ملتقى طلاب وطالبات جامعة الملك فيصل,جامعة الدمام - جَـــــــــــدّي / جَــــــدّتِـي : عَالــــمٌ مُـخْتَلِفْ ^

- ملتقى المواضيع العامة (https://vb.ckfu.org/forumdisplay.php?f=3)

جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

.

السلام عليكم ورحمة الله وبركاته..

أُسْعِدتُم صَباحاً أَحِبّتِي الكِرَامْ ..:106:

بعيداً عن مواضيع الزواج اللي تجيب وجع الراس وكل الأمراض المزمنة وكأننا ناقصين عقد :bawling:

كل يوم تقريباً أتصبّح بخبر فلانة تطلقت وأتمسّى بخبر فلانة بالعناية زوجها ضربها وفلانة زوجها تزوج عليها وزعلانة عند أهلها ووووووووووووووو .................. الخ

أحس خلاص الناس صارت وحوش تاكل بعضها فيش التفاؤل انفصل من مخي خلاص :biggrin:

تعقدت يا عالم عالأقل خلو هالقسم متنفس لنسيان الهموم بعيداً عن هالمواضيع اللي تضيق الخلق :mh318:

مو قصدي أتحكم أو أفرض رأيي والله هذا مجرد اقتراح و كل واحد حر لطرح أي موضوع يبي يناقشه بس هالفترة بالذات أحس بزيااادة هالمواضيع آي دونت نو واااي :biggrin:

والمصيبة انو فترة زواجات يعني الواحد صار بدل مايهني العروسة يعزيها :biggrin:
.

.

ومن هذا المنطلق ليديس أند جليمنتس :tongue: حبيت نغير جو بهالموضوع ونوسع صدورنا بذكر مواقف طريفة حصلت لنا أو سمعنا عنها مع أجدادنا وجداتنا

الجد والجدة دائماً ما يكونون بركة البيت ولهم جوهم الخاص

يرسمون البسمة على الأحفاد حتى وإن قسوا أحياناً

فإنهم يحملون بداخلهم قلوباً بيضاء كقلب الطفل

مدري ليه دائماً الجدة تحب العيال أكثر والبنات دايم تهزءهم وتنقد عليهم :000:

والعكس الجد يصير يحب البنات وماغير يضرب العيال :41jg:

يمكن عشان الشيء ينجذب لنقيضه >> وش دخل :tongue:

أنا للأسف مالحقت على ولا واحد من جداني بس جدتي الوحيدة اللي باقية عسى ربي يطول بعمرها

جدتي العزيزة ( شمس ) :biggrin: حصلت لي معها مواقف كثيرة لا تعد ولا تحصى أغلبها تفطس :biggrin:

الله يحفظها عندها السكر والدكتور مانع عنها السكريات

وهي لازم تعاند لو تشوف بإيدنا أي شي فيه سكر حلاو أو شوكلاتة تخطفها مع كم كف عالطاير :71:

وياويل اللي يشتري شي من البقالة وما يعطيها :017: مهما حاولنا نخبي عنها الحلويات وخاصة بالعيد صعب نخبي لأنه بكل مكان وهي ماشاء الله تشم من مسافة ألف كيلو وتلقاه

طبعاً هذا كله عناد ماتحب أحد يتحكم فيها ويعاملها مثل البزر ولا هي بالأساس ماتحب الحلاو

صرنا إذا شرينا مشروبات غازية نجيب لها دايت لين كشفتنا بالأخير والله مو سهلة شمس خانو :hahahahahah:

آخر موقف صار مع جدتي كان بالعيد هذا

كنا رايحين البحر ومستانسين ويوم وصلنا وتونا بنفرش ومامدانا نقعد إلا جدتي المصونة عنّدت وركبت راسها نرجعها البيت :bawling:

تونا ماقلنا بسم بالله عاد من زمان عن البحر لا يجدة تكفين :bawling:

حاولنا فيها مني مناك بس ماش ترجعوني يعني ترجعوني :icon9:

طيب ياجدة أبوي راح يجيب العشا مع عمي وخذوا السيارة و باقي وحدة وماتكفينا

لا تحاولين برجع يعني برجع :mad:

آخر شي استسلمنا للأمر الواقع ورجعها ولد عمي ورحوا معه نصنا والنص الثاني اللي ماكفته السيارة ينتظر أبوي وعمي

رجعنا البيت وكلن يتحسب على إبليس الجدة اللي ركبها اليوم بالذات :bawling:

خلص العشا ورحت أعدل شكلي بالغرفة وكانت جدتي وراي قاعدة بالسرير تطالعني من المراية

حسيت نظراتها مو عادية تطاالع بتدقيق :(107):

سألتني: مين بنته انتي

طبعاً ماستغربت أحياناً جدتي تجيها حالات تنسى يعني زهايمر بس مو خرف تام

جاوبتها : بنت فلان

سكتت شوي بعدين رجعت تطالعني من المراية

رجعت سألتني : و مين بنته هذي

- بسم الله الرحمن الرحيم ! أي بنت مافي غيري بالغرفة :000:

طالعت حواليني وقلت لها : أي بنت ؟!

جاوبتني : هذي اللي تمشط شعرها

تنحت شوي بعدين استوعبت :hahahahahah:

تقصد صورتي المنعكسة بالمراية هههههههههههههههههههههههههههههه :hahahahahah:

طبعاً ماضحكت قدامها ولا باكل علقة محترمة

قلت لها: هذي فلانة بنت فلان أختي التوأم ... وأنا ماااسكة الضحكة شوي وأنفجر :hahahahahah:

هزت راسها وقالت : اهااا والنعم فيها :biggrin:

طلعت برا الغرفة وفكيت الكااااااااااااااااااااااااااااي ومابقى أحد ماعلمته

محد يضحكني كثرها ربي يطول بعمرها :106:

هذا جزء لا يتجزأ من سوالف جدتي المصون :biggrin:

ياليت ألقى تفاعل وتسحدون مواقفكم مع جدانكم وجداتكم سواء حزينة أو سعيدة او مضحكة

وات إفر :biggrin:

ودمتم سالمين :106:

.

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

الله يسعدك عالموضوع..
ذكرتيني بكل المواقف مع جداتي ... :biggrin:

مررة كانت جدتي تعباانة تبغى تنام.. فالت لي يا "فلانة" تعالي كبسيني << يعني سوي لي مساج...
قلت حااضر، وجيت أسوي لها مساج في رجولها، قالت لاااا، قلت لها ايش؟ ايش فيه؟
قالت روحي جيبي اللي تفرد العجينة http://www.manalonline.com/upload/to...mb_5_58_57.jpg << زي كذا بس خشب..
قلت أوووكاي، ورحت جبتها ... قالت يالله كبسيني .. قمت حطيت الفرادة عالأرض وكبستها...
قالت لاااا ..
كبسيني بالفرادة !!
إلا أنا متتت من الضحك.... :hahahahahah: وهي من جدها...
وإلى الآن وأنا أسوي لها مساج بالفرادة (بس طبعاً طلعت هذي وحدة خاصة فيها... ووحدة ثانية لفرد العجين )

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

^

ههههههههههههههههههههههههه :hahahahahah:

يقطع إبليسها من جدة عليها أفكار :hahahahahah:

الله يخليها لك والله فكرة أسويها لأمي تحب المساجات :biggrin:

ثانكس عالمرور والموقف الجميل :106:

.

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

:biggrin: يا زين المواضيع اللي تشرح الخاطر ايه هذي السوالف ..

هههههههههههههههههه رهيبه سالفه المرايه .. الله يخليهم لنا ياربي ..
انا باقي لي جده وحده الله يطول بعمرها يارب ..
مره حسيناها تعبانه وبعد اقناع يوم كامل نبيها تروح للمستشفى فحص اقتنعت .. قلت للسواق يقرب السياره قلت له ماما كبير تعبان خل السياره جوا البيت بباب المدخل .. السواق هذا له عمر عندنا يمكن 15 سنه وكانت جدتي على مدى السنين اذا ودانا والا جابنا تعطيه المقسوم .. :biggrin:الظاهر اني اثرت على عواطفه الجياشه وبالغت بوصف الموقف .. عاد وانا طالعه معها الا يستقبلنا السواق وياخذ جدتي بالاحضان وكم بوسه على راسها .. وجدتي انخفاض بالضغط طاحت علينا .. ومن يومها لو بس تسمع صوت سياره السواق .. قعدت تقرا (( وجعلنا من بين ايديهم سدا ومن خلفهم سدا فاغشيناهم فهم لا يبصرون )) .. + سلسله من الادعيه الوقائيه ههههههههه

:biggrin: ووسلامتك تشكرا على موضوع حلوو زي طلتك ..

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

:Cry111:
والله ماعنده جدات ولا أجداد وش يسووي :Cry111:
الله يرحمهم كلهم مااعرفهم ويجمعنا في جنات النعيم

صاحبه الموضوع ربي يعطيك ألف عاافيه قسم بالله ضحكت ضحك :hahahahahah:
الله يخليها لكم ويمد في عمرها بالصحه والطاعه يااااارب

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

والله فله جداتكم :hahahahahah::hahahahahah::hahahahahah::hahahahaha h:

أنا لحقت على جدت أمي بس ماتذكر الا طرحتها المربوط فيها مفاتيح
والصندوق اللي معبيته حلاو :biggrin:>> هذا بخصوص الجدات

أما جدي الله يطول بعمره توووحفه وأنا دلوعة جدي :mh318:
واحسن شي أذا حشر السرابيت أخواني أحس بسعاده فضيعه :71:
والمواقف من كثرها طااارت
ويعطيك العافيه

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

ههههههههههههههههههههههههههه

اما عليك جده وناااسه .. ما تعطيني اياها سلف :biggrin:

انا اجدادي ما لحقت عليهم عسى ربي يسكنهم فسيح جناته

وجدتي ام ابوي ماتت قبل كم سنه عسى ربي يرحمها وما لي معها ذكريات

لاني ما عشت معها .. وام مي فديتها تحفه .. كل ما مريت من عندها

امحطتني بعصاتها ولا قلت لها .. يووه انا وش سويت يا جده

تقول .. انتي ملااك .. قلت ايه .. قالت : احسبك فلانه > تصرف :hahahahahah:

الله يخليها لنا ويطول بعمرها

::106:

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

هههههههههههههههههههههه

يالبيه يالجدات الله لا يحرمني بس ..

انا عندي موقف تحبه قلووووبكم .. زين مير ذكرته

اذكر مرتن من المرارير :(269):

ابوي سوا عملية بركبته .. بعد ماطلع من المستشفى
جا معه عكّازين عكاز ابو اربعه رجول وعكاز العادي اللي رجلين ينمسك باليدين ..

المهم بعد فترة طلع ابوي برا الساحه يقال له يسوي رياضه لرجوله تتمرن شوي

وبالموت يمشي ..

وامي طالعه معه

طلعت انا لقيت عكازه ابو اربعه رجول وجدتي قدامي الشوف عندها موب مره ..

وقدام بابنا مرتفع مره تقريبا ارتفاع ثلاث درجات ..

وهي تناظرني واقفه تفكرني ابوي .. شمس وماتناظر زين

وانا امسك العكاز ابو اربعه رجول

وامثّل امشي بشوييييش

وهي تناظر بنظرات يعني يالبى وليدي >> تراي اقرى النظرات :biggrin:

واقرب عند المكان المرتفع وأنط .. ههههههههههههههههههههههههههه

:hahahahahah::hahahahahah: :hahahahahah::hahahahahah:

وهي بغت تنجن بسم الله على وليدي ..

واضضضحك وتسمع ضحكتي درت انه موب ولدها هههههههههههههه

الباقي مشفر مانيب قايله وش سوت لي يوم درت انه انا :000:

:biggrin:
:biggrin:

بس عادي مقبوله من جدتي >> غصب عنتس :hahahahahah:

يسسلمو على هيك موضوع

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

الله عليك موضوع يستحق التقييم :106:
بس قلبتي المواجع جدتي توفت :icon9::icon9::icon9:

جداني من الوالدة لسا عايشين بس من
الوالد تووفوا الله يرحمهم ويرحم اموات المسلمين

اووووو وش اقولك عن جدتي الله يرحمها مواقف وعلوم

بس اذكر اني انها تعشق جدي واذا جيت
ملانة وابيها تسولف علي جبت طارية وهي
تهل العلوم وتنبسط ,,,,,, ولا شفتها
تعمقت قلت الا يايمة الجوهرة فلانة
يوم جدي خذاها ويش سويتي
ففجاة كذا ماشوف الا اقرب حاجة
حولها ع وجهي ,,, يالله حتئ وهو ميت تغار علية
في حب كذا

عاد اذا عصبت قلت انتي الاولة انتي المهمة ويزين خاطرها
بس احيان اعوذ بالله تجلس يوم ماتكلمني :(269):

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

الله يرحم جداتي وجداني
باقي جدي لامي بس الحين في غيبوبة الله يختار له الصالح عمره 105 ما شاء الله
كان مؤذن وامام مسجد من عرفت الدنيا وهو راعي صلاة

بس كانت خالة بابا ساكنة بنفس شارعنا وكل يوم لازم تجينا العصر الين اخر الليل
كانت ونااااااسه سواليفها وكانت كاااااااش كل يوم كانت تعطينا بـ 100 اذا مو اكثر
الله يرحمها كانت راعية قصيد اذكر منها

يا ذا القمر والنجمتين المناحير
*** ما تاخذين الصبح عني واجازيتس

جنّي بنات البدو تاسير تاسير
*** عشر الخطى حطنّها ساعتيني

راحت ايام الكاش ورجعنا حق الطفرة

الله عليك يا سيدة موضوعك نايس:(204):

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

اخ ذكرتيني بجدتي الله يرحمها

كنت انام عندها بالغرفة وتقول ولدي عبدالله هي تكون ام ابوي

عاد انتم تعرفون الدراسه كنت ماابي اداوم اقول لامي ماني رايح للمدرسه تكلم ابوي اقول تفاهم مع امك هههههه لانه يعرف تقول عليه وتهاوشه هههههههههههههههه

واتذكر كنت اخذ منها مصروفي هههههههههه عاد دايما قبل انام اقول ياجده قولي لي قصصكم بالبر عاد هي ماتصدق تسولف للفجر عن السمتح ههههه

اسال الله ان يرحمها ويغفر لها يارب

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

-

الموضُوَع معَ أنّه ينبشّ جروُح ، بَسّ يرجعنَا لِ ذكريَات حلوَة http://www.ckfu.org/vb/images/icons/icon21.gif http://www.ckfu.org/vb/images/icons/icon21.gif http://www.ckfu.org/vb/images/icons/icon21.gif

جديَ و جدتِي [ مِنّ أمِي ] حيين الحمد لله ، بسّ مآلِي موآقفِ معهمُ بَ سبب بعدنَا عنهمّ ،
و جديَ [ أبوَ أبويَ ] متوفِي مِنّ 15 سنة تقريبا ، أذكرّه بسَ موَ كثثثيرّ ، :icon9: http://www.ckfu.org/vb/images/icons/icon21.gif
و جدتِي [ أمّ أبوُي ] هيَ الغآليَة و هِي الحبيبَة ، و هي الليَ لِي معهَ موآقف ،
و توفِت الله يرحمهَا قبّل كمّ شَهِرّ ، :icon9::icon9: http://www.ckfu.org/vb/images/icons/icon21.gif

مرَة فِ ليَلة ممطرِة بَ بيتنَا ، وَ برَق و رَعد بَ آخر الليلَ :biggrin:
كآنت جدتي و اميَ و اخوآنِي جآلسِين بَ الصآلة الليَ فوقّ ،
و اللمبَات كآن نصّهَا مفتوحّ و النِصّ البآقِي مسكّر ، :tongue: http://www.ckfu.org/vb/images/icons/icon21.gif

كنتَ أنا جآية من تحتَ و معِي صَحن فوآكِة ، و جيتَ ابي أفتح اللمبَات و سْكرتهَا بَ الخطأ :wink:
بعدِين جدتِي خآفت تفكرَه برق هههههه
و جلسَت تضّم اختي الصغيرة ب حضنها و تسمّي عَليهَا
و تقول لِ العيَال : قولواَ ’ سبحآنكّ ، وَ أذكروَا الله :biggrin::biggrin: http://www.ckfu.org/vb/images/icons/icon21.gif

وَ أنا أستآنسَت أشغِل و أطفِي هههههه :cool: :cheese: http://www.ckfu.org/vb/images/icons/icon21.gif

بعدِين أخبرتهٌا بَ ذلِك ، فَ ضِحك الجمِيع > ذِكرتني بَ كتبَ المطآلِعة زمَآن ههههه :biggrin: http://www.ckfu.org/vb/images/icons/icon21.gif http://www.ckfu.org/vb/images/icons/icon21.gif

يَ حبيبتِي و اللَه جدتِي ، وَ الله مآ حسَيت بَ نعمّة الجدّ وَ الجدّة ألا يومّ فقدتهُم ،
كلِ شيَ منهٌم كآنّ حلوَ ، نصآيحُهٌم ، و لمَا ينتقدونّ لبسنِا و جيلنَا ،
و لمّا يجلسونّ يحكونّ لنَا سوآلفهُم زمَان ، و يفتخروٌن بَ مآضيهٌم ،
و دَعوآتهٌم ب التوفِيق أيآمَ أختبآرَاتنَا ، وَ بَ الصلَاح و الهدآيَة ، http://www.ckfu.org/vb/images/icons/icon21.gif
و تذكيرنَا بَ الصلَاة و أمُور ديننَا :tongue:
وَ أدويتهٌم الشعبيَة لمّآ نمرَض ، و الليَ نتفآجئ لمّا نلقآهَا نفعتنَا :biggrin: http://www.ckfu.org/vb/images/icons/icon21.gif
و خوفِهم علينَا كأننَا عيَالهُم :tongue:

لَا يسعنَا ألاَ القولّ :
. يَ ربّ لنَا أحبّةة كَانوَا فوقّ الأرضّ ، ولمّ نشعُرَ بهمّ جمّاَ ،
و هَا همٌ الأنّ تحتّ أرضِك ، و قدّ تركوَا لنَا بَ غيآبهٌم همّاً ،
فَ أرحمهُم بَ وآسِع رحمتِك ، وَ أجمعنَأ بِهٌم وَ أبآئنَا فِي فردوسِك الأعلىَ :icon9:http://www.5foq.com/vb/images/smilies/CE_DP_Stealer.gif http://www.ckfu.org/vb/images/icons/icon21.gif

* سيدَة الأسِئلَةة : حبيتّ الموضوُع ، :tongue:
لِ روحِّك اليَاسمِينّ يَ جميلَة ، :106: http://www.ckfu.org/vb/images/icons/icon21.gif

رد: جَـــــــــــدّي / جَــــــدّتِـي : عَالــــمٌ مُـخْتَلِفْ ^_^

اولا مشكورة سيودة على هالموضوووع :106:

انا والحمد لله جداني وجداتي للحين عااايشين والله يطووول بعمااارهم
والله انهم بركة البيت ربي يعطيهم العاافية

الموووقف الي ماانساااة كانت جدتي ام امي عندامي وجدتي ام ابوووي عايشة معاانا وربي الثنتين اذا اجتمعوو تحفة يهبلووون :love080: جدتي ام ابوووي اوول ماياذن الموذن ضرررب في اخوواني وعلى طووول على المسجد يسمعوون لها وكاان اخوي الصغيرعمرة ست سنواات من ضمنهم فيبكي ويصرررخ بصووت عاالي جدتي ام امي ماتحب احد يبكي فااخذتة وقالت لة اسكت رح بالغرفة وبعد شووي ارجع لنا وقل اني صليت شاافتهاا امي فقالت تبين تخرربين علي الولد جدتي على نياتهاا لكن ماتبي احد يبكي عندهااا

جدتي ام ابوووي عماااتهاا الحلااا :biggrin: تقول الحلا بلى وينفخ وتخااصم اذا شاافتة مسكينة اختي دبدوبة وتحب الحلا اذا شافتناا متجمعين فتحللف علىى اختي ماتاكل الحلا تقوول ماسووا فيك كذا الا الحلااا فتشووفون اختي بالدس تاكلة ومستحيل تاكل قدامهاا تخااف تحلف عليهااا

مرررة حضرت جدااتي وامي زوااج طبعاا القااعة اوول ماندخل مراايات فتقررب جدتي يشووفون صورهم من بعيدحسبالهم انهم اهل المعرس يستقبلوونهم فطلعت جدتي عطرها وتعطرت وتقوول لامي امشوو بسرعة فشلتونا تبونهم يستقبلوونا على الباب استحوو من الناس بسرعة وموو داارية انها صوورهم فديتهااا :hahahahahah: