|
رد: الشعور اللي تجاهك غير حروف القوافي
،'
تجي قدّامك علوم .. ووراك علوم يا طيب اللي يقدّر قيمة أسلحته ح ـبيبي كل شي .. إلا العتب واللوم لا تترك له مجال يشوف مصلحته ،' |
رد: الشعور اللي تجاهك غير حروف القوافي
،'
بعض المشاكل حلّها بالفراسه لاشان وجه الوقت وامتس حبله يضيع فيها فيلسوف الدراسه ويحلها لك شايبٍ يتبع ابله ،' |
رد: الشعور اللي تجاهك غير حروف القوافي
،'
لي آيام سارح .. ما يشد انتباهي شي يمر الكلام المختلف .. كنّه ، العادي تحاصرني الدنيا واموري مثل ما هي الازعاج يملى مجرياتي .. وأنا ، هادي أحس إني أملك كل حاجة مابين يدي وأحس اني الخسران من كثرة عنادي وآحس بشعورٍ مضطرب بين شمس و في مع اللي مغرّبني .. وأنا آعيش ، فـ بلادي ،' |
رد: الشعور اللي تجاهك غير حروف القوافي
اقبلي يا طب قلبي وارتياعي
اقبلي عقب المسافات الطويله واحضنيني ي جميله من ضياعي الضياع الي ما خلا لي وسيله مرحبابك من ذراعي لذراعي جابك الله علم وانتي حلم ليله يا ثمر قلبي وشوقي واندفاعي يا غناتي فالسنين المستحيله مدعين الحب والشوق الصناعي كل ابوهم فدوتن لك يا جميله " |
رد: الشعور اللي تجاهك غير حروف القوافي
الحزن . . ما يصلح على وجهك ابد
تبسّمي واخذي من احساسك يقين حتى لو ان الله . . خلقنا فـي كبد الله خلق وجهك " يسر الناظرين" |
رد: الشعور اللي تجاهك غير حروف القوافي
"المحبّة أنت وأنت الغير عادي
من عرفتك والمشاعر مستقره يبتسم يومي ويطرب بك فؤادي راحتي برضاك حلّت كل مره هاك قلب وهاك عين وهاك غادي دلّة لدربك.. وخذ خيره وشره وش أبي بوجيه خلق الله وأنادي؟ ووجهك الله خالقه طيب ومسره" |
رد: الشعور اللي تجاهك غير حروف القوافي
أن سولفت في ثغرها لمعة بروق
وان سرحت في عيونها صمت غابة وليا ضحكت نوراً من الفجر مسروق وليا بكت تحــزن عليهــا الكآبة âپ§ |
رد: الشعور اللي تجاهك غير حروف القوافي
ودريت إني أحبـّك كثر رمشة كل عين
وإن كل الأرض عندي.. كلها سورك وبابك ودريت إني عشانك كل مافيني يلين وقمت أقبِّل راس حظٍ أكرمني وجابك" |
رد: الشعور اللي تجاهك غير حروف القوافي
تعالي نملي الدنيا خطاوي وآخذك وأعطيك
على كثر الليال المُظلمه ماغيّبت شمسي نجوب الارض بين الناس ويديني تجوب يديك عطيني احرميني عاتبيني إرفقي إقسي خذيني عيّشيني في طقوسك واشغليني فيك أنا ملّيت لي فوق السنه مشغول في نفسي |
رد: الشعور اللي تجاهك غير حروف القوافي
كل هذا الجمال أمام قلبٍ وحيد؟
ليه يامذهل العالم محد يذهلك تدري إن الشروق بجيّتك من بعيد؟ وتدري ان اجمل الاشجار شجرة هلك؟ ما تشوف الغصون وفارعات الجريد تنثني لك تقول انها تبايع ملك؟ إن كتب ربي اطيح بعيونك شهيد وين ابهرب وليه اهرب وليه اسألك؟ |
| All times are GMT +3. الوقت الآن حسب توقيت السعودية: 03:09 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه