السلام عليكم
مساء النور والسرور مساء يمليكم فرح وهداوه لهالنقاش

استغرب من البنات كلهم ضد
وجا رجل هو الي يدافع عن حقنا .. غريب جدا


ليه يتعامل مع البنت انها مجرد شرف وسمعه وشي طاهر هي كذلك
لكن هي فكر ورأي وحريه ونقاش ومساحات فكريه كبيره

شدعوه!! محد واثق في نفسه

تخلون المجتمع يصبغكم بصبغته القديمه الي ربى اجيال عليها
ولا تاخذون كل شي من مجتمعكم بدون ما تفهمونه

لكن انا مع ان نضع ضوابط

يعني مثلا لو فتاة تبي تجرب تدخل شات وقالت لاخوها <<بعفويه
المفروض ما يعنفها لكن ما يسمح لها تدخل بسن صغيره او تدخل و هي جنبه

ويختار بعض المواقع الي معروف عنها وعن مشرفينها الالتزام والادب
ومثلا
ما تدخل باسم يدل انها بنت <<< ااذا سوت كذا محد بقرب صوبها

وبعدين هي بنفسها بتبتعد وبتكره هالعالم


ومثل ما تفضل اخوي الشات ممكن يصير ساحة تغيير للشخصيات للافضل
ساحه ثقافيه فكريه رائعه

في شيوخ ومطاوعه يدخلون الشات عشان يهدون خلق الله

واكيد 100% حققوا نجاح لو بسيط اكيد حد سمع لهم

حتى لو ما كان فاسق لكن مجرد المحادثه التبادل يأثر في النفس

واحيان تلقى ناس وحيدين في بيئة شاتيه تدمر وتكون انت الشخص المعتدل المحترم الي تمنع هذا الشخص انه ينجرف في هالبيئه


تذكرت حاجه ايام زمان لما حرموا التلفزيون ليه لانه يبث اشياء مو زينه
ولما قالوا جوال الكاميرا مشبوه والبنت الي عندها جوال كاميرا عليها كلام

ليه هالنضره من كل شي جديد

الجديد مو عدو الجديد يبي له اكتشاف



ادري طولت عليكم
بس لفت انتباهي هالوجهة نظر الحاده من الفتيات انفسهم


لكن بجد نحتاج بنات شجاعات يقولون الي يعتقدونه ويكونون احرار في ارائهم مو يقولون الراي المثالي الي ربانا عليه المجتمع


وفي الختام سلام للاخوه الاحبه