المشاركة الأصلية كتبت بواسطة doodoo (المشاركة 10395022)

اناطول ماكنت اتابع المقطع كنت اتحسب عليه (حسبي الله ونعم الوكيل)الله بياخذحق كل مظلوم في الدنياقبل الاخره------بالنسبه لي مااستغربت لاني شفت الضرب في المدرسه اللي كنت فيهابالمتوسط--وكان بدون سبب (مره معلمه بالفصل ضحكواالبنات وسالت اللي جنبي وش قالت وضحكت وجت سيده جهتي وصارخت قالت خييير ليش تضحكين وش يضحك وعطتني كف ولماجت بتسحبني دفيت يدهابقوه قلت اهلي ماضربوني بالبيت تجين انتي تضربيني وطلعتني بره الفصل قالت لاتجين لين تروحين المرشده تكتبين تعهد)وش معنى اناكل الفصل كان يضحك ==شي يقهرقسم بالله وبعده بكم يوم حطتني بزاوية الفصل قالت خليك هنالحالك مع الذبان =====ابيكم تقولون وش رايكم من الغلطان

المشاركة الأصلية كتبت بواسطة doodoo (المشاركة 10395047)

والمعلمه الثانيه كنت واقفه عندالاداره ومعي ثلاث بنات واختي وماكان في غيرناوكانت تطلع من الاداره وتدخل غرفة المرشده اكثرمن عشرمراات ووحده من البنات ضحكت بقوه==وعصبت وجت سيده جهتي بدون نقاش وعطتني كف وكان وراي الدرج والباب وبغيت اصقع بالباب وسحبتني للاداره وجلست تهزءواحلفلهااني ماضحكت ماصدقت ونادت اختي ودرت انهاتدرسهاقالت طيب والله لالعب بدرجاتك لعب=====قهههههههههههههر(طبعاابي رايكم من حقي انقهرواحقدعليهم والالا لاني حاولت انسى اللي سووه بس ماقدرت)اتمنى بس اني ماطولت عليكم ههههههههههههه

المشاركة الأصلية كتبت بواسطة roqa (المشاركة 10397688)

دودو ..مأجورة ان شاءلله ..تبقى ذكرى لا نود استرجاعها ولا حتى بالكلام ..
بس بما انك حكيتيها هذا دليل على روحك الرياضية ..أهنئك صراحة ...

ياسمين ..يامحلا ضرب المساطر امام الكفوف ..

بما انكم بديتوا بسرد بعض القصص ..خلني احكيكم عن معلمة كانت تدرس أول ابتدائي ..بس الحمدلله مادرستني ..المهم مرة من المرات غابت معلمتنا ..وجات هي ع كلاسنا حتى تنوب عنها ..وكانت مشهورة بعصبيتها وانها زي الوحش..
طبعا احنا اول ماعرفنا بتجي كلاسنا اصابنا الرعب من لاشيء ورتبنا الكلاس وطلعنا الكتب وجلسنا ننتظرها ...
بعدين دخلت علينا ومارست بعضا من طقوسها الجنونية بالصراخ المخيف من لا شيء !!
ف هممنا بحل احد تمارين الرياضيات معها ..
فجأة ..أتت إلى إحدى الطالبات وضربتها كف ..اقسم بالله البنت ارتمت من الكف ع ثاني طاولة وحتى الكرسي طار من قوة الكف ..!! والبنت صار وجهها كله أحمر مدري من الاحراج مدري من الكف ..وبدأنا نرتجف وكادت أرجلنا أن تشل بعدم استطاعتنا الوقوف حتى ..
والسبب اقل مايقال عنه انه مريض وتافه ..وهو انها تريد ان تحل في الكتاب ويكون الكتاب مستقيم عالطاولة ..يعني ما تميلي الكتاب وقت تحلي ..اساسا مايصير ومستحيل احد يقدر يحل من غير مايميل الكتاب شوي ليتناسق مع يده ...
كنت في الاول الابتدائي وخالقي كم تمنيت ان اموت ولا ارى ذاك الكف ..لانه بات ذكرى قاسية في مخيلتي ...فما بال إذا تلك الفتاة الان !!!



طبعا مرت السنين والايام ..وقد اشتهرت هذه المعلمة بجبروتها هلى طالبات الابتدائي ..
ف دخلت ابنة جيراننا عالصف الاول ..وكانت رائدتهم هي ذاتها المعلمة الشريرة تلك ..
طلبت منهم أن يرسموا صحراء!!
فهذه الطفلة المسكينة عمرها ماشافت صحراء ولا عرفت كيف تنرسم ...ويالها من رسمة غبية ليس لها تضاريس او معنى يفهمنه أطفال !!

أنا بهالعمر قولولي أرسم صحراء والله ما أعرف ..الصحراء تترسم !!:icon9

المهم أتت اليها ووجدت كراستها فارغة والبنت تبكي من الخوف ...فما كان بها إلى أن تضربها كف يهز الارض هز ويطير البنت عشرات الامتار ...

طبعا أم البنت لم تسكت ..يلي هي جارتنا ..وقدمت شكاوي وصلتها للوزارة ...وتم فصل المعلمة وأخيرا ...ولكن بعد أن رسخت في ذهون الطالبات ذكريات مأساوية ...وبعد مرور مايقارب 20 عاما .....!! أي معلمة هذه وأي علم بالله عليكم !!!


أما أنا بصراحة عمري ما انضربت كنت ماشية عالسبحانية ودايما عريفة الفصل أو بنت نظام ..
بس مرة وحده أتذكرها ..كنت ثالث ابتدائي وكنت ماسكة الفصل بغياب المعلمة ..المهم جات المعلمة ولقت الضجة والصراخ واللعب والضحك ..انا ماقدرت أسيطر عالفصل وقتها :sm1:
المهم جات ومعاها مسطرة كبيرة وضربت كل البنات ..وأنا معاهم ..أنا اش دخلني يابنت الحلال ..أنا عريفة الفصل :Looking_anim:.. هيبتي وكرامتي راحت بين البنات :sm18: ..ولا بعد ما ضربتني على يدي وحسيت النار بتخرج من يدي..قالتلي روحي جيبيلي شنطتي من على مكتبي :000: لها عين كمان ..والله هالموقف يشبعني ضحك كل ما أتذكره :16.jpg:...