|
يكلم بنات ...!!!
بسم الله الرحمن الرحيم وصل اللهم وسلم على سيدنا وحبيبنا ونور قلوبنا نبينا محمدا عليه افضل الصلاة واتم التسليم وعلى اله وصحبة الكرام ... اليوم واحنا على الغدا ... حدث امر بصراحة صدمني كثير وبصراحة ما اعرف هل هو سيئ او جيد ...!! يعني الى الان لم استطيع تقييم الموقف جيداً رغم الانتقاد الذي وصلني ...!! وضعت الموضوع امامك من باب الاستفاده منكم كمشورهـ وايضا كموضوع حساس في هذا الوقت وهذا الزمن خاصة .. واحنا على الغدا تحدثت بنتي في موضوع صديقتها .... التي تشتكي من اخوها كثيراً المهم الموضوع عادي جدا بنت تشتكي لصديقتها عن تصرفات اخوها من تدخين وتعاطي تنباك .. وان بنتي نصحتها وقالت لها انصحيه وقالت انها ماتقدر المهم الموضوع عادي جدا وفجئة دخلت البنت في موضوع ( بابا صديقتي تقول كلمي ابوك يكلم اخوي وينصحه لانه يكلم بنات )...!!! بصراحة :eek: انا مدري وش يعني اقول حسيت بالغضب وبعدها قلت ان شاء الله ابشري ... خلصنا من الغدا وصاروا الاهل يقولون لي شفت كيف بنت صارت تتكلم بهالطريقة وبكل وقاحه ..!! قلت ماهي وقاحه هذي تتحدث عن مشكلة ومساعده وبالعكس البنت فاهمه ان اللي يسويه اخو صديقتها تصرف سيئ و واضح ان البنت فاهمه وعاقله ومدركه خطر مايحدث في واقع هذه الحياة .. المهم بعد نقاش طويل ..!! ومحاوله من الاهل اني اروح لبنتي واقول لها عيب الكلام اللي قلتيه في جلست الغداء ولكن بصراحة اشوف ان الامر عادي وبالعكس البنت مدركه لما تقول وتميز وصريحة ...!! انا اشوفه امر عادي بنت وتتحدث مع ابوها وامها بكل اريحيه وبدون قيود وبكل مصداقية ..!! الطرف الاخر يقول هذه وقاحه وقلت ادب ...!! اتمنى من الجميع الادلاء بكل جديه ومصداقية عن رأيه ..!! هل ما قامت به ابنتي امر طبيعي ولا يفرض كل هذا الغضب او وقاحه وقلت ادب ان تتحدث بهكذا طريقة ..!! واتمنى منكم النصيحه و وجهات النظر في هذا الموضوع الخاص ..!! اما العام اكيد اغلب الاخوات هنا لديهن اخوهــ فهل تعرف الاخت فلانه وفلانه ان اخوها يكلم بنات وهل هي ترضى بهذا ..!! او هل حديث الفتاة مع الشاب وخاصة الحديث الساخن او الحديث عن الحب وغيره من اتصالات اخر الليل ومسجات وابي اشوف كذا وكذا عباره عن علاقة مقبوله في زمن يرفض كل شئ ..! او ان الفتاة او الاخت تعلم بأن اخوها مثلا يكلم بنات ..! هل توجد مصداقية بين الاخت واخوها ..!! او نصح الاخت لاخوها عباره عن قلت حيا وادب ..!! وهل حديث الفتاة بهكذا مواضيع لاخوها عباره عن قلت ادب وكما يقال ( وش عرفك عن هالمواضيع ) ...! وهل يجب ان تكون الفتاة غير فعاله في دورها سواء في المنزل او هنا من الارشاد للشبان خاصة وللاناث عامه ...!! فهل سوف يبقى دور النصح مربوط في مستوى الذكوريه فقط وان النصح او الحديث في هكذا مواضيع للفتاة يعتبر خدش لحيائها ..!! ولكم الشكر والدعاء |
رد: يكلم بنات ...!!!
.. ماشاء الله تبارك الرحمن .. آخوي وطني بل بالعكس من المفروض ان تفتخر باابنتك بصراحه اعجبتني انها لم تضع حواجز امامك وفتحت قلبها لك لانها تدرك انك سوف تتفهم الموضوع بكل جوانبه .. من قال وقاحه ومن هالكلام لايهزك ريح فهم ينصبون على كلمة المجتمع الدائمه عيب عيب وعيب على البنت ان تفتح قلبها لوالدها او والدتها ، إذا لم تفتح لأقرب الناس لها هل تُريدها أن تأخذ النصيحه من الغير .. اجعل نفسك شفافآ لآولدك حتى يستطيعون أن يتقربون منك دائمآ .. على أنني لأعرف ابنتك الا انني اتمنى في المستقبل أن يكون اولادي بهذا المنهاج .. الله يحفظها لك ويخليها لك وتفتخر فيها دآيم الدوم :004::004: |
رد: يكلم بنات ...!!!
ما قامت به ابنتك صحيح تمامًا, وهذا ما يجب أن تقوم به.
فالبنت التجأت إلى والديها ثقة بهم, مع أنها تستطيع أن تكتم الأمر وتتجه إلى وسائل أخرى للمساعدة وغير مضمونة كالإنترنت! وهذا يدل على الثقة المتبادلة بينكم والحوار وانعدام القيود البالية بين الأبناء ووالديهم وهذا بحد ذاته شيء ممتاز جدًا. فبالعكس يجب أن تشكر ابنتك وتشجعها على هكذا أمور وليس العكس. وفقكم الله. |
رد: يكلم بنات ...!!!
أفتخر فيها هذي تربيتك
أنآ كل شيء اقوله لأمي والله ما اخبي عنها شيء ولما عرفوا صديقاتي نقدوا علي أهم شيء عندي امي تعرف كل شيء عني عشان ماتسمع سوالفي وتصرفاتي من الناس وتنصدم ألزم ماعلي أمي وباقي الناس ماراح ينفعوني .., مافيه احد أخبر بمصلحتي كثر أمي .., الله يخليلك بنتكـ .., |
رد: يكلم بنات ...!!!
بصراحة انااشوف ابنتك على حق عودها على كذا عشان ماتساوي شي من وراك
|
رد: يكلم بنات ...!!!
أهلن أخوي ..
بالعگس موب وقاحه وعجبتن بنتك .. زين أنها تتكلم لك ولاتغبي عنك شي .. والبنت كل اللي بغته مساعده منك والشي صالح لاخو صديقتها موب شي يضره .. ع أي اساس قالو وقحه عشان فتحت الموضوع وحبت مساعده ابوها وبنفس الوقت تتكلم عن الشي اللي صارلهاا .. بالعكس بنتك ماغلط ونعم التربيه الله يخليها لك .. يمكن نقدر نقول قالو وقحه من مبداء ان ليه تفتح هالنقاش ع الغدا وكان تقدر تأجله لبعد الغدا معك انت يَ ابوهاا . بس ولو مايعتبر الشي الي سوته وقاحه ابد والله يحفضها لك .. تقبل مروري أخوي وطني تحياتي .. |
رد: يكلم بنات ...!!!
موضوعك جداً مهم والله ورأيي انا ان البنت تكلمت مع ابوها ولاخبت عليه هذه ميزه
اذا انت ترضى في انها تخبي عليك اشياء ماتدري عنها فهذا شي راجعلك بس انا عجبتني جراءتها .. في يومنا هذا البنت ماتقدر تصارح ابوها بشئ بس في ابهات متفاهمين ومتصاااارحين مع بناتهم وافتخر انت فيها لانها من تربيتك عوووووووودها على المصارحه:10111:وفي اباء لما البولد والا البنت جت وصارحته وسولفت قام وعصب عليها قبل لاتكمل السااااالفه..:sm4:ه>ا اكبر غلط في التربيه اما انا يجي ابوي عندي بالليل ونسهر ونسولف وهو يقووول شو سوى وانا اقوووله شو سويت الله يخليه لي ولا يحرمني وجووووده يااااارب والله يحفظلك بنتك ويخليها لك يااارب ويخليكــ لها :58545: :biggrin::004: ثاااااااااااااااااانكس:cheese::004: وتقبل مرووووووري :(204)::(204)::(204)::(204)::(204): |
رد: يكلم بنات ...!!!
اقتباس:
امر طبيعي جدا وتستحق التشجيع عليه .. محد بيكون احن عليها ولا اعرف بمصلحتها مثل ابوها .. لكـــــن .. هي اساءت اختيار الوقت .. ع الغدا .. ويمكن يكون معها خواتها الصغار ومن غير المقبول يتلوث تفكيرهم بمثل هالقصص المفروض يكون هالموضوع بينك وبينها .. بس بعد هي تظل صغيرة ويمكن ماعرفت متى تتكلم اوو قدام مين المفروض تتكلم ومهم انك تنبهها انها ماتسولف قدام حد من زميلاتها في هالموضوع .. لأن اذا بنتك تشوف هالشي حرام ومنبوذ .. يمكن زميلاتها يشوفونه شي مرغوب .. اقتباس:
اقتباس:
يمكن لو أشوف أخوي يكلم بنت ازغرط .:biggrin:. من كثر مانلح عليه يتزوج وهو رافض .. شكلي بدبرها له يمكن يتلحلح ..:biggrin: امزح و ربي ..:tongue: اكيد تصرف مرفوض شرعا وعرفا والله يستر ع اخوان الجميع .. اقتباس:
بالنسبة لكل هالاسءلة .. هو يعتمد ع طبيعة علاقة البنت بأخوانها الشباب .. في اللي تعرف وتسكت وماتتدخل .. وفي اللي تمسكها عليه عشان تهدده في هالسالفة .. وفي اللي عندها جرأة وتقدر تقول ترى هالشي غلط .. وافضل حل انها تعلم أحد والديها عشان يتصرفون معه .. الله يحفظ لك بنتك ويستر ع شباب المسلمين .. |
رد: يكلم بنات ...!!!
ربي يخليها لكم دووم يارب
وأهنيك عليها ربي يحفظها وهنيئا لها بكما ^_^ بالعكس انا أشوف إنه حلوو لو الأب يكون متعاون مع أولاده مو يسوي حواجز بينهم ربي يحفظكم |
رد: يكلم بنات ...!!!
بالعكس ما شاء الله على بنتك هذا دليل على التربيه وعلى انها وحده فاهمه وهي في هالسن الله يحفظها ويخليها :rose::rose::rose::rose:
|
رد: يكلم بنات ...!!!
بِ النسبة لِ موقف بنتكْ مو مهم ! الأهم ردة فعلك كَ متلقي وَ كَ ( أب ) :rose: كيف أنت كانت ردة فعلك ؟ صح ممكن تكون مدركة أنو هالأمر خاطئ . . بس ممكن هي حابة تشوف ردة فعلك ! أو لا مو تشوف ردة فعلك . . ممكن تتذكر ردة فعلك كيف كانت وقتها لو حاولت تستبيح هالأمر :rose: عفواً أنا أتكلم عن أهمية توضيح مدى خطورة هذا الموضوع لِ بنتكْ وَ كأنها هي صاحبة الإستشارة لا سمح الله " حاول مع الأيام توضح لها عن سوء مايفعل أخو صديقتها , وَ أنكم يَ الرجال كيف تنظرون لِ البنت إليا عرفتوا أنها تكلم شباب . . . إلخخخخ أنا أختي برضو صغيرة . . بس إنصدمت مثل زوجتكْ لما صارحتني أنو أغلب صديقاتها يكلمون !! :icon9::rose: صغار بَ المتوسط يَ عالم :icon9::rose: هذي وين أهلها عنها !! بس كانت ردة فعلي شديدة شوي بس حبيت أوضح لها أنو هالأمر غلط في غلط , وَ المتضرر الأول وَ الأخير فيه هو البنت :icon120::rose: |
رد: يكلم بنات ...!!!
اشكر كل من قام بالمرور والرد والاضافات الطيبه والجميله والمفيده و وجهات النظر الرائعه التي تضيف للرأي ذوق وطعم شكرا لكن اخواتي الكريمات :Looking_anim: ذكرتني كلمة كريمات في نكته تقول في عجوز اسمها ام سعد راحت لعرس ومعاها فازلين و فيقس و كريم دوف فسؤلوها ليش جايبه كريماتك معاك في العرس قالت وصلتني الدعوه تقول ...( الى ام سعد وكريماتها ) :biggrin::biggrin::biggrin: وجزاكن الله كل خير والغريب عزوف الشباب عن المشاركة في هكذا مواضيع :58545: باين مش راضين على الوضع على العموم انا ذهبت لبنتي وتحدثت معاها بالامس في هكذا مواضيع وترا هي كبيره في عيني مش صغيره يعني 14 سنة حرمه ماهيب بزر ولكن بدل ما اشرح لها وافيدها طلعت منها وقد علمتنا هي عن الدنيا واحرجتني انا مع نفسي لما شاهدت مني شئ من النصح فقالت لي يا بابا انا صحيح بنت ولكن لما وعيت على هذه الدنيا وعرفت معنى الحياة واصبحت مابين خيارين اما ان اختار مافي هذه الدنيا او اختار ماعند الله فأخترت يا ابي ماعند الله ...! طبعا هي متلزمه جزاها الله كل خير حتى حفلات الزواج اللي فيها اغاني ورقص ماتروح فديتها روح ابوها هذي لتزوجت بكرا ان شاء الله انا وش اسوي :Cry111::Cry111::bawling::bawling::bawling: الخوف كله اني اتزوج على امها علشان انسى هالحزن هههههههههههههههههه باين اني ناوي على الثانيه الله يستر :(107): ولكم الشكر والدعاء |
رد: يكلم بنات ...!!!
الخوف كله اني اتزوج على امها علشان انسى هالحزن هههههههههههههههههه باين اني ناوي على الثانيه
الله يستر :(107): انت فكر علشان الدكتورة توريك شغلك :41jg::41jg::41jg: |
رد: يكلم بنات ...!!!
الله يحفظك لها ويحفظها لك ويا جعلك تفرح بزواج عيال عيالها قل آمين :) اقتباس:
حدث خلاف بين صبيتين في شات ما فقالت احداهن عن الاخرى " هذي أخوي خرفنها" ! الصراحة مطلوبة ولكن لابد من ألا تهون الكبيرة .. جملة "يكلم بنات" يندرج تحتها بعض الأمور التي تتبع المصطلح و أتغاضى عن ذكرها لذلك الحديث في هذا الأمر للنصح أو غيره لابد أن يكون مفاجئاً للسامع ليعي المتحدث عظم أمره أما النصح في هذا الأمر من أختي لي - لو كنت كذلك :tongue:- .. فالصلاة تنهى عن الفحشاء و المنكر وإذا كانت أختي ستنصحني عن هكذا أمر - يكلم بنات - فأعتقد بأنها ستجد حينها ما هو أعظم منه لتنصحني به .. إقامة الصلاة :tongue: وإلا فإنها غالبا ستنفخ في قربة مشقوقة .. وستخسر الصراحة و المودة بيننا إضافة إلى ذلك مع الأخذ في الإعتبار أن " ما لا يدرك كله .. لا يترك كله " |
رد: يكلم بنات ...!!!
بصرااحه هننيئا لك هذي البنت ... هذي انا افتخر فيها والله يحفظكم يارب من كل مكروه ... ماشاءالله عليها باين عليها عااااقله وواعيه .. وانا اشوف انها ماغلطت بششي مججرد نقاش وسؤال فتحته معاك هذي لتزوجت بكرا ان شاء الله انا وش اسوي :Cry111::Cry111::bawling::bawling::bawling: الخوف كله اني اتزوج على امها علشان انسى هالحزن هههههههههههههههههه باين اني ناوي على الثانيه الله يستر http://www.ckfu.org/vb/images/avatar.../%28107%29.gif تدورون اعذار عشان تتزوجون :41jg: تقبل مروري ع صفحتك |
رد: يكلم بنات ...!!!
هذه هي التربيه المثاليه أسأل الله أن يثبتها ويحفظها لك ويرزقك برها
ان تقول كل شي أفضل من أن تخبي عليك,اما عن عدم رضا أمها من تصرفها فهو لحساسيه الموضوع وهنا أضن أن تحليل طريقة الام للأمور يختلف تماماً عن تحليل الأب وخاصه ان كان يملك مثل عقليتك . اما عن عدم الرد من الرجال هنا فأعتقد أن الغالبيه لا يقبل الطريقه اللتي طرحتها بخصوص أنك تتكلم عن أبنتك مع العلم انك لم تأتي بشي مرفوض او عيب فقط موقف تريد ان تعرف وجهات النظر فيه وهنا تختلف العادات فيه.والحديث في هذا يطول :119: :106: |
رد: يكلم بنات ...!!!
خذها مني نصيحه ياخوي ... خل بنتك تتعلم من نفسها ان هذا الشي عيب ... ورب الكعبه وماحد حلفني اعرف وحده تقرب لي كانت اذا حاولت وهي صغيره تدخل في جو العائله بإبداء رأي او انتقاد او استفسار يقابلها ابوها بوجه مكشر وش تبين انتي صغيره ويقولها بصراخ وامها تقعد تأشر لها يعني انطمي :41jg:واذا اجتمعت مع بنات بسنها وتهاوشوا وقامت تدافع عن نفسها سكتتها امها ولا اذا بغت تعلم ابوها وش صار لها تجي امها تسكتها وتهاوشها عشان ماتكبر السالفه(في اعتقادها انها سالفه)وتنقطع العلاقات بين العوائل ويسحبون السفير :000: تدري وش صار فيها هالبنت صارت اذا اجتمعوا مع ناس وخلصت السهره تسأل امها انا قلت شي غلط !!! شفت هذي النتيجه... حتى مره جونا وقاعدين نسولف الاحظ انها تتلعثم في كلامها مع اني اشوف قوه مقاومتها عشان تنطلق بالكلام بكل حريه واريحيه و انذهل من عقليتها المتفتحه ونظرتها البعيده ...ولا يخفى عليك اني تعلمت منها الكثييييييييييييير... حتى امها تقولي بنتي اكبر من سنها بس تدري اذا جو رايحين وش تقولي تقولي سامحيني اذا قلت لك شي غلط واذا قلت شي غلط نبهيني ...:bawling: الدنيا كفيله بإنهاتعلمنا الصح والغلط تنبهنا الدنيا بهدوء ...بدون عنف ...بدون تسكيت...بدون تكسير مجاديف...بدون تحطيم...بدوووووووون احراج هذي بنتك اوثق في تربيتك لها ...:wink: تحياتي لك واسفه على الاطاله..تقبل مروري:rose: |
رد: يكلم بنات ...!!!
ونسيت شي ...بعد اذنك الاب والام لهم دور توجيه الابناء بكل حب ...وابتسامه ...وعطف ... ودفء تحياتي لك... |
رد: يكلم بنات ...!!!
اشكر كل من قام بالمرور والرد الطيب بصراحة اضافات و وجهات نظر طيبه تعكس مدى الرقي في التعامل بصراحة جزاكم الله كل خير والله استفدت من ردودكم كثيراً كثيراً جزاكم الله كل خير و وفقكم بالدنيا والاخره ولكم الشكر والدعاء |
رد: يكلم بنات ...!!!
ماشاءالله تبارك الرحمن على بنتك
الله يحفظها طبعا جميل منها انها صارحتك بس اختارت التوقيت السئ انه الجميع يسمع ماتقوله لو انه جلستم لحالكم بعيد عن الاطفال كان افضل لانه موضوع الحديث حساس الله يهدي شباب المسلمين اللي ماترضاه على اختك كيف تضاه على بنات الناس وتذكروا دائما انه كمااااااااا تدين تداان حتى لو بعد حين من طق باب الناس الناس طقوا بابه وكمان البنت اللي تكلم الشباب عيب تخونين ثقة اهلك فيك وش نهاية هالعلاقة ندم في ندم :139: اللهم لاتزغ قلوبنا بعد اذ هديتنا |
رد: يكلم بنات ...!!!
بعض المكالمات بتوصل للزواج مو كل المكالمات خطا :biggrin:
اما بخصوص بنتك حلو المصارحه بين الاب وبنته وباين انك ديمقراطي في التعامل مع اهل بيتك وهذ هو المهم في تسيير امور الحياه ككل . |
رد: يكلم بنات ...!!!
:Looking_anim::Looking_anim:
|
رد: يكلم بنات ...!!!
اول شي اهنيك ع تربيتك لبنتك هذا دليل ع انك عرفت تربي
وبالعكس الي سوته بنتك ماهو عيب هذا يدل ع انها فاهمه وعارفه ان الي صار خطاء وعيب ولازم ننصحه وانت اذا نهرتها او علمتها انه عيب ومايصير تقول كذا انت بيدك بتبني حاجز بينك وبين بنتك البنت بتاخذ فكره انوا اي شي يصير عيب والمفروض ماتقوله حتى لو كانت محتاجه النصيحه ومابيتصيرتعلمك بكل شي وبتدور ع شخص ثاني تقوله وهذا مو من صالح الام والاب اكيد:(177): وبالنسبه لوجهه نظرنا بالمكالمات فهذا اكيد مرفوض واكيد مابرضاها لخوي وبكلمه ومافيها عيب ابدا وبنصحه ان الي يسويه اكبر خطاء لان بنات الناس مو لعبه في يده يكلم متى مايبي ومافي انسان يرضاها ع اخته اجل كيف يرضاها ع بنات الناس الي ماترضاها ع اختك لاترضاها ع بنات الناس وكما تدين تدان واذا الزمن تغير في دين وشرع ماتغيير ولا يحق لنا نحلل ونحرم على كيفنا بحجه الزمن تغير واكيد لها دور الاناث بالنصح ليه نهمش دورها وابدا مايعتبر خدش لحيائها بالعكس هذا يعتبر فخر كبير لي ولباقي البنات ان حنا نشوف عدد كبير من البنات في رقي وفهم للمواضيع وهذا يدل ع البيئه السليمه الي تربت فيها البنت وصارت تعرف الصح من الغلط والحلال من الحرام وتعرف كيف تنصح وتوعي باقي الشباب والبنات واعذرني طولت بالكلام بس الموضوع متشعب والواحد ماوده يسكت :biggrin: <<زين سكتي :hahahahahah: |
رد: يكلم بنات ...!!!
شكرا لك من قام بالمرور والردود الطيبه فجزاكم الله كل خير وحي الله اختي بيشووو والله صايره كشخه باللون البردقاني صايره مزيونه شوفي غيري عباتك من اسود الى بردقاني وحتى نفنوفك غيره كل شئ حتى شعرك اصبغيه نورتينا انتي والاخوات الكريمات هنا والاخوان الاعزاء الكرماء فجزاكم الله كل خير والله اني دقيق في ردودكم واقرأها وغيري يقرأها فجزاكم الله كل خير عليها و وفقكم الله يارب ولكم مني جزيل الشكر والدعاء |
رد: يكلم بنات ...!!!
صباح الخير والورد..:rose: اخي الكريم في هذه الايام ومع زيادة المشاكل في المجتمع من الضروري لكل الاباء والامهات ان يتواصلوا مع اولادهم ويشاركوهم احلامهم ومشاكلهم عشان يكونوا على اطلاع على امور اولادهم ويقدمون لهم النصح ويساعدوهم على حل مشاكلهم والصعوبات الي تواجهم واجب علينا كاباء وامهات تشجيعهم على مشاركتنا وهذا الزمن غير عن زمنا الي كان فيه كل شيء عيب.. ولك احترامي ...:106: |
رد: يكلم بنات ...!!!
ياصباح الخير اخوي وطني
نعم الاب ونعم التربيه لبناتك الله يحميهن شكلي بحجز لخواني ايش رايك::امزح معك الله يرزقهن اللي يقدرهن ويعرف قيمتهن وهني عينه لا باالعكس خل الباب مفتوح بينك وبين بنتك وحاول تشجعها على هاالتصرف تحكي لك وترتاح اما باالنسبه للموضوع العام مفرفوووووض مؤكد ذالك ولو حصل ابد مااتردد في النصح يعطيك العافيه اخوي طرح قيم الله يسعدك :106: |
رد: يكلم بنات ...!!!
اقتباس:
http://www.t3bqlbe.com/vb/nawaf/ho/21.png فكره ماهي شينه بغير اثاث غرفتي والصبغ لبرتقالي وثيابي كل ابوهم بشتريهم برتقالي :biggrin: بس عاد عباتي لون برتقالي مدري وش احس فيه مايصير:hahahahahah: لا والشعر برتقالي وش لون بيطلع :hahahahahah: عجوز مسويه حنا :hahahahahah::hahahahahah: ومن قال يارب والله يخليلك بنتك ويخليك لهم ويطول بعمرك |
| All times are GMT +3. الوقت الآن حسب توقيت السعودية: 02:11 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام