|
ذهاب المرأة إلى السوق بدون رجل
:c8::c8::c8: السلام عليكم ورحمه الله وبركاته هذا الموضوع بين ايدينكم ذهاب المرأة إلى السوق بدون رجل المدام : حبيبي أبو أحمد الزوج : نعم يالغاليه المدام : بغيتك تودينا السوق أنا وبناتك الزوج : ماعليه .. بس بحطكم في السوق وبمشي عنكم المدام : ليش عاد الزوج : أنا مشغول ولاعندي وقت .. وبعدين السوق زحمه مافيه مواقف المدام : يالله أحسن .. ناخذ راحتنا .. بدون حكره ظاهرة انتشرت في مجتمعنا.. ماهو رأيك في ذهاب المرأة إلى السوق .. دون رجل ؟؟ هل هي طبيعية .. تحاكي التطور والسرعة والمرونة ؟ أم أنها حالة عدم اللامبالاة والإهمال وقصور في النظرة ؟ رايكم بكل صراحه |
رد: ذهاب المرأة إلى السوق بدون رجل
ماهو رأيك في ذهاب المرأة إلى السوق .. دون رجل ؟؟ :d5:هل هي طبيعية .. تحاكي التطور والسرعة والمرونة ؟ أم أنها حالة عدم اللامبالاة والإهمال وقصور في النظرة ؟ احس شيء عااادي حيل ليه اصلا يروح معاها احس ماله داعي يروح , وماله دخل في الا مباله او القصور. تسلم وارجو تقبل رأيي بكل احترام دمت بكل احترام.. |
رد: ذهاب المرأة إلى السوق بدون رجل
:c8::c8::c8: لحن الحياة مع إحترامي لرأيك أشوف وجود المحرم في السوق ضروري أقلها لرد ضعفاء النفوس ع العموم مشكورة ع تواجدك العطر |
رد: ذهاب المرأة إلى السوق بدون رجل
ماهو رأيك في ذهاب المرأة إلى السوق .. دون رجل ؟؟ مع ذهابها دون رجل هل هي طبيعية .. تحاكي التطور والسرعة والمرونة ؟ اي لان ظروف الرجال ما تساعد والمراه حاجاتها متجدده وتبي تروح تتقضى أم أنها حالة عدم اللامبالاة والإهمال وقصور في النظرة ؟ مو لا مبالاه بس الناس اطباع بعضهم غيور جدا حتى ما يقبل تقول للبائع بكم هذا وبعضهم عادي يقول واثق فيها وخلاص وعلى مسأله ضعاف النفوس والله بعضهم وابوها يمها يستغفل الابو خصوصا اذا صار ابوها كبير بالعمر ويقط رقمه عادي او مثلا لو معها رجال بيمنع الضعاف من انهم على الاقل يصفرون؟ او يبحلقون ؟ اساسا المحتشمه ما احد يقرب صوبها ولا يفكر صحيح الاحتياط واجب وطبعا افضل يكون معها رجل "وغيرة الرجل" محموده لكن .. تاخذ راحتها المراه وتشتري على كيفها وظروف الرجال ما تسمح بعد |
رد: ذهاب المرأة إلى السوق بدون رجل
اشكرك ع طرح ذا الموضوع الحساس
ذهاب المرأه للسوق بدون رجل00انا ضده00لانه يعرضها لمهاترات السافلين من ذئاب البشر ويخليها عرضه للمسائله انا عمري مارحت لمكان بدون اخواني لانهم يخافون علي وانا اخاف بعد00وافتخر حيل بخوقهم وغيرتهم علي00 وانا ماروح للسوق الا للضروره00ولوقت بسيط00مولازم افتر المكان او المجمع كله لا0اروح للمكان اللي يكون طلبي موجود به واعتقد خلال ذا الوقت البسيط اخوي او اي محرم لي ماراح يتعاجز انه يروح معي00 0 انا اشوف ناس كثير عندهم ان ذا الشيء عادي لكن حنا لا ابدا مو عادي00تقاليد عايلتنا ماتسمح وافتخر بها 00 والمسأله كلها تعود للرجل ومدى حرصه على كذا0 0 يسلمو اخوي تحياتي |
رد: ذهاب المرأة إلى السوق بدون رجل
مع ان تعيش المرأه ... دون رجل ترتبط به .
|
رد: ذهاب المرأة إلى السوق بدون رجل
أنا أشوف انا المرأة اذا راحت السوق بدون رجل شي عادي لانها طول في السوق والرجل يبي كل شي بسرعه يعني مسكينه ماراح تتسوق عدل الا اذا هو بيروح معاها وبيخليها على راحتها هذا شي ثاني. مشكور كاتم على الموضوع وارجو تقبل رأيي .. سلام |
رد: ذهاب المرأة إلى السوق بدون رجل
(( مو لا مبالاه بس الناس اطباع بعضهم غيور جدا حتى ما يقبل تقول للبائع بكم هذا
وبعضهم عادي يقول واثق فيها وخلاص )) فعلا وهذا كثير نحصله .. وعلي فكره بعض الاحيان الحرمه نفسها ماترضا تخلي زوجها يروح او ينزل معها السوق << المتسلطه .. تقول لا اخاف يفشلني ماهو بكشخه ..ولا تقول هو مغازلجي خليه بالسياره ابرك .. وهو يسكت عشان يكف عن المشاكل ويجلس .. انا من وجهه نظري الرجال الي ماهو بغيور كان واثق من حرمته او من اهله ..مايحبهــــــــــــــا ولا ربع بــ % .. وبنسبه لنقطه ان المحتشمه مااحد يقرب منها لا ياقلبي هذاك اول ..الحين حدثي ولا حرج << كاني عبايه ع الراس وبرقع ولا مكياج ولا يحزنون ..وتصير لي مصايب ومواقف .. ولا ازيدك من البيت شعر ..انا من النوع الخوافه مره مره مره مو بس من الحشرات << تذكرت سالفتها مع اختها غربه ..لا ..اخاف بعد اروح مكان او السوق ..او لو ان شاء الله بيت جيرانا جدار بجدار بالحالي :bawling: ..لازم معي احد .. << اذكر مره رحت مع اخوي السوق ..وقالي خلاص انزلي انا بلبق=اصف السياره هنا .. ولما نزلت اله اشوفه دعس وراح بعيد ..وانا فكرته بيصف قريب ..يوم شفته بعد ..تخيلي ..جلست اصيح قدام خلق الله والحريم يهدوني ..وانا ياحياتي انا ماني بحولهم :bawling: ..واطلع الجوال وادق عليه وهو شافني اصيح ..جن جنونه وجاني يركض ..يوم درى اني بس خفت عشاني بالحالي بغا يكفخني :bngo12: ..وانواع التهزيئ جاني طول ماانا بالسوق << ماسوت علي:mh3535: :c8: ..اما هالسالفه من جد جلست اسبوع افكر فيها :: دخلت انا وماما مصلى جمعه سنتر ..وشفنا وحده تصيح ..اكسرت خاطري ..واستغفر الله جلست ماما تقولي شكلها مسويه مصيبه اكيد انها طالعه مع خويها وجاب فيها العيد << ان بعض الظن اثم .. انا مامسكت نفسي ..صليت وخلصت ..ورحت جلست جنبها :cheese: .. وجلست اهديها واعطيها لكلنيكس << تشرح لكم السالفه بالتفصيل الممل:D .. المهم قلت له وش فيك ..هي شافت ماما راحت ..يعني مابقا غيري انا وهي ..قامت المسكينه تشكي لي :: تو متزوجه من شهرين واهلي بالجنوب ..وزوجي اول ماجيت اشترى عبايه لي ع الكتف ..وقالي لاجيتي تطلعين البسيها وكبي الراس ..خليها لا رحتي لاهلك بكيفك .. بس المهم معي تلبسين عبايه عالكتف وتتمكيجين ...وتزيني فشيله اصحابي يشوفوني وزوجتي لابسه عبايه عالراس كانها جدتي ولا زينه ولا شي ..<< تخيلو الحقير ..وربي انه خايس .. حتلا اذا جاو يغازلوني الشباب يعصب عليهم وعلي يقول ايه هذا الزين الناس يشوفون حرمتي قمر وحاسديني عليها !!!!!!!!!!! وهي المسكينه مب عارفه وش تسوي ..تقول لاني متعوده ع هالشكل احس كني وحده خربانه ..رغم اني مع زوجي .. ولاني قادره اقنعه ان الستر اساس سمعه الحرمه ..وخايفه اقول لااهلي وتكبر السالفه ..ماابي اتطلق .. ........................... قلت لها جمله وحده وبعدها عيت الكلمات تطلع من فمي .. قلت لها >> انك لاتهدي من احببت ولكن الله يهدي من يـ شاء ..ادعي له دايم بالهدايه بصلاتك .. وبعدها ماعرفت وش اقول .. .. الله يحفظ الجميعــ ويهديهمـ ياااارب .. |
رد: ذهاب المرأة إلى السوق بدون رجل
يسلمووووووو على الطرح الحلو.....
ماهو رأيك في ذهاب المرأة إلى السوق .. دون رجل ؟؟ منتشرة ..حتى صار هالشي .. عااادي .. بس من رايي إن الرجل وجودة بقرب أهلة بالذات في هالأماكن .. ضروري .. الكل عارف المشاكل إللي يتعرض لها الكبير قبل الصغير أيا كان إمرأه أو حتى رجل ... أنا ما أبالغ ... بس هاذي الحقيقة ...... ** بعدين طلعة المرأة مع زوجها أو أخوها أو أبوها ..... أيا كان .... أمر ممتع .. ** ...... أتوقع .. يعني .. ههههه.. :mh19: هل هي طبيعية .. تحاكي التطور والسرعة والمرونة ؟ لاااا ........ ما لها علاقة بالتطور ... إلا إذا كان فية أفراد تشوف إن التطوّر يعني اللامبالاة ..... فهاذي مشكلة صراحة ... بس فية رجال يملون من السوق وما يحبونة ويظلون على راس الحريم لين ما يطفشونهم .. يالله خلصوا ... يالله خلصوا.. :bngo12: ههههههه... الله يساعدهم ... :mh35: وايضا خروج المرأه للسوق بدون رجل ........ ما هو جديد ... من عشرات السنين والمرأه تطلع لوحدها ....... لكن إللي تغيّر إن أغلب النساء يطلعون السوق وكأنهم طالعين لزواج .....يعني في كامل زينتهم ..... :g11: طبعا مو الكل ... الله يكون في العون .. والله يهدي الجميع شباب وبنات ... أم أنها حالة عدم اللامبالاة والإهمال وقصور في النظرة ؟ لااااا ...... بعد اللا مبالاة .... ما لها علاقة ..دائما .. * نعم * فية أوقات أو حالات يكون فيها اللامبالاة سبب رئيسي ... لكن مو كل الحالات ..... :s3: ** مشكور اخوي ...... على الإهتمام ** :g8: *ننتظر جديدك من المواضيع ال cool * |
رد: ذهاب المرأة إلى السوق بدون رجل
سوري عاللقافه بعلق مره ثانيه 1- الكل يفتخر بأهله وبعاداته وتقاليده لكن كـفكره ليه هي غلط؟ حتى الشرع ما يحرم .. !! اما تدرون عن مسؤوليات وظروف كل الرجال ويعوقهم ترا والناس اذواق عن نفسي افر السوق واكبر المجمعات ما اشتري الا كم قطعه وش اسوي؟ اشتري شي ما يعجبني؟ ما اعرف 2- من حق المراه تعيش حياتها طبيعيه بدون احتياجها لرجل ( مثلا تتعلم كونفو كاراتيه او تشيل معها حصى او يكف صراخها كـحمايه هههههه ) 3- انا عني محتشمه ما مررررررره بحياتي اكرر بحياتي حد تعرض لي تعرض قريب او جدي حدهم تصفير حدهم واذا بمسخها قط كلمه من بعيد بس كل شي في المرأه جذاب ولو تغطت عدل ما تلاقي مشاكل حتى الاسواق المشهوره بالسمعه السيئه عندنا بالحسا اروحهم ما القى واحد يغازل وحده ليش؟ لاني في حالي ما ادري عن خلق الله وش يسوون ولا علي منهم مو معناها اني على غلط لا عادي 4- الغيره مو دليل الحب ولكن من دلائله وكل شخصيه تحب وتبين الحب بطريقتها في النهايه اعتذر مره ثانيه عاللقافه لكن هو نقاش وبتناقش مع الاعضاء :) واكرر ان الغيره شي محبب وحلو ويجنن والحمد لله عندنا وكافينا لكن بحدود وبعقل وبمنطق وحسب الظروف |
رد: ذهاب المرأة إلى السوق بدون رجل
:d5::d5::d5: مشكورين ع التفاعل اللا محدود وبصراحة عطيتوا الموضوع نكهة خاصة يسلموووووووووووووووو خطوات الامل والله إن كلامك منطقي وهذا هو الحاصل والله يكون بالعون ذكرى انا رأي من رأيك وبصراحة نفس وجهت نظري يعني كلانا وجهين لعملة واحدة طاغور أشرح لي كلامك يعني شنهو نوع العلاقة ما فيه شيء يربط بين المرأة و رجل غير الزواج أو إنها تكون من محارمك يعني لا يكثر مخاوية دلووووخ كلامك هو إلي حاصل هذي الايام وكلها أسباب واهية بس القصة إلي قلتيها فكت مخي شكله هذا الزوج نفسية أو في احد في الدنيا يرضى إنه الناس تطلعالع زوجته هذا خنزير ما فيه غيرة والله العظيم مو صاحي وإذا يبغى يكشخ يروح سوريا ويطلع معاه ممثلات من شان كلن يطالعه ما أقول إلا الحمدلله و الشكر بس بصراحة عجبني تفكير الوالدة بصراحة نفس تفكيري أول ما قريت كلامك قلت إنها سوت علاقة و راحت عليها اللجين روح فتاة بما إن كلامكم متاقرب راح أقولكم و جهت نظري إن مو كل الشباب يضايقون خاصة حنا العزاب بالعكس نحصلها حجة يعني أنا مع إن الحريم قلق ومزعجين بس أقولهم من البداية حددوا مكان نروح فيه وكل شيء ع حسابي بس أهم شيء الوقت لا يضيع وبالعكس أنا مرتاح مع أهلي من ذي الناحية ولازم البنت تراعي الوضع يعني ما تلبس عباة كتف و تقول ليه تطالعوني هذي لو معاها جيش حراس ما راح يلاحقون عن الدفاع عنها خطوات الامل مشكورة ع العودة و التوضيح وأعجبتي فكرة الكونفوووو و الحصى مرة رهيبة ألف شكر لمن ساهم في إنجاح هذا الموضوع وشكر خاص خطوات الامل ذكرى روح فتاة مخاووية دلووووووخ اللجين |
رد: ذهاب المرأة إلى السوق بدون رجل
:d5::d5::d5: مشكورين ع التفاعل اللا محدود وبصراحة عطيتوا الموضوع نكهة خاصة يسلموووووووووووووووو خطوات الامل والله إن كلامك منطقي وهذا هو الحاصل والله يكون بالعون ذكرى انا رأي من رأيك وبصراحة نفس وجهت نظري يعني كلانا وجهين لعملة واحدة طاغور أشرح لي كلامك يعني شنهو نوع العلاقة ما فيه شيء يربط بين المرأة و رجل غير الزواج أو إنها تكون من محارمك يعني لا يكثر مخاوية دلووووخ كلامك هو إلي حاصل هذي الايام وكلها أسباب واهية بس القصة إلي قلتيها فكت مخي شكله هذا الزوج نفسية أو في احد في الدنيا يرضى إنه الناس تطلعالع زوجته هذا خنزير ما فيه غيرة والله العظيم مو صاحي وإذا يبغى يكشخ يروح سوريا ويطلع معاه ممثلات من شان كلن يطالعه ما أقول إلا الحمدلله و الشكر بس بصراحة عجبني تفكير الوالدة بصراحة نفس تفكيري أول ما قريت كلامك قلت إنها سوت علاقة و راحت عليها اللجين روح فتاة بما إن كلامكم متاقرب راح أقولكم و جهت نظري إن مو كل الشباب يضايقون خاصة حنا العزاب بالعكس نحصلها حجة يعني أنا مع إن الحريم قلق ومزعجين بس أقولهم من البداية حددوا مكان نروح فيه وكل شيء ع حسابي بس أهم شيء الوقت لا يضيع وبالعكس أنا مرتاح مع أهلي من ذي الناحية ولازم البنت تراعي الوضع يعني ما تلبس عباة كتف و تقول ليه تطالعوني هذي لو معاها جيش حراس ما راح يلاحقون عن الدفاع عنها خطوات الامل مشكورة ع العودة و التوضيح وأعجبتي فكرة الكونفوووو و الحصى مرة رهيبة ألف شكر لمن ساهم في إنجاح هذا الموضوع وشكر خاص خطوات الامل ذكرى روح فتاة مخاووية دلووووووخ اللجين |
رد: ذهاب المرأة إلى السوق بدون رجل
السلام عليكمـ...
موضوع رائع للنقاش .. وانا من رأيي الخاص ان التربيه هي اساس كل شي ..:d5: الفاسده فاسده (لولبسوها كل عبايات الشرق الاوسط.:000:.والفاسد فاسد لو مسكوه الهيئه 800 مره :t3:) اما ماتطلع الا بواحد معها احسها صعبه شوي .. لان البنت تحب تتسوق على راحتها ..:222g: ومن عادة الرجال انهم يبون كل شي سريع سريع:066: فماله داعي ينزلون مبسوطين ويرجعون متخاصمين اقطعوا الشر وخلوه يرجع يشوف المباراه :017: وهي تتسوق براحتها :cheese: |
رد: ذهاب المرأة إلى السوق بدون رجل
لهدرجه شي عظيم؟؟ عادي مافي مشكله يعني هو ببيقعد يدور بالمحلات كل مره :D وينه ذا ؟؟ :D:D:D:D:D الحين الحريم كل شي يسوونه بحالهم بدون رجال ولا شي جت على سوق !!! |
رد: ذهاب المرأة إلى السوق بدون رجل
مو حلوة تطلع بدون رجل لكن إذا دعت الحاجة وطلعت :mh19: عادي لكن مو لوحدها معها احد :000:مو حلو تطلع لوحدها هذا رأيي كنت ما أقدر أطول :119: |
رد: ذهاب المرأة إلى السوق بدون رجل
مساء الخير ونرجع لسوالف كتوم والبنوتات <<ماتجوز عنا شعندك هالمرة بعد<< الله يستر:066: يلا نشوف ماهو رأيك في ذهاب المرأة إلى السوق .. دون رجل ؟؟ جدا ً عادي ..بس ماتكون لحالها لازم أخت صديقة عيال..هيك شي هل هي طبيعية .. تحاكي التطور والسرعة والمرونة ؟ نعم طبيعية .. ولكن مافي رابط بين الظاهرة هذه والتطور والسرعة قطعاً أم أنها حالة عدم اللامبالاة والإهمال وقصور في النظرة ؟ لا مبالاة مرة وحدة << ما حبيتها منك ياكاتم لا الموضوع كلش مو متعلق بالأهمال أوالقصور متعلق بالزمن شوف شبابنا على طول مشغول والمرأة عندها متطلبات كثيرة يعني اقل شي يتكرم يوصلها ويمشي وبعدين يرجع<<و الله يعافيه الخلاصة هنا:المسألة مو مسألة عادات وتقاليد وماتروحين السوق بدون محرم وغيره.<<بس رزة عن وجه الناس. المسألة ياكاتم مسأله أحترام هذي العادات والتقاليد ومدى غرسها في نفس المرأة<< امرأة ملتزمة <<مافي مني مني والله ماتلقى احد يقرب منها او يتجرأ يناظرها والعكس صحيح موضوع جميل يستحق الطرح تدري شنو الأجمل فيه <<أنك أخذت وجهة نظر المعنيين بهذا الموضوع اللي هعم نحن معشر القوارير يعافيك كاتم سلام. |
رد: ذهاب المرأة إلى السوق بدون رجل
ماهو رأيك في ذهاب المرأة إلى السوق .. دون رجل ؟ يعني لو كان موجود أفضل هل هي طبيعية .. تحاكي التطور والسرعة والمرونة ؟ نعم طبيعية أم أنها حالة عدم اللامبالاة والإهمال وقصور في النظرة مو لهالدرجة بس يمكن مشاغل الحياة تجعل الرجل مايحب ان يرتبط مع اخواته او زوجته بالسوق حتى لو ساعه واحده انا بالنسبة لي اتمنى زوجي بالمستقبل يروح معي السوق احس بالامان اكثر واحب اخذ رايه وذوقه موضووووووووووووع حلو يستحق الطرح |
رد: ذهاب المرأة إلى السوق بدون رجل
:c8::c8::c8: سوسو الحلوة نورتي صفحاتي بوجودك المميز وإن شاء الله الله يوفقك بولد الحلال إلي يروح معاك أي مكان مو بس السوق يسلموووووووووو |
رد: ذهاب المرأة إلى السوق بدون رجل
انا احب اروح السوق مع خواتي او اي احد من العيلة
لان الرجال يقول بسرعة يبينا ناخذ اي شيء وبس حتى لو مو حلو وبعد المراة تنحرج اذا قالها اخذي هذا ويكون مو حلو (اختلاف في الاذواق) وساعات تضطر تاخذه ارضاء له المراة الواثقة من نفسها مايهمها ضعاف النفوس وتوقفهم عند حدهم |
رد: ذهاب المرأة إلى السوق بدون رجل
:c8::c8::c8: كلمات جريئة كنكوشة ندووووووووووووي غسوقة أنثى من حرير مشكورين ع مداخلاتكم وتعلايقاتكم الحلوة وأنا أحترم كل وجهت نظر قلتوها مع فائق الاحترام و التقدير |
رد: ذهاب المرأة إلى السوق بدون رجل
ماهو رأيك في ذهاب المرأة إلى السوق .. دون رجل ؟
إتوقع انه أحسن يكون معي اختي أو امي يعني وحده مثل ذوقي وبالها طويل علي :D هل هي طبيعية .. تحاكي التطور والسرعة والمرونة ؟ طبيعي 100/100 وأبدن ماله دخل بالتطور السرعه وووطبعن تعرف الحريم بالسوووق لازم نفر المجمع كااامل وممكن نطلع وحنا ماشرينا شي :D وأتوقع الرجال مايتحمل وممكن يكون مشغول :t5: وسوري ع الرد المستعجل بس شدني الموضوع وقلت لاازم أشارك |
رد: ذهاب المرأة إلى السوق بدون رجل
:119:السلام عليكم :119:
من وجهة نظري :خروج المرأه بدون محرم بها زمن صارت طبيعيه مع الوقت كل شي يتغير .......وشكرااااااااااعلى طرح الموضوع::119::119: |
رد: ذهاب المرأة إلى السوق بدون رجل
بصرااااااااااااااااحه كلامك ياخطوات تحفه
انا معال واايدك بكل كلمه كتبتيها :d5: ثاااااااااااااااااااانس على طررررررررررح الموضوووووووووع )اختكم العشق):g20: |
| All times are GMT +3. الوقت الآن حسب توقيت السعودية: 08:24 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام