|
رد: ... في غيابك ...
تدْري وشْ معْنى غيابكْ ؟ يعْني ... أسْوَءْ شيْ شفْتَهْ طولْ عمري تبْدي ضحْكاتي هلا بكْ وفي وداعكْ ما ينامْ الجَرحْ بدْري وإنتْ كيفكْ شوفْ وشْ ناوي عليه؟؟ هاكْ قلبي وهاكْ سيفكْ وسوْ فيني اللي تبيه لا تحاتيْ صفّحْ بكيفكْ جروحي وإشْطبْ آمالي وطموحي وإعْتبرْ قلبي كتابكْ |
رد: ... في غيابك ...
تدري وش سوَّى غيابك ؟ موَّت غيابك سوالف ما يخوِّفني زماني بسّ من فرقاك خايف فجأة أصحى وما أشوفك لا تهددني ظروفك إعتبرني حلم .. واقع وإلاَّ ظلٍ ما يطوفك ضاميٍ عطشان جيتك لا يعشّمني سرابك تسمح بكلمة ؟ بغيتك قبل لا تبدي غيابك |
رد: ... في غيابك ...
تدري وشْ حطّم غيابكْ ؟؟ مرْكَبْ بداخلْ شعوري منْ نسى قلبكْ حضوره قلبي ما واجَهْ .. شعوره عندي ما به شي ضروري فاقد إحساسْ الأماني لا مراسي لا مواني وصارتْ الدنيا .. قسى وصار دوري .. أعشق أنواعْ الأَرَقْ وألفظ أنفاسْ الغَرَقْ وصوت معناه الخَطَر وقلبْ ميّتْ .. يحتضر منْ غيابكْ السلامه فيها قلبي ما رسى لا صباحي هو صباحي ولا مسا قلبي .. مسا |
رد: ... في غيابك ...
تدري لو ينطق غيابك؟ بسّ أبسأل وين كنت؟ و وين رحت بغيبتي؟ وبسأله عن وضع قلبك هنت عنده أو ما هنت؟ |
رد: ... في غيابك ...
تدري وش ناتج غيابك ؟ زادت بـ قلبي الهموم (الفَرَح) عنِّي مسافر وحزني ضيفي كل يوم صرت أسأل صرت ضايع حلم هذا أو حقيقة ؟ كنت شاري وإنت .. بايع به مثل هـ الضّيق ضيقة ؟ عطني من وقتك .. دقايق شوف وش فيني؟؟! و روح |
رد: ... في غيابك ...
الله يسامح جفاك وكسرة غيابك ! |
| All times are GMT +3. الوقت الآن حسب توقيت السعودية: 02:04 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام