|
أبي الكل يتفاهم الموضوع ويشاركني
السلام عليكم ورحمة الله وبركاتة وبعد السلام أعرفكم بنفسي أنا مريوم <<< لا قولي قسم طالبة في كلية العلوم الفرقة الثالثة بس مالاداعي افصل بزيادة المهم انا عجبني الملتقى مره مره مره والله يجزي خير على من سواه وتعب عليه << خلصينا وش تبين انا حاااااااااولت اسجل في المنتدى واتعبتني عملية التسجيل مره الين ماسجلت ولله الحمد انا هالمره مابي اطلب اي طلب منكم مابي بحث مابي جدول مابي مابي مثل باقي العضوات انا حاولت وبشى الطرق اني اسجل بالمنتدى لسبب واحد ابي اللي حولنا يحسون فينا يحسون بالمبنى اللي احنا ندرس فية ابيهم يحسون بطريقة المعاملة اللي نعاملها من قبل ( بعض) الدكاتره والاداريات والمعيدات يادكاتره يااداريات ويامعيدات ترى احنا بشر مثلكم نحس وعندنا مشاعر عندنا كرامه ليه الاهانه لبعض الطالبات ليه الغرور والكبرياء اذا جات وحدة كلمتكم او سألت عن شئ ليه ابي اعرف هذا الشئ؟ هل علشان حاجتنا عندكم؟ والا علشان انتو ارفع مقام منا؟ ودي اعرف هذا الشئ والله ان بعض الاحيان اذا بغيت شئ عن دكتوره او اداريه او معيدة اتردد اني اروح لها والسبب المعاملة ماأحد حاس فينا ماأحد حاس بالجو اللي احنا عايشينة أيام الصيف ملطوعين بره في الحر في القرف في الوساخة في ....... وانتو متنعمين في البراد وايام الشتاء جالسين في الغرف متدفيين واحنا ملطوعين بره في البرد والمطر الى متى ؟! انا ولله الحمد باقي لي سنة ان شاء الله وبتخرج بس حرام للبنات اللي بعدي والله احس ان احنا مهااااانين بالمره بعض الدكاتره اللي يهديهم يرسبون البنات ليه ؟ الله اعلم مع ان 100 درجة بيد الطالبة يعني الدكتوره مالها دخل في الطالبة الا انها تشرح لها وتصحح اوراقها ليه ترسبون البنات؟ :Cry111: مو حرام بس والله يادكاتره بتسئلؤون عنها في يوم غير هاليوم؟ هذا من قبل هئية التدريس أما من قبل الامن فحدث ولاااااااااااااااااااااااااااحرج اسم فقط اسمهم امن بس من 10 مدري كم وحده من الامن النسائي مافي الا 3 احس يتاهلون هالمسمى والا الباقي الله يهديهم وين الامن عن البنات الوسخات وين الامن عن البنات اللي يطرطعون وين الامن عن البنات اللي يوميا يجيبون جوال كاميرا اعرف وحدة من البنات تقول يوميا جوال الكاميرا ف اجيبة بس اني احط على الكاميرا استكر وين الامن عن الكافتريا الوسخه وين الامن عن اللي يكتبون بالجدران وين الامن ................. والا بس جالسين في غرفهم قهوه وشاي وفول يجلسون من صباح الله خير بس هذا شغلتهم قهوة وشاي وفول ويرجعون البيت نامو في فرشكم احسن لكم لاحقين على هالاشياء والله حتى اني اعرف وحده من الامن اول مادخلت الكيلة كان جسمها مقبول والحين من الجلسة والاكل صاااااااااااااااارت حدث ولاحرج وهذي من ناحية الامن نجي للكفتريا :011: الله الله الله على الكفتريا انواع القرف انواع الوساخة انواع وانتو بكرامه مدري ايش اقول لكم؟؟ لا وغير كذا اللي يبيعون لاهم مغطين شعورهم وبعضهم الله يهديهم ريحتهم اووووووووف وغير كذا البعض منهم مغرورين ونفسياتهم اعوذ بالله تقولين كأننا نطر منهم ماكأنا نشتري ياناس حطو فلبينيات يبيعون والله والله انظف والله يعني لو يحطون الفلبينيات اللي ينظفون بالصاله والله انظف منهم مامره وحده منهم مرت جنبي ريحتها خياس والا انها تقرف حتى ان بعضهم مغطين شعورهم لا عاد والا اللي يسوون السندويشات ولابسين قفاز وتحك انفها بالقفاز وتاخذ الفلوس بالقفاز من وين تجي النظافة:mh19: هذا غير الروائح اللي بالكفتريا وغير التسعيرات اللي يحطونها على كيفهم البتزا بـ5ريال ونفس البيتزا امها ابوها عند وحده ثانيه ب4 ريال يارب انك تساعدنا بس انا هذي وجهة نظري وفي كلام وااااااااجد بس اني اكتفي بهذا اللي يضايقني ويضايق بعض البنات انا ماكتبت هالموضوع للفضايح لا ابي اوصللكم شئ يمكن انتو ماتدرون عنه ابي الكل يشارك معي وهذاني والله ماكتبت هالموضوع للفضايح لا والله شاهد علي ارجو ان تتقبلون موضوعي ولاتحذفونه ابي الأعضاء يشاركون معي وحطوا في بالكم انا ماشملت في موضوعي كل الدكاتره والمعيدات والأمن واللي يشتغلون بالكافتريا انا اقول(البعض منهم) تقبلوني سامحوني على الاخطاء الاملائية وابي ردود ومشاركات وتفاعل Maryo0om ^ـ^ |
رد: أبي الكل يتفاهم الموضوع ويشاركني
الله يكون بعونكن صراحة
و إذا على المعاملة كلامك صحيح للأسف حتى الدكاترة حاملي الشهادات العليا ما يعرفوا يتعاملون مع طلابهم و طالباتهم بالشكل المطلوب بغض النظر عن الموظفين أو حتى موظفي الأمن :000: أحنا ما نعمم بس عيب و الله جامعة تحمل العلم يكون فيها مثل هالاشيا المفروض قبل تعيين أي موظف في الجامعة أو حتى أي دكتور يعطونه دورة في حسن التعامل مع الآخرين |
رد: أبي الكل يتفاهم الموضوع ويشاركني
غاليتي والله الي تقولينه يعور القلب
وعندنا وعندكم خير كليتنا نفس ماقلتي والخير مايبونه واذا جاء احد يسوي شي خير او يعدل فيها قالو هتو اورقكم الي تثبت نرفعها الجامعه فوق وهم يطنشون ومايبون يعدلون في اي شي الوضع عاجبهم مع انه مو عاجب الطالبات الله يكون في عونكم وعوناء وياليت الي فوق يسمعون وهم مايقصرون بس من يوصل لهم الي يصير |
رد: أبي الكل يتفاهم الموضوع ويشاركني
الله يصلح الحال يارب
والله يهدي الجميع انشاالله وليس للمرء الا ان يقول (حسبي الله لا اله الا هو عليه توكلت وهو رب العرش العظيم) |
رد: أبي الكل يتفاهم الموضوع ويشاركني
بسم الله الرحمن الرحيم
أولا : أحمد الله وأشكره .. على مانحن فيه من نعمة الأمن والأمان ، وعلى ماوصلنا إليه من شتّى المعارف . ثانيا : أشكر الأخت الفاضلة على ما أوردته في موضوعها والذي يبيّن الحالة المخجله التي وصلت إليها كليات البنات في بلدنا . نحن نسمع ونقرأ عن الأوضاع المؤسفه في الكليات ... وكل منطقة ولها نصيب من هذه المشاهد , أنا أتكلم الآن عن كلية البنات بالدمام بشقيها العلمي والأدبي ... وما يحدث فيها من تصرفات مشينه تصدر من بعض الطالبات ، أقول البعض لأن الغالبية مازلن متمسكات بالعادات والتقاليد ، ولم يتبعن خطوات الشيطان ، وأجزم بأنك يا أخت مريوم قد شاهدتِ بعض الكتابات على الجدران ، وبعض عبارات الحب والغرام ، ... طبعا .. أنا وصلني بعض هذه العبارات وبعض تلك الثقافات التي عند البنات . أما بالنسبة للكلية .... فالذي أعرفه أن المبنى جديد ، لا أعتقد أن الوقت قد أسعف البنات حتى يدمروا المبنى . سؤالي ... ماذا تقولون عن مبنى كلية المعلمين بالدمام والذي له ما يقارب 45 سنه ... ؟؟؟ دمااااااار شاااااااامل وطبعا .... لاحس ولا خبر بالنسبه للنظام والأمن .... فلقد شاهدتهم يميزون بين فتاة وفتاه ... لاأعلم لماذا ؟ أما الكاميرات .... فهذا يعتمد على التربية وعلى مراقبة الأهل للفتاه ، وقبل ذلك مراقبة الفتاه لخالقها عز وجل . لا أريد أن أستفيض في هذا الموضوع ... أعتذر عن الإطاله ... ولك شكري وتقديري |
رد: أبي الكل يتفاهم الموضوع ويشاركني
الحال من بعضه الله يصلح الحال
مدري لو الكليه تكون اهليه هل بتكون بنفس هالشكل ؟؟؟؟ لكن تدرون انا شكلي بروح عند اكبر مسؤول وبالصور بعد <<<< بسوي تحريه :s12: تشكين وانا ابكي ،،،، |
رد: أبي الكل يتفاهم الموضوع ويشاركني
السسسلام علييكم
نفسس حالتنا الاستاذات نفووسهم خايسسه وخاصاً السسعودياات مدري ليه هـ المعاملله وبالنسبه لنظافه الكلييه الله لا يورييكم والكل عاررف كلييه الخفجي اكييد شفتوا الصور واقسسم بالله ما كاني بكلييه تابعه لجامعه الملك فييصل والاسعااار حدث ولا حرج كل شي يزيدون ريااال ونصص :000: وسلامتتكم |
رد: أبي الكل يتفاهم الموضوع ويشاركني
هذا أخلاق العالم العربي تكبر وإحتقار بمن أقل منهم منزله (من تواضع لله رفعه
|
رد: أبي الكل يتفاهم الموضوع ويشاركني
[COLOR="Black"][/COLORالسلام عليكم...
الصراحه انا ما الوم بعض الدكاتره يوم يشفون انفسهم.... لئن صراحه فيه بنات وقحات والافاضهن مثل اوجيهين.. وستاهلن كلام الدكاتره علييهن والله كلامهن وسصخ مره.. وبس....:cheese: |
رد: أبي الكل يتفاهم الموضوع ويشاركني
لاحول ولا قوة الا بالله
والله ...الله يعينكم ...وحسبي الله ونعم الوكيل ان شاء الله يتفهمون حالتكم ويطورون لكم هالخرابه اللي ينقال عنها كليه..وهذا بدل مايوفرون البيئه المناسبة!! ولو كان هنا ادارة مميزة وصارمة تقيد كل موظف وطالب بشروط ..ماكان هناك هذا التسيب الواضح وصدقا انا لي سنه ثانيه في الجامعه ومما لاحظت ان الدكاترةالسعوديات شايفين حالهم ورافعين خشومهم على ايش مادري بس شاطرين في العنصريه اذا شافوا البنت ذات مركز حطوها فوق الراس..... كبعا انا ماعمم لكن البعض منهم.. بس...0لاحياة لمن تنادي0 |
رد: أبي الكل يتفاهم الموضوع ويشاركني
دلع حبيت اوضح لك شغلة ان بنت لبنت تفرق للمعاملة
فيه بنات يفرضن احترامهم على الكل وفيه والله يهيدهم اللي قلتي عليها وتستاهل مايجيها من درجات خايسة ورسوب ومعاملة زفت بالنسبة لموضوع الاخت واللي داخلةة من القهر وانا مالومها بالفعل لابد للدكتورات والمنسوبات من مادة يدرسونها اسمها اخلاقيات المهنة تعرف وش لها وش عليها ووش واجبها اتجاه المسؤولية اللي تكلفت فيها من ناحية اخرى كل كلية خايسة وماهي مكان صالح او بيئة نظيفة لتعلم العلوم المفروض والاجدر بالجامعة تحط ميزانية او تطالب بميزانية اخرى لبناء مباني حديثة تواكب التطور اللي حاصل في العلوم والتقنية للجامعات الخارجية او الموجودة هنا وبعدين انا اشوف كثير يشتكون من الرسوب ليه هيا فوضة والا موضة طالعين فيها طبعا اللي مثل حالتي ماقدر احدد الاسباب لكن غريبة حال جامعتكم مرررة الرسوب يفها متكرر اسال الله ان يهدي البنات يشدون حيلهم والدكتورات يرافون بالبنات والله يكون بعونكم صراحة لازم اعادة هيكلة في الجامعة |
رد: أبي الكل يتفاهم الموضوع ويشاركني
هلا فيكم اخواني الاعضاء صــــــــــــــــــــج الكلام ما ينفع بس وش نسوي ناس ماتفهم ولهي قادرة تستوعب انو نظام التعليم بالسعودية فاشل لا وفق هذا يقولون التعليم في جامعات السعودية من ارقا التعليم (اقول ما وراكم الا الكلام بس ):150: الله يخلي لنا ابومتعب :praying: والله لو يدري عن المهزلةهذي ما يسكت ......... :Cry111: قال ايش قال جامعات حشى مو جامعات هذي قبور |
رد: أبي الكل يتفاهم الموضوع ويشاركني
السلام عليكم ورحمة الله وبركاته
أشكر أختي مريوم على هذا الموضوع وجداً الموضوع حساس واذا هي أول طالبه تعاني ففيه الكثير وأنا واحده منهن وأشاطر أختي مريوم بالموضوع واللي قالته شيء قليل لكن اللي تشوفه العين ((نقول عنه الله المستعان)) ونتمى من اللي لهم يد بالموضوع يغيرون ولو شيء بسيط لأن هذا المكان مقر علم ولكم مني شكري وتقديري |
رد: أبي الكل يتفاهم الموضوع ويشاركني
يصراحه فطعت قلبي بس أكيد معك حق لان من الضروري تهيئة المناخ المناسب للطلاب والطالبات:Cry111:
|
رد: أبي الكل يتفاهم الموضوع ويشاركني
حبيبة قلبي...والله مشكورة على طرحك للموضوع... لكن نجي للصراحة..."تتكلمين على الكافتيريا"...طيب أنتي مو جاية من بيت أمك علشان تأكلين وتبلعين...جايه تتدرسين وتتخرجين وترفعين رأس أهلك. والله إني أنغثيت من شكاويكم يالبنات...مو عاجبتكم الكليات والجامعات...ياأخي أطلعوا... ياعمري أنا أقول كذا "ما أهاجمك"...أنا أقول كذا لأني أنقبلت كيمياء ونسبتي 95 بس ماحصلت مكان لي. والله كنت أرضى لو يخلوني "واقفة" وأخذ محاضراتي. صحيح "فاقد الشيء يحس بقيمته". أحمدوا ربكم...في ناس تدرس وتذاكر وماعندها كهرب في البيت...يدرسون على سراج وعلى شمع. احمدوا ريكم...في ناس تخرجت وتعبت وماحصلت لها مكان.:Cry111: والله الي يبي يدرس ويكمل دراسته ماتهمه هذي السطحيات التافهة...أكل وريحة وخرابيط. ياعمري المدراس الي درسنا فيها كانت بيوت مو حكومية...وأيام نقعد بدون طاولات ولا مكيفات ولا أنوار...بس تخرجنا وتفوقنا. ما قول إلا حسبي الله ونعم الوكيل. أتمنى فهمتي وجهة نظري. أحمدي ربك...نصيحة...أحمديه. تقبلي تحياتي: أختك |
رد: أبي الكل يتفاهم الموضوع ويشاركني
ما نقدر نسوي ولا حاجة
لا اذا سكتنا ولا اذا تكلمنا كل شي بيد الله الله يكون في العون والأفضل اتطنشي الموضوع :104::104::104: |
رد: أبي الكل يتفاهم الموضوع ويشاركني
وربي جبتيها على الجرح
انا من كليه المجتمع بالاحساء المبني كويس ولكافتيري كويسه بس مشكلتنا بالاداره والمشرفااااااااااااات وربي كل وحده ماتعرف شي وكل وحده تحولك عن الثانيه لو يجلسون ببيتهم احسن لهم اجل هذي اداره تعرفون انه بايام الاختبارات الشهريه ما ينظمون الجدول ويصير تعارض وتداخل بالاوقات واذا تكلمنا قالوا مشكلتكم طيب انتو وش دوركم ؟؟؟ بس جالسيين على مكاتب ولا يدبرون شيي الادراه يبغالها تتغير كلها والى تعطيك وجه منهم تقول اكتبي موضوعك بورقه ونرسله للرجال طيب وانتي ليه ماتحلينها ولا اداريه بالأسم حتى بتسجيل المواد ياناااااااس اقولها مادخلت هالماده تقولي وش دخلني مشكلتك:Cry111: اقول اطبعي الجدول ماعندي طابعه تقول مو شغلتي:d5: اجل من شغلته وهذا قليل من مأساتنا |
رد: أبي الكل يتفاهم الموضوع ويشاركني
:bye::089:
|
رد: أبي الكل يتفاهم الموضوع ويشاركني
:no2: الله يكون بعونكم |
رد: أبي الكل يتفاهم الموضوع ويشاركني
مااقول صراحه الى اللله يعينكم وكون في عونكم
بصراحه الحال مؤسف جدا :Cry111: :s3: |
رد: أبي الكل يتفاهم الموضوع ويشاركني
ياعمرري يامريووووم ذكرتيني باللذي مضى:hahaha_2008:
اولا محدثتكم خريجة علوم الدمام يعني ماصار لي كثير بس سنتين ثانيا نجي للمهم الصراحة اغلب اللي قالته مريوم صح وخصوصا سالفة البرد والحر وسالفة الكافتيريا:sdfgdsf: ويمكن حتى اللي قالته مايصف جزء من الحقيقة الممممممرة المهم حنا تكلمنا وناقشنا لما تعبنا :103: المشكلة انهم كانوا ياخذون من الطالبات تقريبا خمسين ريال من المكافأة حق صندوق الطالبات للتعديل مع انه اللي نشوف انه يتعدل مكاتب المعيدات والدكاترة وحنا لنا الله مع انه من جيبنا لاحظوا يعني انا على ايامي طاحن بنات الله يعزكم في بيارة حاطين فوقها خشب والبنات مالاحظوا يعني راحن فيها الضعيفات وحده منهن كانت حامل وسقطت يعوضها ربي ان شاء الله :Cry111:بس من مسوؤل عن هذا كله وليش الاوضاع وين مدير الكليات عن اللي يصير ان رحت لجامعة فيصل في الاحساء صراحة نظيفة ومرتبه صحيح انها ماترتقي لمستوى الجامعات العالميةواللي مفروضا انها ترتقي له نظرا لاكاديميتها وتصنيفها لكن تظل ارحم بكثير من الكليات وخصوصا العلوم لاني ماشفت غيرها وان شاء الله مع كثرة الاصوات يتعدل شي بسيط منها:d5: وادري اني طولت بس وش اسوي من اللي فيني من الحره:017: |
رد: أبي الكل يتفاهم الموضوع ويشاركني
الله يكون بعونك وعونا
قد يدور بذهنك ان الاستاذات لهن نصيب الاسد من الكبرياء والتعجرف لاوالله ليس نحن هكذا ولكن الحال الوارده من كلية قد اكل عليها الدهر وشرب ولم تحرك ساكنا اذا انتي ايتها الطالبه التي لم تجتازي الرابع والعشرين من عمرك فكيف نحن الاستاذات التي مسئوليتنا وخوفنا من الغلط قد يهد من تعبها الجبال ياخيتي الغاليه اصبري وصابري لعل الله يحذث بعد ذلك فرجا الكل متاذي ولله الحمد |
رد: أبي الكل يتفاهم الموضوع ويشاركني
يا عزيزتي ..
الحل يا طويلة العمر هو انك تكتبين في جريدة اليوم شكوى لمدير الجامعه وراح تلقين نتيجه باذن الله طالب _ كلية الامير سلطان العسكريه للعلوم الصحيه تقبلي مروري ... |
رد: أبي الكل يتفاهم الموضوع ويشاركني
الوضع مؤسف في الحقيقه
والله يكون بالعون لكن انا اللي اقوله دولتنا ولله الحمد مو قاصرها شي وقاعده تتبرع حق اللي بره ليش عندنا مافي اجتها إلا في بعض المناطق وبعضها مافي ليش نخلي غيرنا يتشمت فينا ياريت يعدلون البنيان اللي اشوي وينهدم على البنات والله في اشياء كثيره محتاجه تعديل صحيح اني طالبة ثانويه عامه لكن مصير راح ادخل في احد هالجامعات اللي ياما وياما سمعت عنها كثييييييير الله يعين الجميع وياريت فعلا يكون في حد حق هالموضوع |
رد: أبي الكل يتفاهم الموضوع ويشاركني
السلام عليكم ورحمة الله أهلاً بالعضوة الجديدة مريوم
إنت وجهت نقد لبعض من (المعيدات والدكاترة وإللي يبعون في الكافتيريا ومشرفات الامن والعاملات إحنا مثلك صارت لنا أشياء ومواقف ماتعجبنا ... لما كنا طالبات مستجدات نروح للمعيدة أو المشرفة ونسأل عن الحاجة إللي نبغاها يامريم لأنهم مايعرفوك ويمكن علاقتك بهم تكمن في حدود حاجتك وليست علاقة صداقة أومحبه وحاجات مثل كذا. لازم تعذريهم يامريم لأن أنت وحدة غريبة وهم مامتعودين عليك ومافي أحد كامل ... لازم تتعلمي كيف تقوي علاقات وديه مع أي أحد ولازم تطولي بالك شوي لأن نفاذ الصبر يوتر لك العلاقات لكن مع مرور الوقت المعيدات والدكاترة والمشرفات وإللي يبعون في الكافتيريا إنشالله بتتحسن معاملتهم لك .. والله يوفقك .. تقبلو تحياتي ... أختكم غالية.:bye: |
رد: أبي الكل يتفاهم الموضوع ويشاركني
للأسف كل كلمة قلتيها صحيحه .. للاسف مافي احد عارف شغله بالكليه حتى ابسط الاشياء يطلعون قلبك على مايفدونك فيها .. " الا قلة قليله " فعلا شي غريب .. ولا الأمن اللي اسمهم امن على ايش ماادري ! قدامهم هالاشكال الغريبه والمخيفه من بعض البنات وتحرشات وقلة ادب ولا وحده فيهم تتحرك ..؟! أنا ماادري الظاهر عاجبتهم هالحركات المسترجله لبعض البنات ..؟ شي غريب فعلا .. بس يااختي الكليه صار لها 30 سنه ماصار فيها اي نوع من التطوير او التحسين ولا راح يصير فيها "كنا متفائلين انو انضمامها للجامعه ممكن يحسن شي بس للاسف ماراح يصير " |
رد: أبي الكل يتفاهم الموضوع ويشاركني
:Cry111::Cry111::Cry111:
والله يامريووم ان صاادقه بكل حرف قلتيه اذكر مره رحت لوحده من المشرفات كانت راسللتني لها عميدة الكلية دخلت المكتب وع طووول قال لي خير وش تبين شصاير وربي انحرجت مع اني طقيت الباب وسلمت بس شنسوووي :mh19: عمرهم مابيتعدلوون |
رد: أبي الكل يتفاهم الموضوع ويشاركني
اتفق معك تماما
اختي الغالية حتى زوجتي تدرس في الكلية و تعاني كثيرا جدا من الظلم و الازدراء و الاحتقار من المشرفات و المعيدات و غيرهم ولكن في الاساس فهذه شي موجود في كل المجتمعات النسائية ممكن لعدة اسباب منها ضعف الفتاه او عدم قدرتها على مخاطبة المسؤؤل او لانه شيء مسلم جرت به العادة هناللك الكثير و الكثير من المشاكل في داخل هذه الكلية ارقة و سخة مهجورة قاعات تعج بالطالبات و اسوا تكييف غلاء الاسعار و الضعف الضعف احيانا منع الطالبات من ادخال الماكولات و المشروبات و المقترح و المرجو منكم ايها الطالبات توصيل كل هذه الى احد الاقلام الصحفية الكبيرة في الجرائد بالصور ايضا و ابلاغ الادراة الرئيسة ( الرجال) و انا متاكد انه سيوجد من يتفاعل مع القضية و انا مستعد لاي مساعدة اذا وجدت المعلومات و الادلة و لكم تحياتي |
رد: أبي الكل يتفاهم الموضوع ويشاركني
.... كــــــلامك 100 % صحــــيح يامريومة .... جد الكلية حالها يرثى له .... لامعاملة زي الخلق ... ولا مكان نظيف ... ولا نظام ... والكافتيريا قمة بالقرف .... وماندري وين الحل ..؟؟؟:mh19:
والاخ اللي قال ان الكلية جديدة ... غلطان ... الكلية لها 30 سنة .. يعني شوي وتطيح على روسنا هع هع اصلا لما يجي مطر يسحبون الزبالة الله يكرمكم عشان السقف حق الصالة يخر موية تخيلوا :hahaha_2008: الحمد لله السنة ما جاء مطر كان رحنا فيها :cheese: بالنسبة للكلية الزرقاء اللي على قولتهم جديدة لها خمس سنوات تقريبا مبنية ونقلوا فيها قسمين من الاداب اللي هم الجغرافيا والعربي بس ولحد الحين ما نقلوا الاقسام الباقية لها بتخرج وما نقلنا هع هع هع ياناس اتعب وانـــا اقول الكلية ما فيها نــــــــــظام .... المفروض يكون في نظـــــام يحكم الكل الاداريات والموظفات والطالبات والكل يعرف وش مطلوب منه تجاه المكان .....كل شيء حوسة .....وطريقة توزيع الخزانات اللوكر غلط تلقينها بالممارت وناس حاطين طاولة عند باب القسم يبيعون من الكافتيريا ومسوين زحمة .... ووواشياء كثير اتعب وانا احكي .... الحل انه يعاد ترتيب الكلية من اكبر شيء فيها لين اصغر شيء .... وانا عندي اقتراح .... بدل ما تشتكون وتنتقدون وما احد رراح يسمع والكل بيقول مالي شغل .. لية ما نصير يد وحدة ونغير حنا بنفسنا المكان ونرتبة ...... وش رايكم ..... ؟؟ اقتراح بيسط يمكن يلقى من يسمعه اللي ودها تشترك نسوي قروب .....ونحط له خطة ونمشي عليها .... بس السؤال هنا لو سوينا قروب طالبات هدفنا تغير وتنظيم الكلية باللي نقدر علية بس نروح لمين نستشيرها او نطلب الادن منها يعني مين نروح للمعيده والا مين ؟؟؟ وش رايكم بفكرتي ؟:c8: |
رد: أبي الكل يتفاهم الموضوع ويشاركني
تحية خاصة لصاحبة الموضوع Maryo0om حقيقي موضوع هام وفعال ..:066:بس يا جماعة ارجو منكم التفاعل اكثر ... ولا تتركون الموضوع ...
انا صحيح غريب عنكم ولكن عندي ملاحظه يمكن تنفعكم ... لو كل واحد سكت عن اي حاجه مش عجباه وسكت على الغلط .. ايش اللي راح يتصلح في حياتنا .. هنسيب كل شيء يموت بالسلبيه والإهمال واللامبالاة .. لازم يكون لينا دور ولو بكلمه ولو براي ولو باي حركة .. وايش بعد الجامعات يا جماعة عاوزينها يكون منها شكاوى ومشاكل وخصوصاً من الطالبات والدارسين والدارسات فيها ... والله صارت ولا الروضات .. بالعكس يمكن لو عملتم زيارة لبعض الروضات هتلاقي فيها نظام وضبط ونظافة وقلة نقد عن اللي ذكرته الاخت الفاضلة ... وياليت لو عرفتم تجيبوا صور كمان للكلام ده لمناظر بعض دورات مياة الكليات اللي تشرف شكلها حسبي الله ... لمناظر الحوائط المكتوب عليها ... مسخرة.... لمناظر اماكن القمامة في الكليات ..... والله فضيحة واي حوار سلبي بين اي طالبة مشاركة وبين اي دكتور او دكتورة ياريت نضيفه علشان يشوفوا فضايحهم والكل يعرف لعله يجعل عندهم دم ويرجع بعضهم عن عنادهم وكبريائهم وفشخرتهم الكدابة ... صيحيح فيه دكاترة واساتذة محترمين لكن للأسف قله قله في زمن ومكان مينفعش يبقى فيه ده ... لازم نتجاوب لازم نتجاوب ارجو التفاعل اكثر:150: |
رد: أبي الكل يتفاهم الموضوع ويشاركني
يعطيـــــــــــــــــــــــكـ العافيــــــــــــــــــــــــــــــــــــــهـ انتم جامعه وكذا التعامل معاكم اجل احنا طالبات الثانوي ايش انقووووووووووووول موبس التعامل حتي الفاظ والمشكله يقولون احنا في صرح تعليمي وين التعليم اذا المعلمات كذا تقبلي مروري |
رد: أبي الكل يتفاهم الموضوع ويشاركني
والله انك كفيتي ووفيتي
وما خفي اعظم لكن وجه نظري ان قسمي اداره وبعض الدكاتره والاستاذات مررررررررررره حليوين اما الامن فهم دم ضروسي ومشرفات قسمي بعضهم يجي منهم وبعضهم زي العسل (((((((قسم جغرافيا))))))))) :017: |
رد: أبي الكل يتفاهم الموضوع ويشاركني
ورد لتصريح لمعالي وزير الداخليه صاحب السمو الملكي الامير نايف ابن عبد العزيز حفظه الله ورعاه يقول فيه
المسؤل اجير عند المواطن يعني ما ادري هالناس ما يقرون جرايد او انهم يعتقدون انهم معزولين عن العالم المهم هذي نصيحتي لك ولكل شخص يراجع في الدوله اذا صادفتك مثل هالمشكله ذكريهم بتصريح وزير الداخليه او تقدرين ترفعين شكوى بأسمك مع مجموعه من زميلاتك لهيئة الرقابه والتحقيق ويتخذون الاجراء المناسب ويتعاملون مع اسمك بسريه او ترفعونها للمحافظ الله يوفقكم جميعا |
| All times are GMT +3. الوقت الآن حسب توقيت السعودية: 06:16 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام