|
رد: اللي بيرد بمثاليه لا يتعب نفسه... اخوالك سارقين امك هل تقبل أي علاقه معهم؟
انا ما راح أكون مثالية بس بقولك رأيي بكل أمانه وبدون أدنى مثالية وتعتبر نصيحه مني لك
حاولي انك ما تتدخلين في هالأمر والموضوع يخص أمك فهي أكثر وحدة تقدر تتصرف بحكمة أكثر منك مهما كان أنتي توك صغيرة وما عندك علم كافي عن العائلة سابقاً مثل أمك لابد تكون في احداث قديمة تخفى عنك لا تقاطعينهم وعامليهم بشكل حيادي وأنك مالك دخل بموضوع الكبار الأهل مهما سوو يبقووون عزوة وأنتي ما تضمنين الحياة وش بتسوي فيك بعدين يمكن تدور الدنيا وتحتاجين لهم ويعاملونك مثل بنتهم وأكثر وتندمين على مقاطعتك لهم انا ما أقول أنهم مو غلطانين الا غلطانين ونص بس دايم اسمعي نصيحه امك ولا ياخذك الحماس والله ما أمرنا بالصلة الا هو أعلم بمصلحتنا وتأكدي ان كان لعب عليهم الشيطان هالمرة ما راح يتمادوون ويكررونها اذا شافوا المعامل الطيبه وبنفس الوقت ما اقول تصيرون سلبيين يعني دام القضية بالمحكمة وقاعدة تمشي مال داعي المقاطعه عاملوهم بالطيب وخذوا حقكم بدون ما تزيدون الحساسيات بين العائلتين ودائماً اسمعي نصائح الأكبر منك سناً لأنهم أكثر خبرهـ وأدرى بمصلحتكم :(204): <<< ترا هالرد مو مثالي بس هذا الواقع ومجرب بعد :wink: |
رد: اللي بيرد بمثاليه لا يتعب نفسه... اخوالك سارقين امك هل تقبل أي علاقه معهم؟
اقتباس:
رد راااااااااائع .. الله يرد لنا حق الدنيا ويحفظ حق الاخره يعطيك الف الف الف عافيه :106::106::106: اقتباس:
شرفني تشريفك للمره الثانيه والله حكمه جميله للغايه .. مرات نتذكرها ومرات ننساها ... الله المستعان ... مرات نقول اخره وخلاص .. ونهدا بس والله المال عديل الروح ... نفسي بس امي ماعاد تفكر وانا اسامحهم.. يعطيك الف عافيه اخوي .. اقتباس:
يسعد لي قلبك زحلط |
رد: اللي بيرد بمثاليه لا يتعب نفسه... اخوالك سارقين امك هل تقبل أي علاقه معهم؟
بدون مثاليه اقول خلو بينكم صلة رحم لأن الحديث الشريف يقول لايدخل الجنه قاطع رحم .
وحقكم لا تخلونه طالبو فيهم الى ان تاخذونه . اطلبو رضى الله اولاً عشان تتسهل اموركم ان شاءالله وتاخذون حقكم . وما ابي اطول عشان ما يكون ردي مثالي وما يعجبك ولا الكلام ما ينتهي في الموضوع هذا . تحياتي |
رد: اللي بيرد بمثاليه لا يتعب نفسه... اخوالك سارقين امك هل تقبل أي علاقه معهم؟
كلن راح يتكلم على حسب تربيته وخصوصا تربية امه له اذا امه مربيته على الوصل وعدم القطيعه فراح ياصل ولا يقطع الرحم عشان امور دنيا واللي مربيته امه على الحقد و حب المال والقطيعه رااااااااااااااح يقطع حتى لو مافيه قضيه
|
رد: اللي بيرد بمثاليه لا يتعب نفسه... اخوالك سارقين امك هل تقبل أي علاقه معهم؟
الله يصلح بينكم ياااارب
انا ماابي اشجعك عليهم لكن صله الرحم واجبه الله يهدي سركم ياااارب:106: |
رد: اللي بيرد بمثاليه لا يتعب نفسه... اخوالك سارقين امك هل تقبل أي علاقه معهم؟
اقتباس:
مستر انجلش والله ما تهم هذي النعمه لا صارت بتجيب نقمه احنا الي ودنا ان الشيبان دامهم فاهمين وما عندهم طمع دنيا ينهونها لأن خوفنا صغار اليوم بيصيرون كبار بكرة وما يندرى عنهم أما لو فيه خلاف فلا والله عليهم بالعافيه مصير الحق يظهر ما اقولك من عبث او بمثاليه لكن لأني عشت وشفت ناس ممن حوالينا تذابحوا ع شان حزمة حطب أخذوها من ارضهم انفاس زهقت ع تراب ووصخ دنيا لا والله ما ابي افقد اهلي ع امور تافهه رح اهدي اوضاعهم إن قدرت اخذ حقهم من غير عصبيه وامور توصل للمذابح كان بها وإلا سأدعها للأيام اقتباس:
عشنا وشفنا ومن كثر ما تكلموا عند الناس وهموا الناس انهم اقرب الناس لنا برغم انهم يسكنون في منطقه غير منطقتنا وخلوا الناس تصدق اي كلمة يقولونها فينا وما اخفيك اقولك شيء اعظم مما انتي تشكين منه لأخفف وطئة القهر الي في نفسك ناس من اقاربنا امي تحب امهم مره الله يهدي امي ممكن تقولها بعض الامور الي ما نبي احد يدري عنها المهم ان المرة هذي كم مرة تتصل ع امي ال فلان كلموني ع شان دوحه بتوافق لو جو او لا انا طفشت من حركاتها قلت انا اكره المرة الي تكلمتس انت يمه ولا ترسل ارجالها لأبوي وكأن اعيالهم فيهم عيب ما يقدرون يدخلون مجالس الرجال ولى يا حليلهم يستحون لا احد يفشلهم كأنهم احسن من الصحابه وهذي كل شوي جايه ال فلان قالوا وال فلان قالوا وش فيها شغاله علي وش معنا واختي فلانه اكبر مني وش معنا ما تسلطت الا علي ما لها شغل فيني والي يبينا يدل باب بيتنا بعد فترة رحنا لديرتنا ولا حظت بعض الحركات خاصه من زوجة واحد من اقاربنا وتصير اخت الولد الي كلمتنا فيه قريبتي هذي + خواته وهم يقربون لي وكنت انا بذات من بين خواتي الي يعاملون غير وبأسلوب جاااارح بصراحه ما فهمت وش فيهم وطلعنا نتمشى وقالوا فلان الي هو زوج (المذكورة سابقا) بيجي لسيارته تغطينا ورحنى بسرعه ورى السياره ع انه بياخذ اغراض ويمشي بس جات بنت قريبتي هذي وسوت حركات لفت نظر لا شعورين ضربتها وقلت قليلة ادب تبينهم الحين يقولون بنات الشرقيه طبعا مستحيل يشوفون زلاتكم انتم بنات الديرة المحترمات وبنات الشرقيه متفلتات طبعا ما تكلمة عبث لأني سبق سمعت كلام ولما رجعنا الشرقيه تفاجئة وحده من أخواتي تقولي شفتي فلانه تقول انك تحبين فلان المهم انه سار نقاش وتنرفزت ع اختي لأنها دلخه مع احترامي لها ما عرفت ترد وجيت بأكلمها علشان تعرف وش لون تطلع الشائعات وع مين الله يسامح امي حلفت اني ما اكلمها خافت لا تكبر المشكله قلت ماراح اكلمها ع شانتس لكن يمين لأعلمها تقذف مين وجادت قريحتي بخاطره كان من ضمن الخاطره وفيه وأحد هيمان وعشقه معنيه يشوفني بعين طبعه والعيب فيه يتهمني بالهواء زور والحب معميه ولاني من أهل الهواء والهواء عاصيه والـحب الصــــادق محــد يخفيه ولا صار مريض فيه طبيب يداويه ولا صار حاقد وقلبه من الغيره كاويه . ... .... ........ عاد خلاص ما راح اكملها جبتها من النص والحقوق محفوظه أول مرة اكتبها في مكان عام ارسلتها ع جوالها هي حست اني عرفت لأن الكلام كان واضح وقوي طبعا امها دائما تقولهم حتى واحنا جالسين شوفوهم كيف وهم الي عايشين بالشرقيه ما يبلسون مثلكم ولا يسوون مثلكم ولا و لا إلى ان اثارت الغيره خواتها يكلمون عااادي الوضع معهم عادي يرسلون عاادي حاولوا يجسون النبض ما دخلتهم في الموضوع ابدااااا اذا تبي هي تعرف تكلمني وساعتها نتفاهم بعد سنوات رحنا ديرتنا وامي تطلبني ما افتح الموضوع وكرمال امي سكت عزمونا ورحت ع شان اسلم ع امها بحكم قرابتها امي تبي تسمر خلاص امي تاخذ راحتها معهم احنا نرجع مع اي احد من اهلي خلاص ادينا الواجب خلاص بس امي خاطرها تقعد ما ننكد عليها نخليها ع راحتها المهم انها ما تدخلها في امورنا الخاصه تبي امي تزورهم اكثر من مره الله يحفظها تروح بس احنا لا مستحيل خلاص ادينا الواجب خلاص والى يومك هذا وانا علاقتي مع البنت برررررررررررسسسسسسميه جدا بس امها وان زلت ما اقطعها بحكم القرابه ولا امنع امي منهم او نضيق ع امي ع شان الي في خاطرنا عليهم ولله الحمد اخت الولد جات عندنا وسولفنا وجاء الطاري وقلت لها كل السالفه واعرفت كل شيء ونقلت الصورة وتعدلت علقتنا معهم الله يعلم بالنوايا وينصر عباده لا تخافين وإن طال ليل الظالمين |
| All times are GMT +3. الوقت الآن حسب توقيت السعودية: 04:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام