ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى المواضيع العامة (https://vb.ckfu.org/forumdisplay.php?f=3)
-   -   يااجمااااعه ؟؟؟؟؟؟؟ (https://vb.ckfu.org/showthread.php?t=18159)

مارشوملز 2008- 8- 24 04:52 PM
يااجمااااعه ؟؟؟؟؟؟؟
 
السلام عليكم ورحمة الله وبركاته


ياجماعة الخير شوفوا لي حل خلاص فقدت الأمل .. والله العظيم حرام قسم بالله حراااام

الدفعه الثانيه ماأنقبلت فيها ؟؟ طيب وش أسوي ؟ أروح للجامعه وأكلمهم ؟؟ ولا أيش أسوي وأنا الرغبات اللي سجلت

فيها مستحيل تجي يم نسبتي ؟؟ ربي يوفقكم سااااعدوني خلاص تلفت أعصابي من كثر المحاتاه .. حرااام ليش

الجامعات الثانيه يصير فيها القبول بكل يسر وسهوله وحنا لا ؟؟ ربي يسعدكم شوفوا لي حل

:Cry111:

غلا الكون كله 2008- 8- 24 05:00 PM
رد: يااجمااااعه ؟؟؟؟؟؟؟
 
مرحباااااااا الوتر الحساس .. بقولك السنه القبول صعب حيييييييييييل

يعني المفروض اللي ماتنقبل هي اللي نبارك لها م اللي انقبلت ..

انا الحمدلله انقبلت بالكلية التقنية حاسب ..



انتي سجلتي بالتقنية والا لا

مارشوملز 2008- 8- 24 05:01 PM
رد: يااجمااااعه ؟؟؟؟؟؟؟
 
طلعوا النتايج حقت التقنيه

جامعيه ولكن 2008- 8- 24 05:06 PM
رد: يااجمااااعه ؟؟؟؟؟؟؟
 
ايه والله انا نفسك الوتر الحساس بس قولي امين الله يعوضنا خير يارب والله كتبلنا خير منها من ندري وش هو بس الله يوفقنا ويفتحون بوابة قبول 3 وتنزل النسب واجد مب نسبه وحده حسبي الله عليهم (بس كثري من الاستغفار وقولي اللهم اجرني في مصيبتي وخلفلي خير منها):praying:

oO أميــ الورد ـــرة Oo 2008- 8- 24 05:14 PM
رد: يااجمااااعه ؟؟؟؟؟؟؟
 
كم نسبتك الموزونة ؟؟

ونصيحة قدمي في أي قسم حتى لو

مايعجبك بس يكون ياخذ نسبتك ..

الحين أهم شيء يكون معك بكالريوس

مش مهم حق أي قسم لكن المهم

المسمى " بكالريوس " ..

ولله يوفقك حياتي :g8: ..

مارشوملز 2008- 8- 24 05:16 PM
رد: يااجمااااعه ؟؟؟؟؟؟؟
 
مشكوره ياقلبي جامعيه ولكن .. آمييييييييين يااارب العالمين .. أن شاء الله يااارب .. ماعندنا الا هالجامعه ومافي غيرها قريبه منا ..

بس الشكوى لله .. يعني شبيصير لو نزلوا النسب .. والله مافي خساره عليهم الا بيحصلون دعاوي مالها أول ولا آخر .. يوم رحت

شفت كلية التقنيه حاطين لي أحتياط يعني وش معناتها .. لا إله الا الله .. اللهم آجرني في مصيبتي وأخلف لي خيراً منها

غلا الكون كله 2008- 8- 24 05:17 PM
رد: يااجمااااعه ؟؟؟؟؟؟؟
 
اي طلعوا نتايج التقنية

طالبة حاسب مو المهم بكلريوس الحين الدبلوم نفس البكلريوس ..

مارشوملز 2008- 8- 24 05:18 PM
رد: يااجمااااعه ؟؟؟؟؟؟؟
 
طالبة حاسب نسبتي 72 ومدري في فاصله بس ماأذكر الرقم

طيب حبيبتي كيف أقدم على أي قسم .. أنا والله ماراح أقول شي أي قسم والله ماراح أقول شي والله

بس كيف أقدم ياليت توضحين ربي يسعدك:Cry111:

مارشوملز 2008- 8- 24 05:20 PM
رد: يااجمااااعه ؟؟؟؟؟؟؟
 
بس حبيبتي مكتوب لي في كلية التقنيه أحتياط هذا وش معناته

غلا الكون كله 2008- 8- 24 05:22 PM
رد: يااجمااااعه ؟؟؟؟؟؟؟
 
احتياط يعني اذا فيه اماكن شاغره راح يقبلونك

مارشوملز 2008- 8- 24 05:25 PM
رد: يااجمااااعه ؟؟؟؟؟؟؟
 
ربي يسعدك ويوفقك أختي غلا الكون كله .. وربي ينير لك دربك.. وعسى أن شاء الله أنقبل بالجامعه أو بكلية التقنيه المهم

ماأجلس بالبيت .. أستغفر الله هالسنه مقفله من كل الأبواب .. ربي أرحمني وأغفر لي :Cry111:

مارشوملز 2008- 8- 24 05:27 PM
رد: يااجمااااعه ؟؟؟؟؟؟؟
 
طيب ماأقدر أروح للجامعه وأقدم بأي قسم أتمنى الأفاده .. آسفه على كثرة الأسئله بس والله من

الجور والظلم اللي قاعدين نشوفه

oO أميــ الورد ـــرة Oo 2008- 8- 24 05:31 PM
رد: يااجمااااعه ؟؟؟؟؟؟؟
 
غلا الكون كله :

لا حبيبتي الفرق واضح .. روحي أي مكان وقولي

معاكي دبلوم وشوفي وش يصير :mh19: ..

البكالوريس يفرق من ناحية التوظيف والراتب بعد

وإسألي وبتلقينها تفرق..

الوتر الحساس :

حبيبتي لا تيأسين أنا كنت أسمع إنه راح يكون

فية تقديم .. واللي فهمته إن خريجات السنة عندهم

فرصة إلى أن يبدأ الفصل الدراسي الثاني.. وراح أتأكد

لك بس عطيني كم يوم..

وبالتوفيق إن شاء الله :g8: ..

مارشوملز 2008- 8- 24 05:39 PM
رد: يااجمااااعه ؟؟؟؟؟؟؟
 
أي والله ياقلبي أتمنى من كل قلبي تفيديني .. الله لايحرمني منك وربي يسعدك ويوفقك ويحقق لك مناك

ويرزقك من وين ماتروحي .. بأنتظارك حبيبتي

غلا الكون كله 2008- 8- 24 05:39 PM
رد: يااجمااااعه ؟؟؟؟؟؟؟
 
طالبة حاسب انتي شنو انقبلتي ..

وبعجين خل اقولك شغله الدبلوم الحين في الحاسب ياخذونك بس اهم شي انك تتقني الانجليزي ..

يعني الحين اللي بتاخذ بكلريوس في الكيمياء والا الفيزياء راح تجيها الوظيفه الا ماله مستقبل ابد ..

matar 2008- 8- 24 05:46 PM
رد: يااجمااااعه ؟؟؟؟؟؟؟
 
الحين شنو نسوي؟؟
انا انقبلت احتياط في التقنية
بس ما ادري والله شنو العمل
يعني لو ما انقبلنا وين نروح؟؟

مارشوملز 2008- 8- 24 05:47 PM
رد: يااجمااااعه ؟؟؟؟؟؟؟
 
طيب أقدر أسجل أنتساب وبعدين أحول أنتظام ؟ وأذا كان فيه متى موعد التسجيل أتمنى من كل قلبي الأفاده ؟؟

oO أميــ الورد ـــرة Oo 2008- 8- 24 05:49 PM
رد: يااجمااااعه ؟؟؟؟؟؟؟
 
خريجة البكالريوس لها الأولوية..

صدقيني صحيح الدورات تفيد

لكنها بدون البكالريوس ما تفيد..

وعموما هذا اللي أعرفه وعشان أقنعك

أكثر من وحدة من قريباتي معاها دبلوم

حاسب وتم ترشيح وحدة فيهم عشان تكون

مديرة لكن رفض الطلب لأن الدبلوم مايكفي :s11:

وفي تجارب كثيرة.. حبيت أفيدك بس..

مارشوملز 2008- 8- 24 05:50 PM
رد: يااجمااااعه ؟؟؟؟؟؟؟
 
أنا مثلك أختي matar لا الجامعه أقبلتني وكلية التقنيه أحتياط ؟ يمكن لأن أحنا مو من نفس المحافظه ؟؟ربي يوفقنا وننقبل ونرتاح والله طعم النوم مانذوقه

ام البنات 2008- 8- 24 05:56 PM
رد: يااجمااااعه ؟؟؟؟؟؟؟
 
انا مثلك الغبات الي حددتها بعبدة كل البعد عن النسب الوزونة الي بالجدول بس فية اقسام توافق نسبتي لاكن هل اقدر اغير الرغبة الي انا كتبتها وهل فية دفعة ثالثة
:Cry111:

matar 2008- 8- 24 06:03 PM
رد: يااجمااااعه ؟؟؟؟؟؟؟
 
اقتباس:
المشاركة الأصلية كتبت بواسطة الوتر الحساسR (المشاركة 183561)
أنا مثلك أختي matar لا الجامعه أقبلتني وكلية التقنيه أحتياط ؟ يمكن لأن أحنا مو من نفس المحافظه ؟؟ربي يوفقنا وننقبل ونرتاح والله طعم النوم مانذوقه


مافهمت يا اختي
شلون يعني مو من نفس المحافظة؟؟
انا حاليا جالسة في الاحساء عند جدتي يعني
وحطيت رقم بيتها وبرضو حطوني احتيييييييييييياط..
الظاهر على النسبة
لان عندي قائمة بكل اللي انقبلو وكل الاحتياط
ومع ان نسبتي 90.60 فأنا احتييييييياط:Cry111:

مجنونه بعقل 2008- 8- 24 06:08 PM
رد: يااجمااااعه ؟؟؟؟؟؟؟
 
الوتر الحساس قسم بالله حالتك مثل حالتي

وبصراحه تحطمت لما شفت الدفعه الثانيه

ووالله ما يسوى علينا شد اعصاب ومحاتات وياليت على سنع بعد

ما اقول الا الله كريم بس:011:

....اللهم اجرني في مصيبتي واخلفني خير منها...

جامعيه ولكن 2008- 8- 24 06:21 PM
رد: يااجمااااعه ؟؟؟؟؟؟؟
 
:praying:ايه والله ياخواتي والله انا نفسكم ونفس الحاله ونفس المعناه وماقبلوني والله انا نسبتي عاليه وقدرتي زينه ليش مايقبولنا بس مالنا الا نقول(اللهم اجرني في مصيبتي وخلفلي خير منها) وصدقوني ياخواتي كثر من الاستغفار ودعاء في كل سجود وماتدرون وش كاتب لنا الله في الايام الجايه وعسى ان تكرهوا شي وهو خير لكم وادعوا لاخواتكم المسلمات ويقول لكم الملك ولك مثله

مارشوملز 2008- 8- 24 07:33 PM
رد: يااجمااااعه ؟؟؟؟؟؟؟
 
أختي matar أنا مو من الأحساء أنا من الدمام فاأعتقد أن حطوني أحتياط بهذا السبب ..

أختي مجنونه بعقل .. الشكوى لله بس تعبونا وغربلونا والله العظيم أشك بتجيني سكته قلبيه بسبة هالجامعه ..

اللهم آجرني في مصيبتي وأخلف لي خيراً منها .. ربي يوفقك أختي ويوفقني وجميع المسلمين يااارب .. آمين

أختي جامعبه ولكن ..جزاك ربي الجنه على نصايحك وأنا والله طول الوقت أدعي وعسى أن شاء الله يااارب

خير .. ربي يوفقك ويوفقني وجميع اللي ماأنقبلوا .. آمين

دمع حبي ولآ دمعي 2008- 8- 24 09:08 PM
رد: يااجمااااعه ؟؟؟؟؟؟؟
 
إن شاء الله يقبلونكم كلكم وربي يعوض صبركم خير

لاتحاتون ولاتخافون لأني سمعت إنهم بيقبلون الكل حتى لو بعد بداية الدراسة

جامعيه ولكن 2008- 8- 24 09:18 PM
رد: يااجمااااعه ؟؟؟؟؟؟؟
 
:119:اميننننننننننننننننننننننن يارب ان شالله يقبلون كل البنات
بس والله يابنات انا كل صديقاتي انقبلوا الي بالكليه والي بالجامعه<<الله يوفقهم الا انا استنى الا الان القبول بس والله يوم دخلت المنتدى وشفت بنات نفس حالتي ويحاتون التسجيل والله اني الحمدالله تتطمنت وقلت خلنا نشارك بعض وندعي البعض لانا تعرفون مايحس باللام الا الي نفسي وان شالله يارب ادخل المنتدى وابارك لكم يبنات بالقبول قولوا اميييييييييييييييييييييييييييييين :praying:
اختي الوتر الحساس والله يوفقك انتي بعد وكثري من الله اجرني في مصيبتي واخلفني خير منها وكثري من الادعيه والاستغفار وربك كريم مايضيع تعب مسلم ومسلمه وصلاة الليل لاتنسينها ويوم الجمعه ساعات الاستجابه والله يسهل :praying:

مارشوملز 2008- 8- 24 09:21 PM
رد: يااجمااااعه ؟؟؟؟؟؟؟
 
قولي والله يادمعي ولا دمع أمي .. ربي يبشرك بالجنه ويسعدك ويوفقك صدقيني لو طلع هالخبر

صج لأدعي لك في كل صلاتي.. ياليت أعرف من وين سمعتي هالخبر وهل أهو من الأداره ولا أشاعه :praying:

مارشوملز 2008- 8- 24 09:23 PM
رد: يااجمااااعه ؟؟؟؟؟؟؟
 
مشكوره حبيبتي جامعيه ولكن من طيب أصلك ماشاء الله درر كلامك يادرر.. آمييين ياارب العالمين ..

ربي يجزيك الجنه ويارب نفرح بذاك اليوم اللي أبارك لك وتباركين لي وكل بنات المسلمين .. آميييييييييييييييييييييييين

خارج التغطية 2008- 8- 24 10:48 PM
رد: يااجمااااعه ؟؟؟؟؟؟؟
 
من جد الله يكون في عونكم!!!!

حشى القبول هالسنة بالقطًارة!!!!


يالله يارب تنقبلون كلكم ويسهل لكم اللي فيه الخير يارب....

moon14 2008- 8- 25 12:26 AM
رد: يااجمااااعه ؟؟؟؟؟؟؟
 
قال الله تعالى في محكم كتابه ((ولاتيئسوا من روح الله)) يعني لاتفقدوا الثقة برب العالمين وكونوا دوما حسنين
الظن بالله :119: يعني ربي اذا كاتب نصيب بيصير واذا مو كاتب ماراح يصير كل شي يصير بارادة رب العالمين
نصيحتي لك يااخيتي التجي الى الله وادعي ربك وتوكلي عليه :s12: الله قادر على كل شي ويقدر يقلب الموازين لصالحك :g8:
ادعي واستغفري وصلي تطوع ورمضان على الابواب استغلي الفرصة ماتدرين ايش راح يصير وماعليك من كلام الجامعات اخر فرصة
ومافي تعديل كله كلام فاضي :011: وان شاء الله مااكون غثيتك لاني حاشة بشعورك انا بعد ابي حاسب وماانقبلت فيه :Cry111:

مارشوملز 2008- 8- 25 12:51 AM
رد: يااجمااااعه ؟؟؟؟؟؟؟
 
خارج التغطيه .. الشكوى لله .. وش السواة مالنا غير الله سبحانه .. آمييييين .. جزاك ربي الجنه على دعواتك هذا من طيب أصلك وربي يسعدك ويوفقك وينير لك

دربك بالخير والصلاح والفرح .. موفق أخي أو أختي والله ماني مميزه .. المعذره

moon 14 .. جزاك ربي الجنه .. أعدتي لي روح الأمل والتفاؤل من جديد من بعد الله .. لاوالله بالعكس حراام عليك أكثير

أستمتعت بطلتك وردك في الموضوع .. والله يجزيك الجنه وربي يوفقك لكل خير ويسعدك وينير لك دربك ويااارب تتوفقي وتنقبلي

في الحاااسب .. والله محد عانا كثرنا ولكن مثل ماقلتي مانفقد الثقه بربنا ربي يحميك ويااارب أن شاء الله جميع اللي ماأنقبلوا ينقبلوا

في الدفعات الجايه .. آمييين .. مشكوره حبيبتي على تذكيري ونصحي لاحرمك الله من لقاء وجهه

moon14 2008- 8- 25 07:07 AM
رد: يااجمااااعه ؟؟؟؟؟؟؟
 
ولو حبيبتي هذا الواجب :119:
افا عليك بس :g2: الله يوفقك ويفرج همومك كلها :praying:

سما2009 2008- 8- 25 07:54 AM
رد: يااجمااااعه ؟؟؟؟؟؟؟
 
لا تفقدي الامل اجعلي املك بالله وانا مثلك ولكن ان شاء الله ربي يفرج لنا كربنا :praying:

*primrose* 2008- 8- 26 12:07 AM
رد: يااجمااااعه ؟؟؟؟؟؟؟
 
والله قاعده اقرا ردودكم وحاسه فيكم من جد حرام
لما قريت رد دمعي ولا دمع حبي والله حسيت الامل رجعلي الله يسمع منكم جميع
ويوفقكم وعلى قولت بعض الاخوات الاستغفار مافي زيه أكثروا من الاستغفار إن الله ع كل شي قادر
ربي يحفظكم ويبشركم بالاخبار الحلوه اللي تسركم :119:

!..^ بـنـوتــة كـــول ^..! 2008- 8- 26 01:48 AM
رد: يااجمااااعه ؟؟؟؟؟؟؟
 
اي والله اهم شي الاستغفار بعدين يابنات انا خلاص زهقت من ذي الجامعة ماعندهم سالفة كلها اغلاط في اغلاط
سو زي مادام ان نسبكم عالية قدمو منحة على حساب الحكومة في جامعة الامير محمد بن فهد وادرسي اللي تبغينه واذا طلع قبولك في جامعة فيصل استخيري وشوفي مين تبغين فيهم وعلى فكرة انا توني دريت بالخبر من فروحة الله يجزاها الف خير والتسجيل راح يبدا في اول رمضان وهذا الرابط
http://www.ckfu.org/vb/showthread.php?t=18206

مارشوملز 2008- 8- 26 06:44 PM
رد: يااجمااااعه ؟؟؟؟؟؟؟
 
سما2009 *primrose* آمين جزاكم ربي الجنه .. ربي يسعدكم ويوفقكم .. وياكم أن شاء الله ..

ربي يبشرك بكل خير عاشقة الدراسه وربي يوفقك لكل خير ويارب تنقبلي وكل اللي ماأنقبلوا ..

بس عندي سؤال الدراسه فيها باللغه الأنجليزيه ؟؟


All times are GMT +3. الوقت الآن حسب توقيت السعودية: 07:42 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه