|
رد: عندي كل شي واملك كل شي الا شي وااااااحد
مساء الخير والسسسعآده :119: بصراحه الاعضاء ماقصروا كفو ووفو لككن اختي ابغ اوضح لك شغله أتمنى تقريها : ياما ناس عايشين والله حالة مايعلم بها الا رب العباد .. ويقدرون يسعدون انفسهم بأنفسهم أسعدي نفسك ... أبتسمي :119: ... بكذا تكسسرين الضيقه والحزن اللي فيك وأكثري قول : (( اللهم لك الحمد كما ينبغي لجلال وجهك وعظيم سلطانك )) وفي دعاء الرسول صلى الله عليه وسلم : [ اللهم اني عبدك وابن عبدك وابن امتك ماض في حكمك عدل في قضاءك .. أسألك بكل اسم هو لك سميت به نفسك . او انزلته في كتابك .. أوعلمته أحدا من خلقك .. او استأثرت به في علم الغيب عندك .. أن تجعل القرآن ربيع صدري ونور قلبي وجلاء حزني وذهاب همي ]] إلا ابدل الله مكان حزنه فرحا :004::004: اختي الحياه حلوه لاتعكريها عليك وهونيها وتهووون والآن كشششري عن سنونك :biggrin: فما اجمل الضحك والسعاده ... تقبلي مروري ع صفحتك ... موضوعك جميل :10111::rose: |
رد: عندي كل شي واملك كل شي الا شي وااااااحد
الف شكر لش اختي
بس والله كل حاسة ضيقة فيني لكن مااقول الا الحمد لله على كل حال والله كريم :119: |
رد: عندي كل شي واملك كل شي الا شي وااااااحد
في زمانك محد يشيل همك
لاحبيبك لا أخوك لا رفيقك ماتهم اللي يهمك لو بغيت تعيش صح صل فرضك وأقضب أرضك وخلها للي عيونه ماتنام ونام اشتغلي مارسي هواياتك تعلمي اشياء جديده ضيعي وقتك بشئ يفيدك كوّني علاقات جديده شاركي بمتنديات تطوّرك بيدك انتي تعيشين بضيق وبيدك تعيشين براحه به شئ اسمه الايحاء النفسي اذا رددتي دايم انك متضايقه.. فعلا راح يصير دايم قولي انك مبسوطه الحمدلله بصحه وعافيه..ماحد يشيلك و يحط بك اهم شئ ماتكون حاجتك بيد غيرك بيد الله بس وان شاءلله المستقبل بكون الاحلى ارسمي وضع حلو لك حياه ارسميها بخيالك مرات العيش بالخيال يريّح من الواقع المرير تخطيط الشئ بالخيال وبالاراده يصير واقع |
رد: عندي كل شي واملك كل شي الا شي وااااااحد
:lllolll::lllolll::lllolll:
عاااادي عااااادي يالغلا مو لازم احد يعيش معاك عشان تنبسطين وتفرحين انتي بنفسك افرحي وعيشي يومك ولاتفكرين لاببكره ولا بالبارح خليك بيومك وبس:10111: انا مثلك تمام ماعندي اخوات الا حده ومتزوجه وبعيده ووين وين اشوفهاااا:sm1: وساكنه بمكان بعيد عن بنات عمي وخوالي يعني اذا بنتقابل لازم سياره وقلت حياء لين نتقابل ومع ذاااااالك الحمد لله عمري ماطفشت من حالي :10111: تدرين ليش لاني راضيه بوضعي وقمت اعيش يومي بيومي ولا افكر بشي سوويت من امي الغاليه وغرفتي الجميله من اروع اصحاابي :10111: وتعرفت ع بنات هون من اروع البنات من ادخل المسن لين اطلع وانا بس ضحك وسوالف :53::53: يعني انتي اللي تشكلين وترسمين حياتك مثل ماتبغين :119::119: وخلي عنك وساااااوس الشيطان :139: لانه شاطر واذا مشيتي وراء كلامه نهايتك بتكون مو زينه:004::004: :060:واذا بغيتي صديقه وتحب السوالف وماتسكت انا بالخدمه ترى بعدين بتقولين ليتني ماعرفتها:10111: :hahahahahah::hahahahahah::hahahahahah::hahahahaha h::hahahahahah::lllolll: الله يريح باااااالك ويهدي قلبك ويسعد روووووحك:004::004: |
رد: عندي كل شي واملك كل شي الا شي وااااااحد
أسعد الله مساءك..
أول شي إنتي تبغين أحد يسمع لتس وما لقيتي.. أنا أقولتس عادي خذي ورقة وقلم وأكتبي لين يفضى راستتس من الهرج :biggrin: بترتاحين وهالطريقة أستخدمها يعني جايبة لتس شي مجرب مو أي كلام :cheese: وبالنسبة للمشاكل أو الأغلاط اللي تبغين لها حل أو حاجتس للنصح من أشخاص قريبين.. هذي بعد حلها بسيط.. هنا بالملتقى أشوف تجاوب كبير من الأعضاء لأي شخص محتاج نصح أو كلمة حلوة أو رأي سديد.. وأتوقع إذا انتي محتاجة النصح بتلقين تجاوب بمجرد ما تطرحين قضيتس هنا :) أما الناس اللي تحسينهم بعدوا عنتس أنا أقولتس لا تلومينهم ترى الدنيا تشغل وإذا ما لقيتي صديقة قريبة جددي صداقاتك وكوني علاقات جديدة..:119: وأهلك محد يخاف عليك وحريص على مصلحتك مثلهم الله لا يحرمك منهم ولايحرمهم منك.. >> شي ثاني إذا طفشتي اكرفي ترى الشغل يوسع الصدر :tongue: تمنياتي ودعواتي لك بحياة أفضل.. :004: |
رد: عندي كل شي واملك كل شي الا شي وااااااحد
مع وافر آحترامي لك انتي لا تبحثي عن السعادة الحقيقة نقدر نقول موضوعك مجرد فضفضة لاكثر..!! لو انك تريدها حقاً لبحثتي ملياً عنها ستجديها على الأرجح بداخلك. |
| All times are GMT +3. الوقت الآن حسب توقيت السعودية: 04:00 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام