|
الواتس اب ... قنبلة موقوته؟؟؟ للنقاش
السلام عليكم ورحمة الله وبركاته هذه قصيدة زوجه رافضه بتاتاً بأن يكون لزوجها واتس اب من غيرتها الشديده له فقــالت: والله وأنا بنت الرجال المشاكيل ماتحط الواتس اب ياعبيد عندي ماني مثل باقي الحريم المهابيل رجالــــها لآراح مــرواح جدي (بو ليــت) ماعذرب كثير الرياجيل ألو تكفي كان تبغى مـــردي ماتنفع المــوضه وكثر الأقاويل وش فادة الموضه جدك وجدي ياعبيد ذي والله سوات المهابيل وان مانفع قولي طلاقي بيدي والله وانا بنت الرجال المشاكيل ماتشغل الواتس اب ياعبيد عندي رد الزوج ابو عبيد على زوجته والله وانا ابوعبيد راعي المعاميل لانزل الواتس اب وانتي بحدي ماهمني وان قيل عنا مهابيل هذا تطور وانتي يابنت هدي بوليت ماضي وال applطور الجيل امشي مع الايفون كني افندي دايم يونسني مع تالي الليل وقصر على صوته وجيبه لخدي لاصرت جالس والبشردمها ثقيل عودت للي يوم ماصارضدي اضحك معه ويجر عندي مواويل ويوصل الاخبار لحد عندي تطوري ودشي مع تالي الجيل وخلي السوالف لاتزيدين التحدي هل فعلاً الواتس اب سبب مشاكل إجتماعيه بين الأزواج؟ هل فعلا الواتس اب قنبله موقوته تنسف البيوت اذا تم الادمان عليه؟ المشكله انه صار مثل الادمان الزوجه او الزوج اللي طاح فيه ياخذ كل وقته فاصبح بدال مايسولف مع زوجته صار على الواتس اب والزوجه بدال ماتسولف مع الزوج صارت على الواتس اب ولا كأن الرجال موجود طيب وش الحل الى هالدرجه الواتس اب يشغلك عن اللي حولك طبعاً الضحيه هم العيال اللي ماحولهم احد الام ماهي فاضيه يالله بس على الواتس اب والرجال نفس الشي نريد تفاعلكم لنفيد ونستفيد... |
رد: الواتس اب ... قنبلة موقوته؟؟؟ للنقاش
موضوع يستحق النقاش ,, لي عوده انشاء الله
|
رد: الواتس اب ... قنبلة موقوته؟؟؟ للنقاش
اي شي يشغلك عن اهلك ونــآسك وتصير مدمن له بتسبب مشاكل
اللي معاك لهم حق عليك والحــل لازم يكون من المدمن نفسه :biggrin: يحاول يقلل الجرعات تدريجيا يعمل حاجات ما سواها قبل مع زوجته يمشيها ,يسافر , يروح اي مكان مو بس مقابل وجهها دايم اكيد بيطفش وهي بعد لازم تثير اهتمامه مو بس جالسه وساكته ولا تكرر السوالف نفسها < يسولف بالواتس اب افضل له تلبسه تتزين..... الخ الموضوع كله لان حياتهم صايره ملله بس :106: تقبل مرووري |
رد: الواتس اب ... قنبلة موقوته؟؟؟ للنقاش
مشكلة الواتس آب انه برنامج مثل باقي برامج التواصل الإجتماعي اللي ظهرت مؤخراً وانتشرت بين الأوساط بشكل سريع
ولكن اعتقد أن المسألة تعتمد على الشخص نفسه .. اذا انت ترى أنك تستطيع أن توازن بين حياتك الطبيعية بدون التقصير في أداء واجباتك وبين الواتس آب .. فما فيه مشكلة .. ولكن المصيبة اللي مو متعود .. او بمعنى آخر ماشاف خير .. وفجأة يجرب الواتس آب .. هذا اللي تخرب حياته .. وممكن يصير فيها مشاكل بين الزوجين خصوصاً .. لأنه يسبب انشغال قوي .. وله سلبيه واضحه مثل أي برنامج تواصل إجتماعي آخر .. فهو يشكل جدار عائق يحول دون التواصل الحقيقي بين الأقارب والأصدقاء .. فيكتفون بالشات بدلاً من الإتصال والسؤال عن بعضهم .. شكراً على الطرح |
رد: الواتس اب ... قنبلة موقوته؟؟؟ للنقاش
صحيح فيه بعض الازواج صار بينهم مشاكل بسببه
لانهم ادمنو الوتس او غيره من برامج مشابهه له و انا اشوفه قنبله انفجرت وخلاص :biggrin: بس الواحد الي عنده عقل يعرف يحط له وقت محدد يجلس عليه حتى مايصير مشاكل بالبيوت انا امي كانت اذا شافتني ع الجوال اول مانزلت الوتس اب كانت تزعل وتعصب ومع الوقت تعودت و انا قللت دخولي عليه مع انو اوقات فيه ناس يزعلون ليه ماتعطينا وجه ولاتسولفين بس صراحه الي يبي راحت راسه ينظم وقته ويعطي خبر لكل الي يتواصل معهم انو الوقت الفلاني انا ماراح اسولف :biggrin: / موضوع رائع شكرا لك :rose: |
رد: الواتس اب ... قنبلة موقوته؟؟؟ للنقاش
اقتباس:
مثل ماقالوا الاخوان اللي قبلي .. كل شي جديد يطلع الناس تهب فيه وتدمن عليه ..مو بس الواتس واكيد راح يسبب مشاكل .. و قلة تواصل مع اللي حوالينا .. والمشكلة هالواتس مافيه شي جديد .. مابين كل عشر برودكاستات تلقى يمكن اثنين بس اللي مهمين .. والا الباقي اخبار مغلوطة .. وصور مقرفة .. ومقاطع سخيفة .. وهاتك يا فوروارد للكل وهو مايدري وش القصة ..وفي بعض اشخاص صاروا يعتمدون عليه ك مصدر للمعلومات ... جربت حذفت الواتس من اكثر من شهر .. وياله من فرق رائع ..:71: صحيح عايشة لحالي وماعندي اطفال .. لكن صرت اخلص تنظيف وطبخ وترتيب وعندي وقت اقرا كتب .. وادق ع امي اتطمن عليها واسولف معها .. و موناوية ارجعه مرة ثانية .. بموت ؟؟ ماراح اموت ؟؟:biggrin: يعطيك العافية .. |
رد: الواتس اب ... قنبلة موقوته؟؟؟ للنقاش
الوتس اب دمار شامل بسبب سوء الاستخدام وانا من الناس الي كرهته البته البته
|
رد: الواتس اب ... قنبلة موقوته؟؟؟ للنقاش
ابدن ما اشوفه ادمان بالنسبة لي
مرات تحلى السوالف في بعض القروبات اذا كان فيه حدث مهم ما اشوف اني فيه ادمان بالعكس اعتبره غير رسمي وما اعطيه بال زي الرسايل sms يعني كانك تبيني دق او ارسل sms الواتس على السعه البلا من البيبي وصحيح لو زاد عن حده راح تكون مشكلة لكن بالعموم اي شي اذا زاد عن حده ينقلب ضده شكرا :106: |
رد: الواتس اب ... قنبلة موقوته؟؟؟ للنقاش
هلا فيك اخي الكريم الواتس ساب مثل التلفزيون مثل التليفون مثل الانترنت مثل السياره مثل اي شئ لا يجبرك على استخدام سيئ ولكن انت من يستخدمه سواء بسلب او ايجاب يعني لازم نحرم هالامور علشان نحافظ على الاسره العيب مش في الوات ساب ولكن العيب في الاسره اذا كان برنامج قادر يشتتهم ويفرقهم ويزرق الشك في قلوبهم ولك الشكر والدعاء |
رد: الواتس اب ... قنبلة موقوته؟؟؟ للنقاش
بالعكس ماشووفه خطر ولا شي ولا يسبب ادمان بالعكس سهل التواصل كثييييييييييييييييير
والشخص نفسه يقدر يوازن بين واجباته والواتس والنت وباقي التقنيات اللي طلعت لنا هاليومين والسوالف طبعا مو 24ساعه ولا بكل وقت يعني انا صراحه ما احب احد يرسل بوقت متاخر ولا وقت بدري البعض الله يصلحه ماتمسك معه الا اخر الليل او الفجر يالله صباح خييير :cheese: ومافيه مشكله ترسل وتسولف انت ترسل بيدك وتتكلم بفمه يعني مايتعرضو:hahahahahah: والله يوفق الجميع ويهدي بالهم يارب |
رد: الواتس اب ... قنبلة موقوته؟؟؟ للنقاش
الواتس اب تقنيه
واحد الوسائل الحديثه التى تخدم البشريه قاطبه من أحسن أستخدامها راح يستفيد من التقنيه ومن لم يحسن أستخدامها راح يدمن ونهايه الادمان الفشل وأتذكر قبل الواتس اب المسن قيل فيه أكثر ما قيل في الواتس اب والان المسن تراث قديم لا أعتقد ان الواتس اب يسبب مشاكل زوجيه عند الازواج الناضجين المتفاهمين على أمور الحياة وليس قنبله مؤقته لكن للاسف هناك أزواج بدؤ حياتهم الزوجيه على الكذب والمخادعه والغش والنفاق لذلك الواتس اب والبلاك بيري وغيرها من وسائل التقنيه قد تكون سبب في المشاكل وتكون قنبله مؤقته بالنسبه لهم لان وسائل التقنيه راح تكشف القناع المزيف مشكووووور برق الحيا على الموضوع الله يعطيك العافيه :g2: |
رد: الواتس اب ... قنبلة موقوته؟؟؟ للنقاش
انا في نظــري ان الواتس اب ............مشاكل .....في مشاكل
يعنى مجرد اي احــد يعرف رقمكـ.....يقدر يرسلكـ على الواتس اب وهـذا يترتب عليــه مشـاكل كثـيره انا لااحـب اي تقنية يراسلني فيها القـصي والــداني.........اعرفــه او ما اعرفـــه واضن الي يستخدمــــــوه يعرفون هذا الشي حتى صديقاتي الي التقي فيهم ما صرنا نتكلم مثل اول..........اكثر كلامهم الواتس او البلاكـ بيري حتى اهلكـ في البيت وقريباتكـ.....نفس الشي صار التجمع معهم ممـــــــل ...................في ..................ممــــــــل |
رد: الواتس اب ... قنبلة موقوته؟؟؟ للنقاش
برق يابرق كيف الحال ياخوي
اعجبني الموضوع وماهو غريب عليك دايم تطرح الجديد المفيد انا واعوذ بالله من كلمة انا اشوف ان الواتس تقنيه ولازم ان الواحد يواكب العصر بما فيه ويتفنن في المفيد ويستفيد منه ويجعله قرب الى الله في فعل الصالح انا مااشوف ان فيه مشاكل يعني كل شئ في وقته الا عاد مهبول وطاح في صحن عصيده الله لا يبلانااا انا اصلن حتى اللي متزوجه مااراسله الا في اوقات مناسبه يعطيك العافيه ب ب ب ب رق الحيااااا :106: |
رد: الواتس اب ... قنبلة موقوته؟؟؟ للنقاش
اقتباس:
ياكثرهم اجل المهبل :(269): |
رد: الواتس اب ... قنبلة موقوته؟؟؟ للنقاش
ليست مشكله اجهزه وبرامج ابدا
المشكله ثقافة استخدام نحن قوما اذا استخدمنا جهاز او برنامج مانفكه الا باللي يشغلنا اكثر عن الاول:biggrin: لن تتوقف الشركات عن اختراع كل مايجذب المستهلك اذا كنا سنحل مشكله الواتس سيظهر لنا تقنيه اخرئ وهكذا اذاا الاجهزه وبرامجها برئيه من مشكالنا والمشكله مشكلة ثقافة استخدام فقط عودتنا برق علئ ماهو جميل فشكرا لك |
رد: الواتس اب ... قنبلة موقوته؟؟؟ للنقاش
اسعد الله ايامكم جميعا ..:106::106:
لن ازيد على ماذكره اخوتي ومن سبقوني بالتعليق لهذا الموضوع لاكن النقطة المهمه وهي قدرة الشخص العاقل ان يميز بين الصالح والطالح..فيستفيد من المفيد ويترك الغير مفيد.. فاحيانا تجينا مسجات بالواتساب لا لها اول ولا اخر..واحيان اخرى اجد اخبار مهمة تصلني.. احيانا فكاهة واحيان اخرى جد .سخااااافه ..واحياننا في ناس تستخدمه للهواش وتبي تطلع حرتها !!! :Cry111:( وت ساب الحريم )) :sm12: لكن بالاخير كل واحد وعقله وكيف يستخدم البرنامج....ويقدر يحذفه عادي .. تحياتي لصاحب الموضوع |
رد: الواتس اب ... قنبلة موقوته؟؟؟ للنقاش
ماظنتي ياعبيد تاكل بطاطا :biggrin:
نرجع للموضوع :tongue: الواتس اب تقنيه حديثه ومهمه للتواصل الاجتماعي وتغيير للروتين الممل . وماراح نوقف عند الواتس اب والتقنيه تتطور كل يوم بشكل افضل :cheese: |
رد: الواتس اب ... قنبلة موقوته؟؟؟ للنقاش
"، آنا فعلاآ آعتبره قنبله موقوته |{ وهو كل شي يستخدم بطريقه سيئه أعتبره قنبله مو بس بين الزوج وزوجته ! بين الام وبنتها بين الاب وابنه حتى اصحابنا يعني واجهت هالموقف كثير انا اسولف مع وحده من صديقاتي ولاقيها مشغوله بجوالها ! بجد حرركه جد اً مزعجه وين فن الانصات وين الاحترام ! ويسلمو لـ صآحب الموضوع |{ :004::rose: }| ،" |
رد: الواتس اب ... قنبلة موقوته؟؟؟ للنقاش
الله يعطيكم العافية حضور جميل من اعضاء مميزين اجمل تحية :rose::rose::rose::rose::rose: |
رد: الواتس اب ... قنبلة موقوته؟؟؟ للنقاش
تصدقون عاد تراها احيانا من اجمل القنابل الموجوده بمجتمعنا بتقولون ليه ؟؟!!!!
بصراحة الحريم خفو مافيه تلفلف من بيت لبيت ومافي وحده من الحريم تقولك طفش وملل الوناسه في بيتها وبين يدينها وهذا الشي يطلبة ويفضله ويعشقة ( الرجل السعودي العزيز :064: |
رد: الواتس اب ... قنبلة موقوته؟؟؟ للنقاش
:sm5:
بالعكس انا اشووفه عاادي جدن.............لانو مثله مثل اي وسيلة اتصال اجتماعيه اخرى............... لاكن هو متى يسبب مشكله....اذا اساء استخدامه.....مثلان يعني مثلان يقعد يطقطق فيه 24 ساعه ولاكأنه عايش بالدنيا.....معطيها شلووتي....:sm12:وينسى من هو حوله...:sm4: ولاكن من يستخدمه في اوقات معينه....ممكن لابأس به انا عن نفسسي......في النادراططقطق فيه...الا اذا جاني برود كاست هيك واناطايره عند الجوال...:sm5: الااذا كان بعيد عني....انساه..خخخخخ...ولاافتكره الا اذا جيت انام......:cheese:اطقس اشوف وش اخر المسجات...واقفله >>>>ثم:019:,,,,,,,,,,,,,,ودمت ســــــــــــالمين:106::106::106: |
| All times are GMT +3. الوقت الآن حسب توقيت السعودية: 09:35 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه