ملتقى طلاب وطالبات جامعة الملك فيصل,جامعة الدمام - هل تقبلين الزوج براتب 1500؟؟؟موضوع لنقاش !!!

صفحة 10 من 14

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى المواضيع العامة (https://vb.ckfu.org/forumdisplay.php?f=3)

- - هل تقبلين الزوج براتب 1500؟؟؟موضوع لنقاش !!! (https://vb.ckfu.org/showthread.php?t=28391)

همي اشيل همك

2009- 6- 7 10:03 AM

رد: هل تقبلين الزوج براتب 1500؟؟؟موضوع لنقاش !!!

اقتباس:

المشاركة الأصلية كتبت بواسطة b_nice (المشاركة 411562)

هلا هذا رايي المفصل :119:

لا اقبل ..
اذا احنا البنات و اهلنا مايقصرون معنا وفوق هذا عندنا مكافئه 1000 ولا ادري كيف تطير :119: .. افتح بيت على 1500
الحمدالله على النعمه :praying: صحيح الراحه كلها ماتجي بالفلوس وبس لاكن صعبه مابين دهوره الاقتصاد والازمات الماليه الحاليه no way ..
انا من ناحيتي اعيش معززه مكرمه ببيت اهلي ولاشي حادني على الفقر لان 1500 في ايامنا صعبه خاصه اذا صار عندك ابناء ومسؤوليه واحتياجاتهم وتعليمهم و و ..الخ
انا برايي افضل الواحد يكون نفسه ويجمع له راس مال ولو بسيط موب يضيع فلوسه على سفرات واخرها يبي يتزوج بنت الحلال وراتبه مايوفي فاتوره كهرب !

يسلمو همومتي على الموضوع المثير لنقاش واتمنى تتقبلي رايي عزيزتي :119:

هلا فيك نااايس ..

والله كلامك عييين العقـــل ربي يحفظك ..

:g8:

همي اشيل همك

2009- 6- 7 10:04 AM

رد: هل تقبلين الزوج براتب 1500؟؟؟موضوع لنقاش !!!

اقتباس:

المشاركة الأصلية كتبت بواسطة *روعة* (المشاركة 413359)

لااااااااااااا

شكرا لك رووعه ع المروور اختصرتي الاجابه بـ (( لاااا )) :119:

إجابـــه وافيه ..

كل الشكــــــــر لكـ ..

:119:

مشاويق

2009- 6- 8 02:04 AM

رد: هل تقبلين الزوج براتب 1500؟؟؟موضوع لنقاش !!!

اوافق اذا هو عالي الاخلاق يصلي ويصوم ويخاف الله مع امه واهله اكيد اني بكون في عيونه

المال وسخ دنيا والدنيا يبيلها صبر بمعنى الكلمه بنت خالتي تزوجت سكرتي راتبه1500

صبرت وياه خلته يشتغل شغله ثانيه وهي بعد اشتغلت واللحين بيت ملك وعندها خمس بنات واكبر وجده فالثنوي
زوجها جامعي صار
ويشتغل احسن شغله
وما يشترون الامن الماركات

شفتو يا بنات المال مهب كل شي زالصبر مفتاح الفرج

تقبلي مروري والموضوع رائع ويستحق النقاش

أميره بشموخي

2009- 6- 8 02:41 AM

رد: هل تقبلين الزوج براتب 1500؟؟؟موضوع لنقاش !!!

صعبه والله صعبه

1500 وش تسوي في هالزمن

وكل شيء صار نااار

لا والف لااا مستحيل اوافق لييه ؟؟

مجنونه انا اضيع حياتي وحياة نونواتي

حرام وش ذنبهم..

الواحد اذا مو قد المسؤوليه ومهمل ومو مهتم في مستقبله وحياة عياله لا يتزووج لين يكون نفسه ويدور له شغله تيسر اموره والا يكمل دراسته..

هيموو يالغااليه ماأظن احد بهالراتب والله مو مستوعبه 1500 بالله وش تسوي؟؟

:s12:

معقوله واحد راتبه 1500 لاا وبيفتح بيت بعد!!..

وربي لو اروح السوق بـ1500 اخلصها في يوم وانا ماأخذت كل اللي ابي مو عن اسرااف..ماتسوي شيء والله ماتسوي شيء

اممم

قولوا آمين

ياارب ترزق كل واحد راتبه كييذاا بشغله راتبها اعلى بكثيير..

:119:

يعطيك العافيه هيمووو قلبي

:119:

ريم الجامعة

2009- 6- 11 04:00 PM

رد: هل تقبلين الزوج براتب 1500؟؟؟موضوع لنقاش !!!

:mh19::mh19: والله شوفي هالايام زين تلقين رجال واذا جا رجال اخلاق ومودب ومحترم يازينه اخذه واذا على راتبه قليل الله الغني ومهما كان وانا اختك عمر الفلوس مو هي اللي تعيش اللي يعيشج هالايام الاحترام والتقدير ومعامله الرجال........
1500 اعيش فيه لو كان الرجال مخليني ملكه ومحترمني وحاطني فو ق راسه ياهلا فيه وماهم 1500 باخلاقه يخليه لي اكثر من 1500

عمر 1500 ماكانت مشكله بكثر مو هو اهم شي الرجال

:119::119::119: وكلامي واقعي والدليل البعض تزوجوا 1500 وهم عايشين احسن من اللي عندهم 6000

aml	2009- 6- 11 05:08 PM

رد: هل تقبلين الزوج براتب 1500؟؟؟موضوع لنقاش !!!

السلام عليكم ..
الموضوع حلو ..
اممم بس المشكلة انو لو كل بنت رح ترفض ..ف نص شبابنا رح يتزوجو من بره ..
وبناتنا رح يعنسو ..
بس كمانة بصراحة الشباب ايش يسو ؟؟ عشان يتزوجو ؟؟!!
ف أحسن شي أن البنت توافق وتنستر ..
وبصراحة لو كان رجال مايتعوض ليش لأ ..
وبعدين الأرزاق بيد الله ..

بنت السناعيس

2009- 6- 16 03:20 PM

رد: هل تقبلين الزوج براتب 1500؟؟؟موضوع لنقاش !!!

اقتباس:

هل تقبلين بزوج يمتلك هذا الراتب ؟؟؟؟؟
ويسكنكِ في بيت اهله.....؟
ولكنه شخص متدين وخلوق!!

اقبل وليش مااقبل عمر الفلوس ماكانت سبب السعاده

والدنيا دواره باجر بشوف اخواني بنفس هالوضع وماراح يلقون اللي تقبل فيهم بسبب الماده

لذلك اقبل وبقوة طالما مافيه عيب وعمر الفقر ماكان عيب

يسلموو على الطرح الحلو

*فنتازيا*

2009- 6- 23 06:02 AM

رد: هل تقبلين الزوج براتب 1500؟؟؟موضوع لنقاش !!!

الموضوع صعب بس لو انا اشتغل بيكون اسهل بكثير
وانا بشطارتي اطوره واخليه يكمل دراسته وربي يوفقنا جميعا

*& قلب ملاك &*

2009- 6- 26 10:44 AM

رد: هل تقبلين الزوج براتب 1500؟؟؟موضوع لنقاش !!!

للأسف لا ..

هذا الراتب ما يكفي ابدا ...

لا لاغراض البيت ولا للفاهيه ولا حتى لمتطلبات اساسيه ...

الله يعين الجميع !! وهذا رايي بدون مجامله :g2:

شكرا عالموضوع حبيبتي

بنت أبوها

2009- 6- 28 07:49 PM

رد: هل تقبلين الزوج براتب 1500؟؟؟موضوع لنقاش !!!

مع راي قلب ملاك

All times are GMT +3. الوقت الآن حسب توقيت السعودية: 10:18 AM.

صفحة 10 من 14

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه