|
ودي القى انسان يسمعني
انا للاسف عمري 20سنة والى الان ماعندي احد يفهمني
صاحباتي كل وحدة منهم متزوجة وعندهم اولاد ومشغولين عني حتى بنت عمي الي كانت قريبة مني من صار عندها ولد انشغلت عني ماحد درى عني وانا ماعندي خوات دوم احس بوحدة تقتلني لكني ماعندي احد اشكي له واتكلم معاه بدون تردد او خوف نفس ماتكلم مع نفسي امي يوم معاي وعشرة ضدي وكل تبي تجبرني على اشياء اسويها انا مابيها ولامقتنعة بها ويوم الي ماارضى تخاصمني ولاتكلمني وكل الي بالبيت مايكلموني شسوي وربي احترت وخصوصا المشكلة الي امر بها الحين بقولكم وانتو احكموا عندي بنت خالة قالت لي من بداية السنة اذا ابتدا التسجيل عدنا بالجامعة اقولها وفعلا قلت لها وسجلت ادارة اعمال وقبلوها بس لما راحت بنك الرياض عشان تسوي ايداع للرسوم قالوا لها احنا الغينا تعقادنا مع الجامعة طيب مو مني لان قلت لها من قبل طريقة التسديد تغيرت والحين عن طريق الصراف وقالت اعرف وماله داعي تعلميني والمعروف ان الحين تسديد الرسوم عن طريق مكائن الصراف وانا قايلة لها هالكلام من قبل وقلت لها اذا محتاجة اي شي انا معاش وطبعا يوم راحت البنك راحت بتسدد على الطريقة القديمة الي هي ايداع الرسوم وقالوا لها الكلام الي قلته ان الغوا تعاقدهم طبعا حطتها براسي وقالت كل مني طيب انا وش دخلني وفوق كل هذا تبلت علي وراحت قالت لامها الي هي خالتي ان قلت مابساعدها ولابوقف معاها وخالتي راحت قالت لامي هالكلام وربي مت من القهر والله حرام الي يصير فيني الحين يخلص التسديد عنها وانا ابتلش وانا شكو من البداية كانت امي واقفة معاي بس الحين ضدي وتقولي ساعدي بنت خالتش وسددي عنها وانا بصراحة عصبت فوق كل الكلام الي قالته عني مابي اساعدها لانها ماتستاهل وامي تبي تجبرني اسدد لها وليش ماهي تتحرك على نفسها وامي كل تبي تجبرني وانا محتارة مدري شنو اسوي كرامتي فوق كل شي انصحوني قولوا لي شسوي ؟ شنو الحل ؟ انا مابي اساعدها لانها ماتستاهل واتهمتني ان انا الي ضيعت مستقبلها وانا قلت مابساعدها وتبلت علي بكلام ماقلته |
رد: ودي القى انسان يسمعني
حبيبتي
الله فوق كل شيئ وبعدين إذا ساعدتيها بتلقينه عند ربك لأنك بترضين أمك وهذا الواجب عليك وبعدين لا تقولين أنك وحيدة كلنا معك |
رد: ودي القى انسان يسمعني
عملي عمل الخير وقطيه بحر |
رد: ودي القى انسان يسمعني
وبعدين دوري علي الاجر عند الله سبحانه وتعالي |
رد: ودي القى انسان يسمعني
هلا فيك اختي الكريمة وبالعكس وضعت تمام والحمدلله والاخوه والاخوات ماقصروا بالرد وانا مراح اقولك اية قرانية ولا حديث وانتي ان شاء الله اعلم بهذا مني ولكن بقولك شعر للامام الشافعي رحمه الله اتمنى بس تتأملين فيه صن النفس واحملها على ما يزينهـا ...... تعش سالماً والقول فيـك جميـل ولا تـرين النـاس إلا تجمـلاً ....... نبا بك دهـر أو جـفاك خليـل وإن ضاق رزق اليوم فاصبر إلى غدٍ ....... عسى نكبات الدهر عنـك تزول ولا خـير في ود امـريءٍ مـتلونٍ ...... إذا الريح مالت مال حـيث تميل وما أكـثر الإخوان حين تعدهـم ...... ولكنهـم في الـنائبـات قليـل ولك الشكر والدعاء |
رد: ودي القى انسان يسمعني
هي سالفه تافه ماتحتاج هالكلام كله ومااشوف فيها كرامه انتي حره تبين تسددين لها سددي بس بالنسبه لي كلام امك اولى اسفطي كرامتك ترى اولى رضى امك لو مو امك كان قلت اللي مو عاجبه يصقع راسه بالجيدار بس دامها امك اعرفي مافي تناقش في كلامها |
رد: ودي القى انسان يسمعني
انا أقوول نفس الأخوه اللي ردوا فوقي ..
ساعديها ولا تنقهرين ولا حاجه .. عشـآن تحطين ببالك ويكون درس لك .. تكونين حذره من الجمييييع بلا استثناء .. ساعديهم حبيهم كوني معاهم بكل شي بس بحذر بحيث لو صـآر اي شي تكونين متوقعته .. ماتنصدمين ولا تتعبين .. وكوني أقوى من كـذاا :wink: وكوووني سعـيدة :106: والله يسعدك ويسعد أيامك :love080::106: |
رد: ودي القى انسان يسمعني
اختي
بقولك روحي سنعي بنت خالتك وهذا واجبك سددي عنها وعلميها بكل شي هذا الواجب شرعاً وعرفاً ودمتي بود |
رد: ودي القى انسان يسمعني
ليش انا الي ماساعدتها يعني
قلت لها هالشي من زمان وان انا معاها بكل شي حتى اذكر كلامها قالت خلاص اذا ماعرفت شي بينا الو والي قهرني وعصبني انها تقول لامها ان انا قلت مابساعدها وطبعا ماعندها الجراة عشان تواجهني على هالشي لانها كذابة وبعدين تقول كل مني وتدعي علي انا ماقصرت معاها والي علي سويته وقلت لها من زمان بس بعد الي سوته خلت حاجز كبير بيني وبينها لكن انا دايم حظي كذا اساعد وبعدين يتبلو علي |
رد: ودي القى انسان يسمعني
اقول ياختي الكريمه ترا بعض الطيبه مشكله خليج واضحه مع الناس في التعامل علشان ماستقلونج وانتي اذا قعدتي تحاسبين فنسج بكل صغيره وكبيره مراخ تكسبين غير الامراض مثل الضغط والسكري الله يكافينا الشر وجميع المسلمين اللهم امين وبعدين رضا الوالدين من رضا الله سبحانه وتعالي مثل ماقلتج بالبدايه سوي عمل الخير وقطيه بحر واحتسبي الاجر عند الله سبحانه وتعالي وتقبلي مروري |
رد: ودي القى انسان يسمعني
عادي الاخطاء الاملائه تحمليني مندمج بالموضوع
هههههههههههههههههههه |
رد: ودي القى انسان يسمعني
الله يعافيها تخلي احد من اخوانها يسدد بكيفها والا تسدد عن طريق النت خلها تتادب :41jg::41jg::41jg::41jg::41jg:
|
رد: ودي القى انسان يسمعني
أختي الغالية أقدر موقفك لكن إحسبيها صح:wink::106:
ايش بتستفيدين لو ما سددتي عنها ؟؟>>>ولا شي بالعكس بتكونين عصيتي أمك ..بتزعلين خالتك منك .. العداوة قد تدخل بينك وبين بنت خالتك أشياء كثيرة ما لها داعي..:119: نصيحتي لك روحي سددي لها وأطلبي الأجر من الله ..والله ثم والله لو فعلتيها لوجه الله ستحسين برااحة عجيبة وانشراح في الصدر ..جربي وقوليلي >>لا تنسين لوجه الله:wink: |
رد: ودي القى انسان يسمعني
ماراح ازيد بالكلام الاخوات ماقصرووا
الله يحفظهم بس بقولك نقطه اذا تبين الله يرضى عنك ويوفقك ويفرجها عليك من كل جهه ارضي امك وسددي عنها وراح ترتاحين وتنتصرين عليها لانك قابلتي السيئه بالحسنه والله يجزاك خير |
رد: ودي القى انسان يسمعني
شوفي قصدي اقري كلامي زين اختي اول شئ حاله الوحده حاله طبيعيه والكل يمر فيها
وانا كنت نفس حالتك ولله الحمد لما سجلت في المنتدى هذا اشغل كل وقتي على الاغلب واذا محتاجه صديقه تسمع لك وتنصحك في كل شئ انا مستعده وبينا الخاص ان شاء الله ماقصر باللي اقدر عليه اما سالفت بنت خالتك هي الغلطانه واهمال منه ولكن سددي وكملي اموره كله مو علشانه علشان امك بس وبعده حاولي انك تخففين المواصله بينك وبينه لانه ابد ابد ماتعد صديقه خليه صلت رحم في المناسبات بس ان شاء الله وصلتك لشئ يفيدك والله ينور دربك اختي حاولي تكثري استغفار |
رد: ودي القى انسان يسمعني
هلا بك ياختي لاتقولي انتي لحالك كلنا حولك وكلنا صديقات لك والحين ماعليك غير ترضين امك وتطلبين رضاها وبنت خالتك بعدين راح تعرف انها غلطانه وبترجع تبي تعتذر منك بس الى عليك الحين روحي صلي ركعتين واذكري ربك وارضي امك وان شاء الله راح ترتاحن
وهذا انا اقولك انا صديقه لك اذا تقبلين صداقتي .... |
رد: ودي القى انسان يسمعني
رضا الام من رضا الرب ،، اذا كان السداد هو اللي يرضي امك فلازم تسويه حتى لو بنت خالتك ماتستاهل
اهم شئ رضا أمك عليكي ،،، واذا بالوحده فااننا كلنا نعاني من هالشئ وهالدنيا اشغلت الناس واذا تحتاجين اي شئ تحت امرك مابتاخر عليكي بشئ الله يفرج همك ،، ويسعدك ربي |
رد: ودي القى انسان يسمعني
مشكورين كلكم صج الحين حسيت اني مو وحيدة
عندي اخوان وخوات واجد ومايخلوني بعز ضيقتي وفعلا بسوي الي قلتوا لي عنه بس انا اعرف لو سددت عنها بعدين بجي تقولي من وين افتح المحاضرات وكيف اشغل واحمل المحاضرة وكيف احل الواجب واقبل صداقتكم كلكم يااخواني وخواتي في الله |
رد: ودي القى انسان يسمعني
فديت قلبك وسعي صدرك يالغاليه اللي يشوف بلوة غيره تهون عليه مصيبته :icon9: انا اللي اكلمك تأخرت بالمصلى بالمجمع وجا اخوي اصغر مني بس متزوج ومعه اهل زوجته وتلفظ علي الفاظ يعلم بها الله وحده وانا معروفه بكل العيله بإحترامي وصمتي واللي اسويه لكل اخواني شي ماله شبيه الا انه الله يسامحه كسر قلب قلبي وظليت ابكي بكا يبكي بلاد :Cry111::Cry111: الا اني لما شفته بعد يومين جوعان كسر خاطري وسويت له مندي لحم :biggrin: معليش حبيبتي الدنيا رايحه وش ماخذين منها :Cry111: وتأكدي امك وخالتك عارفين لانهم كبار حتى لوصدقوها عليك الا انهم بقرارة انفسهم ينكرون عنك هالتصرف واثبتي لهم بالعكس وقولي الدنيا رايحه يمكن بكره تحتاجين مساعده والله يسخرلك من يساعدك بسبة انك ساعدتيها :(204): شوفي انا مارديت عليه الا انها ورب البيت قامت سيارات من منطقه لمنطقه يبون يربونه وانا اللي دافعت عنه قلبي مايطاوعني :icon9::icon9: |
رد: ودي القى انسان يسمعني
فديتش يالغالية وربي قلبش كبير
فوق كل الي سواه لش لكن عاملتيه بالتي هي احسن صج قلبش كبير انا لان دايم تحصل لي هالمواقف وكل يتبلو علي وهذي ترا مو اول مرة بنت خالتي تتبلى علي اكثر من مرة ولاتادبت ولاشي تخيلي مرة قالوا عني اني استغفر الله يعني ماقدر اقولها قالوا عني كلام مو زين هي واختها وانا قمت اصيح داك اليوم وكل يشوفوا حالهم علي اصلا هم يغاروا مني لان البنت الوحيدة عند امي وابوي وكل شي موفر لي وحتى اول ماصارت سالفتها دي مع الجامعة امي قالت الى خالتي اصلا من متى بناتش حبوا بنتي فوق كل الي تسوي لهم لكنهم يحقدوا عليها بس بعدين امي تغيرت مدري شلي غير موقفها لكن من يوم رايح مارح اكون طيبة وعلى نياتي عشان ماحد يستغلني او يمسكني من اليد الي تعورني |
رد: ودي القى انسان يسمعني
هلا بككـ أختي " بيسان"
اتمنى انكك تتقبلين كلامي بكل رحابة .., انتي عمركك "20" سنه يعني عاقلة وفاهمة .., وتقدرين تديرين امورك بنفسكك .., وماراح تلقيننا كل ماضاقت عليكك.., واذا على موضوع بنت خالتكك " انا اقول اسمعي كلام امك" .., مافيه ام تأمر بنتها على باطل .., والله يعينككــ على ما ابتلآككـ .., |
| All times are GMT +3. الوقت الآن حسب توقيت السعودية: 05:11 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام