ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى المواضيع العامة (https://vb.ckfu.org/forumdisplay.php?f=3)
-   -   الله لا يوريكم الي شفته في الرياض (https://vb.ckfu.org/showthread.php?t=4692)

¤§©¤ ريم ¤©§¤ 2007- 7- 18 11:59 PM

الله لا يوريكم الي شفته في الرياض
 
مساء الخير

شلونكم؟؟

والله قاعدة اكتب لكم وانا مو قادرة حتى احرك

اصابعي على الكيبورد من زود الي شفته في عاصمتنا الغالية

الرياااض <<< اي يصير خير :mh19:

عاد الله يسلمكم

طبعا تدرون الرياض بعيدة عن الحسا
يعني خذت يمكن في القطار ثلاث ساعات او اكثر شوية

بالموووت وصلنا الرياض

العاصمة خبري فيها من قبل سنين <<< بتقولين قصة حياتج؟؟؟؟؟؟


المهم ماعلينا نرجع لمحور حديثنا

على اساس الله يسلمكم اني سجلت بالنت

في مستشفى القوات المسلحة في الرياض

وحاطين رقم قلت ادقه استفسر

وقال لي انتي لازم تجين الأربعا آخر يوم

وانا كنت داقة الثلاثا

ولازم تجيبين وياج كذا وكذا وكذا

وهذر فوق راسي

قلت بخاطري

والمباراة؟؟؟؟؟؟ <<< هذا الي هامها!!!!:mh2578:

طبعا تعتبر تضحية اني اروح وافوت مباراة المنتخب

بس قلنا يلا نلحق هالمستقبل المايل

عاد اهو عطاني العنوان وقال لي مبنى ستين

انزين وندور بهالسيارة من مكان لمكان

لفينا على المستشفى فوووق الخمسين مرة

وموشايفين مبنى الستين على قولته

بالموت لقيناه

واستخدمت مبدأ الي يسأل ما يتوه:lllolll:

وسألت وحدة قالت لي روحي الدور الرابع

ونروح والأخ يقول مافي تسجيل

نعم؟؟؟ مافي تسجيل شلووون؟؟؟:s12:

وادق على الرجال وهات ياهواش:017:

قال انتي في المبنى الخطأ تعالي مبنى رقم 6 مو ستين

انا وصلت حدي منه:bngo12:

قلت اوكي

وطلعنا ولا اكو سيارة


وماتتخيلون شقد مرافق المستشفى كببببببببيرة

تكسرت رجولي واحنا ندور المبنى

وشوطنا الشوارع مادري شكثر

لو متعمرة وحاجة اصرف لي هههههههه

بالموت طلع هالمبنى

ويطلع شي مختللللللف كليا

مركز الامير سلطان لجراحة القلب

ها ؟؟؟؟؟

انزين قال الي سجلتوا فيه يختلف عن هذا

وهذاك بس تنتظرون النتايج يوم الاثنين على النت

انزين انا من زود القهر قمت سجلت في هذا

قلت واصلة على هاذي وهاذي

بس الله لا يوووريكم

كل شي زفت

كمبيوترهم اخترب وطابتعتهم مادري شفيها

وحالة ودنيا

طبعا عشان نعبي بياناتنا رحنا مبنى 3

المقابل لـ6

وقضينا فيه 3 ساعات وعفسة ودنيا

بعدين انا بديت اتنحش عشان ما اسجل

:d1:

بس قلت يلاااااااا

وعبيت بياناتي

ورجعت لمبنى 6 وقدمت ملفي والصور والعفسة

انزين من دافع الفضول سألتها

كم الي قدموا؟؟

قالت البنات فوق 145 طالبة

والاولاد نفس الشي ويمكن اكثر

قلت لها طيب كيف يكون القبول:mh19:

قالت اول شي تشوفين النت يوم الأثنين اذا انقبلتي وله لأ

واذا طلع اسمج هذا اذا تجين تمتحنين قلت لها هذا مثل

الاختبار التحصيلي وانا مختبرته قالت لا لازم اختبار خاص بالمركز

بعدين بعد ما تخلصين وهذا ذا كانت درجاتج عالية وانقبلتي

مقابلة شخصية هذا اذا عديتيها

انزين قلت لها بكل براءة كم عدد المقبولين؟؟؟


شنو تتوقعون قالت

15 بنت و15 ولد بسسسسسسسسس


قلت لها نعم ؟؟؟؟ :c17:

انا وصلت حدي قلت لها

اي 15 بنت 14 واسطة ووحدة حظها يكسر الصخر

ماردت علي وطلعت وانا معصبة

هذا بأختصار الي صار لي

شفتوا الي قلته من شوي

حلقة من مسلسل ضياع المستقبل
الي قاعدين نمر فيه

صحيح الأمل بالله كبير

بس احنا حاولنا وحاولنا شنو قاعدين نشوف

هذا وانا جايبة في التسعينات

وهذا حالي شيسون الي في الثمانينات؟؟؟

هاذي سلبيات روحتي :t5:

بس الأشيا الإجابية في الرحلة أهي :

الضحك :003:

البلوتوث ههههههههه

حوستنا في غرفة السكرتيرة ولا بعد خلينا لها ذكريات ههههه

روحتنا لبرج الفيصلية

واكيد باسكن روبنز هههههههه

هذا الي صار لي بأختصار

اتمنى انكم ما زهقتوا

ولا تنسوني بالدعاء

اختكم:

ريـــــــــم

وجدان القلب 2007- 7- 19 12:11 AM

رد: الله لا يوريكم الي شفته في الرياض
 
حمدالله على سلامتك ريم ...

بـــو أحــمــد 2007- 7- 19 12:20 AM

رد: الله لا يوريكم الي شفته في الرياض
 

¤§©¤ ريم ¤©§¤
بدون تعلييييييييييييق :000:

بعد كل هالتعب و الروحة و الجية ...
يطلعون المقبولين بس 15 طالب و 15 طالبة :bawling:


الله يعينكم صرااااحة .. كل ما لهم و يصعبون القبول :070:



★ NiGhT AnGeL ★ 2007- 7- 19 12:29 AM

رد: الله لا يوريكم الي شفته في الرياض
 

اقتباس:

شلونكم؟؟

والله قاعدة اكتب لكم وانا مو قادرة حتى احرك

اصابعي على الكيبورد من زود الي شفته في عاصمتنا الغالية
أهلين ¤§©¤ ريم ¤©§¤
أفتقدنا وجودج صراحة .. حسينا فيه شي ناااقص في الملتقى :222g:

يلا لازم ترتاحين و تنامين عدل .. أنتي تعبانة ألحين



اقتباس:

كل شي زفت

كمبيوترهم اخترب وطابتعتهم مادري شفيها

وحالة ودنيا
هذا التطور الي يتكلمون عنه ؟ :cheese:



اقتباس:

طبعا عشان نعبي بياناتنا رحنا مبنى 3

المقابل لـ6

وقضينا فيه 3 ساعات وعفسة ودنيا

بعدين انا بديت اتنحش عشان ما اسجل
أكيد يا عمري كنتوا تمشون في الشمس و في عز الظهر :bawling:



اقتباس:

حلقة من مسلسل ضياع المستقبل
الي قاعدين نمر فيه

صحيح الأمل بالله كبير

بس احنا حاولنا وحاولنا شنو قاعدين نشوف

هذا وانا جايبة في التسعينات

وهذا حالي شيسون الي في الثمانينات؟؟؟
الله يكون بعون الجميع

أكيد رزقج ما رايح يضيع ... و الله كاتبه لج و محفوظ



اقتباس:

لضحك
أكيد ضحكتي واااااجد .. مين كان يضحكج ؟ :lllolll:



اقتباس:

البلوتوث ههههههههه
هاااااااا ؟ .. شنهو أستقبلتي :cheese:



اقتباس:

حوستنا في غرفة السكرتيرة ولا بعد خلينا لها ذكريات ههههه
شنهي الذكريات ؟



اقتباس:

روحتنا لبرج الفيصلية

واكيد باسكن روبنز هههههههه

هذا الي صار لي بأختصار
حلو أنكم رحتوا و تمشيتوا اشوي بعد كل هالتعب و المعاناة


اقتباس:

ولا تنسوني بالدعاء
الله يوفقج يا ريمي
و إن شاء الله تعبج ما رايح يضيع ببلاش

محمد 2007- 7- 19 12:46 AM

رد: الله لا يوريكم الي شفته في الرياض
 
مسلسل ممتع

متى الحلقة الجاية >>> يستظرف :119:

طيب يا اخت ريم
انا حسب علمي ان القوات المسلحة التسجيل بالنت بس ... ويوم الاثنين القادم تظهر نتايج الترشيح على النت

يعني ليه رايحه أصلاً ؟

اورجوان 2007- 7- 19 01:22 AM

رد: الله لا يوريكم الي شفته في الرياض
 
اقتباس:

انا وصلت حدي قلت لها

اي 15 بنت 14 واسطة ووحدة حظها يكسر الصخر

ماردت علي وطلعت وانا معصبة
ههههههههه والله انك هايله أوي :lllolll:

ربي يساعدكم ان شاء الله و تنقبلين بكل مكاااااااااان ياربي يا حبيبي

تحياتي

Stylish Girl 2007- 7- 19 01:56 AM

رد: الله لا يوريكم الي شفته في الرياض
 
ياطولها والله مافيني حيل اقراء:cheese: لوووول

بس شكلك تعبتي وانشاء الله تعبك يجيب نتيجه وتنقبلي هناك ..

بذرة الكتان 2007- 7- 19 02:03 AM

رد: الله لا يوريكم الي شفته في الرياض
 
ياريم الله يوفقك
وما تدرين يمكن تطلعين وحده من 15 المقبولين ربي قادر على كل شي

تخيلي انا لما قدمت للماجستير كنا والله فوق 300 بنت قلت استحاله انجح في الاختبار لانهم يبغون 12 وبعدين طلع اسمي وترشحت للمقابله وقلت في نفسي استحاله انجح لانهم بيختارون خمس بس والحمد لله طلع اسمي اول اسم

ماتدرين لو لك رزق بتاخذينه

Angel♥!! 2007- 7- 19 02:32 AM

رد: الله لا يوريكم الي شفته في الرياض
 
ههههههههههههههههههههههههههههه..
:003: بجد قصة تضحك وتبكي :bawling: في نفس الوقت:bawling: ..!!!
حرام والله حرااااااااااام ناس تتعب وتكرف طول السنة عشان تجييب معدل يرفع الراس وبعدين تلف الجامعات والكليات كلها وبالأخيــر الي عندها واسطة تمشي زي الحلاوة وياليت بعد نسبتها اووكي الا تفشللل والي جايببن اووكي مساكين جالسين بالبيت :Cry111: وينتظرون على أحر من الجمر ..:bngo12: :000: :017:
بس مااقول الا الله كريـــــــــــم ويعطيك على قد نيتك ولكل مجتهد نصيب وان شاء الله نصيبك راح تلقينة يارب ويعجبك :119:
الله يعيننا ويوفقنا يارب ..:praying: :s12: يارب ننقبل بالفيصل بدل العبالة كلها مليـــــــــــــــــــــــــــــــــــــــــــــــ ـــــــــت اختبارات ومليت تسجيل ومليت انتظار والله بجد الحين حسيت بقيمة المدرسة وايامها الحين لو الود ودي ترجع ايام اختبارات الوزارة والصيااح والخوووف احسسن بكثير من هالحالة مو اجازة هذي والله ننام ونجلس على اختبارت ونسب وتسجيل :017:
الله يفرج ويوفق يارب الجميــع..:praying: :000:

وله الكون 2007- 7- 19 03:22 AM

رد: الله لا يوريكم الي شفته في الرياض
 
حرام والله حرااااااااااام

يساعدكم ان شاء الله و تنقبلين بكل مكاااااااااان ياربي يا حبيبي

تحياتي

مدى 2007- 7- 19 04:05 AM

رد: الله لا يوريكم الي شفته في الرياض
 
ياويييييييلي كل هذا؟؟؟؟

الله يعينك

ويارب يكوون حظك مكسر الصخر

بالتوفييييييق يا الغلا

Dr.nlp 2007- 7- 19 04:11 AM

رد: الله لا يوريكم الي شفته في الرياض
 
الحمد الله على سلامتك
اختي ريم وش التخصص الي بس يقبلون له 15؟؟:mh19:

غير الناس 2007- 7- 19 04:23 AM

رد: الله لا يوريكم الي شفته في الرياض
 
:praying: كل هذا وطالبين بس15 وكمان يمكن 14

هذا هو الشي اللي يحطم الواحد يجتهد 12 سنة وبعدين يصير معه كذا :bngo12:
بالتوفيق ياريم وان شاء تنقبلين غصبن غليهم
وحظك يكسر الصخر وتنقبلين مثل ماقلتي:s12:

أخت القمـر 2007- 7- 19 04:42 AM

رد: الله لا يوريكم الي شفته في الرياض
 


والله اني احس فيكي

بس انا صار لي كذا بجامعة سعود
الله لايذكرها بالخير:017:
تعرفون من مبنى لمبنى 10 ساعات
وهي كأنها قلعه
تكسرت حدي:000:
وياليت بالأخير انقبلنا
كل هذا عشان نكلم العميده

لكن انا اتذكر وحده للأن ماني قادره انساها
تقول
بنتي كرمتها الجوهره وكل مره يقطعون كلامها ومايخلوها تكمل
اخر شي قالت للعميده
ممكن سؤال
قالت تفضلي
قالت لها: بنتي كرمتها الأميره الجوهره وووو
مو حرام تجلس بالبيت
بنات بالتسعين ويجلسون بالبيت
وكل شوي تقول الجوهره
لكن مافي فايده:011:

عاد بنات الرياض كل واحده لسانها اطول من الثانيه:mh001:
وانا مع اني ماقبلوني لكن جالسه اضحك

بعدين وانا راجعه الشرقيه وصلني شعور الرفض متأخر :bawling: :bawling:

ان شاء الله تنقبلين ويصير حظك يكسر الصخر والجبال:cheese:

’,
’,
’,

سلامــــيے لك...
قمووورهـ...!

¤§©¤ ريم ¤©§¤ 2007- 7- 19 08:39 AM

رد: الله لا يوريكم الي شفته في الرياض
 
اقتباس:

المشاركة الأصلية كتبت بواسطة وجدان القلب (المشاركة 46223)
حمدالله على سلامتك ريم ...

الله يسلمج بعد قلبي

اقتباس:

المشاركة الأصلية كتبت بواسطة بـــو أحــمــد (المشاركة 46224)

¤§©¤ ريم ¤©§¤
بدون تعلييييييييييييق :000:

بعد كل هالتعب و الروحة و الجية ...
يطلعون المقبولين بس 15 طالب و 15 طالبة :bawling:


الله يعينكم صرااااحة .. كل ما لهم و يصعبون القبول :070:

اي والله جبتها على الجرح

كل مالهم ويصعبووونها

بعد امرنا لله شنسوي

اقتباس:

المشاركة الأصلية كتبت بواسطة ~المسيـــــر~ (المشاركة 46225)


أهلين ¤§©¤ ريم ¤©§¤
أفتقدنا وجودج صراحة .. حسينا فيه شي ناااقص في الملتقى :222g:

يلا لازم ترتاحين و تنامين عدل .. أنتي تعبانة ألحين




هذا التطور الي يتكلمون عنه ؟ :cheese:




أكيد يا عمري كنتوا تمشون في الشمس و في عز الظهر :bawling:




الله يكون بعون الجميع

أكيد رزقج ما رايح يضيع ... و الله كاتبه لج و محفوظ




أكيد ضحكتي واااااجد .. مين كان يضحكج ؟ :lllolll:




هاااااااا ؟ .. شنهو أستقبلتي :cheese:




شنهي الذكريات ؟




حلو أنكم رحتوا و تمشيتوا اشوي بعد كل هالتعب و المعاناة



الله يوفقج يا ريمي
و إن شاء الله تعبج ما رايح يضيع ببلاش


بعد عمري والله ما تفقدين غالي

والله العظيم نمت نووومة تو قاعدة حللت كل الي صار لي امس:lllolll:

اي والله صدقتي تطور في عينهم كل شي خربان فوق الثلاث اجهزة

وكل واحد ادمر من الثاني ههههههههه

وبالنسبة للمشي اي والله تحت الشمس

ومسافات خيااالية خلاص انكوينا والله

وحتى بقالة قريبة نشتري منها ماي مو محصلين :bawling:

وبالنسبة للضحك ههههههههه

والله انا ماخذة معاي بنت خالي وبنت خالتي

وصديقتي ووحدة تعرفها والله لا يوريج

عفسنا الدنيا والله على الي فينا

فينا حيل نلعب بالدنيا وماسكتنا من الضحك ههههههههه

والبلوتوث هههههههه الله لا يوريج

خرابيط والله صور ومادري شنو

وابتلشنا بوحدة تحب ياسر القحطاني

واهرررررررتنا من صوره هههههههه

وغرفة السكرتيرة الله لا يوريج لعبنا بالدنيا لعب

كانت الاخت مستأذنة

ودخلنا مكتبها واحنا نستنى الكمبيوتر يصلح في الجهاز الثاني

قمنا كتبنا اوراق ولصقناهم على مكتبها

رسمنا عين وكتبنا مع تحيات المدمرة <<< شكو؟؟؟

وخرابيط ولا بعد ابشرج كلمناها تلفون ههههههه

وبعدين كلنا من الحلاوة الي حاطتها

وكتبنا لها حسيناج تبين تضيفينا قمنا بالواجب ههههههههه

ومشكورة بعد قلبي على المرور

والله يسمع منج ونلقى قبول يالله

اقتباس:

المشاركة الأصلية كتبت بواسطة محمد (المشاركة 46226)
مسلسل ممتع

متى الحلقة الجاية >>> يستظرف :119:

طيب يا اخت ريم
انا حسب علمي ان القوات المسلحة التسجيل بالنت بس ... ويوم الاثنين القادم تظهر نتايج الترشيح على النت

يعني ليه رايحه أصلاً ؟

هلا والله اخوي محمد

اي هذا اقول لك

في التسجيل كانوا حاطين رقم للأستفسار

والاخوان مفهيين حاطين نفس الرقم

للقوات المسلحة ومركز الامير سلطان التابع له

وكلمتهم على اساس القوات المسلحة

وقال لي تعالي

بس والله لو اعرفه هالرجال الي كلمني ماراح يسلم على عمره:017:

¤§©¤ ريم ¤©§¤ 2007- 7- 19 08:46 AM

رد: الله لا يوريكم الي شفته في الرياض
 
اقتباس:

المشاركة الأصلية كتبت بواسطة اورجوان (المشاركة 46232)
ههههههههه والله انك هايله أوي :lllolll:

ربي يساعدكم ان شاء الله و تنقبلين بكل مكاااااااااان ياربي يا حبيبي

تحياتي

ههههههه افا عليج اعجبج :119:

اقتباس:

المشاركة الأصلية كتبت بواسطة Stylish Girl (المشاركة 46237)
ياطولها والله مافيني حيل اقراء:cheese: لوووول

بس شكلك تعبتي وانشاء الله تعبك يجيب نتيجه وتنقبلي هناك ..

ههههههههه

والله حيل تعبت والله كريم يابنت الحلال

مع اني حالفة مااروح امتحن هناك :bawling:

اقتباس:

المشاركة الأصلية كتبت بواسطة بذرة الكتان (المشاركة 46240)
ياريم الله يوفقك
وما تدرين يمكن تطلعين وحده من 15 المقبولين ربي قادر على كل شي

تخيلي انا لما قدمت للماجستير كنا والله فوق 300 بنت قلت استحاله انجح في الاختبار لانهم يبغون 12 وبعدين طلع اسمي وترشحت للمقابله وقلت في نفسي استحاله انجح لانهم بيختارون خمس بس والحمد لله طلع اسمي اول اسم

ماتدرين لو لك رزق بتاخذينه

والله ماايندرى مع اني رافضة فكرة اني اروح امتحن هناك

بسبب الي شفته منهم

ما اقول الا حسبي الله على الظالمين

اقتباس:

المشاركة الأصلية كتبت بواسطة kSa AnGeL>>!! (المشاركة 46246)
ههههههههههههههههههههههههههههه..
:003: بجد قصة تضحك وتبكي :bawling: في نفس الوقت:bawling: ..!!!
حرام والله حرااااااااااام ناس تتعب وتكرف طول السنة عشان تجييب معدل يرفع الراس وبعدين تلف الجامعات والكليات كلها وبالأخيــر الي عندها واسطة تمشي زي الحلاوة وياليت بعد نسبتها اووكي الا تفشللل والي جايببن اووكي مساكين جالسين بالبيت :Cry111: وينتظرون على أحر من الجمر ..:bngo12: :000: :017:
بس مااقول الا الله كريـــــــــــم ويعطيك على قد نيتك ولكل مجتهد نصيب وان شاء الله نصيبك راح تلقينة يارب ويعجبك :119:
الله يعيننا ويوفقنا يارب ..:praying: :s12: يارب ننقبل بالفيصل بدل العبالة كلها مليـــــــــــــــــــــــــــــــــــــــــــــــ ـــــــــت اختبارات ومليت تسجيل ومليت انتظار والله بجد الحين حسيت بقيمة المدرسة وايامها الحين لو الود ودي ترجع ايام اختبارات الوزارة والصيااح والخوووف احسسن بكثير من هالحالة مو اجازة هذي والله ننام ونجلس على اختبارت ونسب وتسجيل :017:
الله يفرج ويوفق يارب الجميــع..:praying: :000:

آآآه جبتيها على الجرح والله العظيم
لو خيروني بين اني ارجع المدرسة والا اصير متخرجة

وهاذي حالتي بفضل المدرسة

والله فيني شوق مو طبيعي لأرض المدرسة

تسلمين لي يا الغالية على المرور وتقليب المواجع

اقتباس:

المشاركة الأصلية كتبت بواسطة وله الكون (المشاركة 46253)
حرام والله حرااااااااااام

يساعدكم ان شاء الله و تنقبلين بكل مكاااااااااان ياربي يا حبيبي

تحياتي

الله يسمع منج ياااوله الكون

من فمج لباب السما:praying:

¤§©¤ ريم ¤©§¤ 2007- 7- 19 08:51 AM

رد: الله لا يوريكم الي شفته في الرياض
 
اقتباس:

المشاركة الأصلية كتبت بواسطة مدى (المشاركة 46269)
ياويييييييلي كل هذا؟؟؟؟

الله يعينك

ويارب يكوون حظك مكسر الصخر

بالتوفييييييق يا الغلا

الله يسمع منج ياعيوني

وتسلمين لي على المرور

اقتباس:

المشاركة الأصلية كتبت بواسطة Dr.nlp (المشاركة 46272)
الحمد الله على سلامتك
اختي ريم وش التخصص الي بس يقبلون له 15؟؟:mh19:

الله يسلمج قلبي

والتخصص اهو من تخصصات جراحة القلب

اقتباس:

المشاركة الأصلية كتبت بواسطة غير الناس (المشاركة 46274)
:praying: كل هذا وطالبين بس15 وكمان يمكن 14

هذا هو الشي اللي يحطم الواحد يجتهد 12 سنة وبعدين يصير معه كذا :bngo12:
بالتوفيق ياريم وان شاء تنقبلين غصبن غليهم
وحظك يكسر الصخر وتنقبلين مثل ماقلتي:s12:

اي والله حرام عليهم

والله يسمع منج وتسلمين لي ياقلبي

على المرور

اقتباس:

المشاركة الأصلية كتبت بواسطة أخت القمـر (المشاركة 46276)


والله اني احس فيكي

بس انا صار لي كذا بجامعة سعود
الله لايذكرها بالخير:017:
تعرفون من مبنى لمبنى 10 ساعات
وهي كأنها قلعه
تكسرت حدي:000:
وياليت بالأخير انقبلنا
كل هذا عشان نكلم العميده

لكن انا اتذكر وحده للأن ماني قادره انساها
تقول
بنتي كرمتها الجوهره وكل مره يقطعون كلامها ومايخلوها تكمل
اخر شي قالت للعميده
ممكن سؤال
قالت تفضلي
قالت لها: بنتي كرمتها الأميره الجوهره وووو
مو حرام تجلس بالبيت
بنات بالتسعين ويجلسون بالبيت
وكل شوي تقول الجوهره
لكن مافي فايده:011:

عاد بنات الرياض كل واحده لسانها اطول من الثانيه:mh001:
وانا مع اني ماقبلوني لكن جالسه اضحك

بعدين وانا راجعه الشرقيه وصلني شعور الرفض متأخر :bawling: :bawling:

ان شاء الله تنقبلين ويصير حظك يكسر الصخر والجبال:cheese:

’,
’,
’,

سلامــــيے لك...
قمووورهـ...!

بعد عمري والله

اصلا تخيلي

وانا في طريقي للرياض وصلتني رسالة على الجوال

من جامعة الملك سعود

كاتبين عذرا لم يتم قبولك في الجامعة

ونتمنى لك التوفيق في مكان غير <<< حتى لغة عربية سنعة ماعندهم ههههه

بعد شنسوي امر ومكتوب

ومشكورة بعد عمري

أخت القمـر 2007- 7- 19 09:44 AM

رد: الله لا يوريكم الي شفته في الرياض
 


هههههههههههههههههه
انا اتكلم لك على معاناتي بالنصف الثاني للسنه اللي راحت
ولا هالسنه كل شي بالنت مارحت ولا جامعه
الا بس الفيصل
الباقي كلوووو بالنت:cheese:

اقتباس:

وانا في طريقي للرياض وصلتني رسالة على الجوال

من جامعة الملك سعود

كاتبين عذرا لم يتم قبولك في الجامعة

ونتمنى لك التوفيق في مكان غير <<< حتى لغة عربية سنعة ماعندهم ههههه
هههههههههههههههههههههههههه
والله انا كنت جايه من السوق
وشفت هالرساله
على اساس انهم يقولون لنا بلطافه

بعد كم ساعه
جاتني رساله ثانيه منهم
يقولون ماقبلناكي انقلعي يعني اعطوني النتيجه بوجهي:003:

انتي روحي ادخلي على منتدى جامعة سعود
وروحي شوفي حالة البنات اللي مانقبلو
اقلك بنات 98 % ومانقبلو
لخبطه بالقبول حتى الرغبات فيها لخبطه
وكلها بالواسطه
الله يقرفهم:cheese:

ان شاء الله انقبل بالفيصل وارتاح من التسجيلات
عن جد اصعب مرحله هي مرحلة مابعد 3 ثانوي
اوووووووووووووووف:017:


¤§©¤ ريم ¤©§¤ 2007- 7- 19 09:48 AM

رد: الله لا يوريكم الي شفته في الرياض
 
هههههههه

خوش لطافة هههههههههه

والله الله يعينج ياقلبي

وصج اكره اكره مرحلة بعد ثالث

حتى موحاسة بطعم الأجازة

والواسطات عاد على أفا من يشيل

الله يعينا بس

# أنغـــ الوجدان ــام # 2007- 7- 19 02:49 PM

رد: الله لا يوريكم الي شفته في الرياض
 
طلعتي من الشر أخت ريم :119:
بصراحة زين استحملتي :d5:
أنا مكانك ماأقدر
بالتوفيق إنشاء الله وانشاء الله تنقبلي وننقبل وينقبل الجميع

hafof 2007- 7- 20 01:56 PM

رد: الله لا يوريكم الي شفته في الرياض
 
غلطانه يأختي ماهو 14 واسطة قولي 14000 واسطة يعني لو ما عندك واسطة في المجال التعليمي اللي تبينه نامي في بيتكم .

صدقيني فيه ناس فوق التسعين و حيري ديري ما فيه واسطة ما فيه قبول رح ادرس في الاردن

¤§©¤ ريم ¤©§¤ 2007- 7- 20 06:03 PM

رد: الله لا يوريكم الي شفته في الرياض
 
تسلمين انس روحي

والله يعين بعد شسوي

وهفوف اي والله صادق

والله يعنيا يارب

المنسي 2007- 7- 20 06:30 PM

رد: الله لا يوريكم الي شفته في الرياض
 
حوسه بس ازمه وتعدي

على كل حال كملي دراستك في الاحساء افضل لك .

ايام تسجيل تذكرين بيوم القيامه .

على كل حال الحكومه ما تعرف اللى تصعب امور واغلب الموظفين ما عندهم شرف للمهنه ولا يقدرون احد .

ان شاء المستقبل افضل . لان على زمان كانت امور العن بكثير كل مشاوري

ما فيه نت عندهم

مافيه الا ملف علاق اخضر وصور

عاد واحد يقول يبغى بشماغ واحد يبغاك حاسر واحد يبقى مقاس معين .

الله يكون في العون .

بس استمتعتي بالوقت اهم شي .

¤§©¤ ريم ¤©§¤ 2007- 7- 20 06:41 PM

رد: الله لا يوريكم الي شفته في الرياض
 
مو انا جربت في الحسا

بس الحالة ناشفة وين مانروح

الله يعينا بس

وياليت اقدر استمتع بوقتي :Cry111:

طموحة 2007- 7- 21 05:51 AM

رد: الله لا يوريكم الي شفته في الرياض
 
الله يعينك يا ريم
و يعينا كلنا
أنا ما قدمة على الجامعات بالرياض وقاسله أيدي منهم :011:
لأن خواتي كانوا مقدمين فيها
وعاملوهم معاملة الله لا يورجيك :cheese:
يقولون الأولوية لبنات الرياض
فقالت أمي لهم " ليش نحنا هنود "
وقامت العميد تحلطم ( يعني ما تدري أيش تقول )

لو تقدمين بالبحرين أرحم لك :003:
حتى أقرب من الرياض
على الأقل البحرين تقول الأولوية لبنات الخليج:119:


اقتباس:

لو الود ودي ترجع ايام اختبارات الوزارة والصيااح والخوووف احسسن بكثير من هالحالة مو اجازة هذي والله ننام ونجلس على اختبارت ونسب وتسجيل
أي والله أنا معك
بعد ما تخرجنا أعتفسنا :bawling:
خلنا ملمومين بالمدارس أحسن

¤§©¤ ريم ¤©§¤ 2007- 7- 21 07:00 AM

رد: الله لا يوريكم الي شفته في الرياض
 
اي والله صاجة

الرياض دمهم ناشف

وصادقة الوالدة

تقولين هنود قدامهم

الله يعينا بس ويعين الجميع:Cry111:

*"الحالمة"* 2007- 7- 22 04:29 PM

رد: الله لا يوريكم الي شفته في الرياض
 
وهـ ياااكثر مابكيينا بسبب هالتسجيل
بس الظريف عندي اني ماسجلت إلا في جامعة فيصل بس بس بس بس بس!! :lllolll:
لاكلية ولاأي شي.. ايه بس لما تطورت سجــلت في جامعة سعود بالنت بعد<--------<<لاااااا وتقول لي امي ماراح تروحـين تحلمييييين<-----<<مايبوني اروح الرياض×_×
يااختي أهــل يقفون في وجه مستقبلي
هع
بس الحمــد لله كل شي عـدى على خير وانقبلت في قامعة فيصل وانا الحين ادرس واتمنى من كــل قـــلبي تنقبلون في اللي تبونه يااااارب..
يااختي عورتوا قـــليبي بمآسيكمـ,.
عـــــاد تدرين انا يوم قريت تقولين لها 14 بالواسطة ووحـدة حظها يكسر الصخر اقول ماشاء الله جريئة وتعرفين تردين!
بس الحين عرفت من وين جات لك الجرأة :cheese: اثااريك مو رايحة لحالك جايبة معك الشلة الكريمة
خخخخخخخخخخخخخخخخخ
*
الله يوووفقك ياااااربي وتدخــلين المكان اللي يعجبكـ والجمـيـ ع ان شاء الله ياااااربي يااحبيبي!!

*"مع خالص محبتي"*

¤§©¤ ريم ¤©§¤ 2007- 7- 23 10:02 AM

رد: الله لا يوريكم الي شفته في الرياض
 
ههههههههه

اي شتفكرين شكثرنا

واصلا قلتها وحطيت رجلي وانحشت هههههههه

والله يسمع منج يااارب


All times are GMT +3. الوقت الآن حسب توقيت السعودية: 08:13 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه