في الملك فيصل بس بعدين بداية السنه اقدر اسجل في الدمام من دون مااسحب من الملك فيصل احس لخبطه ولا استمر على الملك فيصل احسن ؟ طبعا على طول اختار التخصص مافي سنه تحضيريه صح ؟ :3: |
رد: مدري كيف وضعي و مدري من وين أبدا ):
الدفع لكلية الاداب 3500 .. ولكلية الدراسات 2900
واذا درستي بفيصل وحابه تسجلين بجامعه الدمام لازم تفصلين من فيصل |
| All times are GMT +3. الوقت الآن حسب توقيت السعودية: 12:05 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام