|
الجندان النجار منتو قد المسؤلية (( بيباي ))
سجلت لأختي بحكم خبرتي في النت:cheese: جدولها على موقع الجامعة العظيمة المبجلة (( فيصل )) التي لطالما وهقتنا بقرارتها التي مال أمها داعي فهي قرارت لا تفيد احد بل تعقد ولو سمح لي ان ادخل لهم لقلت الكلام هذا وياليت بدل هذة القرارات المتسرعة ان يقوموا بخطى متسرعة لتنظيم الكليات:o3: (( المحارق )) التي تكفلن بها من كليات تربية ومعلمين من مطاعم ومرافق صحية وترفيهية ترى احنا (( بشر )) والله (( بشر )) والله يالجندان ويالنجااار ترى احنا اوادم وعيال ناس:sunglasses2: (( انتوا مو كفوا للمسؤلية قولوا لوزير التعليم وقدموا استقالتكم )) مافيها شي.. الي فيها شي انكم دارين وساكتين وعمكم اخرس واطرش مـــاعـــليــــنــــــا سجلت لأختي حسب قراراتهم الداجة :s12: :s12: :s12: والطامة الي مابعدها طامة محاضرات باليل ومحاضرات بالنهار :o3::o3::o3: لوان الطلاب حاصلهم القرار هذا لتحملنا ام البنااات فـــألــــف لا ثم لا ثم لا:bngo12: عــــســـى ماتكلفت لجنة التسجيل .... تراهم بنااااااااتنا و لا على علشان البنات الي خبري خبركم في كليات الطب والكليات الي تبي نسبه قوية ...... كيف يحصل هذا وهم لاعندهم مواصلات من الجامعه و طالبين منهم عند التسجيل عدم المطالبة بسكن ومطعمهم زفت بل كلمة زفت ارحم ولا يوجد صالة طعام للأكل........ ترى حنا في المملكة ديرة الخير:b6b66: التي تحثتا على ان نسهل لبناتنا ونحفظهم مو نطلعم في العصاري والليالي علشان يحظرون المحاضرات ترى الهيئة تعبت واولياء الامور تعبوا .. بس شكل الي حاط الجدول عنده باصات يبي يمشيها..:hahaha_2008: :s10::s10::s10: أستحوا يأدارة وعدلوا من شأننا وخافوا الله في رعيتكم قبل ان ترحلوا من دنيا بهالواسطة تدور الى دنيا مافيها واسطة تثبتكم....... |
رد: الجندان النجار منتو قد المسؤلية (( بيباي ))
مساء النور ..
مقطع حق ، الله يساعدكم و اذا على الجداول حدث و لا حرج ، انا سنة ثاني جامعة و للحين مايضبط معي الجدول اللي ابغاه ،، تقول البنر يعاندني يؤيؤيؤ :064: طالع على اعمامه ... موفقين :g11: |
رد: الجندان النجار منتو قد المسؤلية (( بيباي ))
مقطع حق انا معك وش هذا النظام بصراحه الكليه صارت بايخه انا حامله مواد من العا م يعني اروح الفترتين وهذا مستحيل اروح من الساعه 6.30 صباحا إلى الساعه 7 المغرب ليش كذا والله قهر
اما الواسطه حدث ولا حرج تكفون ابي واحد يقدر يجيب واسطه لي من عندهم عشان احول صديقتي انتظام سمعنا ان من الطالبات اللي حولن انتظام في بعضهن ما حصلن على نص المعدل بس الواسطه تسوي كل شي |
رد: الجندان النجار منتو قد المسؤلية (( بيباي ))
ماقول الا حسوفينا حسسونا انكم حاسين فينا هذا شي في قلبي حبيت اطلعة و اشكر كل من زار الموضوع واخص بالشكر كل من سجل مرورة |
رد: الجندان النجار منتو قد المسؤلية (( بيباي ))
يؤ يؤ يؤ
توي ادري ان كليات البنات عندها محاضرات بالليل بعد.!! اصلا انا من قبل شايفه موضوع للشباب وهم مو عاجبهم دوام الليل اجل وش نقول عن البنات..!! اما موقع الجامعه اتوقعمحد يدخله غير وقت التسجيل عشان البنر ولا يشوفوا اخبار التسجيل اما بصراحه باقي الأقسام حدث ولا حرج ماتغير الكلام اللي فيها من زمن جدي والموقع فاشل ويسبب ضغط وسكري خصوصا ايام التسجيل اذا قفل وصار ضغط عليه ولا طلع لنا سبب مال امه داعي مثل غير متاح للتخصص وهو ماده عامه:000: و بالنسبه للجامعه وش نقووول بس.. يعني المكافات يسحبو منها 10 ريال ومشيناها الجامعه كلها خراب ورمال والطالبات مايطلعوا منها الا حالتهم حاله وبالنسبه للتسجيل والقبول اكثر من مليون بنت تتحطم بسبب الرفض وتكون نسبهم عاليه واوقات الجداول الأكثر من زفته والله حرام عليهم يعني عشان انهم ضامنين ان بناتهم واولادهم ماراح يصير فيهم كذا ممشين الجامعه على هالقرارت وفوق هذا وهذا التخصصات حدث ولا حرج فااااااااااااشله الا القليل منها يعني ياليت لو يقفلوا التخصصات الفاشله ويفتحوا لنا تخصصات جديدهـ انا اللي يقهرني اني للحين ماني عارفه سبب هالأهمال والتخلف فيها يعني بصراحه بالذات سالفة الفلوس مو ناقصتهم بالعكس زااااااااااااااااايده عندهم ومتاكده ان الدوله تعطيهم ميزانيه وهم مايستخدمو الا ربعها:017: والباقي بالجيب:g2: عيب والله عيب الناس تتقدم ونحنا نرجع ورا مع هالتخلف بس الدنيا دوارهـ ويجيهم يوم الله عالظالــم |
رد: الجندان النجار منتو قد المسؤلية (( بيباي ))
السلام عليكم حبيت اشارككم .. واوافقكم في كل الي تقولونه .. هناك اخطاء ومشاكل وتجاوزات كبيرة بالجامعه .. لكن ما نقول الا حسبي الله ونعم الوكيل .. الدولة ما قصرت ووفرت كل شي .. ودي اعرف ميزانية الجامعه ملياااااااااااااار ريال وييييين تروووووووح .. وهذي حق سنة وحده بسسسسسسس ما شفنا شي غير الخرايب والدمار والقرف .. عيب والله عيب .. حتى اكل والي هو من اقل الاشياء الي المفروض الجامعه توفرها بالمستوى العادي ما نبي العالي .. مافيييييه اكل وصخ وفيه حشرات .. يعني حتى الي بالسجون يقدمون لهم اكل انظف من كذا .. واحنا بجامعه جاااااااااامعه تعرفون يعني ايش جامعه والله لو تطلون برا وتشوفون الجامعات ان تقولون ان جامعة فيصل ورشة مو جامعه .. لكن الله يحاسب المقصر والظالم .. والي ياكل اموال الناس بالباطل .. وان شاء الله يعاقبون بالدنيا قبل الاخرة .. وناخذ بحقنا منهم .. وما اقول الا حسبي الله ونعم الوكييييييل |
رد: الجندان النجار منتو قد المسؤلية (( بيباي ))
اية خلوكم كذا ابي ناس تفضفض علشان يدروووون اننا منقهرين والساكت عن الحق (( عزكم الله )) حيوووان اخرس |
رد: الجندان النجار منتو قد المسؤلية (( بيباي ))
من بؤك لأبواب السماء وشكراً مقطع حق :d5: على الموضوع الجريء |
رد: الجندان النجار منتو قد المسؤلية (( بيباي ))
وش هذا ؟؟؟ ليش كذا ؟؟ لهدرجه مو طايقين شي بالجامعه ؟؟ وشو اللي مافيه اكــــل؟؟؟
اكل وصخ و حشرات ؟؟ جامعه ورشـــــة :no2: ؟؟؟ ليه هالكـــلام يعني انا اشوفه يزعل بصراحه ... استغفر الله احمدوا ربكم على اللي انتم فيه .. هم وش مصلحتهم يتعبونكم بنظام البانر يعني كله خطوات واتبعوها ويخلص التسجيــل ... انا معاكم انه دوام الليل للبنات غلــــط وجدا مو مناسب ولازم يتغيـــر .. وترى مافي احد منعكـــم تقولون للإداره هالكلام ليكون فيه أمـــن على غرفة العميد أو مدير الجامعه ولا نائب المدير وانا مدري؟؟ ترى مافي شي ممنوع انتوا اللي ماتبادرون .. وش فيها العشره ريال اذا سحبوها من المكافأه ترى هم ماياكلونها ولا يخبونها بجيوبهم يعطونها للعاملات اللي يشتغلون من الصبح للعصر بالجامـــعه ... منقهرين على عشره ريـــال ؟؟؟ ركزوا على الدراســـه احسن وخلوا منكم طلبات زي (( استقيلوا وانتوا مو قد المسؤوليه)) يعني ترضون احد يقول لكم هالكلام ؟؟ لا والله مو حلوه ولا من الذوق انكم تسمون كليات الجامعه محارق و الظـــن شيــــــن والله شيييين .. ســـــلام |
رد: الجندان النجار منتو قد المسؤلية (( بيباي ))
بما ان BeeB ذكرت بعض من الكلام اللي انا كتبته
لذالك راح ارد عليها.. يعني لحد يفسر الموضوع هواش:cheese: اول شي بقوله لك وش رايك باللي يقول لك ان الكلام اللي كتبناه مو موجود بالجامعه ونحنا بس كذا فينا مرض نفساني نشتكي ومو عاجبنا شي ولا الجامعه مبانيها من احلى مايكون والأكل اللي فيها من انظف مايكون ولا فيها نصب وفلوس بالجيب والأدارهـ بتاعتها من افضل الأدارات واصلا اذا رحتوا مكاتبهم تشوفوهم موجودين ويستقبلوا اي احد عنده شكوى بصدر رحب وماعمرنا شفنا تلفونهم مشغول ولا محد يرد ماتشوفين الجامعه احتلت المرتبه الأولى وكل ماجاهـا تتقدم والتخصصات كلها حلوهـ حتى الطلاب يحتاروا يختاروا اي تخصص:mh19: بس نحنا ظالمين الجامعه ليش كذا ظالمين الجامعه يالأعضاء ياللي رديتوا قبل BeeB @@@@@@@@ وش رايك بالرد اللي فوق تبيني اجامل عشان لا اصير عكسك؟:g8: ، ، ، اقتباس:
حتى لو كانت ريال او ربع ريال او ورقه دام ان الحكومه اعطت الجامعه ميزانيه معينه تصرفهااااااا على الطلاب ومن ضمنها رواتب العاملين مع الموظفين ماتوقع يحتاج يسحبوا من الطلاب وماكتبت هالكلام عشان محتاجين الـ 10 ريال كتبته عشان ابين لك انهم عندهم بعض القرارت مو صائبه بالمرهـ وبالنسبه لهذا التعليق اقتباس:
اكيد انهم ماكتبوه الا شايفين بعينهم ولا بعد بتقولي انه اكلهم نظيف والعضو قاعد يألف من رأسه؟ ماتقدري تحكمي دامك ماشفتي هالشي بعينك اقتباس:
ولا وش مجلسنا بالجامعه ان شاء الله المناظر الحلوهـ؟ اقتباس:
يستقيل قبل مايسمع هالكلام:119: . . , لي عودهـ اذا استدعى الأمر |
رد: الجندان النجار منتو قد المسؤلية (( بيباي ))
حــــلو كلامك يا أخت القمر :119:..
جــــدا مقنـــع .. انا نفســـي بس توضحيـــن لي وين المنطـــق بكلامك ؟؟ وويــــن النصـــب ؟؟ و مين اللي حط فلوس غيره بجيبـــه ؟؟ مو ملاحظه انك قاعـــده تحوسين ؟ وش المقصد من اللي قلتيـــه ؟ و انتي على اي اساس تطالبين غيرك بالاستقـــاله ؟؟ مديـــــره انتي ولا لك يد في مجلس وزاري واحنا مو عارفين ؟؟ وقصـــة الاكل ومدري ايش مارح اطول فيها عشان مايتحول الموضوع لشي تافـــه وغبـــي .. ســـلام |
رد: الجندان النجار منتو قد المسؤلية (( بيباي ))
يا اخت BeeB بصراحه انا مستغرب من موقفك .. يعني ما اعرف احد سواء يدرس بالحامعه او ما يدرس .. او حتى على الاقل سمعت احد يمدح في الجامعه او يدافع عنها الا ويكون اما : 1- دكتور وماسك منصب محترم .. 2- ابن دكتور 3- منافق واعتذر عن هالتعبير لكن هذا رايي 4- جاهل وما يعرف عن الجامعه الا اسمها اكيد مستغربة من كلامي .. انا بقولك ليه .. انتي تتوقعين ليه تم تصنيفها 3998 .. عبط ولا استهبال ولا ايش يعني هل تعتقدين ان جامعة الملك فيصل بالمستوى الادنى المطلوب من الحكومة ؟؟ هل تعتقدين ان الجامعه عليها نقص فلوس !! هل من المنطقي ان كل الناس زعلانه من الجامعه بس كذا مزآآج بعدين شلون تقولين ان الـ 10 ريال تروح للعاملات .. ههههههه من متى الطلاب مسؤولين يدفعون للعاملات واحب اصحح لك المعلومة الـ 10 هذي تروح لصندوق الطالب والصندوق هذا وظيفته اذا انتي فلستي تروحين وتطلبين قرض صغير ويقولون لك والله حاليا مافيه .. هههههههه وبعدين الاكل الوصخ وفيه حشرات انا بعيني شفته .. مرة بالغلط كنت جوعان ههههههه رحت ابي اكل بالمطعم لقيت فيه حشرات .. بالاكل .. حسبي عليهم .. يمكن انا انتبهت بس المساكين الي ياكلون وما يدرون مابي اكثر كلاااااااام يعني بصراحه كلن شايف وعارف .. لكن لما قلتي على اي اساس تطالب المدير او غيره بالاستقاله .. احب اعلق على هالنقطة شوفي عزيزتي لما يصير مدير على غنم على راحته .. لما يكون عميد شياطين بكيفه .. لكن دامه مدير على ناس من حقهم يطلبون منه هالشي .. اذا هو مقصر معاهم او مخطئ في حقهم واحب اقولك احنا ما نطالب بهالشي لانه بيصير .. لكن عشان نبين راينا و مطالبنا .. وانتي بعد لو انك دخلي اي مكان مكتب بقاله مطعم وما عجبتك الخدمه بتقولين هذا المفروض ما يحطونه هنا يحطونه في مكان ثاني لكن الي مرتاح وماشية اموره اكيد ما تفرق معه ولا يحس بالمشاكل الي تواجه الاخرين .. وشكرا |
رد: الجندان النجار منتو قد المسؤلية (( بيباي ))
صح لسااااااااانك اخوي الله يعطيك العافيه ع الكـــــــــــلام الرائـــــــــــــع .. :d5: |
رد: الجندان النجار منتو قد المسؤلية (( بيباي ))
.::. أخت القمر .::. الله لايحرمنا صراحتك وجرآآتك بس اكيد ان اللي خبري خبرك:mh35: يقرب للجندان او شي مسئول مهم بفيصل .::. SoOoMaAa .::. كلامك اصح من الصحيح وشكراً على صراحتك ...... .::. همي اشيل همك .::. الله يعايفيك انت الرئعة |
رد: الجندان النجار منتو قد المسؤلية (( بيباي ))
اقتباس:
هل نحنا نقول هالكلام عشان فينا مرض نفسي ونجيبه من عقلنا؟ بعدين بالنسبه لــ على اي اساس اطالب بالأستقاله مو لازم اكون مديرهـ ولامسؤله عشان اتكلم واطالب شي حبيت اقوله وقلته ماني مستعدهـ اخليه داخلي عشانك ماتنزعجي شي ابغى اقوله مانتظر اي احد يعطيني الأشارهـ وحتى لو ماستفدت من كلامي ولا استقال ولا صار شي يظل رأيي بالموضوع وقلته ومحدش لو عندي حااااااااقه بالنسبه لقصة الأكل طولتي ولا قصرتي شي شايفته بعيني مانتظرك تجي وتصححي لي المعلومه لانه بالنهايه ماراح اصدق الا اللي شفته بعيني اذا اللي قدامي ماعنده أدله كافيه تثبت النظافه وثبت لي ان اللي شفته خطاء و لاتغلطي كلامنا اذا انتي ماشفتي اللي شفناهـ واخر نقطه احب اقولها لك ياليت يكون اسلوبك بالرد علي افضل من كذا ماحب الشخص اللي جالس يرد علي يقلل مني بكلمات مثل مديره ومو عارفه .. تحوسي ...الخ وفي كلمات بموضوع ثاني استخدمتيها اتمنى اكون وضحت كلامي سلام.. |
رد: الجندان النجار منتو قد المسؤلية (( بيباي ))
ماشاااالله .. سوما وهمي اشيل همك و اخت القمر
ياهلا فيكم كلكم وردودكم على كلامي تدل على امانتكم اممم واشياء ثانيه طبعا .. المهم يمكن في من اللي قلته غلط لا مو يمكن إلا اكيد غلط لان قصة العشره ريال قلت انها للعاملات بس هي اساسا زي ماقال سوما تروح لصندوق الطلاب .. انا نفسي افهم ليش دايم الناس اذا في راسهم شي يعني اغلبيتهم وشافوا احد يعارضهم او مقتنع بشي غير عن اللي ببالهم ينفعلون ويستغربون ويقعدون يستنتجون ويعني ويعني وانه وانه اففففف .. طيب ليش مانتقبل مسألة هالاختلاف وين المشكله لما قلت انكم بالغتوا في لوم الجامعه .. اوكي انتوا تشوفون اني غلطانه وغيره طيب وبعدين ؟؟ اسلوبي مو حلو ؟ ماعجبكم ؟ انا بنت دكتور ولا منافقه ؟ اخت القمر اكثر من مره اسلوبي مايعجبك .. طيبي خاطرك ترى انا ماعندي شي ضدك هو طريقتي بس في الرد واكيد كل عضو بالملتقى له اسلوبه بالرد . ابي سلامتكم يااخوان وبس هذا اللي عندي ســـــلام :119: |
رد: الجندان النجار منتو قد المسؤلية (( بيباي ))
مرحباااا بك BeeB والأختلاف لا يفسد للود قضية والدعوة نقاااااش ومرحبااا بك لكن انتي ضغطتي على الوتر الحساس والطلاب كلهم منقهرين من التهاون لدى المسؤولين وهذا اقل حقوقهم ان يحكون مايرونة |
رد: الجندان النجار منتو قد المسؤلية (( بيباي ))
مرحبا اختي BeeB اقدر واحترم رايك بشدة .. لكن للأسف كثير من الطلاب والطالبات غافلين ويجهلون بحقوقهم الي يستحقونها ويمكن انتي من بين هالناس .. لان كلامك ومعلوماتك تدل على هالشي .. ولازم كل طالب وطالبه يعرفون حقوقهم .. هذا بلدنا ووطنا كلنا ومحد احسن من احد .. لكن الواقع غير لان محد يعرف حقوقه .. ولا احد يطالب فيها وهالكلام قاله لي دكتور بالجامعه .. يقول لو كل الطلاب يطالبون بحقوقهم .. الجامعه راح تنفذ .. لكن الاغلبية ما يدري وش حقوقه اصلا كل الي يعرفه انه جاي يدرس ويستلم مكافأة حتى لو قالوا بنعطيك 100 وناخذ الباقي يمكن ما يعترض ويقول ليه .. اتمنى قصدي واضح .. وشكرا لصاحب الموضوع :) |
رد: الجندان النجار منتو قد المسؤلية (( بيباي ))
اقتباس:
لاني ماعرفك ولا انتي تعرفيني بس انا علقت على الأسلوب والكلام اللي مايعجبني عشان تقرأي ردك قبل ماترسليه ولا انا عارفه انك ماتقصديني انا بالذات ولا حاطه بقلبك علي.. هذي كل السالفه لا اكثر ولا اقل.. |
رد: الجندان النجار منتو قد المسؤلية (( بيباي ))
اقتباس:
كلنا عارفيـــن حقوقنا ولو انهضم لي حق من حقوقي كإنسانه او كمواطنه او كطالبه اكيـــد مارح اسكت ورح اطالب بكــل صغيره وكبيره لي حق فيها .. اي حق انت تقصد هذا اللي انا غافله عنه بالضبــط ؟؟؟ انا منطقي بالكلام كان واضــح جدا وهو اختياركم للسلبيه في اصدار الاحكام على الجامعه ورشه ولا خراب دمار وقرف .. مافي شي بالدنيا نقدر نقول عليه انه كلللللللله غلط لازم يكون فيه جانب ماشي عدل اوكي في بعض النقاط تحبون تلفتون نظر ادارة الجامعه عليها وتبونها تتغير او تتحسن مو مشكله قولوا لهم هالشــي عبروا عن اللي بداخلكم لاتكتمون وتكملون سنين دراستكم بالجامعه وساكتيـــن .. ســـلام :119: |
رد: الجندان النجار منتو قد المسؤلية (( بيباي ))
بووووووووومـ بسكمـ هوووشهـ ونجرهـ BeeB & اخت القمر ريلكــــس روواقواا .. صوتكمـ وصل لبيت الجيراان يرج عدووانكمـ قوولوا آمين مايخالف حباايب قلبي تناقشواا بس بدون محد يجرح في احد بأسلووبه من الكلامـ:no2: \\ انا اذا برد على الموضوع بيكون حقااني لا مع ولا ضد .. الجامعه فيهاا سلبياات وفيهاا اجابيات ويااكثر السلبيات فيها بس حنا بحكم ان طلاب محد بيسمعنا ومحد بيكلف على رووحه وش اللي نااقصنا ..:Cry111: وهذا مايعني ان فيها اجابيات حلووهـ .. \\ كل هذا ماهمني كثر ماهمني الاحترام :011: بقض النظر عن كل شي وعن اللي ذكرتوا من نظاافه ووو .. انا كل اللي يهمني بالمووضوع الاحترامـ واسلووب المعاامله .. اذا انتمـ تعاانون من هالاشياء انا اعاااني من اسلووب اشخااص كثيرهـ ليه كذا طيب حنااا بناات ولنا شخصيه وكبااار وفااهمين .. <<ماني شاايفه حالي ولا ااعرف طريق لتكبر .. كلنا صغآآآآآآآر قدامـ الله وهوو وحده الكبير ليه يعني لما نتكلمـ يصغروونا ويهنون فينا حنا مو جااين نطر منهمـ ونذل منهمـ حنا ندرس في جامعة ديرتنا مو في مكان غريب عشان يكون مثل هيك معاملهـ .. يعني انا اول مره ارووح حصلت لي ترشيحه محترمه :bawling: مابفتح موواجع.. وش كان معي وقت التسجيل لانهاا بجد كاانت مأسااهـ كبرهـ \\ اسفهـ اذا خرجت برا المووضووع انا حبيت اقولكمـ اذا انتمـ يزعلكمـ هالشي انا عندي يهوون بلي صاادفته وبالنسبه لترميم والنظاافه اتكلمـ بالحق وعين الصوواب حنا من حقنا كطلاب يكوون لنا مكان نظيف ومبنى اذا ماكان جديد يكون بشكل جيد ..ومقبوول .. \\ |
رد: الجندان النجار منتو قد المسؤلية (( بيباي ))
فافــا انا واخت القمر ماتهاوشنا هي اعترضت على اسلوبي وانا قلت لها اني ما أقصد شي وبـــس << كبرنا على الهواش وانا لما لما نزلت ردود بالموضوع كان من باب ابداء رأيي مو جايه اتهاوش مع غيري :119:
اقتباس:
ســـلام |
رد: الجندان النجار منتو قد المسؤلية (( بيباي ))
BeeB يآآآآلب قلبك وربي كنت امزح معكمـ ابي ادخل بالموضوع رووح الدعاابه ..:119: ولا انا ادري ان اللي بينك وبين قمووره مجرد حوار ونقااش بس شفتكمـ مطوولين بهالرجاات قلت اخش عرض عليكن ..هع BeeB ياحلووك بسـ تحبين رووح المناقشه وتبادل الحووار احيك بصرااحه على هيييك توواجد .. وبالنسبه ياقلبوو على كلامي فـ آآسفه خبصت هذا بذا ..<<والله من شدة القهر اللي فيني .. قلبووو انا اقصد كليتنا مو الجامعه الجامعه ماعليهااا نظيفه والمكان يصقع لامعان ماشاء الله المستخدماات الهنديات مو مقصرين :g8: ياريت يجبونهمـ يوم عندنا على الاقل ..:011: |
رد: الجندان النجار منتو قد المسؤلية (( بيباي ))
فافا . . . . الله يطول عمرك حتى انا وباقي الأعضاء كنا نقصد بالموضوع بعض المواقع التي يديرها الجندان والنجار لكن الأخت BeeB مشت على المثل الي يقول (( عين ماترى .. ماتحزن ..)) لأنها كانت تتكلم عن مطعم الجامعة ونست أنة فية شباااب و بناااات معذبين في الكليات التي ظمت الى جامعة فيصل مما أدى الى قصور في النظافة والمطعم وغيرها الكثير...... الكثير وأزيدك من الشعر بيت انه يوجد:064: طالب (( مجهول علشان الأدارة ماتستقعد له )) متسمم من مطعم جامعتنا :hahaha_2008:الأم المبجلة :hahaha_2008:المنزهة |
رد: الجندان النجار منتو قد المسؤلية (( بيباي ))
الشكوى لله ...
|
رد: الجندان النجار منتو قد المسؤلية (( بيباي ))
اوكي يامقطع حق هذا انت تقــــول
بـــــــــعض الموااااااااااقع التي يديرها الجندان والنجار << اجل ليش تطالبهم بالاستقاله ؟ يعني بس على حساب بعض المواقع ؟؟ اكيد فيه سوء اداره لبعض الكليات المضمومه للجامعه لكن تتوقع هل هذا سبب كافي للمطالبه باستقالتهم ؟؟ .. صحيح كلامكم انه فيه من الكليات اللي ضمتـها الجامعه صايره مبهذله وحالتها حالــه .. اعرف اخت صديقتي تدرس في >> كليــة العلوم << وتقول: الكليـــة تفشل .. اللــي قصدته ليش تحرقون قلوبكم وتعورون روسكم وتلفووون وتدوورون ليش ماتلقون حــل للي انتوا فيه .. والطالــب اللي تسمم << مايشوف شر ان شاالله .. كان بمقدوره يشتكــي ويوريهم الاثبات ..الكل يخاف سبحان الله مافي احــد يبي يعلي صوته ويقول الحـــق إلا ويطلع عذر .. ولو سألت احد لما صار لك ليش مااشتكيت لما شفت كذا ليش ما اعترضت ؟؟؟.. اش يقـــول : مايسوى علينا المفروض هم يسوون هالشي وهم اصلن مارح يسمعون لنا وغيره وغيره اعذار .. ســلام |
رد: الجندان النجار منتو قد المسؤلية (( بيباي ))
BeeB اذا كانوا مو كفو ا لهذه المسؤولية (( يشيلوون كلياات البنات والمعلمين )) ليش يقبلووونها من وزارة التربية والتعليم محد قاله يدق صدرة ويقبل انضمام الكليلت للجامعه .. اليس لعدم نطافتها ا(( اقصد كليات االبنااات )) لازم يحاسبون (( اختي يوم دخلت كليتها بالاحساء قالت وشذا المزبلة )) مسؤولية من الي خلتها مزبلة هنا من نقابل العميدة التي تقول الجامعة هي المسؤلة ؟؟؟؟ ولا الجندان الي مابعد شفته ؟؟؟ وبعدين الواحد اذا صااار مو كفوا كرسية الي يقعد علية ليش يجلس فية (( يستقيل )) يجي واحد اطلق منه يعدل الحالة او المحرقة الي احنا فيهاااااااا ونحن نفضفض هاهنا واذا حنيتي عليهم بس قوليلي وأنا اسكر الموضوع!!!!!!!!! |
رد: الجندان النجار منتو قد المسؤلية (( بيباي ))
BeeB اليك الرابط هذا http://www.ckfu.org/vb/showthread.php?t=21937 80% من مرتادي الجامعة من طلاب وظطالبات لو كان الأمر بيدهم لفصلوا الجندان والنجااااار وهذالرابط يحكي قصة وحدةمن الأخوات تشتكي وسحبت ملفها من القهر |
رد: الجندان النجار منتو قد المسؤلية (( بيباي ))
حـــصل خير اخوي ..
مجـــرد رأي وانا مو متحيـــزه ضدكــم لأحــد << انتوا اخواني وثانكس على الرابــط ســـلام |
رد: الجندان النجار منتو قد المسؤلية (( بيباي ))
الصراحه أنا معاكم في كل شئ قلتوه لأني حدي منقهره وما حد حاس فيني ماأقبلوني وغيري بالواسطات خذوهم
|
رد: الجندان النجار منتو قد المسؤلية (( بيباي ))
.::. BeeB .::. مرحبا بك مليوون وانا احترم رأيك .::. فراشة الليل.::. مرحبا بك اختي والله يعينا وشكراً على المرور |
| All times are GMT +3. الوقت الآن حسب توقيت السعودية: 09:23 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه