المشاركة الأصلية كتبت بواسطة انقلش (المشاركة 4103804)

كأنثى اقول لك اللي تسوي كذا تعاني من مركب نقص عنييييف جدا


غالبا ماتسمع اطراء ولا اعجاب من بيتها فتدور عليه برا

عموما هي لو لاقيه رجل يأدبها ما سوت هالحركات لأن معروف من امن العقوبه اساء الادب

لو كل رجل قط كلمه في العظم على اللي تلبس كذا ما كان استفحل الموضوع برضو

بمعنى لو كل رجل مارس رجولته وغيرته ع كل البنات ما كان صار كذا لكن الاغلبيه يعتبر اهله حرام والاجنبيه حلال مباحه


يعني لو مر واحد وقال لها يا ويلك من الله والا قال الموت كل يوم يزورك واذا ما اخذك اليوم ياخذك بكره والا قال لها عيب عليك استحي والا قال لها ارحمي تعب امك وابوك فيك لا توطين روسهم من هالحكي كانت الوحده تستحي


بس يمر الواحد ويقعد يلحق فيها من مكان لمكان ويسمعها انواع الغزل ووووو شي طبيعي تستفحل الحاله


بتصدق انها واوووووو
مع العلم ان هالحاله بعد مستفحله بالشباب يجيك الواحد انواع الجل واللف و التسريحات في الشعر والبنطلون والقميص متعوب عليها وقبل لا يروح البيت يدخل اي حلاق يغسل شعره و يزبط هدومه ويروح عادي محترم لبيته هذا من كلام حلاق لزوجي


لازم يكون الشخص عنده رقابه ذاتيه وهذي مهمة الاهل لكن لما يتغلب الشيطان ع الشخص لابد من ان الكل يذكره بالله
كلنا نكون هيئة امر بالمعروف ونهي عن المنكر


ولا ننسى ان الله اخذ قريه كامله وعذبها لان ماكانوا الصالحين فيها ينهون عن المنكر فأخذهم كلهم بعذاب واحد


اتذكر مره واحد عاكس اختي وهي عطتني الورقه اللي هو كاتب فيها الرقم الله يصلحه كان صغير حده 17 سنه

والمشكله يتسوق مع امممممممه ويسوي هالحركه من وراها مسكينه واضح انها محتررررررررررمه جدا


انا ماتحملت لما عرفت ولحقته هو وامه الين ما شفتهم دخلوا محل وهم مايدرون اني جايه لهم

انتظرت لحد ما ابتعد الولد عن امه وقربت منها وانا اغلي وقلت لها بهدوء تعرفين هالرقم ؟

هي استغربت قالت لا قلت لها اللي معاك رماه ع اختي
هي مسكينه شهقت قالت لا مو ممكن قلت دقي من جوالك عليه ولما ضغطت اتصال طلع رقم ولدها اللي معها كانت حتمووووووت من الصدمه قامت تنتفض والله رحمتها ورحمته هو المطفوق بعد

قامت تترجاني اواجهه واقول له ترضاها لأختك فلانه ؟. انا هنا اعتذرت منها وانا كلي اسف ع الموقف

الحرمه كانت ترتجف بشكل مخيف وتشهق و على وشك انها تبكي

طبعا ولدها بالاخير انتبه اني اكلم امه وكأنه حس وقام وجهه يعطي الوااااااان واشكال مسكين


المره الجايه حيفكر الف مره قبل لا يغازل لما يتذكر ان ( مش كل طير يتاكل لحمه )
ولما يتذكر رجفة امه وصدمتها منه واكيد انها بكت خصوصا لما حست ان الله بيرسل على بناتها احد زي ما هبب ولدها مع اختي

اسفه ع الطواله بس موضوع يفرس :017:

المشاركة الأصلية كتبت بواسطة ناوي السوكبا (المشاركة 4103980)

بالتوفيق الى جميع الاناث في ابراز أنوثتهم في بيوتهم

انتهى