|
رد: عذب القصيد
() ((الا الهوى )) ابعتذر ... عن كل شيء ... إلا الهوى .. ما للهوى عندي عذر .. ابعتذر .. عن أي شي .. إلا الجراح .. ما للجراح إلا الصبر .. إن ضايقك اني على بابك أمرّ ... ليلة ألم ... واني على دربك مشيت عمري وأنا قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... ا تصدقي ... ما اخترت أنا أحبك ... ما احدٍ يحب اللي يبي ... سكنتي جروحي غصب ... ياحبي المرّ ... العذب ... ليت الهوى وانتي ... كذب ... كان اعتذر لك عن هواي ... ما أقول أنا ... كوني معاي ... ان ضايقك اني على بابك أمرّ ... ليلة ألم ... واني على دربك مشيت عمري وأنا ... قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... الله كريم .. حبك ... يكون ... همي القديم ... وجرحي القديم ... والله عليم ... يا أحلى العيون ... ان الفراق ... جزا الفراق ... ابوعدك ... كان الطريق بيبعدك ... بامشي الطريق ... وكان الجحود بيسعدك ... مالي رفيق ... ابجمع أوراق السنين ... وأودعك ... كان الفراق اللي تبين ... الله معك ... .................................................. .................................. البدر:004::004::rose: |
رد: عذب القصيد
اقتباس:
من أين أتيتِ بها يا مبدعة قد لامستي وجداناً حائر أشكرك |
رد: عذب القصيد
() شكرآَ لكِ عَ كلامك الرقيق..:icon19::icon19: _ . . [ يَ قو قلبك ] . . من قيض دنياي جيت أدوّر ظلالك وأرتاح من عقب ماأشقتني مسافاتي هالك وضامي مشاعر والبدن هالك يايبس ريق الخفوق .. وقل حيلاتي واللي جعلني بلا تفكير أسعى لك أني لأحسدك في صبرك بغيباتي ياقو قلبك .. أقل القول : وش حالك؟ شحيّت .. وش عاد لوني قلتلك تاتي هبتني أشواق لك .. وأرسيت في جالك وبالفعل الأشواق تجري عكس مشهاتي لوهو بيديني أبد والله ماأعنا لك لكن شوقي فضح قلبي بنظراتي جيتك مجمّع حكي من يوم ترحالك وصوّخ اذانك لصوتي وإسمع الآتي:ـ ماأبدن سئمتك .. ولا ببدل إبدالك به حي قد قال لك سئمت نبضاتي ؟ نعم أحبك .. ولا عليّ بإهمالك وإن كان حبك غلط .. ياحلو غلطاتي هذا أنا ياحبيبي .. بآأترضا لك من يوم قفيت .. وانا العله بذاتي قفيت بلحالك ..؟ابدا" ماأنت بلحالك خاوتك فرحة خفوقي وإبتساماتي .. .................................................. ............ سسعيدَ بن مآنع :004::rose::rose: |
رد: عذب القصيد
قفيت بلحالك ..؟ابدا" ماأنت بلحالك
خاوتك فرحة خفوقي وإبتساماتي .. الله الله .. أنا أشهد سلمتِ لاختيارك الرائع |
رد: عذب القصيد
>"
مسسيرٌ سلمتُ ي الغالي ع الفكره الرائعهٌ .. وعفــآك آلبآريُ .. وباذن الله لــي رده عن قريبٌ :16: |
رد: عذب القصيد
اقتباس:
تسلم يا خلفهم وبانتظار روائع من ذوقك الراقي :106: |
رد: عذب القصيد
فينا واحد بيلعب .. فينا واحد يعاني
اعتقد فينا واحد .. ما يستاهل الثاني فينا واحد تمنى .. يكون ظل لخليله فينا واحد تجنى .. الف ليله و ليله فينا واحد تصبر .. و عطر الدنيا طيبه فينا واحد تنكر .. للمحبه و حبيبه فينا واحد تغرب .. عن حياته و مكانه فينا واحد تمادى .. حتى خان الأمانه بعد كل ماجرالي .. منك و من زماني حس و شعر بحالي .. صير انت بمكاني شوف منهو اللي فينا .. ما يستاهل الثاني ! فائق عبدالجليل |
رد: عذب القصيد
الشاعر الراحل الأمير/ خالد بن يزيد مهندس كلمة الشعر روائعه عديدة .. وهذه أحدها أماني .. كل هالدنيا أماني *** مثل بحر بلا شط وموانـي أقول الوقت باكر يلتفت لي *** وأشوف الوقت في همي نسانـي تركني تايهٍ محتار مدري *** أفكـر .. فالـدقـايــق والثـوانــي أهوجس كيف دنيـاي أغدرت بي *** وأهوجس كيف؟غرربي زمانـــي زمانـي قد عطاني كل مابغـــــــي *** وفجـــأه بلا موعد خذانــــــــــــي زمانـــي يوم عاهدني وأمنتــــــــــه *** بلا ذنبٍ خدعنـــــي ثم رمانـــــــــي وخلاني غريب النـــفس..حايــــــــر *** جريح الصمـــت..مذبوحٍ حنانـــــي وأنا مالـــي سواكـ أحيا عشانـــــه *** وحبكـ خلــــد أسمه في كيانـــــــي وأنا من قبل أعرفكـ كنت أكذب *** كلام الحــــب لين الله بلانــــــي أخفي السر لكن دمع عيني *** يقول اللي سكت عنه لساني أكف الدمع أنا بكفوف يدي *** وحتى الكف عن كفه عصاني |
رد: عذب القصيد
يبان الشوق في عين المعـذّب *** ويبقى الدّمع تذكـار الأحبـه أنا أتعب أنـا بالحيـل أتعـب *** والى قالوا تحبه .. قلت أحبه على العشّاق مافي شي أصعب *** من فراق الأحبـه .. للأحبـه في قلبي الهم والهوجاس يلعب *** وأتعـذّب ولكنـي .. أحـبـه ولا به شي بهالكـون أعـذب *** من عناق الأحبـه .. للأحبـه فؤاد الصّب أعند شي وأصلب *** من اليأس القوي .. لاقال أحبّه الشاعر الراحل الأمير/ خالد بن يزيد |
رد: عذب القصيد
:106::106::106:
فزَّ الخفوق وقلت يا الله عسى خيــر أثـر الَّليالي عـاد غـايـب قــمرهــــا مع شوفته نشوه وفـزَّه وتخديـــــر وعـيون خـلاَّنٍ تعـانـق نظـرهــــــا يفــزَّ له قـلبي كـمـا فــزِّة الطَّــيـــر والرِّجل كن الَّلي تحتها غدرهــــــا ياصبح عمري ياصباح التِّباشيـــر نوره ملا قلبي وروحي غمرهـــــا عقب الفراق الَّلي تعدَّى المحاذيــر يبَّس غصون القلب جافي دهرهــا ربَّع بروحي عقب ماهي معاسيـــر سحابة هــلَّـت بقــلبـي مطــرهــــا وأسقى بها زرعة هوانـا بتقديــــر غرسـة غـرامٍ بالمحبَّـه بذرهـــــــا ياعاذليـن العيـن والله مخاسيــــــر والَّلي درى عن حال عيني عذرهـا تشوم عيني عن جميـع الغناديــــر وإن ناظرت عيني فؤادي نهرهــــا ياناس أحبَّـه والمحبَّـه مقاديـــــــر هذا هوى نفسي وهـذا قــدرهـــــــا والحب ماله ياهل الحب تفسيــــــر قـلبيـن والله بالمحـــبَّــه أمـرهـــــا لى جيت أصوَّر حالة الحب تصوير وأرد عن حالي لخلِّـي خــبــرهـــــا لقيت وجدي فوق كل التعـــابـيــــر كل الشِّعر قطره وشوقي بحــرهـــا الأمير/ خالد الفيصل |
| All times are GMT +3. الوقت الآن حسب توقيت السعودية: 03:41 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام