ملتقى طلاب وطالبات جامعة الملك فيصل,جامعة الدمام - تعريف بطلاب و طالبات كلية الصيدلة الأكلينيكية

صفحة 1 من 2

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى الكليات الصحية بالاحساء (https://vb.ckfu.org/f209)

- - تعريف بطلاب و طالبات كلية الصيدلة الأكلينيكية (https://vb.ckfu.org/t3760.html)

★ NiGhT AnGeL ★

2007- 5- 25 12:22 AM

تعريف بطلاب و طالبات كلية الصيدلة الأكلينيكية

السلام عليكم و رحمة الله و بركاته

أخواني و أخواتي طلاب و طالبات كلية الصيدلة بالأحساء
هذه مساحة مخصصة للتعريف بكم من حيث ذكر التخصص و الدفعة
و ذلك من أجل الإفادة و تبادل الخبرات بينكم :s17:

بإمكان الأخوة و الأخوات ممن يدرسون في كلية الصيدلة من الجامعات و الكليات الأخرى المشاركة في ذلك بشرط الإشارة إلى أسم جامعتهم أو كليتهم ، بالإضافة إلى ذكر التخصص و الدفعة

أتمنى التفاعل من قبل الجميع و الإسهام في نشر الملتقى بين أصدقائكم و زملائكم
حتى يكون حلقة تواصل تجمعكم
و المستفيد الأول و الأخير هم أنتم :119:

ياااي وخروا عني

2007- 5- 25 12:35 AM

رد: تعريف بطلاب كلية الصيدلة

تسلمين حبوووبتي المسير على هذي المبادره الطيبه

بس ياليتنا انا معاك داخلين بالمجال الطبي مو احسن لنا !!

الله يووووفق الجميع

★ NiGhT AnGeL ★

2007- 6- 6 10:38 PM

رد: تعريف بطلاب كلية الصيدلة

الله يسلمك..

اي والله ياليت

بس انتي نسيتي انهم تعبوا وهم يعرضون علينا المجال الطبي واحنا نرفض:lllolll:

يسلموا الغاليه ياااي على الطله الحلوه

transportation

2007- 8- 28 02:21 PM

رد: تعريف بطلاب كلية الصيدلة

:119: مشكور على هذه المبادره :119:
وأرجوا تزويدنا بطريقة اللازمه للتواصل معكم

راحت علي

2007- 8- 29 02:19 AM

رد: تعريف بطلاب كلية الصيدلة

مرحبا جميعاااااااااااا

راحت علي

2007- 8- 29 02:20 AM

رد: تعريف بطلاب كلية الصيدلة

ما احد موجود

★ NiGhT AnGeL ★

2007- 8- 29 12:02 PM

رد: تعريف بطلاب كلية الصيدلة

transportation
العفو أخوي
و بإمكانك تتواصل مع إدارة الملتقى على هذا الرابط :

http://www.ckfu.org/vb/sendmessage.php

راحت علي
أهلاً و سهلاً بك في الملتقى الأكاديمي
و إن شاء الله تفيد و تستفيد

أختكم
~المسيـــــر~

Dr.CoDeS

2008- 7- 27 11:38 PM

رد: تعريف بطلاب كلية الصيدلة

عندي..سؤااال ..ينم عن إستغرااب شديد

في الواقع ليس سؤااال بل عدة أسئلة

أولااااا.....

هل هذا ..المنتدى فعلاااا لطلاااب كلية الصيدلة الإكلينيكية من جامعة الملك فيصل

إذ أني لا أرى ..غباااار أحدهم هنااااا

الشيء الثااني

كااااتب الموضووع.؟؟!!!!

هل هو ...من طلااب كلية الصيدلة الإكلينيكية

أناا أستغرب فعلاا.....لكنهم ..لم يقبلواا الطاالبااات بعد...

أسئلتي...ألااا من مجيب عليها

بـــو أحــمــد

2008- 9- 2 08:47 AM

رد: تعريف بطلاب و طالبات كلية الصيدلة الأكلينيكية

Dr.CoDeS
تم قبول الطالبات في كلية الصيدلة الأكلينيكية ..
و بإذن الله نرى تفاعل منهن هنا ..

زهرهـ

2008- 10- 15 02:42 PM

رد: تعريف بطلاب و طالبات كلية الصيدلة الأكلينيكية

مرحبا

معكم dr.zahra

طالبة مستجدة بكلية الصيدلة الاكلينيكية

ودكتورة المستقبل بإذن الله :g20:

أتشرف بكمـ

لكمـ مني أرق التحايا وأعذبها

إليزابيث

2008- 12- 4 03:30 AM

رد: تعريف بطلاب و طالبات كلية الصيدلة الأكلينيكية

إليزابيث

طالبة مستجدة :119:

الزلفاوي

2008- 12- 24 10:36 PM

رد: تعريف بطلاب و طالبات كلية الصيدلة الأكلينيكية

أناااااااااااااااااااااااااااااااا
أأأأأأأأأأحـــــــــــــــــــــــــــــــــــــــ ــــــــــب
كلية الصيدلة
أحبهـا كثر الشجر والحجر
وعدد من حج واعتمر

روح شفافة

2008- 12- 25 04:18 PM

رد: تعريف بطلاب و طالبات كلية الصيدلة الأكلينيكية

هلاااا فيك عزيزتي اليزببث..

اعتقد انك معنا بالكلااس..أكييييييييييييد..:lllolll:

وحيااك الله معنا الزلفااوي..

مووفقين ياارب

Dr.Zaz0oo

2009- 2- 3 02:45 AM

رد: تعريف بطلاب و طالبات كلية الصيدلة الأكلينيكية

لسلام عليكم
مشكوووووووووورين عالمنتدى المبدع :d5:

انا طالب في كلية الصيدلة الكلينيكية سنة ثانية

نور عيوني

2009- 5- 7 10:15 PM

رد: تعريف بطلاب و طالبات كلية الصيدلة الأكلينيكية

السلام عليكم

ممكن سؤال مامعنى كلمة الأكلينيكية

شكرا :119:

ايمان احمد

2009- 6- 13 02:48 PM

رد: تعريف بطلاب و طالبات كلية الصيدلة الأكلينيكية

مرحبا يا جماعة عندي استفسار اذا ممكن تساعدني طالبة في كلية الصيدلة في القطيف
انا اردنية معي شهادة دبلوم صيدلة منذ 4 سنوات ومقيمة في السعودية زوجي سعودي وابغى اسجل في الجامعة
ممكن اسجل وما هي الشروط
الرجاء الرد وبكون شاكرة جدا

VioOolet

2009- 7- 13 12:14 AM

رد: تعريف بطلاب و طالبات كلية الصيدلة الأكلينيكية

أنا توني متخرجه
و جالسة اقرأ عن التخصصات
و حابة اسأل عن كلية الصيدلة الاكلينيكية
كيف طبيعة الدراسة فيها ؟ وش المواد اللي تدرسونها ؟
و الأحياء تدرسونه و إلا ؟ >>> لأني بصراحة ما احبوه
ردوو علي ضروري :000:
الله يجزآآكم خير

روح شفافة

2009- 7- 13 05:21 AM

رد: تعريف بطلاب و طالبات كلية الصيدلة الأكلينيكية

ياهلا اختي

مبروك التخرج..بالنسبه للدراسه اول سنه تكون تحضيري

مواد عامه ومشابه لمواد ثانوي. تقريبا.بس الدراسه تكون باللغه الانجليزيه

فيه كيميا واحياء وفيزياء ومصطلحات طبيه وثقافه اسلاميه وكتابه وتعبير ولغه انجليزيه مكثفه ورياضيات

هذا الي حاضرني حالياا..بس كل شيء وفيه سهوله وصعوبه..بس اذا انتي حابه هالشيء تعدي ان شاء الله

واي استفسار ترانا بالخدمه

مووفقه يارب

VioOolet

2009- 7- 13 09:56 PM

رد: تعريف بطلاب و طالبات كلية الصيدلة الأكلينيكية

اللـه يبآآرك فيك أختي روح شفافة
و الله يجزآآك خير عالمعلومات
بصراحة أنا محتارة وش أدخل
لأني جايبة نسبة و مو حابة أدخل طب :119:
و قريت عن الصيدلة و حسيتها حلوة
بس لولآآ الأحياء :000:
طب أبغى أعرف أكثر عن الموآآد الله يجزآآك خير
و هل الدرآآسة فيهآآ ممتعة و إلا ؟
بانتظارك يالغلآآ = )

روح شفافة

2009- 7- 13 11:00 PM

رد: تعريف بطلاب و طالبات كلية الصيدلة الأكلينيكية

يااهلااا اختي..

والله ماسوينا شيء والله يجزانا وياك الجنه

اذا انتي شايله هم الاحياء..احنا درسناه بس سمستر واحد

وفيه قسم نبات وقسم حيوان..ومافيه تعمق كثير يعني بس الاشياء الاساسيه

واغلبه بيكون مار عليك من الثانويه..ما انكر اني عانيت فيه شوي

بس ربك يسرها..والدراسه فيها حلووة..انتي توكلي على الله ولا تشيلي هم

مووفقه ياارب

VioOolet

2009- 7- 17 02:50 PM

رد: تعريف بطلاب و طالبات كلية الصيدلة الأكلينيكية

الـله يعطيك العافية أختي روح شفافة
من جد افدتيني كثير
بس عندي سؤال
وش المجال الوظيفي بعد التخرج ؟
و هو صحيح زي ما يقولون صيدلة كلها حفظ ؟
و أهم شي الرياضيات موجود لأني أحبه :119:
سامحيني أسئلتي كثيرة :c8:

مساعد صحي

2009- 7- 17 04:05 PM

رد: تعريف بطلاب و طالبات كلية الصيدلة الأكلينيكية

يسلموووووووووووووووووووووووووووووو على الموضوع

مساعد صحي

Pharm.D toomy

2009- 9- 13 03:10 AM

رد: تعريف بطلاب و طالبات كلية الصيدلة الأكلينيكية

أختكم Pharm.D toomy
ادرس في كلية الصيدلة الاكلينيكية في جامعة الملك فيصل
دفعة 2009 "أول دفعة طالبات" خلصت السنة التحضيرية وو ......... الباقي أكثر !
بس ربنا يووفق الجميع ! :praying:

bou nader

2009- 9- 13 03:02 PM

رد: تعريف بطلاب و طالبات كلية الصيدلة الأكلينيكية

اخوكم .... طالب مستجد ....
اتمنى اقضي اجمل
و
أروع
و
ارق
و
افضل
ايامي في هذه الكلية ..

bou nader

D.LULU

2009- 9- 16 04:43 AM

رد: تعريف بطلاب و طالبات كلية الصيدلة الأكلينيكية

اهلا اهلا بالجميع = )
حبيت أسجل هوون بملتقى كليتنااا اللي أحبهاااا :love080: وبيييين الطلاب والطالباات لكي يكووون بيننا تووواااصل وكل شخص يفيييد الآخر ....
طبعااا أنا حالي من حال توومي :P خللصت السنة التحضيرية والحمدلله مرررت وعدت صحيح كاان فيها تعب ومعاناة بالبداية بس كل شي ربي ييسره ويسهلة ..

اختكم
D.LULU >> ملاآويل:hahahahahah:

{فلسفة،فكر}

2009- 9- 17 10:54 PM

رد: تعريف بطلاب و طالبات كلية الصيدلة الأكلينيكية

السسسسسسسسسـلام عليكم ورحممة اللـه وبركـآته :love080::d3:

كيـف الحـآل & آخبـآركم

معكم { فلسفة ، فكر } طـآلب في السنـة التحضيـريـه < يـعني fresh & NeW

واللـه مدري ودي آخذ السنـة التحضيـريـه وآحول ألى " طب" آذآ في مجـآل وآذآ مـآ فيــــش مجـآل

نوآصل واللـه يـ.ع.ـين *_^ :mh001::mh001:

يـلا ســــي يـؤؤ ^_^ :bgs15:

طآلبة علم

2009- 9- 23 07:01 AM

رد: تعريف بطلاب و طالبات كلية الصيدلة الأكلينيكية

مرحبآإآ على الجميع ..

طالبه مستجده بكلية الصيدله وزي الاطرش بالزفه ماعرف راسي من كرياسي :hahahahahah:

روح شفافة

2009- 9- 24 05:07 AM

رد: تعريف بطلاب و طالبات كلية الصيدلة الأكلينيكية

الله يوفقنا وويوفق الجميع..

اعذريني غاليتي فايلوت..ماشفت ردك الا متأأخر

بالنسبه للمجال الوظيفي انتي لا تحاتي اهم شيء تدرسي وتتخرجي وبمعدل حلو

وان شاء الله بتلاقي وظيفه لان مثل ماتعرفين هذي ثاني سنه الحين يطبق فيها نظام اكلينكال فارمسي..يعني صيدله سريريه

وانتوا ثاني دفعه تتخرج ان شاء الله يعني بتلاقي فرص وظيفيه..

والصيدله تعتمد على الاثنين تفهمي اول بعدين تحفظي..بس في اشياء ماتنفهم احفظيها على طوول:hahahahahah:

واول سنه الترم الاول فقط فيه رياضيات..لانه تبع المواد التحضيريه..

ولوو اختي حاضررين لأي سؤال بالخدمه..اسألي مثل ماتبي

موفقه يارب

أخصائية قلب

2009- 10- 6 04:24 PM

رد: تعريف بطلاب و طالبات كلية الصيدلة الأكلينيكية

السلام عليكم

أختـــكم

أول سنه صيدله أكلينيكيه <<يعني تحظيريه >>

والله يوفقنا جميعاً يا رب

:119:

mermaid

2009- 10- 12 06:53 PM

رد: تعريف بطلاب و طالبات كلية الصيدلة الأكلينيكية

مرحبا أنا mermaid
:love080::love080:
و أنا طالبة مستجدة
:love080::love080::love080::love080:

ملاك الأمل

2009- 10- 12 07:16 PM

رد: تعريف بطلاب و طالبات كلية الصيدلة الأكلينيكية

مراااااحب عالجميع

ملاك الأمل طالبة بكلية الصيدلة الاكلينيكية سنة ثانية

ناصر2010

2010- 1- 17 07:24 PM

رد: تعريف بطلاب و طالبات كلية الصيدلة الأكلينيكية

السلام عليكم ابي اعرف وين الاقي موضوعات تخص اسئله الهئيه الطبيه

expatriate

2010- 3- 22 05:07 PM

رد: تعريف بطلاب و طالبات كلية الصيدلة الأكلينيكية

يسملو

بالتوفيق

د / علي الشمري

2010- 4- 19 08:28 PM

رد: تعريف بطلاب و طالبات كلية الصيدلة الأكلينيكية

السلام عليكم

اخوكم علي الشمري

قائد وعضو دائم في مجلس كليه الصيدله الاكلينيكيه لخمس سنوات وخريج الدفعه الاولى

كل التوفيق للجميع

ارق ورده

2010- 5- 4 03:08 AM

رد: تعريف بطلاب و طالبات كلية الصيدلة الأكلينيكية

السلام عليكم ارجو كم ساعدوني انا من محبي قسم الصيدله :Cry111:وابغى اعرف هل يقبلوني ولا لا :Cry111:في الاحساء بنسبه الثانويه التراكمي 97والقدرات64والتحصيلي 67اتمنى منكم مالرد علي بأسرع وقت:017::praying:

روح شفافة

2010- 5- 14 02:31 PM

رد: تعريف بطلاب و طالبات كلية الصيدلة الأكلينيكية

وعليكم السلام ورحمه الله وبركاته

اخوي ان شاء الله تكون من المقبولين انت اسعى الى هذا الشيء وربي يوفقك

درجاتك معقوله نوعا ما واسأل ربي لك كل التوفيق

سارا90

2010- 6- 2 09:53 PM

رد: تعريف بطلاب و طالبات كلية الصيدلة الأكلينيكية

سارا ، سنه ثآنيه !

والمشوآآآر لسه طويل /:

روح شفافة

2010- 6- 9 07:39 PM

رد: تعريف بطلاب و طالبات كلية الصيدلة الأكلينيكية

ياهلا بالجميع

:)

mohamad alrashd

2010- 7- 3 07:56 AM

رد: تعريف بطلاب و طالبات كلية الصيدلة الأكلينيكية

السلام عليكم
سؤالي نفس السؤال في الموضوع الآخر المثبت

:

هل المتخرج من الصيدله الاكلينكية حامل ماستر يعني ماجستير في الصيدلة الاكلينكية او لآ ؟
وهل للطلاب يوجد سنة تحضيرية + سكن ؟

ومتى موعد التقديم في جامعة الملك فيصل !

/

كل الود

سارا90

2010- 7- 3 04:07 PM

رد: تعريف بطلاب و طالبات كلية الصيدلة الأكلينيكية

اقتباس:

المشاركة الأصلية كتبت بواسطة mohamad alrashd (المشاركة 1201181)

عليكم السلام ،،

لا الخريج يحمل درجة البكالوريس !
حاليآ الطلاب يخشون على سنه تحضيريه يب ، وفيه سكن =)

موعد التقديم ، تابع موقع الجامعه الرسمي باستمرار

http://www.kfu.edu.sa/ar/pages/home.aspx

بالتوفييق

Dreams "

2010- 7- 8 05:25 PM

رد: تعريف بطلاب و طالبات كلية الصيدلة الأكلينيكية

هل الدراااسه تكون باللغه الانجليزيه لجميع المواد؟! ( فيزياء , كيمياء , احياء )

واذا كانت بالانجليزي
راح يدرسون انجليزي ونتعلم انجليزي ولاكيف ؟!

>_<	2010- 7- 9 05:02 AM

رد: تعريف بطلاب و طالبات كلية الصيدلة الأكلينيكية

^^

جميعها بالإنجليزي

اقتباس:

المشاركة الأصلية كتبت بواسطة >_< (المشاركة 1221462)

أيوه إنجليزي مكّثّف , عاد اللي ضايعين بالإنجليزي لازم يجتهدون بالماده لأنها الأساس اللي بيدرسون عليه

إحتضار الإمل

2010- 7- 11 03:21 AM

رد: تعريف بطلاب و طالبات كلية الصيدلة الأكلينيكية

سلام عليكم والررحممممه

انا طموحي صيدلـه بس وين مكان الكليه اي مدينه ؟

وهل في سكن للطالبـات , نسبتي 97 والقدرات 54 والتحصيلي مابعد طلع

هل في مجال اني اسجل في الكليه ولا لاا !!

moOory

2010- 7- 11 01:58 PM

رد: تعريف بطلاب و طالبات كلية الصيدلة الأكلينيكية

ماشاء الله تبارك الله حمااس في الردود وحيوية .. << تحمست هههههه

حابة أسأل الأخت ,, عن المجال الوظيفي كيف ممكن يكون ؟! هل هو في مستشفى ؟!

ومجاله إختلاط مثل أي مجال في الطب :000:؟! أو التقنية الطبية ؟! (( طبيعة العمل ))

وإذا ع الدراسة إن شاء الله بتكون ممتعة مثل ماشفت من ردوركم :cheese:

طبعا مادة الكيمياء راح تكون الدراسة فيها مكثثفة ؟!:000:

حابة اسألك بعد عن قسم العلوم البيولوجية الطبية ؟!

وآسفة ع الإطالة والله اني محتارة .. :Cry111:

ياليت اللي عندة جواب يفيدني وجزاكم الله خير ..

hsa11

2010- 7- 11 03:35 PM

رد: تعريف بطلاب و طالبات كلية الصيدلة الأكلينيكية

اقتباس:

المشاركة الأصلية كتبت بواسطة mooory (المشاركة 1230612)

حابة أسأل الأخت ,, عن المجال الوظيفي كيف ممكن يكون ؟! هل هو في مستشفى ؟!

ومجاله إختلاط مثل أي مجال في الطب :000:؟! أو التقنية الطبية ؟! (( طبيعة العمل ))

طبعا مادة الكيمياء راح تكون الدراسة فيها مكثثفة ؟!:000:

حابة اسألك بعد عن قسم العلوم البيولوجية الطبية ؟!

ياليت اللي عندة جواب يفيدني وجزاكم الله خير ..

العمل راح يكون في المستشفى و في اختلاط حاله حال الطب

الخطة الدراسية تغيرت بس ما اظن ان في كيمياء مكثف اللهم العضوية

هذا القسم فيه مواد تأخذينه مثل الطب (علم وظائف الاعضاء و اخوانه)

إحتضار الإمل

2010- 7- 11 06:20 PM

رد: تعريف بطلاب و طالبات كلية الصيدلة الأكلينيكية

ردو علي الدمام فيها صيدله لاني بسجل ولاي جامعه ترجع فصيل ولا الدمام ؟؟

moOory

2010- 7- 12 07:15 AM

رد: تعريف بطلاب و طالبات كلية الصيدلة الأكلينيكية

اقتباس:

المشاركة الأصلية كتبت بواسطة إحتضار الإمل (المشاركة 1231242)

ردو علي الدمام فيها صيدله لاني بسجل ولاي جامعه ترجع فصيل ولا الدمام ؟؟

؟؟؟؟
:Cry111:

hsa11

2010- 7- 12 03:04 PM

رد: تعريف بطلاب و طالبات كلية الصيدلة الأكلينيكية

الدمام ما فيها صيدلة

زحمة مشآآآعر

2010- 7- 12 05:07 PM

رد: تعريف بطلاب و طالبات كلية الصيدلة الأكلينيكية

السلام عليكم ..
انا متخرجه من الثانويه بنسبه تأهلني لدخول كلية الصيدله ..
ابغى اعرف وين ممكن اطبق ..؟ لان ماودي ادخل تخصص يواجهني فيه اختلاط .. سواء في المستشفيات او غيرها ..
وبغيت اعرف كمان وش الوظايف المتاحه لخريجات كلية الصيدله ..؟

تكفوون ردوا علي ضروري ماباقي ع التسجيل الا يوميـــــن ...
ومشكورين مقدما :)

روح شفافة

2010- 7- 17 04:57 PM

رد: تعريف بطلاب و طالبات كلية الصيدلة الأكلينيكية

کلیه الصیدله الاکلینیکیه فرع واحد بس فی الاحساء
ووبما ان المجال طبی اکید راح یواجهک اختلاط..حسب علمی الوظیفه بشکل رئیسی راح تکون فی المستشفی
بس الصیدلایات الخارجیه ما اعتقد>الا اذا حابه تشتغلی فی الجامعه ضمن التدریس او معیده

روند	2010- 7- 20 02:11 AM

رد: تعريف بطلاب و طالبات كلية الصيدلة الأكلينيكية

السلام عليكم

مرحبا صبايا حبيبتي روح شفافه أنا متخرجه حديثه نسبتي 95 واقدرات والتحصيلي 69

وقدمت على الصيدله فهل أقبل فيها

وكم المطلوب النسبه الموزونه هل هي نفس الاولاد 91 (مع القدرات والتحصيلي)أو البنات اقل يعني 70أو75

تكفين ردي علي

روح شفافة

2010- 7- 23 09:02 PM

رد: تعريف بطلاب و طالبات كلية الصيدلة الأكلينيكية

اهلا غاليتي روند

اعتذر لتأخري في الرد..والف الف مبرووك نسبتك حلوة..

النسبه للقبول..ماتوصل للـ70..بما ان الاولاد في الـ90..والبنات معروف انهم يجدون اكثر..

ما ابي احطمك..واقول لك لأ..انتي اسعي وان شاء الله تكوني من المقبولين..وهم يطلعون دفعات للقبول..وكل مره تنزل النسب

يمكن اقل شيء في الــ85..

موفقه

احمد الخليفه

2010- 8- 9 01:49 PM

رد: تعريف بطلاب و طالبات كلية الصيدلة الأكلينيكية

السلام عليكم ورحمه الله وبركاته ...

احمد الخليفه

2010- 8- 9 01:57 PM

رد: تعريف بطلاب و طالبات كلية الصيدلة الأكلينيكية

انا طالب جديد بكليه الصيدله الاكلينيكيه وكاانت كليه الصيدله طموحي والحمد لله وصلت للي ابغاه ... وبالصراحه انا سجلني بالجامعه واحد من اقاربي ووضع لي الطب كرغبه اولى وانا مادريت الا بعد ماانتهى التسجيل وكما تعلمون بأني لااستطيع التعديل بعد انتهاء التسجيل ... وباقي تقريبا دفعه او دفعتين ... وسمعت من بعض الطلاب بأني راح انقبل في الطب الي هي الرغبه الاولى وانا ماابغى غير الصيدله ...... فهل استطيع التحويل من الطب الى الصيدله اذا تم قبولي بالطب ؟؟؟

آسف اذا طولت عليكم .... شكرا

روح شفافة

2010- 8- 9 08:37 PM

رد: تعريف بطلاب و طالبات كلية الصيدلة الأكلينيكية

ياهلا فيك اخوي

الي فهمته من كلامك انك انقبلت صيدله..فألف مبرووك

واذا تم ترقيه رغبتك من الصيدله الى الطب..تقدر تحول..ولكن بعد دراسه فصليين دراسيين..ومعدل مرتفع

لا يقل عن 3.5..

مـــوفـــق

احمد الخليفه

2010- 8- 10 04:51 AM

رد: تعريف بطلاب و طالبات كلية الصيدلة الأكلينيكية

اوووه ... متعبه جدا ... طيب سؤال لو سمحتي اختي .... فيه في كليه الطب تخصص مايتعلق بالدم والترشيح بشكل كبيير واهم شي يكوون راتبه قووي بعد التخرج ...

روح شفافة

2010- 8- 10 09:57 PM

رد: تعريف بطلاب و طالبات كلية الصيدلة الأكلينيكية

لا اخوي مو متعبه بالعكس راح تلاقي متعه بالدراسه

والسنه بسرعه بتعدي دامك منشغل بالدراسه

وتخصص الطب لا يخلو من التعامل مع عينات الدم..

وحتى الصيدله..تعاملنا مع الدم وحتى التشريح

مــوفق

احمد الخليفه

2010- 8- 11 12:34 AM

رد: تعريف بطلاب و طالبات كلية الصيدلة الأكلينيكية

مشكوووره اختي عالرد ... طيب انا قبلوني صيدله وارسلت اوراقي . هل يرسلوا لي انه تم استلام الاوراق ام لا ؟ وهل يرسلوا لي موعد للكشف الطبي والا اروح لهم بعد ماارسل اوراقي ؟ ... آسف .. تعبتك معي ... ان شاء الله ربي يوفقك ع المجهود الكبير ... وشكرا

روح شفافة

2010- 8- 11 01:40 AM

رد: تعريف بطلاب و طالبات كلية الصيدلة الأكلينيكية

العفو اخوي أقل من واجبنا..

المفروض يوصلك مسج بعد مايستلموا الأوراق..

وفي موضوع مثبت في قسم الارشاد الاكاديمي عن طريقه تتبع البريد الممتاز

وبانسبه للكشف الطبي ماعندي علم عن طريقته..

بس الافضل انك تخلص اوراقك وامورك مع الجامعه بأسرع وقت لا تضيع عليك الفرصه

واتوقع راح يرسلوا لك موعد تراجعهم فيه..عشان يعملوا لك مقابله..

اذا عرفت شيء جديد ان شاء الله بحاول افيدك

وفــــقـــت

فيض عطاء

2010- 8- 11 02:13 AM

رد: تعريف بطلاب و طالبات كلية الصيدلة الأكلينيكية

السلام***
ممكن سؤال
انا نسبتي في الثانويه 94
بس للاسف مع القدرات والتحصيلي راحت وطي 76
والحمد لله انقبلت قي العلوم بالاحساء
اقدر احول تربيه
مع العلم إنه انا ماحطيتها من الرغبات

فيض عطاء

2010- 8- 11 02:15 AM

رد: تعريف بطلاب و طالبات كلية الصيدلة الأكلينيكية

الرجاء من المتواجدين الإجابه

افيدينا يا روح شفافه

روح شفافة

2010- 8- 11 02:21 AM

رد: تعريف بطلاب و طالبات كلية الصيدلة الأكلينيكية

اقتباس:

المشاركة الأصلية كتبت بواسطة فيض عطاء (المشاركة 1374840)

وعليكم السلام والرحمه

الف مبروك القبول.. تقدري تحولي بعد دراسه فصليين دراسيين..ومعدل لا يقل عن 3.5

حتى لو انها مو من ضمن الرغبات تقدري تحولي..

غاليتي هالموضوع مخصص لطلاب وطالبات كليه الصيدله

تقدري تستفسري من ملتقى الارشاد

مــــوفـــقــه غاليتي

احمد الخليفه

2010- 8- 11 10:03 AM

رد: تعريف بطلاب و طالبات كلية الصيدلة الأكلينيكية

الاخت روح شفافه ...لو قبلت في الطب ودرست السنه التحضيريه وبغيت احول للصيدله الاكلينيكيه ... هل ادرس السنه التحضيريه من جديد في كليه الصيدله ام ادرس كتخصص في الصيدله ؟؟ .... شاكر لك جهودك

روح شفافة

2010- 8- 11 09:18 PM

رد: تعريف بطلاب و طالبات كلية الصيدلة الأكلينيكية

صراحه اخوي ماعندي خبر اكيد..

بس مواد الطب والصيدله تقريبا نفس الشيء..

ويمكن يسوا لك معادله المواد..

بس دامك انقبلت صيدله خلاص لاتحاتي ولا تشغل بالك..

اعتذر اخوي لعدم إلمامي بالموضوع

وفقت

طآلبة علم

2010- 8- 11 11:56 PM

رد: تعريف بطلاب و طالبات كلية الصيدلة الأكلينيكية

اقتباس:

المشاركة الأصلية كتبت بواسطة احمد الخليفه (المشاركة 1375816)

عذرا على التطفل اخوي بس حبيت اقول لك انو مهم جدا تدرس السنة التحضيريه الخاصه بعمادة السنه التحضيريه قبل ماتدخل كلية الصيدله ومعنى هذا انو اذا درست بكلية الطب سنه بعدين حولت حتى لو عادلوا لك المواد لازم تدرس السنه التحضيريه الاساسيه لان اصلا المواد اللي بالسنه التحضيريه غير مواد السنه التحضيريه لكلية الطب
فيه ناس يقولون اذا قدرت تجيب درجة التوفل تقدر تدخل كلية الصيدله بدون السنه التحضيريه الاساسيه لان هدف السنه التحضيريه الاساسي هو الانقلش بس الافضل تتأكد من هالكلام..

على العموم حتى لو درست السنه التحضيريه للطب بعدين حولت صدق راح تدرس السنه التحضيريه بس راح تفيدك المواد اللي درستها بالطب مثل ثقافه وفيزيا وكيميا واحيا لانها متطلبات ولازم ندرسها بعدين..

مووفق أخوي

احمد الخليفه

2010- 8- 12 12:03 AM

رد: تعريف بطلاب و طالبات كلية الصيدلة الأكلينيكية

مشكورين اخواتي العزيزات ... تعبتكم معي ... تعبكم ماراح بلاش افدتوني كثيير وربي يجزيكم الف عاافيه

روح شفافة

2010- 8- 12 02:05 AM

رد: تعريف بطلاب و طالبات كلية الصيدلة الأكلينيكية

حــــيــاك أخــــوي

طآلبة علم

2010- 8- 12 06:57 AM

رد: تعريف بطلاب و طالبات كلية الصيدلة الأكلينيكية

العفو اخوي..
الله يوفقك ويكتب لك اللي فيه الخير ..

أرسم خيالي ~

2010- 8- 31 07:40 AM

رد: تعريف بطلاب و طالبات كلية الصيدلة الأكلينيكية

السلام عليكم ..

أنا من يومين معدّي المقابلة للكلية ..

عندي كم سؤال .؟

1- الكتب .. متى و وين نستلمها ؟

2- الجدول .. احنا نسويه ولا الجامعة ؟

.
.

أرجو الإجابة :)

تحيتي

روح شفافة

2010- 8- 31 09:36 PM

رد: تعريف بطلاب و طالبات كلية الصيدلة الأكلينيكية

اقتباس:

المشاركة الأصلية كتبت بواسطة أرسم خيالي ~ (المشاركة 1453408)

السلام عليكم ..

أنا من يومين معدّي المقابلة للكلية ..

عندي كم سؤال .؟

1- الكتب .. متى و وين نستلمها ؟

2- الجدول .. احنا نسويه ولا الجامعة ؟

.
.

أرجو الإجابة :)

تحيتي

وعليكم السلام والرحمه..

ألف مبروك القبول وحياك بينا..

بالنسبه للكتب..الاغلب تكون ملازم تاخذها من مكتبه الابرار..موجودة في الجامعه..

أو محاضرات تنزل على موقع الويب سيتي..>>>>بعدين يعلموك عليه في الجامعه..

أو كتب يقولوا لك عليها الدكاترة..وسهل تشتريها من مكتبه جرير او العبيكان

والجدول يكون جاهز اول يوم دوام تستلمه بس عليك تحط ارقام االـcrn في البنر..

وفقت

أرسم خيالي ~

2010- 9- 1 04:05 AM

رد: تعريف بطلاب و طالبات كلية الصيدلة الأكلينيكية

[align=center]
مشكورة .. .

لو سمحتِ ..

متى أحط الـ crn ؟ بعد أول يوم دوام ؟

او اذا فتح البنر لـ الدفعات القديمة عشان تسجّل جداولها ؟

<< معليش .. لأني ضايع .. والجامعة قالو لي [ تابع الأخبار عـ الموقع ] . . ! وأنا ما أدري شنو أسوي ؟! :)

تحيتي
[/align]

روح شفافة

2010- 9- 1 08:03 PM

رد: تعريف بطلاب و طالبات كلية الصيدلة الأكلينيكية

الــعفو اخوي..

تقــدر تســجل موادك في اول يوم دوام..بتاريخ 16\10\1431هـ

حـــياك اخوي..وأي استفسار حـــاظرين

وفــــقــت

روح شفافة

2010- 9- 1 08:04 PM

رد: تعريف بطلاب و طالبات كلية الصيدلة الأكلينيكية

وهـــذا الرابط للخـــطه الزمنيه تبع الــجامـعه

http://www.kfu.edu.sa/ar/Deans/Admis...der143110.aspx

طآلبة علم

2010- 9- 1 10:34 PM

رد: تعريف بطلاب و طالبات كلية الصيدلة الأكلينيكية

اقتباس:

المشاركة الأصلية كتبت بواسطة أرسم خيالي ~ (المشاركة 1453408)

السلام عليكم ..

أنا من يومين معدّي المقابلة للكلية ..

عندي كم سؤال .؟

1- الكتب .. متى و وين نستلمها ؟

2- الجدول .. احنا نسويه ولا الجامعة ؟

.
.

أرجو الإجابة :)

تحيتي

وعليكم السلام ورحمة الله وبركاته ..
أخوي انت رايح اول سنه يعني السنه التحضيريه صح ..!!
اذا كذا صح معناها الكتب هم يعطونك اياها كلها والجدول هم يسوونه لك جاهز مجهز وينزلونه لك بالبانر يعني انت ماتسوي شي ريح راسك

روح شفافة

2010- 9- 1 10:59 PM

رد: تعريف بطلاب و طالبات كلية الصيدلة الأكلينيكية

مـــاشاء الله..

التحضيري هم يعطونكم الكتب ويدخلو ا لكم المواد في البنر..!!

حلو والله اريح لكم عن عوار الرأس..

تشكري طالبه علم والله لما كنت سنه أولى كل شيء احنا نسويه..:000:

يعطيك العافيه قمــر

~
:love080:

طآلبة علم

2010- 9- 2 02:48 AM

رد: تعريف بطلاب و طالبات كلية الصيدلة الأكلينيكية

اقتباس:

المشاركة الأصلية كتبت بواسطة روح شفافة (المشاركة 1460071)

اي والله كانوا مريحين راسنا من هالسوالف الله يجزاهم الخير بس الضريبه ان بنضيع هالسنه ولاراح نعرف نسوي حاجه ..
كيف انتو اللي تسوون كل شي يعني حنا اللي لازم ندخل موادنا بالبانر !!! مو هم اللي ينزلون الجدول والا كيف

روح شفافة

2010- 9- 2 02:59 AM

رد: تعريف بطلاب و طالبات كلية الصيدلة الأكلينيكية

طـــالبه علــم...

شلوون ماسجلتوا موادكم..في فترة التسجيل المبكر .؟!

المفروض انتي رايحه سنه ثانيه يعني سجلتي موادك وباقي عليك التاكيد بس.؟!

ولا شلون نظامكم..؟

طآلبة علم

2010- 9- 2 05:58 AM

رد: تعريف بطلاب و طالبات كلية الصيدلة الأكلينيكية

اقتباس:

المشاركة الأصلية كتبت بواسطة روح شفافة (المشاركة 1460959)

لا حنا نعتبر بنروح سنة اولى صيدله لان السنه اللي درسناها سنه منفصله عن كلية الصيدله
وبنهاية السنه جوا لنا ستاف من كلية الصيدله وقالوا الدوام بالمبنى اللي بالجهه الثانيه مع بنات الصيدله والجدول بينزل لكم بداية السنه الجايه بس مدري لازم حنا ندخل الـ crn والا بيكون جاهز زي العام ..

إحمدي ربك انك ارتحتي من هالحوسه :hahahahahah:
الله يكون بالعون ..

روح شفافة

2010- 9- 3 02:24 AM

رد: تعريف بطلاب و طالبات كلية الصيدلة الأكلينيكية

اهـــاا كــذا يعني..

دام قـالوا لكم بيعطوكم الأرقام.. في بدايه السنه تاريخ..16\10\1431هـ

بيكون تسجليكم للمواد..ماعليكم غير تأخذون الارقام وتدخلونها في البنر..

يآحلم..

2010- 9- 17 07:20 PM

رد: تعريف بطلاب و طالبات كلية الصيدلة الأكلينيكية

آهم شي انو هم اللي يعطونا الجدول .. آحس انو حنآ ضايعين في اول سنه :(

طآلبة علم

2010- 9- 17 07:53 PM

رد: تعريف بطلاب و طالبات كلية الصيدلة الأكلينيكية

إحسآس طبيعي لاتشيلين هم خيتوو
بتتوضح لك الامور اذا بديتوا الدراسه ..

موفقه ..

الشاآامخة

2010- 9- 20 05:58 AM

رد: تعريف بطلاب و طالبات كلية الصيدلة الأكلينيكية

:mh318: المفروض أول موضوع أشآرك فيهـ ,’ بس يلآ مآ عليهـ’

معآكم ’ الشاآامخة ’
طآلبة مستجدة
دفعة 2011

تحيآتي ,,.:(204):

روح شفافة

2010- 9- 20 05:36 PM

رد: تعريف بطلاب و طالبات كلية الصيدلة الأكلينيكية

حـــيــااااك بـــين إخــوانك وخــواتكـ..

اتمنى لـــك الإفــادة والإستــفادة

:hiat:

أرسم خيالي ~

2010- 9- 20 11:10 PM

رد: تعريف بطلاب و طالبات كلية الصيدلة الأكلينيكية

[align=center]
شبــــااااب وبنـــات .. ساعدوووني

.. ما أقدر أدخل على نظام البانر ... عشان أشوف جدولي :s ..

!!

حطيت الرقم الجامعي وكلمة المرور .. ولا دخل !!

الحل ؟؟
[/align]

طآلبة علم

2010- 9- 20 11:21 PM

رد: تعريف بطلاب و طالبات كلية الصيدلة الأكلينيكية

انتي صيدله والا سنه تحضيريه .؟

روح شفافة

2010- 9- 21 12:17 AM

رد: تعريف بطلاب و طالبات كلية الصيدلة الأكلينيكية

أرسم خيالي..
إذا انت سنه تحضيريه..مايحتاج تدخل ع البانر..جدولك بينزلوه لك جاهز بعد اختبار تحديد المستوى

واذا انت سنه ثانيه حااول مره وثنتين مع النظام لانه معلق ويتعب على ماتدخل

وفقت

أرسم خيالي ~

2010- 9- 21 12:27 AM

رد: تعريف بطلاب و طالبات كلية الصيدلة الأكلينيكية

أنا تحضيري ... شكرا لك ...~

روح شفافة

2010- 9- 21 12:37 AM

رد: تعريف بطلاب و طالبات كلية الصيدلة الأكلينيكية

العفو اخي الفاضل

وحياك بينا

طآلبة علم

2010- 9- 21 12:49 AM

رد: تعريف بطلاب و طالبات كلية الصيدلة الأكلينيكية

خلاص مثل ماقالت روح هم ينزلونه لكم

بس فيه شغله لما تدخل البانر اول مره لازم تغير الباسوورد
يعني هم يعطونك باسوورد ثاني غير اللي انت مختاره عشان كذا مايرضى يدخل بباسووردك الحالي

في طرق كثيره تغير فيها الباسوورد تبعك واسهل هالطرق هي انك تدخل هالرابط حط رقمك الاكاديمي وسجلك المدني وراح يطلع لك رقم سري جديد وهو اللي تستخدمه في دخول البانر

http://www3.kfu.edu.sa/retrieve_ban_pass/login2.asp

موفق اخوي

آرجوآن

2010- 9- 23 11:16 AM

رد: تعريف بطلاب و طالبات كلية الصيدلة الأكلينيكية

[align=center]آرجوآن

ب قرآطيسي ،. ~> 2011

كلية السنه التحضيريه .,

تخصص ~> صيدله آكلينيكيه

موفقين 3>

[/align]

روح شفافة

2010- 9- 23 01:31 PM

رد: تعريف بطلاب و طالبات كلية الصيدلة الأكلينيكية

آآرجواان..

حــياك غالـــيــتي بــيــنا..~

آرجوآن

2010- 9- 25 05:55 PM

رد: تعريف بطلاب و طالبات كلية الصيدلة الأكلينيكية

الله يحييك يـآلـغ‘ـلآ ,, :$

أرسم خيالي ~

2010- 10- 1 02:29 AM

رد: تعريف بطلاب و طالبات كلية الصيدلة الأكلينيكية

سلااااام عليكم ..

نزلت الجداااول لـ السنة التحضيرية ولله الحمد ..

لكن ! !

الكتب .. شنو السوات حقها ؟
يعني نشتريها من مكتبة .. ! ولا شنو السااالفة !!

/

أرجو الإجـآبــة :)

طآلبة علم

2010- 10- 1 11:00 AM

رد: تعريف بطلاب و طالبات كلية الصيدلة الأكلينيكية

هم يعطونكم الكتب ..

% متفائلة %

2010- 10- 1 12:02 PM

رد: تعريف بطلاب و طالبات كلية الصيدلة الأكلينيكية

متى بالضبط يعونا؟؟؟
وهم كم كتاب؟

روح شفافة

2010- 10- 1 12:07 PM

رد: تعريف بطلاب و طالبات كلية الصيدلة الأكلينيكية

ان شاء الله على هالاسبوع الكتب بتكون عندكم

بس شنو الكتب ماعندي علم..ان شاء الله طالبات التحضير السنه الي طافت يعلمونك

موفقه

أرسم خيالي ~

2010- 10- 3 02:25 PM

رد: تعريف بطلاب و طالبات كلية الصيدلة الأكلينيكية

اسسسستفسـآر :

بـأي زي نروح ؟ ثوب .. ؟؟؟؟؟

:

أرجو الإجابة ..~ :)

Dr.Jore

2010- 10- 3 06:57 PM

رد: تعريف بطلاب و طالبات كلية الصيدلة الأكلينيكية

اهلا أخوي
اممممم... اتوقع انه لك حرية الاختيار بالنسبة للزي
لكن حنا عادة نشوف الطلاب بالثوب.

طآلبة علم

2010- 10- 3 11:28 PM

رد: تعريف بطلاب و طالبات كلية الصيدلة الأكلينيكية

متفائله :
كتاب لكل ماده وللانقلش 3 كتب يعني 7 كتب

حراير جدة

2011- 3- 7 01:16 PM

رد: تعريف بطلاب و طالبات كلية الصيدلة الأكلينيكية

انا متخرجة من الثانوى العام الماضى نسبتى 85 التراكمى والقدارت 70 والتحصيلى 70
كيف الدخل الصيدلة
يعنى اول شى الدراسة بعدين الاختار او كيف الطريقة
وهل الدراسة صعبة
حلمى د /صيدلية
وابغاء اعرف اكثر عنة هذا القسم

All times are GMT +3. الوقت الآن حسب توقيت السعودية: 06:10 AM.

صفحة 1 من 2

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه