المشاركة الأصلية كتبت بواسطة الطرف الخجول~ (المشاركة 6664220)

اوووف بنت الشمري جيتي ع الجرح

اقولك لها المشكله ماافي حل مشكله طول العمر

بس بنظري طنشي اهم شي سي السيد بصفك وغيره بالطقاق

وكمان لاتشيشي زوجك عليهم يعني لو مشكله بينك وبين اخته لاتروحي لزوجك تشتكي وتقولي اختك سوت وسوت لانه ماراح يقدر يقول لاخته شي
وكمان لاتجي قدامهم وتقولي فلان شرالي وفلان سوا لي ترا تزيدي الطين بله يعني لاتتكلمي بخوهم قدامهم
وبعد لاتقطي وجهك كثير عندهم بعض الحريم الله يهديهم غدا وعشا وفطور عند بيت الحموله كذا اكبر غلط اذا ولدهم بيروح بكيييفه بس انتي لاتكثرين الزياره
وبس ذا اللي يحضرني ذحين
ومشكوره غلاتي موضوع مميز

المشاركة الأصلية كتبت بواسطة دوستويفسكي (المشاركة 6664247)

خروج عن النص .. لكن فيه بعض الشواهد




أنواع رقص البنات بالعروس

المثقفہ جداً: ترقص رقصات خياليہ تخلط بين
الباليہ والشرقي على حركات ناس مجانين

الجيكره : ترقص عند عماتها وخالاتها وهم يشيلونها بالصفقه والتشجيع عشان تتزوج

رقصہ ياكرهي : رقصہ وحده تبي تحر خوات طليقها بالعرس فتسوي روحها دلوعہ ومو ناقصها شي وهي محتره

رقصہ غصبن عن أمكم برقص: تدش بنص البنات وتختض من فوق لتحت وتهز الكتوف وتشاوح بإيدها والوجه خالي من أي تعبير

رقصہ أبي أتمصخر: هذي عاد اللي ماعندها حس موسيقي الإيقاع بصوب وهي داخلہ جو ثاني وكل اللي يعرفونها يتبرون منها بهاللحظہ.

رقصہ شوفوا بنتي : في بعض التقاليد تقوّم الأم بنتها والبنت تسوي فيها مستحيہ والأم تصفق لبنتها كأنها أول مره تشوفها ; ھٓہھٓہھٓہھٓہھٓہھٓہھٓہھٓہھٓہھٓہھٓہھٓہھٓہھٓہھٓہھ ٓہھٓ ہھٓہھٓہھٓہ

المشاركة الأصلية كتبت بواسطة عبااديR (المشاركة 6664241)

تدرون من المسكين اللي رايح فيها هالسالفه هاذي



الرجال الله يعينه الحمد لله يا رب علي اللي حنا فيه يا رب لا تغير علينا اسمعي يا اختي
ياللي تقولي ان اخت زوجك ناشبه لك ومضايقتك ومطلعه لك قرون براسك مثل ما تفضلو بعض الاعضاء اهديها هديه شوفي هي بتاخذ الهديه وبتقول غريبه وش الطاري مو بالعاده اهديها من بين وقت واخر وحاولي انك تكسبيها في طرفك يعني انسي انو تخلين اخوها يكرها او انو يغلط علها حتى لو هي غلطانه حاولي قدر المستطاع انك تكسبيها وادعي ربك مافي احد يدعي ربه الا يستجيب له ربه وبعدين لاتنسين اذا انتي مضلومه ترى لك اجر علي اللي صاير لك لا تحسبي بيروح كذا ويما ويما سمعنا سوالف بس بقولك شي اللي يشوف مصايب غيره تهون عليه مصيبته ويقول الحمد لله انا بخير واحسن من غيري يعني ما ابي اطول عليكي بس هذا اللي عندي :119:

المشاركة الأصلية كتبت بواسطة الفهيدية (المشاركة 6664252)

هلا وغلا بكل الغلا .. والله اني انتظر جيتك واشوف رايك يالغاليه بالموضوع
الاجتماعي البحت الي تعانيه منه اكثر الزوجات بمجتمعنا الكريم ..

المشاركة الأصلية كتبت بواسطة دوستويفسكي (المشاركة 6664300)

ابد عبادي ..


راح اخليك في لب الموضوع يمكن تفلح في شيء ما افلحنا فيه شفهم دونك حاول ترا يمكن يسمعون منك ..


سلام دار قوم مؤمنين ..