|
رد: النظرة الشرعية
اقتباس:
واللي يسمعك يقول ان الشوفه ماهي الا للرجل تراها للبنت بعد من حقها تشوف طويل العمر اللي قاعده تكشخ عشانه وبالاخير يطلع شيفه لا وشايف نفسه وترضى المسكينه وتبلع بعد زواجها منه اللي ماينبلع وتحسسه انها ماخذه توم كروز ههههه والله اشوف حريم حاطه صورة زوجها ع الجوال وكاتبه عليها قصيده والصوره بصوب والقصيده بصوب ،،،بعض الرجال تشوف شكله تجيك حاله نفسيه وتجي تلاقيه ماخذ له قمر وعادي عندها بالعكس تحبه وتموت فيه لاتقول انها خايفه من شبح العنووسه لا سلامتك الا شي اسمه القسمه والنصيب.ياما ناس خذوا بعض عن حب واعجاب وما توفقوا وياما ناس تزوجوا زواج تقليدي ومن غير شوفه شرعيه وعايشين بسعاده وحب ،،لا تحكم انت وخلك بعيد يارايق وخلك من الفلسفه الزايده |
رد: النظرة الشرعية
والله ضحكتني بعض الردود واستمتعت بالقراءة ..
لعلي اتيت بالنهاية ..بعد ماخلصت المعركة يعني .. انا عائلتي بالتاكيد تسمح بالشوفة الشرعية مرة ومرتين وثلاث ..لان هذا زواج وليس لعبة .. كيف استخير على شخص وانا ماشفته !!! المهم بالنسبة للشوفة تظهر فقط الوجه واليدين ولبس محترم دون اظهار المفاتن مثلا تنورة طويلة وبلوزة او بانت فوقه كوت الى تحت الركبة واكيد طرحه .... بالنسبة للشعر فنحن متحفظين جدا عن هالنقطة يعني واحد فايت وواحد طالع يشوف شعري ..صعبة جدا وانا لا ارضاها قبل اهلي ... بالرغم ان الشعر يغير منظر الفتاة راسا على عقب ..لكن الله يخلي الحريم يستطيعوا ان يوصفوا لابنهم ...... وطبعا مو بس شوفة ..يتمت التحدث فيما بينهم على حسب الجلسة ..يمكن يجي ويكون جالس بجانب والدته فلازم يكون الحوار والحديث عام ... اما ان كان بنهاية الصالون مثلا او بدايته يكون الحديث شخصي بين بعض حتى لا تخجل ..ولا يخجل هو ايضا ...... وصلى الله وبارك... احدى صديقاتي العزيزات تزوجت من فترة وهي بنت قبايل طبعا ...فأخذنا الحديث الى الشوفه وذهلت حينما فاجاتني ( مافي شوفه )...!!! صعقت صراحة فكرت اغلب الناس مثلي .... في ناس تخاف بعد الشوفه يطلع الشاب ويتحدث عن صفات البنت ان لم يحصل نصيب ..... لذلك يجب ان لاتظهر كل مفاتنها او شعرها حتى ان وقعت بهذه النقطة لا تندم على شيء كشفته ... يعني شباب بهالاخلاق والله عيييب ...:23: ...وطبعا بعدها الاهل يلاقوها صعبة عليهم ... ويبقى الشرع هو الحاكم ( فالينظر الى مايدعوه لنكاحها )... |
رد: النظرة الشرعية
من فترة رأيت فتاة ووالدتها بأحد الصوالين التجميلية ...
فدار الحديث بيننا ..واتفاجأ ان اليوم عند بنتها شوفه شرعية ...وجايه الصالون تسوي جرد ولا اعادة تصنبع :38: ذهلت ....:Looking_anim::Looking_anim: المبالغة الزايدة في التزين ..تؤدي الى الخداع ..وهذا محرم شرعا ... البساطة ..البساطة يابنات ..... |
رد: النظرة الشرعية
بسم الله الرحمن الرحيم ...
اخوي محمد اشكرك على هالموضوع المفيد ... وبالنسبة لسؤالك هل النظرة الشرعية تقتصرعلى الوجه فقط ؟؟ الوجه واليدين ؟؟ الوجه والشعر واليدين ؟؟ ^ ما اتوقع فيه شوفة يدين بدون وجه وشعر ... أو إنك تشوف الشعر بدون وجه ويدين ... :biggrin: أنـا من الناس الي ارفض الشوفة الشرعية والمكالمـات لعدة أسباب : << متزوج بدون نظرة شرعية (( نظام أكشط وأربح )) :hahahahahah: 1- ماراح اشوفها على حقيقتها بتجيك ملطخه من هالمكياج ومن ظهر وهي في الحلاق تعدل وتحوس وتدوس ... 2- في الأغلب الشوفة الشرعية بيكون بعدها ملكة والملكة بعدها مكالمات .. وأنـا أرفض المكالمـات بشدة ... 3- عندي ثقة بذوق الوالدة واختيارها ... بعدين الاهم من الجمال كله الاخلاق والدين والسناعة بعض البنات تسبقها سمعتها والكل يتكلم فيها هذه هي مرة البيت حتى لو جمالها عاادي ... وهل مقولة أنا الرجل يكون خجولاً في هذا الموقف أكثر من الفتاة ^ طبعن لا ... :sm4: دامك بتشوف يامال الشحم تفحصها صح :10111: |
رد: النظرة الشرعية
،،
انا عني من المؤيدين بقووه مو بس النظره الا اجراء فحص شااامل واختبار له من كل النواحي قبل مايطيح الفاس بالراس وتبتلش بنت الناس ببزران وتقول ياليت اللي جرى ماكان ، حكايه شختك بختك هذي ماعادت تواكب عصرنا هذا ، نحن في عام 2013 يعني قمة العولمه ، وانا في وجهة نظري انها مهمه للبنت اكثر من الرجال مو مهم بس النظره الا لو جايز بعد انها تكلمه وتعرف تفاصيله يكون ازين بعد :15: موضوع رااائع وشكرا اخي خالد ع التنبيه. :21: |
رد: النظرة الشرعية
كل الشكر والإمتنان والموده والمحبه لمن نبهني .. :16:
أنا في تقديري الشخصي أن الشرع لم يسُن سُنه إلا ولها حكمتها وغايتها ، والنظره الشرعيه سُنه ومطلب ضروري لا سيما وأنها في أمر هام كالزواج ، الكل كما يعلم أن الزواج إرتباط أزلي ومعاشرة وحياه وتعامل ، كيف لأي إنسان في الحياه أن يربط مصيره بشخص يفترض به أنه سيعيش برفقته عمره وحياته حلوها ومرها ، سعادتها وحزنها ، أوجاعها وألامها ، وهو لا يعرف هذا الشخص جيداً . لكل إنسان ما يحبه ويأنس له من البشر فما بالكم بالزوج/ه وشريك/ة العمر ؟!. لكل إنسان إشتراطات خاصه وميول خاص لشريك حياته/ ـا ، لأنه في النهاية سيعيشان معاً . يا إخوان وَ اللّہ إن الإنسان في بعض الأحيان لا يستطيع أن يتعايش مع شخص لمده إسبوع أو حتۍ شهر وذلك بسبب عدم الإرتياح والتجانس والتوافق بشكل عام ، فما بالكم بشخص سيعيش برفقتك العمر كله ؟!. نعم من مؤيدين النظره الشرعية ومن الذين ينظرون إليها كشرط أساسي من شروط الزواج ، وذلك بشرط أن تكون في حدود ما أشترطته السنة النبوية " الوجة والشعر واليدين ..الخ " ، وأن تكون البنت في لباسها وهيئتها المعتاده عليها في البيت ، لا يمنع بعض الأمور الخفيفه والبسيطه لإظهار هندامها بالشكل الذي يوحي بأنها مرتبه ويعكس ذوقها ورونقها ، وأن يكون بدون تعديلات وسمكره وترهيمات وترميمات ............ إلخ ْ<< مصطلحات عامية تدل على شناعة وفضاعة بعض التصرفات >> . حتۍ لا يكون في الأمر غش وخديعه >> الكلام موجه للطرفين رجل وأنثى وهو حق من حقوقهم . طرح رائع أخوي محمد كعادتك .. تقبل مروري .. |
رد: النظرة الشرعية
اقتباس:
|
رد: النظرة الشرعية
اقتباس:
|
رد: النظرة الشرعية
اقتباس:
هههههههههههههههههههههههههه ياحليلك يابو خلوود متحمس :34: حلاق مررة وحدة هههههههههههههه |
رد: النظرة الشرعية
اولا اشكرك ياصاحب الموضوع :21:
سابعاً النظرة الشرعية ضرورية وانا عندي اقتراح ليش مايكون هناك دورات تدريبية وتثقيفية للمتزوجين يعني الي ينجح في الدورة وينجح في الكشف الطبي يتزوج :27: وش رايكم :34: << براااااااااا :44: |
| All times are GMT +3. الوقت الآن حسب توقيت السعودية: 08:58 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام