|
بروتوكولات السعودييّن عندما يمسكون خط سفر((موضوع تفاعلي الكل يشارك))
صباح مساء الخير عليكم كلياتكن شباب وصبايا رواد ملتقى المواضيع العامة..http://www.vb.eqla3.com/images/smilies/soujojo.gif اليوم لطشنا لكم موضوع عن بروتوكلات الشعب السعودي اثناء السفر طبعاً في قالب كوميدي:biggrin: ياليت الكل يشارك بمواقفه اثناء السفر واتوقع انها مشبهه لحد كبير:(204): بسم الله Start السر الوحيد الذي لا يعلم به أحد حتى الآن هو أن الرجل السعودي باستطاعته أن يمسك خط سريع وهو يرتشف الشاهي ويرسل رسالة بالجوال ويتكلم مع اللي مخاويه بالسفر ويشغّل شريط السيارة ويقشّم حب .. في آن واحد ! http://www.vb.eqla3.com/images/smilies/Looking_anim.gifhttp://www.vb.eqla3.com/images/smilies/Looking_anim.gif لم تمر ربع ساعة على طلعتنا من البيت متجهين إلى إحدى المدن حتى قال أخي - والذي كان يسوق السيارة - : هاه وش تبون أجيب من البقالة ؟http://www.vb.eqla3.com/images/smilies/soujojo.gif رغم أننا للتو ضافين الغداء ! لكنه البروتوكول .. :biggrin:وهذا ما ألفينا عليه آباءنا .. فالسفر يُستهل بالأكل .. وتكثر طلبات البقالة المتنوعة من الأخوة الراكبين بارك الله فيهم .. لكن النتيجة واحدة : لوزين المراعي وعصير الربيع برتقال .:017: وعندما يدحدر أخي للبقالة يبدأ نقاش القضية الأهم في السفر وهي بعنوان " ليه مكاني هنا ؟:(177): أبغى أجلس قدام " ويتكرر طرح هذه القضية في كل سفر برّي وفي كل الحالات .. السراء والضراء وحين البأس .. وتزداد حدة نقاش القضية حتى تأتي " كلمة الفصل " من الوالدة .. أما السفر مع الوالد فيأتي منه " فعل الفصل " وهو عبارة عن أشياء متطايرة ترتطم برؤوس المتناقشين حتى يقتنعوا بالجلوس في أماكنهم منلخمين هادئين لا يرتد إليهم طرفهم:biggrin: .. و ربما يعود الأطفال فيما بعدين للهواش والتخاصم مع بعضهم حتى يبكي أحدهم .. وتقوم الأم في هذه الحزة بتنبيه الأب إلى ضرورة إيقاف بكاء الطفل .. لكنه يرد بكلمة نابعة من خبرة السنين وذات طابع فلسفي ثلاثي الأبعاد : يكبر وينسى ..:biggrin::biggrin: وقد تحدث استثناءات في العائلة حيث تسافر معهم الأخت المتزوجة مثلاً مع أبنائها فيحدث تكدس بشري في السيارة .. ويصبح أحد الأطفال زايد ماله مكان فتأتي أختي لتستخدم قدراتها العقلية في حل هذه المعضلة الفيزيائية مع إن ودي في بعض الأحيان إنها ماتستخدمها أبد .. و وضعت الولد فوق العفش .. فبقي منسدحاً هناك لا ترى منه شيئاً لكنك تسمع أهازيجاً وأناشيد بصوته اللي ما دله الزين .:(269):. ويبدأ التشكي والتحلطم من باقي الراكبين مما يجعل الوالدة حفظها الله تستهل محاضرة " الضيق بالنفوس " .. وبعدما تحمد الله وتثني عليه ( راعية طويلة ) تقوم بسرد مغامراتهم في قديم الزمان عندما كانوا سبع وسبعين نفس في سيارة واحدة ذاهبين للحج ونفوسهم متصافية وصدورهم منشرحة .. لا أحد يشكو ولا أحد يتأفف رغم الضيق الشديد .. وتبحر في وصف كمال طباعهم وعقولهم وأنهم جيل لم يمر على التاريخ مثله .. وخلال هذه المحاضرة يتقلّب ابن أختي الواقع فوق العفش فيُسقط حقيبة من العفش على إختي :biggrin: ثم يليها حقيبة أخرى كانت متسندة على الأولى وينكب كأس الماء الذي كان في يدها ثم يرمي أخي عليها كرتون مناديل كانت قد طلبته قبل ساعة .. ويسألها أخي بكل دلاخة بعدما رأى الحقائب وكرتون المناديل عليها : عسى ما تعورتي ؟http://www.vb.eqla3.com/images/smilies/Looking_anim.gif:biggrin: وبعد رفع الحقائب عدنا للاستماع لمحاضرة الوالدة التي تحمست في سواليف الماضي و وصلت إلى طريقة الطبخ والغسيل في أيام السبعينات والستينات .http://www.vb.eqla3.com/images/smilies/S_45.gif على طاري الأولين .. أذكر وحدة من صديقات أمي من كثر ما تسولف عن أيامهم السالفة لعيالها .. سألها أحدهم بكل براءة وذكاء : ماما أنتم كنتم راكبين مع نوح بسفينته ؟! خخخ مرّت ساعة كاملة على وقوفنا في البقالة .. وبدأ عصير الربيع يلعب بأهله حيث طلبت أختي الصغيرة الوقوف بأقرب محطة .. و ما أن أعربت عن حاجتها حتى أفصح جميع الراكبين عن رغبتهم أيضاُ في الوقوف لقضاء حاجتهم .. ولكننا فوجئنا عند الدخول لدورات المياة بأختي الصغرى تخرج منها وهي مكشّرة : لا أحد يدخل مهيب نظيفة أبد !http://www.vb.eqla3.com/images/smilies/007.gif وكلمة " مهيب نظيفة " تشمل المكان و الكلام المكتوب على الجدران أيضاً .:biggrin::biggrin: وخلال خروجنا سألت أمي سؤالاً وجيها : الحين صاحب المحطة مايقدر يجيب عامل ينظّف ؟ لو يعطيه بالشهر مية بس يجيبه .. فردت عليها أختي الصغيرة : يمه ليه ما تجيبينه أنتي على حسابك تاخذين أجر ؟ - أقول خلصي بسرعة وروحي للسيارة ترانا متأخرين ! ( أقرب مخرج خخخ ):mh001: وعند وقوفنا أمام السيارة سألت أختي سؤالاً مهوب وجيهاً : وش يحس فيه اللي يحط رقمه بالحمامات ؟ يع !http://www.vb.eqla3.com/images/smilies/Looking_anim.gif فقلت لها وأنا مازلت منهبله مما رأيته : خلّي سالفة الأرقام .. شفتي الكلام اللي أنا شفته ؟http://www.vb.eqla3.com/images/smilies/Looking_anim.gif وأخذت أسرد عليها ماقرأته .. ثم فوجئت بأمي وقد لقطت كلمة مما قلناه وتسألنا مستغربة : خير إن شاء الله وش تتكلمون عنه ؟ .. فقالت أختي بكل صدق ومصداقية ( وش الفرق بينهم ) : لا بس نتباحث في مسألة فقهية محل اختلاف كثير من العلمــ ... فقاطعتها أمي حفظها الله وهي تقول بكل حنان : اركبي بس وأنتي ساكتة ..:hahahahahah::cool: ركبنا السيارة وتوكلنا على الله .. ثم أخذت أختي تبربر عن المحطات وبدأت في تذكر مكان أقرب محطة وتوصف المخارج في الطريق مجبرة أخي على تغيير طريقه .. ولم يردها إلا قوله لها : وراه ماتجين تسوقين بدالي بعد يا الجارمن ؟!:biggrin: وأكثر ما يُتعب السائق في السفر - بجانب التدخل في الطريق - هو مراعاته لاختلاف الأذواق في المادة المُشغّلة في مسجل السيارة ومراعاة إختلاف الأجساد في تقبل درجة برودة المكيف !:53: وصلنا للمحطة التالية .. ودحدرنا جميعنا ورأيت ذات النظرة السابقة في عين أختي وهي تخرج من دورة المياة فقالت أمي : مشينا بس لأقرب بر !:064::000: واستغرقت عملية البحث عن مكان مناسب في البر مايقارب 10 دقائق .. شي مكشوف وشي مرتفع وشي تغرز فيه السيارة .. و الحمدلله لقينا المكان المناسب .. والذي أعرفه حينها أن أختي فقط التي سوف تنزل لكن الشعب كله نزل معها بحجة إطلاق رجيلاتهم وعشان يمشي الدم في أجسادهم .. وتستغرق عملية جمعهم للعودة إلى السيارة وإقناعهم بأن الوقت متأخر عشر دقائق أخرى !:biggrin: ولأول مرة منذ إنطلاقنا من بيتنا نكمل ساعتين بدون وقفات .. وما أن نطقت بهذه الحقيقة ( أننا لم نقف منذ ساعتين ) حتى قالت الوالدة وكأنها تفطنت فجأة : ياوليدي ما ودك نوقف نتقهوى شوي .. ولابد من التركيز على كلمة شوي لأنها تحمل في طياتها نص ساعة و الوقت المهدر لـ لم شمل العائلة .:hahahahahah: أغلب الرحلات البريّة عموماً تتخللها وقفات عدة .. ولو تصيح على أهلك من اليوم إلى باتسر وتشير عليهم بأن يخففوا من الوقفات ويوقفوا من دردبة المشروبات حتى لا يأتيهم نداء الطبيعة فتضطرون إلى الوقوف كل شوي ويتأخر ميعاد وصولكم فلن يسمعوا لك .. خاصةً أختي الصغيرة التي تقحن من هالميرندا إلى أن يصبح أحد مكونات الدم في جسمها ثم تُبلشنا بالوقوف كل شوي عند أقرب محطة ..http://www.vb.eqla3.com/images/smilies/Looking_anim.gif أمّا الوقفات ذاتها فهي متنوعة الهدف والطبيعة .. منها : 1- وقفة ( نزلوا ترامس الشاهي ) :http://www.vb.eqla3.com/images/smilies/Looking_anim.gif وهي للتقهوي والتمتع بالطبيعة الخلاّبة .. ومناقشة القضايا الدينية في السفر من قصر الصلاة والمسح على الخفين وهكذا .. وقد يأتي حينها سؤال شاطح من أحد أطفال العائلة : هالحين إذا جيت أقصر المغرب .. أصليها ركعة ونص ؟ 2- وقفة ( إن الله مع الصابرين ) :http://www.vb.eqla3.com/images/smilies/Looking_anim.gif وهي وقفة للتقهوي مرة أخرى و مناقشة خط السير و السكن و نظام الرحلة وما إلى ذلك ( توهم يتفطنون خخخ) 3- وقفة (نداء الطبيعة) : غنيّة عن الوصف ..:biggrin: حدثتني صديقتي عن أخيها عن صديقه .. بأنه إذا مسك خط القصيم - الرياض وما أن يغادر مسقط رأسه الرس ويصل البدائع حتى يوقف الوقفة الأولى وهي ( نزلوا ترامس الشاهي ) ويتقهوى ويعيّن من الله خير .. مع العلم أن بين الرس والبدائع فقط 15 دقيقة ! ( يسمع بالوقفات )http://www.vb.eqla3.com/images/smilies/038.gif مرت فترة هدوء على السيارة إلا من صوت شخير يتعالى ويخفت وطقطقة البلاك وسيمفونية الأطفال الشهيرة "متى نوصل " التي قطعها صوت أخي وهي يصرخ متحمساً : تغطوا جا تفتيش ..:mh001::biggrin: واعلمي أختي القارئة أثابك الله بأنه حتى لو كانت السيارة مظللة والدنيا تالي الليل وأنتِ أختي الكريمة قاعدة في آخر السيارة فلا بد أن تتغطين .. :cheese: وتبدأ حينها مرحلة البحث عن النقاب .. فهو كالعادة يضيع في السفر .. وتسألني أختي الصغيرة وأنا أبحث عنه : هو الجديد اللي شريتيه قبل كم يوم ؟ - ايه - اللي لونه أسود ؟ ( فيه نقاب أخضر؟):biggrin: - ايه - امممممم مدري ما شفتهhttp://www.vb.eqla3.com/images/smilies/S_45.gif وابتسمت لها وأنا ماسكتن أعصابي : أجل وشو له تسألين من البداية ؟ .:017: وأخيراً وصلنا إلى مدينتنا المقصودة بالسلامة .. ولمس أخي قزاز شباكه ليرى درجة الحرارة ثم قال وهو يفتح بابه : كل واحد ينزل ياخذ معه شي من العفش .. :(284): ونزلنا جميعنا محملين بالعفش وقد أخذ التعب منا كل مأخذ .. حينها تعلّق أختي الصغيرة التي لا تعرف الصبر كعادة الأطفال : ترى الرجعة بالطيارة خلاص تعبت من السيارات ( وش عندها إليزابيث):(107): فيرد عليها أخي : أنا مشيّك قبل ما نجي مافيه ولا مقعد فاضي .. كلش محجوز .. هذا وهم موكلين الناس لحم حمير أجل لو يعطونهم لحم حاشي :biggrin::biggrin: دوم الضحكة ع محياكم>طبعاً اذكر لحفظ الحقوق الادبية لصاحب الموضوع م ل ط و ش:biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
تسلم الانامل من جد يحكي الواقع ...ياكثر الوقفات بس امووووووووووووووووووووت على السفر واحبه بكل انواعه جوا وبرا وبحرا واخيرا لك كل الامنيات بسفرات كلها سعاده ولك ايضا هذه على هالموضوع:d5::d5::d5:
|
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
الله يسلمك مرورك اسعدني ياليت نسمع تفاصيل عن بعض رحلاتكم:biggrin: ودي للجميـع |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
كلامك روووووووووعه*هذا الي يصير وانا احــــــــــــــــــــــــــــــــــــــــــب السفر بكل انواعه:Cry111:
|
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
ههههههههههههههه
والله تهبل المواقف واقعيه بس جايبينها باسلوب خييييييييييييييييال اتمنى للجميع سفرات ممتعه يعطيك العافيه من يد ما نعدمها |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
ههههههه موضوع .. يحكي واقع ي كثر ما مرت علينا هالشغلات .. :hahahahahah: اعجبتني يلمس الشباك انا دايم اسويها .. اذاوصلنا المس الشباك عشان اقيم الجو :cool:
بالنسبه للرحلات .. :biggrin: انا انسانه مشيت رحلات الاف الاميال .. لدرجه صرت احس طريقه مكه الرياض ولا شي .. وطريق الرياض القصيم .. ما يسوى نمر البقاله من قصره .. كانت اطول رحله سياره .. حوالي 3000 مايل .. >> مدري كم كيلو بالضبط .. بس كانت من اكثر الرحلات اللي استمتعت فيها .. الرحله كانت في USA بديناها من تكساس وانتهت بنيويورك .. كان فيه امكانيات طياره .. بس حبينا نجرب خطوطهم .. صرحه لو بقارنها بطرق سفرنا شي يقهر ويضيق الصدر .. فررررررررررق عجيب .. الاشياء اللي تميزت فيها طرق سفرهم .. 1- بقالاتهم تفتح النفس كل انواع المفرحات مكينه كوفي وجنبها انواع النكهات اللي ممكن تضيفها يعني اقعد مخمخ على قهوتك وشلون تبيها تصير .. 2- دورات مياه نظيفه بس يعيبها المويه ما يعترفون باللي .. :000: بس محلوله هالمشكله .. العبره فيها النظافه وصوابين ومناديل اهتمام كامل .. ولا فيه شخابيط تثقيفيه :biggrin: ولا ارقام دعاره 3- الطريق من اوله لاخره طبيعه وبحيرات و انهار وفجاه مطر وفجاه قوس فزح وفجاه براد يعني ربي معطيهم طبيعه .. وكل شي نظيف ومنظم مو اسم انه مقطعه اشهب الهب وكله مخلفات سيارات .. 4- كل حوالي 50 كيلووو .. مخرج فيه فندق مثل من هولييدي ماريوت فندق صاحي يعني .. مو استراحه كله صوارير وريحه مفاطيح كرمكم الله .. هذا غير المطاعم اللي متوفره , ابل بيز وتشيليز وماك وكنتاكي طب وتخير .. :000: مو برابيس هالهنود .. اللي ما عليها رقابه .. يعني ما نلوم انفسنا على هالبروتوكولات ..:hahahahahah: ما فيه شي يشغلنا .. برا السيار فننشغل باللي جوا .. وبنداءات الطبيعه .. والفراغ يسبب جوع شرس .. والانتظار يفتح سوالف التفلسف .. طولت عليك .. لكن بجد هالموضوع اثار قريحتي .. حبيت اضيف بعض الصور من تصويري .. :biggrin: http://www.gulfup.com/thumbs/1319523047761.jpg http://www.gulfup.com/thumbs/131952330091.jpg شكرا لك .. موضوع اكثر من رايق .. |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
- هههههههههههههـ موآقف تتكرر وحآصله 100% حنـآ المشكله إللي نعآني منهـآ سآلفه النسيآن يعني ننسى آي شيء ب البيت وكذه ومانتذكر إلا ب نص الخط :hahahahahah: - الله يعطيك الع ـآفيه ع هـالموضوع الصبآحي الحلو سلمت |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
اقتباس:
|
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
!!
اقتباس:
|
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
ههههه لاواحلى شي تحضير الاغراض والافرد مع ركوب السيارة القهوه:معنا الشاهي:موجود العفش:محطوط>>اوما محطوط بس ع الوزن:biggrin: يعافيكـ اشواق مرورك اسعدني |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
على طاري السفر .. اللي يحس بالضيق بالسياره ..
يشوف هالمقطع .. وبيحس ان الدنيا لسا بخير .. http://www.youtube.com/watch?v=vaWcoQAoafU |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
الله يعطيك العافيه ,,, موضوع شيق جداً ..
شوف الله يسلمك ,,, اهم شي زمزمية الشاهي والقهوه , وطبعاً لازم نوقفف عند اطلق محطه عشان نشتري خرابيط تكفي خمسين شخص وحنا كلنا خمسه ,, ولا يخلى التسوق من بعض الخرابيط اللي تحصلها في المحطات مثل كشاف و ولاعه شكلها عجيب :biggrin: ولا خيزرانه وقد يصل الأمر الى انك تحصل عجره شكلها حلو وتشتريها :biggrin:. بالنسبه للسفر بالبر جربت السفر بالبر برا السعوديه كثير وبأكثر من دوله وبصراحه دائماً ما احزن على حال الخطوط لدينا والخدمات اللي متوفره زي ماذكرت الاخت ( تشتيتي مركز ) كنت اتعجب من دورات المياه الله يكرمكم ومستوى النظافه بها علماً انها على خط سريع :000:,,, والمناظر طبعاً حدث ولا حرج تلقى كل اللي بالسياره يناظرون مع الدريشه ومحد فاضي يكلم الثاني الا اذا يبيه يشوف شي متعجب منه . طبعاً ايام السفر مع الوالد الله يحفظه ماكان عندنا شغل ازعاج بالسياره لأن الوالد الله يحفظه عدو الازعاج وياويله اللي يسوي ازعاج بدون سبب ما يدري الا يد جايته ماشيه مليون على مقفاه هههههههههههه وانواع الضحك عليه ,,, واسمحو لي انا هنا احط لكم صور بعد عشان تشوفون وش سر السكوت وقت السفر مو عندنا انواع الطقاق الله يرزقنا الجنه ... غزلان على الطريق :bawling: http://im19.gulfup.com/2011-10-25/1319533037521.jpg بحيرات http://im19.gulfup.com/2011-10-25/1319533037352.jpg واوقات سيارات تفتح النفس:biggrin: http://im19.gulfup.com/2011-10-25/1319533037453.jpg تقبل مروري واسف على اضافة الصور . |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
ههههههههههههههههههه والله حسيت انهم قاعدين يعبون شنطة ملابس ومارضت تتقفل :biggrin::biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
الدنيا باقي فيها خيـر ع قولتلك:106: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
!!
اقتباس:
|
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
ههههههههههههههههههه او ماي قاد , عليها وصف ماحصلشي :biggrin: شكراً مآيست . . . |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
هههههههههههههههههه
الله يسعدها ويسعدك وربي فطستنـــي ضحك وخصووصا على سالفةة تطليقةة الرجلين بس فيه شئ ماقالته بعد الوقفه :hahahahahah: لا زم نريوس شوي عشان نشوف مكانا ونشغل الليت عليه يمكن ناسين بزر:71: ولا دله ولا كوب اي شئ :hahahahahah: واذا ركبنا بعد اي وقفه لازم ينادون على جميع افراد العائلهه ويجيكم بزر ثقيل دم ماصل عمره مامزح مايرد يعننكم نسيتوني :000: والأم ولدددددددددددددددي :71::71:> وتسوي فلم هندي :71:واخر شئ هذاني هذاني > موت تكككفى :000::000: وطبعا لا أخفيكم سراً > نتهاوش من يركب أول عشان من اللي يحلس المكان اللي يم البااب :71: واذا وقفت السياره هواش مع اللي وراء لحد ينقزز ويكسرنا شووي نفتح لكم السيت :71::71: ووبعد اذا الوالد الله يحفظه سمع إزعاج :cheese: هدددى السسرعه شوي وعلى طول يعم السياره الهدوؤوء من الخرشه :cheese: :tongue::biggrin: > محد تحمس مع الموضوع :biggrin::biggrin: عـ العموم الله يعطيك العافيه وسعت صدورنا :biggrin::biggrin::biggrin: شكريات :biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
ههههههههههه يآمآل العاافيه الله يوسع صدرك قول آمين :biggrin: :biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
موضوع تووووووووووووووووووووحفه
بس مابيكفيني ابدا المنتدى اكتب لكم فيه رحلاتي المكوكيه .. خصوصا اللي بديناها من القطب شمالا وانهيناها بالقطب جنوبا ... ومن الهنولولو شرقا للواق واق غربا لو بحلف لا تصدقون لانه موب صدز اساستاً انا اسمع بالسفر بس ياحسره ... وين هو فيه ؟ قضبوني اياه وانا اعلمكم وش سويت ..:icon9: قهههههررررررررررررر |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
هههههههه
والله اسلوبها خطير :biggrin: احنى اطول سفره كانت الدمام > الرياض > الطايف > مكه > جده > الباحه :biggrin: عددنا 5 والسياره جمس .. وانواع الخناق طقني / دفني / دعسني / ضربني / جالس على عباتي ..جالسه على ثوبي :hahahahahah: و كله كوم و المكان اللي عند الشبكاك كوم .. كل واحد يحلف ع الثاني انه يجلس عند هـ المكاان .. :biggrin: ما ادري وش الميزه بالضبط .. :tongue: / وابوي بسم الله عليه حاط رجله 160 ... :biggrin: ويلف ويهاوش اللي اللي ورى .. ويلف ع اللي جنبه يبي شاي وبنفس الوقت يبي يكلم واحد من اخواني بالبيت ما جاء :biggrin: / ودورات المياه اللي بالطريق .. حدث ولا حرج لو يذبحوني .. ويسووني مقلقل ما ادخلها .. :000: انواع القرف .. :bawling: واذا مره عاد استعسرت الشغله (اقول لـ ابوي يدخل لـ اقرب مدينه ويحجز لنا شقه :biggrin::biggrin: / واكثر شي يرفع ضغطي .. ان عند كل بقاله لازم يشترون اغراض تكفي لـ 20 شخص :mad: ويبدا العراك من يخلي الاغراض عند ارجوله :hahahahahah: و يوزعها / والا اذا نزلنا نطلق ارجولنا .. زي ما قالت وش عاد يجمعنا :biggrin: :biggrin: :biggrin: / واما ع الغطاء والتفتيش .. هذي انا :mh318: .. غطاي ما احصله الا اذا وصلنا هههههههههههههه وحتى حركة الشباك .. احب المسه و اشوف برد او حر :biggrin: / اما امي فـ بكل سفره تردد جملتها المشهوره (السياره مو ضيقه .. نفوسكم هي اللي ضاقت .. والا احنى زمان كنا 10 نركب في كابرس ومكفينا) :biggrin: و القائمه تطول .. بس تعبت وانا اكتب :biggrin: يعطيك العافيه :love080: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
هههههههه موضوووع جناااااااان :(204)::(204):
وخصوصا ان إجازة العيد قربت وبنعيد كل اللي ذكرتوهـ بسفرتنا :53: ما شاء الله ما خليتو شيء وسديم وملاك كفو ووفوا بس نسيتوا شيء :(107): كل ما نمر من ديرة يبدأ شرح تاريخ المدينه ومن كان يسكنها وش اهم الاحداث اللي حصلت في هذاك الوقت ولو تشوفين القرية ما تلقين فيها الا 10 بيوت بس :(269): حتى البعير اذا شفناهـ يبدأون اهلي يذكرون كل القصص الي تتعلق فيه من مضحكه ومحزنه الى ان يغلبنا النعاس :24_asmilies-com: ونرقد ويغلب على السيارة الهدوء وابوي يمل ويبدأ يشغل الراديوا او شريط شيلات :biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
الشكر لك |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
هههههه العفو اضافات ممتعة ذكرتيها وافر التحايا ورحلات ممتعة |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
مررورك اسعدني |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
ههههه ان شاء الله تجيك سفرهـ معتبرة الى جزر الواق واق لو تبي:biggrin: تحياتي لك |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
:41jg:
|
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
ههههههههههه جميع الاحداث الي ذكرتيها تصف حالنا اثناء السفر مرورك اسعدني واشكرك ع الاضافات الممتعة:(204): |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
هههه ايضاً اضافتك وارده في رحلاتنا المكوكية:biggrin: مرروك اسعدني شكراً لكـ:(204): |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
:hahahahahah::hahahahahah::hahahahahah::hahahahaha h:قسم انهم صادزين
هوفي احلى من وقفات البقاله :mh318:لوزين وعصير وبانزين 95:hahahahahah:<<كفووحافظها نظام اخوها حمني :71: ولاحمني وقف نبي فصفص باجه :000: ولااشاهي يتسوى لنا اخوي مايشرب الاشاي عدن خط الرياض ودي انزل واكفخهم وش فيه شاهيهم زود عنا:017: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
بيني وبينك اخوك مستحي منك ومايبي يقولك تراك ماتعرفي تسوي شاهي :biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
والله ذكرتنا السفر وانا من هواه السفر بس بدون الاهل وسفرتي مع الاهل قليله بس اللي ما جبتوه الله يكفنا الشر مشاكل السفر ,,انقطع البنزين .. انفجر التاير(الكفر),,طبعا تخيل في مقطعه وانت وحدك ومعك اربع خمس من اهلك ,,اقسم بالله ينقصم ظهرك ..
مره كنا برا المملكه ومسافرين من مدينه ظبا الي الغردقه بمصر بس كناعلى اللنش السريع الحمدلله ماكنا على العباره توقف فجاءه اطالع يمينك الا اسماك القرش تنقز تقول وينكم ..يمكن ربع ساعه وربك ستر ..في الاخر الكلام يطول ويبقى لك الشكر على الموضوع الجميل بجامل روحك ,,, |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
افاا بس انا ماعرف اسوي شاي صدق اللي مايعرفك مايثمنك :017: بس هيييييييييين انا مرتن ثانيه بنزل واشوف سحرهالشاي :017: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
http://im9.gulfup.com/2011-09-10/1315663353403.gif
احنا حالتنا مع ابوووي الله يطول بعمره اول مانمشي نمر اول محطه ع الطريق وطبعا ينقع فيهااا ابووووي ساعه قليل بحقه :hahahahahah: ويجي محمل كل المحطه :hahahahahah: :sdfgdsf: وطبعا الهوشات انواع واشكال مثلااا>>>> وين البيبسي حقي :017: وين الجالكسي اللي طلبته.. يماااااااااااه شوفيه خذت عصيري.. :mad: و و و و و و و و و ياكثرر الموالات :hahahahahah: والكلمه المعتاده اول مانمشي >>>> "متى نووووصل" وطبعا المبزره يتهاوشون منو اول واحد ينزل يسلم اذا وصلنا.. والا اذا تونا طالعين من المحطه ويجيك واحد قال ابي الحماااام :mh12: :hahahahahah: :hahahahahah: :hahahahahah: ماتسوى علييه يحصل انوااع الززززززززززززززززف والتهزيييء :hahahahahah: :hahahahahah: :hahahahahah: والا نوقف عند الكوفي ناخذ كابتشينو والا اسبريسو للوالد :24_asmilies-com: يآآآآآآآآآآآآو سوالف :hahahahahah: :hahahahahah: :hahahahahah: http://im11.gulfup.com/2011-09-15/1316111642852.gif |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
مشاكل الطريق انوااااع القروشة والحوسة يااااااازين الارض بس دام الدعوه في اسماك قرش وقطعة بعرض البحر:biggrin: مرورك مميز يالغالي |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
:biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
هههههه اضافاتك مميزه كثير والحال من بعضه في وصفك تحياتي لكـ:(204): |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
|
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
ههههههههههههههههههههههه بلصميم الموضوع
خصوصا عصير الربيع ولوزين خخخخخخخخخخخ خطييييرا شكرا لابداعاتك :d5: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
وافر التحايا..شكراً لك:smile: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
ماشاء الله عليك لك خلق تكتب والله طلعتنا وسفرياتنا فيها العجب
بس ان مره وحده سافرت مع عائله والله لا يعوده عفت السفر مرة وحده وصرت مااسافر الا في سياره مع احد اخواني لوحد ولا نسبقهم علشان مانوقف معهم كل شوي واقفين ياربي يطفشون شاكره لك الطرح الرائع |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
ههههههههههههههههههههههههههههههههههه
حسبالي بس احنا اللي تصيرلهم هالمواقف :biggrin: انا امووت بسفر البر احسسن من الجو ,, ومتعوده كل سنه نمسسك خط من الشرقيه للطايف :biggrin: عااد دامهاا كل سنه وعدو واغلطوا في المواقف :biggrin: مووقف اني اضيّع النقاب لماا نوقف عند المحطه ,, ونظرة اخويه لناا يتأكد تغطينا اذا كان هو السواق او المعزز :biggrin: وموقف لماا اشقح للغماره الثانيه (( مكاني في السفر الغماره الثالثه)) :biggrin: عشان اخويه يجي مكاني ويشحن البي بي بتاعه وراء :biggrin: <~بعد مااكل تهزئيه من ابويه كل شويه يشحن :hahahahahah: وبس هااذي اهم المواقف اللي تتكرر بجميع رحلاتناا :biggrin: ويسسسلموا ع الموضوع وع اللطش .. |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
والله أحنا دايم ماسكين خط يوخيي وش نسوي مشاغل الدنيا :biggrin: الله يعين موضووع يهبل يغالي :biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
المشكلة لاتقولي مناظر خلابة او اماكن تاريخية علشان الواحد يوقف..!!:biggrin: شكراً لكـ |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
كل البشر عندنا تصير لهم هذي المواقف.. اوهم شي الشقححححة وراء متعوب عليها:biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
:hahahahahah::hahahahahah:بس سفرات العوايل احلى
نضحك لين نحب الارض واذاكان صالون والورعان ورا والوالديحذفهم ويقول اقعدانت وياه شعورجميل :hahahahahah: يعطيك العافيه تقبل مروري:106::106: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
الله يعينك ع المشاغل ياخويي:biggrin: مشكور يالغلا |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
تحياتي للجميع :106: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
السلام عليكم ياحلووين ودبل ولكم فور مي <<احلا شي ترحيبي بنفسي
تلبية لطلب صاحب الموضوع عدت لكم لشرح بسيط لبعض رحلاتي <<ابن بطوطه على غفله الموهيم رحلات السعوديه حدث لاحرج ياكثرها بزينها وشينها ..بس افضلها كانت مثل هالايام للحج هذيك السفره راحه نفسيه مشاعر ايمانيه وروحانيه عجيبه :(204):بغض النظر عن التفاصيل قبل عشر سنين سفري للاردن ثم لسوريا بر فيه مسافه 6ساعات وحن متجهين للقريات يقطع بالمنطقه هذه الجوال ومن قرادة الحظ بدت 6ساعات منتصف الليل الله لايوريكم بلعنا العافيه تونا اول سفره لنا خارج الدوله قلبي طايح ببطني من الخوف اتخيل قطاعين طرق او او وبعدها بسنه بامريكا قطعنا من سانديجو بكالفورنيا جنوبا الى نيبورت بوردايلند الشمال وسبحانك ياربي اسبوعين مسافة الطريق شفنا الفصول الاربعه خلالها والله الشاهد طبيعه خياااااااااااااااااااااااااااااااااااال اعجز اقول عنها ونظام عجيب وحن ندور اي محطه باقي على الهاي وي تلاقي قبل 5كيلو لوحه مكتوب عليها كل التفاصيل المحلات الي بالمحطه نوع البانزين واسم الهوتيل او الموتيل وكي اف سي وبيتزاهت او ماك او ي مطعم محدد اسمه لانهم يعرفون قيمة الوقت يبونك تعرف اذا ماغرضك موجود ماله داعي تضيع وقت وتدخل<<<عجبي الموتيلات نظافه واهتمام و ماوصل سعرها 40دولار وتصحى على ريحة الكوفي والدونتس والجوز وياحياةالشقا اجمل صباح خلال السنه نفسها زرنا المكسيك شواطئها رهيبه ومطاعم بحريه خيال هذا وحنا بكالفورنيا ونفس السنه زرنا كندا وشفنا نياجرا فولص سكنا بالشيراتون 200دولار يعني ماوصل 800ريال لوانه بالسعوديه طق 3000الاف الله يخارجنا ...مرديان الطائف وحن برمضان الليله 1000السويت باكستان رحت لاهور سنه واسلام اباد سنه لاهو متعبه ومش ولابد وحاره اسلام اباد روعه طبيعه وجو وامطار وجمعات نخيم ونجتمع دائم الله يذكر هذيك الايام بالخير واهتمام لنا السعوديين خاص لانهم على قولتهم نوقف معاهم بالمصائب دول الخليج نفس الشي احس بنظافه الا البحرين خايسه اتمنى انكم استمتعتو معاي وكنت خفيفه على قلوووبكم :119::119: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
حلوه والله كنك تتكلم عن اللي عندنا....:biggrin: ولا اذا شفنا محطه من بعيد نفرح ونمبسط كل واحد يقول وش يبي واخرتها لاوصلنا تطلع المحطه على اليساار:cheese::cheese: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
الاسلوب والسرد للرحله جميل جداً يا أسلوب السهل والشعبيه<<< معك الناقد الأدبي ابونواف1:tongue:
ويتميز باللهجه النجديه الأصيله المطعمه باللهجه القصيميه العتيقه<<< يا زعط فاهم في اللهجات:wink: والرحله برغم روتنيتها الا انها تنبثق من العادات العربيه الأصيله<<<متعوب عليها:biggrin: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
اشكرك ع عودتك اولاً بصراحة استمعتنا كثير برحلتك المكوكية مشاء الله عليكم:(204): وافر التحايا |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
شكراً لك ضحكت من الأعماق:hahahahahah: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
اهم شي الانبثاق عزيزي الناقد الأدبي ابونواف:biggrin: وافر الشكر والتحايا لك يالغالي:(204): |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
موضوع حلووووو
من ناحيتي اسافر بكثرة وغالباً عائلية فتعودت على الوضع وصار المشوار عادي جداً وتبرمجت على مشاكلة ولا صرت اوقف الا للصلاة او لتعبئة البنزين .... غيره لا:mad: لأنك احيانا تشطف تريلة تمشي بسرعة 80 كم وانت بسرعة 180كم وبعد فترة توقف كم دقيقة وبعد ماتحرك تحصل التريلة اياها سبقتك :icon9: واكثر شي يعجبني في السفر انك اذا قضيت طول ليلك ترتب الغراض وتفقد كل شي وقبل ما تحرك بربع ساعة تنتبه لكل شي مره ثانية وبعد ما تحرك بخمس دقايق تصيح ام العيال : وقف ترانا نسينا حاجه:(269): |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
بالعادة أذا بغيت أسافر أمشي بالليل وقت الصيف وبالشتاء أمشي بالنهار ومايمنع أنزل أشم هواء وأخذ فنجال وأنقنق أذا معي خوي .. <<< راعي طويله لكن دايم نسمع أن السفر له سبع فوائد من :(107): |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
فيه فوائد للمحطات الملحطة في الخطوط لأن لوما السفر ما كان احد قبل عليهم وعلى مطاعمهم الزيرو حطبة ويقرهم بعضهم مسوي فيها حقاني وحاط لوحة 3ستار يعني اعذروني ماني فايف ستار بس قريب منهم و خدماتي زينه وتطلع خدماته نحووووول وبابا فرحان بعد |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
مووضووع جميل...........المواقف تعتمد على من والى المدينه الي بتسافر لها....
يعني من الرياض الى الشرقيه .............مانوقف الالتعبئة البنزين:biggrin: ..استغرب من الي يوقفون من زين الجوو ولا المناظر.!!! من الرياض الى الامارات .........نوقف بس لتعبئة لبنزين وهذا الى ان نصل الحدود .....بعدها تقريبآ ثاني محطه ننزل فيها ........طبعآآ محطات الامارات نظيفه وفيها مطعم مثل ماكدونلز.. من الرياض لمكه ......ماانوقف الا لتعبئة سيارة بالبنزين.....يمكن نوقف نسوي بعض تمارين الرياضيه ونرجع السياره:biggrin::biggrin: اما السفر في امريكا ....فااتقريبآآ كل 3 ساعات نوقف :biggrin:.........لي ان تقريبآآ بعد كل ساعتين او 3 يجيك مطاعم وفنادق سنعه وعالميه .........غير كذا يجيك معها سوووق يسمى اوت ليت:love080::love080: وهوا عبارة عن اسواق تسمى استورج مثل المخازن وماركات عالميه وتباع بقيمه رخيصه ....ومن الماركات كوش ناين وست جمبوري ميسيس و رالف لورين تومي شالدرن بليس وشكوش و كثير ............... هنا تجيك المواقف يعني الطريق ابو 5 ساعات يصير 10 ساعات مع الوقفات :biggrin: يازين ذيك الايام:love080: :106: |
رد: بروتوكولات السعودييّن عندما يمسكون خط سفر((موضوع تفاعلي الكل يشارك))
اقتباس:
وبالنسبه للخدمات من جنبها وخاصة الله يكرمكم دورات المياه واللي معه عائله يروح يجس النبض ويشيك قبل أهله .. حاله كسيفه ! |
| All times are GMT +3. الوقت الآن حسب توقيت السعودية: 05:13 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام