ملتقى طلاب وطالبات جامعة الملك فيصل,جامعة الدمام

- ملتقى المواضيع العامة (https://vb.ckfu.org/forumdisplay.php?f=3)

- - ...إستفسار ... (https://vb.ckfu.org/showthread.php?t=42911)

رد: ...إستفسار ...

بإمكانكم الإطلاع على قائمة الكليات و شروطها و التخصصات من خلال هذا الرابط :
http://upload.traidnt.net/upfiles/hK810941.gif

رد: ...إستفسار ...

أبي أعرف هل من ضمن التخصصات الموجودة في كلية علوم الحاسب وتقنية المعلومات بالدمام قسم هندسة حاسب ؟؟؟

رد: ...إستفسار ...

مامعنى تأهيلي ؟؟؟

رد: ...إستفسار ...

تكفووووووووووووون ردوا علي أبي أسجل :Cry111::Cry111:

رد: ...إستفسار ...

اقتباس:

المشاركة الأصلية كتبت بواسطة Free Rose (المشاركة 491040)

انصحج بكلية الدراسات التطبيقيه وخدمه المجتمع مرره روعه موجوده بمبنى جامعة الملك فيصل

وفيها محاسبه وحاسب وتسويق

وتناسب نسبتج يعني حطيها من ضمن الرغبات اذا كنتي خريجة هالسنه لان لو خريجه سنوات ماضيه مابتطلعلج بالرغبات

واحب انوه ع نقطه ترا هالكليه مومعروف للحين اذا برسوم او لا هي بالاساس برسوم بس العام كان في منحه من الملك ولاخذوا رسوم طول السنه

المهم ان المكان راقي ومعترف فيها وسهله نوعا ما للي يدرس ويشد حيله ولافيها ظلم من ناحيةالتصحيح

والله يكتب لج الي فيه الخير وييسر لج القبول

سؤال، ماعندك خبر إذا انها رح تستمر بدون رسوم أولا ..
لأني أدرس بالجامعة و أبي أحول، التحويل لها سهل و لا فيه تعقيدات!
و سؤال أخير: كم رسومها؟ و شكرًا لك .

سوري لصاحبة الموضوع و الله يوفقك لكل الخير يارب
التأهيلي على ما أعتقد يعني برسوم و لا تعتمدين بحثي كمان

رد: ...إستفسار ...

معنى تأهيلي ولو انها متأخره سو سو سو سووووري

اقتباس:

المشاركة الأصلية كتبت بواسطة Free Rose (المشاركة 490821)

بالنسبه لكلمة تاهيلي لا مو معناتها الرسوم

هذا الله يسلمج قبل كان اول سنتين اذا درستيهم تاخذين عليهم شهادة دبلوم واذا كملتي تاذخين بكالوريوس عن 4 سنين

والحين لا تغير صار اول سنتن تاهيلي يعني اذا خلصتي اول سنتين مايعطونج شهادة دبلوم لا يعطونج اشعار بالمواد الي درستيها

ولازم تكملين عشان تاخذين بكالوريوس

ان شاء الله يكون كلامي واضح واي استفسار حاضرين:119:

والكليه صارت حكوميه وهالكام من السنه الي فاتت ماخذو رسوم وبعد نزل بالجريده انها صارت حكوميه وبعد اشترطوا هالسنه بالقبول القدرات والتحصيلي عكس العام ماخذو الا الثانوي لان وقت التسجيل كانت برسوم بس لما بدت الدراسه دفعنا للترم الاول ولما بدا الترم الثاني رجعوا فلوس الترم الاول وماخذوا ع الترم الثاني يعني السنه كلها ببلاش:119:

رد: ...إستفسار ...

اقتباس:

المشاركة الأصلية كتبت بواسطة فرانشيسكا (المشاركة 491180)

والله الله اعلم ع سالفة الرسوم تستمر ولا لا حنا الترم الاول العام دفعنا و ع بداية الترم الثاني رجعوها

وبعدين سئلناهم هي صارت حكوميه ولا لا قالوا الي بالاداره ماندي و يمكن تدفعون للترم الثاني

:sdfgdsf: :sdfgdsf: حنا استغربنا شلون ترجعو فلوس الترم الاول وتاخذونها للترم الثاني نلعب حنا :017: :017:

بس بعدين ماخذوا لا حس ولا خبر وسئلناهم ياهل الخير صارت حكوميه تقل مايسمعون لايوجد رد:cheese:

و بالنسبه للتحويل والله وااجد عندنا محولين من الكليه بس انصحج اول اسبوع تعالي شرفينا بزياره واسالي الاداريات بنفسج

واذا تبين اسئلج ع بداية الدراسه عن الرسوم التغت او لا وعن اتحويل من عيوني ارسلي لي ع الخاص

وان شاء الله اذا تبين من عيوني ابلغج اذا سالت :cheese:

وبالنسبة للرسوم

7
7
7
التفاصيل هنا الاخ ازرق كفى ووفى :cheese:

اقتباس:

المشاركة الأصلية كتبت بواسطة ازرق فى امريكا (المشاركة 491097)

أيوااا يا Free Rose

كلية الدراسات التطبيقية و خدمة المجتمع
و هي كلية أهلية
يعني الدراسة فيها بفلوس

السنة الماضية كانت فيه مكرمة ملكية
و الرسوم رجعت لكل الطلاب و الطالبات
بس هالسنة الله أعلم إذا كانت فيه مكرمة أو لا
على أساس كذا الجامعة أعلنت أنها برسوم

طلاب و طالبات كلية الدراسات التطبيقية و خدمة المجتمع يدرسون على حسابهم لمدة سنتين .. و بعدين إذا حصلوا على معدل 2.75 من 5 .. بإمكانهم يكملون دراستهم في كلية العلوم الإدارية و التخطيط لمدة سنتين و يحصلون على درجة البكالوريوس .. و برضو يعطونهم مكافأة خلال فترة دراستهم في كلية العلوم الإدارية و التخطيط

يعني مجموع سنوات الدراسة هي أربع سنوات
سنتين على حسابك في كلية الدراسات التطبيقية و خدمة المجتمع
و بعدين سنتين مجاناً في كلية العلوم الإدارية و التخطيط و يعطونك برضو مكافأة ..

هذا هي الخطة الدراسية لكلية الدراسات التطبيقية و خدمة المجتمع
http://buahmed.15.2008.googlepages.com/Prog_COlll_a.JPG
http://buahmed.15.2008.googlepages.com/Prog_COlll_b.jpg

السنة الأولى :
الفصل الدراسي الأول : 17 ساعة = بــ 8500 ريال
الفصل الدراسي الثاني : 17 ساعة = بــ 8500 ريال

السنة الثانية :
الفصل الدراسي الأول : 16 ساعة = بــ 8000 ريال
الفصل الدراسي الثاني : 17 ساعة = بــ 8500 ريال

كل ســاعة بــ 500 ريال
مجموع عدد الساعات : 67 ساعة
يعني 67×500= 33500 ريال

رد: ...إستفسار ...

و الله أعلم حايرين بعمرهم و لو يظلون حايرين كذا على طول الخط يصيرون أطلق شي :cheese:

فديتك و الله مشكورة عالخدمة.. أختي عندها صيفي و بخليها السبت تمر عليهم و تستفسر منهم
عن التحويل و الرسوم و إن شاء الله خير و تسلم عيونك.

و إن شاء الله بعد لا وصلني خبر أخبركم به هنا ^^

رد: ...إستفسار ...

الله يوفقج و يكتب لج الي فيه الخير

:cheese: :cheese:

رد: ...إستفسار ...

وياك يا رب و القارئين :cheese: