عدد الدفعات وموعد الدفعة الاخير(حسب كلام عمادة القبول)
 

السلام عليكم

في البداية اود ان اعلق على موضوع إغلاق المنتدى (بحجة نقله لسيرفر جديد)

وخصوصا في هذا المرحلة الحرجة الي يكون فيها المتقدمين

في أمس الحاجه لتبادل المعلومات عن التقديم والتواصل فيما بينهم

كان من الممكن ان يوفر عليهم الكثير من العنااء ويبقيهم في الصورة

حتى لا يقعوا في أخطاء بسيطة تسببت في إلغاء طلبهم بالكامل .


نقل المنتدى لسيرفر جديد

في هذا المرحلة والتوقيت الحرج كاااان خطأ فادح وتقصير من

إدارة المنتدى وقرار ارتجالي لم يتم النظر في عواقيه تماماا :017:

لا يجب ان يمر بدون مسائلة على الأقل , والا على جامعة فيصل السلام . :mh19:

أعتبروه ياأدارة المنتدى نقد وانشالله يكون بنـاء حتى لا تقعوا بمثل هذا الخطأ في المستقبل



المهم خلنا بموضوعي

راسلت عميد القبول والتسجيل في الجامعة الدكتور محمد الفريدان

وبحسب كلامه أن الدفعه القادمه (الرابعه) ستكون الأخييييرة

ونزول النسب الموزونة فيها سيكون بسيط جدا جدا (على حسب تعبيره)


حبيت أن اطلع اخواني الاعضاء على هالمعلومه

وتقبلوا تحياتي

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

بس انا سمعت انو
باقي دفعتين
متأكد من كلامك

رد: عدد الدفعات وموعد الدفعة الاخير(حسب كلام عمادة القبول)
 

يقولون تجي دفعتين

رد: عدد الدفعات وموعد الدفعة الاخير(حسب كلام عمادة القبول)
 

يعني أغسل يدك من الحين من الجآمعه ... !

:Cry111:

رد: عدد الدفعات وموعد الدفعة الاخير(حسب كلام عمادة القبول)
 

العفو الاخ ابو عنود

ويوزري algana9 القناص

وشاكر لك مرورك

رد: عدد الدفعات وموعد الدفعة الاخير(حسب كلام عمادة القبول)
 

انا متأكد من كلامي 100% لانه صدر من عميد القبول والتسجيل

الدكتور محمد الفريدان بنفسه

ووالله اني أتمنى يبقى عشر دفعات لاني أكثر متضرر من انتهاء القبول بهالوقت

لأقتراب نسبتي بفارق بسيط من الرغبه الي ابيها :000:

رد: عدد الدفعات وموعد الدفعة الاخير(حسب كلام عمادة القبول)
 

وفي منتدى ثاني
قالوا انو باقي دفعتين
ومتأكدين من كلامهم

رد: عدد الدفعات وموعد الدفعة الاخير(حسب كلام عمادة القبول)
 

الله يستر اتحطمت وربي :011::000::Cry111:

رد: عدد الدفعات وموعد الدفعة الاخير(حسب كلام عمادة القبول)
 

نفس حالتك بموت قهررر :011:



أي منتدى ؟
وكلامهم من وين جايبينه :Cry111:
من نصدق الحين :Cry111:

رد: عدد الدفعات وموعد الدفعة الاخير(حسب كلام عمادة القبول)
 

اوكي هدوا العام كذا خمس دفعات ع النت ودفعه سرية ع الجوالات وخويتي ماقبلوها الا بعد الدوام باسبوع لاتتحطمووووووون

رد: عدد الدفعات وموعد الدفعة الاخير(حسب كلام عمادة القبول)
 

والله تعبت
نفسيتي تحطمت :011:

رد: عدد الدفعات وموعد الدفعة الاخير(حسب كلام عمادة القبول)
 

كم نسبتك ؟؟؟؟؟؟؟؟؟؟؟ ولا تتحطميييييييييييييييييييييييييين:g2::g2:

رد: عدد الدفعات وموعد الدفعة الاخير(حسب كلام عمادة القبول)
 

68,28
والله تعبت :c8:

رد: عدد الدفعات وموعد الدفعة الاخير(حسب كلام عمادة القبول)
 

مع الاسف تاكدت من الخبر والرابعه بتكون اخر دفععععععععه

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

:mh19::c8::150:مشكوره

رد: عدد الدفعات وموعد الدفعة الاخير(حسب كلام عمادة القبول)
 

الله يعنكم يارب ويوفقكم

والله كلنا قاعدين على اعصبنا :000:حتى العطلة ماتهنينا فيها

انا بعد باقي فارق بسيط على الرغبة الي أبيها

لو ماأنقبل فيها راح اتحطم صح:Cry111: لاني تعبت وجتهد على تخصص انا مابيه

أدعوا أن الله يفرج همنا كلنا

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

انا مستغرب كيف بتنتهي الدفعات

وبرنامج الابتعاث قريب بيعلن نتايج المقبولين

يعني أكيد راح يكون هناك عشرات الشواغر بعد اعلان المبتعثين

وخصوصا في الكليات الطبيه !!! :000:

سمعت ان هالشواغر راح يملئونها بأصحاب الواسطات

رد: عدد الدفعات وموعد الدفعة الاخير(حسب كلام عمادة القبول)
 

يارررررررررررررررررررررررررربي اني نسبتي 86.55 واحلم بالعلوم الطبيه

والحين نسبة العلوم الطبيه 87.56 :bawling: :bawling: :bawling: :bawling: :bawling:

رد: عدد الدفعات وموعد الدفعة الاخير(حسب كلام عمادة القبول)
 

نازوو يا الله قهرر وش حطو لك؟؟ :017:

رد: عدد الدفعات وموعد الدفعة الاخير(حسب كلام عمادة القبول)
 

احمدو ربكم بنات
انا ما تم قبولي لا في كلية :bawling:
والدفعة الرابعة الآخيرة
والفارق بسيط
يعني ما أمل للقبول

رد: عدد الدفعات وموعد الدفعة الاخير(حسب كلام عمادة القبول)
 

الله يسهل عليكم

الحمدلله انقبلت ,,

واحس روحي مرتاحه للرغبة اللي قبلووني فيها

اتخيل الدفعه الخامسه لأصحاب الواسطات

^__^

طيب يالحبااايب

في بعثات داخليه

جربوا حظكم وسجلوا فيها

رد: عدد الدفعات وموعد الدفعة الاخير(حسب كلام عمادة القبول)
 

مرحبآآآآآآآآآ

كيفكم ؟

آلحيين آنآ بآقي لي 0.16 بس وآنقبل بالرغبه الي ابيها ..

يعني تتوقعون ما تنزل هالكثثثثثثثثر ؟

حرـآآم آبييهآ مررررررررهـ ..

يآرب ّ ..

وبعدين من قال ان الدفعه الراابعه اخر شيء ؟

رد: عدد الدفعات وموعد الدفعة الاخير(حسب كلام عمادة القبول)
 

قبلوني تمريض يـلا الحمد لله :011:

رد: عدد الدفعات وموعد الدفعة الاخير(حسب كلام عمادة القبول)
 

يسلموا على الخبر بس انشاء الله اكثر عشان الباقي ينقبلون

رد: عدد الدفعات وموعد الدفعة الاخير(حسب كلام عمادة القبول)
 

نازوو يالله حبيبتي شدي حيلك وان شا الله بتحولين :119:

رد: عدد الدفعات وموعد الدفعة الاخير(حسب كلام عمادة القبول)
 

حراااااااااااااام وربي حراااااااااااام

على الاقل الكليات الطبيه صارت لهم اربع محاولات

احنى بس ثلاث محاولات

وهذا غلط وظلم وربي ظلم

حرااااام عليهم مايحسون
بس يبون يحطمون النــــــــــــــــــاس
ويبون الشعب يتطور وين واللي يبي يدريس ماهو بلاقــي

ومايبون الاجرام يكثــر

مب معقوووله مافي مكانات شاغره
الكليات مهي بقليله

ظلمونا حرام وربي حرام

رد: عدد الدفعات وموعد الدفعة الاخير(حسب كلام عمادة القبول)
 

تعوذووا من ابلييس ورووقووا

واسترخووا بععد ترى مايسووى موب آخر الدنياا ولا وقفت الحيااه

اليوم اخوي قال لي انه فيه دفعه خاامسه..

المهم

اكثروا من الإستغفاار بدوون ماتحطموون نفووسكم وكونوا قنووعيين

والله يوفقكم ويقدم لكم اللي فيه الخيير ومبرووك عليكم الشهر

:119:

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

اشكر لكم تعاونكم معنا :119:

رد: عدد الدفعات وموعد الدفعة الاخير(حسب كلام عمادة القبول)
 

بليـز بدنآ خبرٍ آكيد

نآس تقول آخر دفعـه ونآس تقول بآقي دفع :mh19:

وش هذآ يآربي :Cry111:

رد: عدد الدفعات وموعد الدفعة الاخير(حسب كلام عمادة القبول)
 

ليش كذا حراااام عليهم

:Cry111:

رد: عدد الدفعات وموعد الدفعة الاخير(حسب كلام عمادة القبول)
 

انشاء الله تنزل نسبه مو مثل دفعه لي راحت نزلوا الفواصل بس
:000:

رد: عدد الدفعات وموعد الدفعة الاخير(حسب كلام عمادة القبول)
 

لا مو ممكن ومستحيل

إلا اذا عندك واسطة <<< وقتها كل شئ يهون :119:

رد: عدد الدفعات وموعد الدفعة الاخير(حسب كلام عمادة القبول)
 

انشالله يارب تنزل بالثلاثه والاربع

بس مثل ماقلت بالموضوع

العميد يقول النزول راح يكون بسيط جدا جدا :000:

انا باقي لي نسبة وحده عن كلية الطب :c8:

رد: عدد الدفعات وموعد الدفعة الاخير(حسب كلام عمادة القبول)
 

انا بعد باقي لي نسبه تتوقعين تنزل:Cry111:

رد: عدد الدفعات وموعد الدفعة الاخير(حسب كلام عمادة القبول)
 

استغفر الله ربي العظيم

انشالله ياااااااااارب كلامك ريحني كثير

انشالله الي طلع لينا يكون خيررررررر ياااارب واحسن لينا :119:

رد: عدد الدفعات وموعد الدفعة الاخير(حسب كلام عمادة القبول)
 

اميره بشموخي الله ينولك مرادك حبيبتي والجميع ينقبل باللي يبيه

رد: عدد الدفعات وموعد الدفعة الاخير(حسب كلام عمادة القبول)
 

الله يعينكم يآجمآعه

انا قبلوني تمريض بس ماوديت اورآقي وقدمت عـ جدهـ والحمد لله انقبلتـ هنآكـ بكل يسر وسهولهـ

على الرغمـ باني رحت في موعد غير موعديـ.,.,ّ!

الفآل لكمـ يآرب

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

ورببي حراام عليهم

المفرووض يقبلون اكثر من دفعه وينزلون النسب..

علشان رقي المجتمع وعلشاان العلم والثقاافه ..

أنتم دره المستقبل والامل الواعد والشموع االمضيئه بحب العلم .. { حرام التحطيم :011:}


اان اختي بااقي لها اتقريبا 3 نسب يااحي يااقيوم يقبلوها وتتوفق

وان شااء الله يكون بعوونكم وتنقبلوو كلكم

واكثرو من الاستغفااار والذكر .. وقت السحور وبعد صلاه الفجر وقبـل الأفطــآر لانها ساعات استجااابه

واكثر من قول لاحول ولاقوه الا بالله لانها كنز من كنوز الجنه وتغير من حاال الا حاااال

وادعو لاختي بظهر الغيب انها تنقبل بالجامعه وتتوفق

والله يووفقكم يااارب ويريح قلبكم بالفرح وبخبر قبوولكم :mh001:

ومبـــــآآرك عليكم الشهــر :119:

رد: عدد الدفعات وموعد الدفعة الاخير(حسب كلام عمادة القبول)
 

يابنات متى تتوقعون تتطلع اسماء الدفعه الرابعه

اختي اختاروا لها الاختيار الثالث وهي تبغى ياكليه التربيه بالجبيل او كليه الاداب بالدمام بحكم اننا من سكان الجبيل..

رد: عدد الدفعات وموعد الدفعة الاخير(حسب كلام عمادة القبول)
 

أيييييييييييييييييييييييييييييييييييييييه أغلبنآ في الهوى سوا

حمدلله ع كل حآل

شنسوي غير نتأمل من الله كل خير ونرفع أيدينآ بالدعآء :s12:


المهم


مبآرك عليكم شهرُ الله

وجعلنا الله من صيآمه وتقبل الله أعمآلنا
ورزقنآ بحقه وبفضلهِ جميع آمآلنآ يآحيُ يآ قيوم :119:

رد: عدد الدفعات وموعد الدفعة الاخير(حسب كلام عمادة القبول)
 

يابنات نزلت الدفعه الرابعه ولالا طمنوني

رد: عدد الدفعات وموعد الدفعة الاخير(حسب كلام عمادة القبول)
 

يابنات طمنوني تكفون

رد: عدد الدفعات وموعد الدفعة الاخير(حسب كلام عمادة القبول)
 

لا لسه ما طلعت :011:

رد: عدد الدفعات وموعد الدفعة الاخير(حسب كلام عمادة القبول)
 

الله يعين
ويوفقكم جمييييييييييييييعاً اللي لسا مانقبلتوا
بصرااااحه القدرات والتحصيلي ظلمنا كثييير

ياااااارب يوفقنا

رد: عدد الدفعات وموعد الدفعة الاخير(حسب كلام عمادة القبول)
 

تطلع اليووم قبل صلااه الفجر مثل الاسبووع الي فاات طلعت الفجرر السااعه 3 ونص

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

اميين ويااك اخووي

ويووفقك ان شااء الله

وانت بصحه وعافيه

رد: عدد الدفعات وموعد الدفعة الاخير(حسب كلام عمادة القبول)
 

يا ناس :017: ادعووو انها مو اخر دفعه ليش العام اكثر وهالسنه مره قليل :g2:

رد: عدد الدفعات وموعد الدفعة الاخير(حسب كلام عمادة القبول)
 

:119:
الله يوفق الجميع يارب

رد: عدد الدفعات وموعد الدفعة الاخير(حسب كلام عمادة القبول)
 

للأسف ما أنقبلت ليهـ هالظلم ليه


نسبتي

نزلت كثير بسبب القدرات

نسبتي

65.15

تتوقعون لو عندي واسطه مثل د.محمد الفريدان

او واسطه ثانيه في أمل أنقبل مع إني أحس الشغل كله

بالنت


بس تتوقعون بالواسطه في أمل أدخل

لو كلية الآداب

أو كلية المجتمع أنا ما أبي مكافأه ياخذونها بس ادخل وأدرس


أو ياليت برنامج الانتساب عادي ندرس بالجامعه

بس عادي ماأبي مكافأه بس ابي اجي وادرس بالجامعه

والله يازينها الدراسه يازينها المدرسه


جد نتعب ونتساوى مع بنات الأهليه اللي يذاكرون من أوراق


ليه إذا أنا ظروفي الماديه مااسمحت لي ادرس اهليه


حرام اتساوى مع بنات الاهليه


تكفوووووووووووون بالواسطه في أمل أدخل:Cry111:

رد: عدد الدفعات وموعد الدفعة الاخير(حسب كلام عمادة القبول)
 

اي والله صدقتين يآخيه ..


ظلمنا كثير ..


لو ملغي جان حنا بخير .. ,


ع كل حآل طلعت نتايج الدفعه الرابعه




:Cry111:

رد: عدد الدفعات وموعد الدفعة الاخير(حسب كلام عمادة القبول)
 

انا اللي ازيد منكم
مادري ان نقوم بتنشيط التسجيل عشان الدفعات
وفوق هذا كان المنتدى مغلق ولا دريت الا بعدين:Cry111:
والله حااااااااااالة

رد: عدد الدفعات وموعد الدفعة الاخير(حسب كلام عمادة القبول)
 

طيب يآليت لو تعطينا رقمه او إيميله


آبووي عآوزه الله يعآفيكم ..



:Cry111:

رد: عدد الدفعات وموعد الدفعة الاخير(حسب كلام عمادة القبول)
 

حررررررررررام عليييييييييييييييهم يحطمونا كذا

والله حررررررااااام بس ياويلهم من عذاب الله

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

يابنات هل فيه دفعه سادسه ولالا ؟؟


تكفون ردوا علي

رد: عدد الدفعات وموعد الدفعة الاخير(حسب كلام عمادة القبول)
 

اعتقد انه فيه دفعة سادسة

ولكن سوف تنزل النسبة الموزونة بشكل بسيط جدا جدا

رد: عدد الدفعات وموعد الدفعة الاخير(حسب كلام عمادة القبول)
 

تعتقد او متأكد
ما ابي افرح على الفاضي :011:

رد: عدد الدفعات وموعد الدفعة الاخير(حسب كلام عمادة القبول)
 

يوم الاثنين رحت القبول والتسجيل في جامعة الملك فيصل في الدمام

وقابلت موظف يقول بعد نهاية دوام الاربعاء تابع موقع الجامعة لان احتمال تنزل دفعة سادسة

ويارب تنزل دفعة سادسة وسابعة ايضا

رد: عدد الدفعات وموعد الدفعة الاخير(حسب كلام عمادة القبول)
 

ليه كذا حرررررررررام


العام الماضي اخر نسبه قبلوها 63

والسنه قالو مكرمه قلنا لا اكيد حتى الستين مقبولين

بصراحه يبقون يكرهونا بكل شي


مانقول الا حسبي الله ونعم الوكيل ياليت بداية الدراسه يقولون ان فيه مكرمه وبتقول 60 او 65 اخر نسبه


يعني حرااااااااااااام يروح تعبنا كذا والله حرام

وحرام تتساوى المدارس الاهليه مع الحكوميه


وبعدين ليه القبول على الكليه مو القسم


جد المفروض بدااااااال مايسوون هالمشاريع بالجامعه مظاهر بسسسسسس


يسووون مبنى اضافى حق ادبي ومبنى علمى وندرس فيه مواد عامه ولاجبنا معدل ننقبل وبكذا نظمن ان اخر نسبه يقبلونها بالستييييييييين ولانبي منهم مكافأه بس نبي ندرس مانبي نقعد بالبيت لييييييه نقعد

ونسبتي انا 81.51 ثانوي مو نازله مره واللي خلاها تنزل ان امي بثالث كانت تعبانه وتنومت بالمستشفى وانشغلت معها وكانت بتروح منا بس الحمد لله وهذا هي الا الحين حاطه في بالها اني انقبلت

عشان كذا هي مرتاحه لوتدري ماانقبلت احس بتتعب كثييييير ولابثاني نسبتي 85%

ولا على الاقل ياليت الانتساب نروح الجامعه عادي حتى لو ماأخذنا مكافأه



ولاجد نظام القدرات هذا ززززززززفت

ولاصديقتي نسبتها 77 ثانوي وجابت بالحظ وهي اللي تقول في اسئله عرفتها واسئله اختياري من عندها


وهذا هي انقبلت ماشاء الله ماأحسدها


بس حرااااااااام اتساوى معها وخاصه ان احنا مو اهليه احنا حكوميه يعني بتعبنا والكتاب كله معنا

أما مدارس الاهليه كله من اوراق

ولابنت عمي نسبتها ثاني بمدرسه حكوميه 76 وبأهليه عشان من اوراق جابت 98

شفتو القهر

انا ماكنت قادره ادخل اهليه

عشان كذا نسبتي نازله

حتى نظام الدرجه الموزونه الدرجه بأربع وخمس ليه حرااااااااااام


تروح الدرجات

كذا والله حراااااااااام بس جد ياااااااااارب انت تدري ان احنا تعبنا وبذلنا اللي علينا وأزيد ياررررررب لا تردنا خايبين

ولا تحرمنا فرحة القبول

ولا ليه يعني تعبنا بالدراسه يتحدد على 30% لييييييييييه:Cry111:


يااااااااارب تاخذ حقنا:s12:



>>اللهمـ آجرني في مصيبتي واخلف لي خيرا منها>>>


ولاتعب سنتين يتحدد بخمس ساعات بهالقدرات

جد حراااااااااام انا مني وحده كرهت شي اسمه تعليم ودراسه


ولو بكمل بكمل عشان اخذ الاجر بسسسسسسس


>>>من سلك طريقا يلتمس فيه علما سهل الله له به طريقا الى الجنهـ>>>


حسبي الله ونعم الوكيل

ولا ليه هالانظمه هذي

1/دراستكـ تعبك وحرمانك من الطلعات واختبارات دوريه وتعب وروحه للمستشفى وسهر ينوخذ منه 30% على الاقل نكون مثل الاولاد واختبارنا عليه 60%

2/دراسه سنتين تحددها خمس ساعات بهالقدرات

3/يقبلون بنات الرياض واحنا اولى منهم

4/يسووووون مشاريع وهذره ومناظر بدال مايسوون مباني اضافيه

5/ جامعات المملكه فيها دراسه بالفصل الثاني الا احنا مافيه تسجيل بالفصل الدراسي الثاني
على فكره جامعة الملك سعود سوت زياده 50% من الطلبه وجهزت مباني عشان تستوعب اكبر عدد

>>>>هذي الناس اللي تبي تفكر وتنهي البطاله

ولا شبابنا بيضيع والجهل بينتشر من جديد

6/ليه هالتعقيد كل سنه ازفت من اللي قبلها وكل سنه يقللون من الدفع ومن النسب

ولا ليه العام 63 والسنه 70 مع ان فيه مكرمه ملكيه

7/ ليه الكليات العلميه 5 والكليات الادبيه 3

8/ ليه الانتساب مافيه حظور للجامعه وكأنهم يقولون حمدو ربكم بتدرسون قعدو ببيتكم ولا تستلمون مكافأت ولاشي


جد أنا تعبت نفسيا وصار عندي تبلد بالاحساس موطبيعي

احس الدنيا وقفت

ياليت صوتنا يوصل لعمادة القبول ياليت نلاقي احد يسمعنا مونتكلم ومايسمعنا الا الهواء

آآآآآآآه بس على السنين اللي ضاعت من عمرنا بدون فايده

ياليت على الاقل يكون فيه تسجيل بالفصل الدراسي الثاني


جد تعبنا

يااااااااااااااااااااااااليت نلاقي مجيب وياليت اي احد يعرف احد بعمادة القبول يوصل له كلامنا ياليت

حسبي الله ونعم الوكيل

:t1::t1:

على فكره نسبتي المركبه بعد كل شي 65

تجنن صح:s3:

رد: عدد الدفعات وموعد الدفعة الاخير(حسب كلام عمادة القبول)
 

بنـــآآآت صدق الدفعه السـآدسـة بتنزل عقب شـوي ,,

يومـ حطيت بيآناتي طلع آيـرور .. :000:


وش السالفه ؟؟!

رد: عدد الدفعات وموعد الدفعة الاخير(حسب كلام عمادة القبول)
 

بنات اللي تطلع معها الدفعه السادسه

تحط الرابط:s11:

رد: عدد الدفعات وموعد الدفعة الاخير(حسب كلام عمادة القبول)
 

ليش في دفعه سادسه ؟؟؟

موقع الجامعه ما أعلن عن ذا الشيء

من وين الخبر :mh19:

رد: عدد الدفعات وموعد الدفعة الاخير(حسب كلام عمادة القبول)
 

عادي يمكن خطاء في النظام عندهم

أو ضغط في الموقع

بس موقع الجامعه ماأعلنو عن دفعه سادسه ..!!؟؟ :mh19:

رد: عدد الدفعات وموعد الدفعة الاخير(حسب كلام عمادة القبول)
 

يوفقكم ربي ان شاء الله

دعواتي للجميع بالقبول..

رد: عدد الدفعات وموعد الدفعة الاخير(حسب كلام عمادة القبول)
 

بنات ممكن سؤااااااااااااااااااااااال ... الدفع تنزل بدون تنشيط صح ؟؟؟ ولا :g2:

رد: عدد الدفعات وموعد الدفعة الاخير(حسب كلام عمادة القبول)
 

اتوقع انها من غير تنشيط

رد: عدد الدفعات وموعد الدفعة الاخير(حسب كلام عمادة القبول)
 

الدفع الي نزلت كلها كانت بتنشيط

ماعد الدفعه الخامسه كانت بدون تنشيط

لأنهم أخدو تنشيط الدفعه الرابعه والخامسه سوى

رد: عدد الدفعات وموعد الدفعة الاخير(حسب كلام عمادة القبول)
 

يابنات هل فيه دفعه سادسه ولالا

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

رد: عدد الدفعات وموعد الدفعة الاخير(حسب كلام عمادة القبول)
 

8
8
واله ما عندي خبر اذا فيه دفعه سادسه ولا لا
..
بس اتوقع اذا فيه بتكون مثل الخامسه من دون تنشيط واذا كنت تبغى تتأكد شف موقع الجامعه في كل مره واي اعلان بيكتبونه ان شاء الله
..
بالتوفيق

رد: عدد الدفعات وموعد الدفعة الاخير(حسب كلام عمادة القبول)
 

بنااااااااااااااااااااااااات اليووم السبت ولاطلعت دفعه ساادسه يعني خلااااص

نقطع الامـــــــــــــــل ونغسل ايديينا من الجاامعه

مااقوول الا حسبــــــــــــــــــــــــــنا الله ونعـــــــم الوكييييل

:Cry111:

رد: عدد الدفعات وموعد الدفعة الاخير(حسب كلام عمادة القبول)
 

السلام عليكم
أختي الكريمة مع الأسف الشديد تم إغلاق بوابة القبول و عليه ستتوقف

الدفعات و تم فتح نظام الانتساب المطور

بحسب الكلام المكتوب في هذه الصفحة

http://www.kfu.edu.sa/ar/Lists/KfuNe...rm.aspx?ID=131


بعد إنتهاء فترة تسليم الوثائق الأصلية للدفعة الخامسة وإستكمال مراحل القبول بالجامعة. تعلن الجامعة عن بدء مرحلة إستقبال طلبات القبول على نظام التعليم المطور للإنتساب وذلك يوم الثلاثاء 18/9/1430هـ الموافق 8/9/2009م ، وسوف تستمر مرحلة التقديم حتى يوم الأربعاء 11/10/1430هـ الموافق 30/9/2009م و ستكون مرحلة التقديم إلكترونياً عبر موقع الجامعة دون الحاجة للحضور أو مراجعة الجامعة في ذلك. وللمزيد من التفاصيل يرجى مراجعة بوابة القبول للتعليم المطور للإنتساب.

بالتوفيق لكم