|
تصوير للبرق مع شرح الطريقة والإعدادات وبعض النصائح
السلام عليكم ورحمة الله وبركاته كل عام وأنتم بخير بدا البرق من نجدٍ فحن إلى نجد .............................................. أيا بارقاً ماذا نشرت من الوجد وما حنَّ من وجدٍ بنجدٍ وإنما ............................................... يحنّ إلى نجد لمن حلّ في نجد علي بن محمد التهامي 11 / 12 / 1433هـ كان موعدي مع البرق كشتتنا في البر كانت روعه وازدادت جمالاً مع البرق والمطر جالسين انا والربع في امان الله غابت الشمس و جاء موعد صلاة المغرب الا ونشوف الخيال ( بفتح الخاء والياء والالف واللام ) ( السحاب بدا يتكتل ) في القبله وفيه بارق نازل تحت صلينا ثم انتظرنا وكل شوي البرق يرتفع فوق قلت ما بدهاش هذي فرصة للتصوير وانزل الكميره من السيارة وابدا في تجهيز الترايبود والاعدادات والريموت والبرق يرتفع زيادة يعني وصلنا السحاب ماعاد الا خير قلت جابك الله وبدأ الشغل ( لمشاهدة الصور بشكل اوضح اضغطوا عليها ) http://farm9.staticflickr.com/8052/8...d6b28969_c.jpg Tv( Shutter Speed ) 18 سرعة الغالق Av( Aperture Value )4.5 فتحة العدسه ISO Speed 100 الايزو http://farm9.staticflickr.com/8467/8...d3133774_c.jpg Tv( Shutter Speed ) 12 سرعة الغالق Av( Aperture Value ) 4.5 فتحة العدسه ISO Speed 100 الايزو http://farm9.staticflickr.com/8191/8...8cf29ef3_z.jpg Tv( Shutter Speed ) 16سرعة الغالق Av( Aperture Value ) 4.5 فتحة العدسه ISO Speed 100 الايزو ثم وصلتنا السحابه ولاعاد قدرت اصور من شدة البرق فوق روسنا بعدها جاء عج ثم رش مطر ثم اصحت ( سبحان الله ) شفت بعدها سحابه وكانت بعيده في القبله رحنا لها وكانت في مكان بعيد عن مكاننا الأول وجلسنا ننتظرها ثم بدأ الشغل مره ثانية :19: http://farm9.staticflickr.com/8188/8...2b07f069_c.jpg Tv( Shutter Speed ) 7 سرعة الغالق Av( Aperture Value )4.5 فتحة العدسه ISO Speed 100 الايزو http://farm9.staticflickr.com/8049/8...7f2732c5_c.jpg Tv( Shutter Speed ) 7سرعة الغالق Av( Aperture Value ) 4.5 فتحة العدسه ISO Speed 100 الايزو http://farm9.staticflickr.com/8056/8...59a865f2_c.jpg Tv( Shutter Speed ) 7سرعة الغالق Av( Aperture Value ) 4.5 فتحة العدسه ISO Speed 100 الايزو http://farm9.staticflickr.com/8327/8...c1087c06_c.jpg Tv( Shutter Speed ) 5سرعة الغالق Av( Aperture Value ) 4.5 فتحة العدسه ISO Speed 100 الايزو وكانت هذي اخر صوره للسحابه وهي مقبله لأنها وصلتنا وصارت فوقنا فصار الوضع خطير جداً ومجازفه ركبنا السيارة ثم بدأ المطر بشكل غزير جداً لمدة عشر دقائق وأنتهت بذلك امسيه تصوير البروق الرائعه :12: وطلعنا بعدها للبر اكثر من مره ولكن ما كتب الله نصور البرق ثانيه ( الجايات اكثر ان شاء الله ) الله يغيثنا للجميع :16: |
رد: تصوير للبرق مع شرح الطريقة والإعدادات وبعض النصائح
خلاصة التجربه في تصوير البرق ( للمهتمين ) الكميره المستخدمه كانت Canon EOS 550D والعدسة العادية 18-55mm ولو كانت وايد انجل كان روعه الإعدادت وضعية التصوير على المانول M سرعة الغالق على blub وهي اللي بعد 30 ثانية ( علشان يكون التحكم بسرعة الغالق حسب ظهور البرق بشكل يدوي ) فتحة العدسة تكون واسعة للسماح بدخول كميه اكبر للضوء يعني f4 اعتقد انها جيده ولو زادت شوي مافيه مشكله الأيزو كنت مستخدم 100 واظنه كافي لأن سرعة الغالق كانت بطيئه وكان حولنا ديره مثل ماهو واضح في الصور والإضاءه في الديره مأثره على التصوير فتخفيف الايزو احسن من رفعه الترايبود ضروري جداً وهو اللي اعطى الدقه والتفاصيل في الصوره لأن الغالق كان بطيء ولو كنت شايل الكميره بيدي مستحيل ما تتحرك الكميره منها لأن مدة التصوير كانت طويله شوي الريموت ( يفضل انه يكون سلكي للتحكم بشكل كامل في فتح الغالق وتسكيره ) الله لايعيد الريموت اللي مهوب سلكي لأنه رافع ضغطي من زمان والحمد لله كرشناه :20: صيغة الصور كانت على RAW ( طبعاً غير ضرورية ولو خليتها على jpeg مافيه مشكله ) ولكن حتى استطيع اتحكم في المعالجة من ناحية الألوان وزيادة الحده وغيرها طريقة التصوير شغل الكميره وخليها على الترايبود واضبط اعداداتك والريموت في يدك وخل الزوم راجع يعني على 18 حسب عدستي اللي استخدمتها وحاول تبحث عن اي مصدر للضوء( بعيد عنك ) يعني لمبة شارع او سيارة ماره علشان تضبط الفوكس عليها لأن البرق بيكون بعيد. واذا ضبطته يبي يكون الفوكس عندك نفس بعد البرق عنك ( تقريباً ) والا خليه على الآخر وتابع البرق واضبطه معه بعد كذا تابع السحابه وشف من وين جهة البرق فيها ثم وجه لها الكميره واضغط الريموت وخله يصور واذا برقت قفل الصوره بعدها مباشرة وراح تنصدم من شكل البرق في الصوره بيصير روعه طبعاً اذا فتحت الغالق مثلاً وصار العداد وصل إلى 10 ثواني قفل الغالق وشف الصوره هل فيها ملاحظات لأني يوم خليت الغالق طويل شوي في الموقع الثاني صارت إضاءة الديره مأثره على الصور عندي فصرت افتح الغالق بشكل سريع واقفله بعد خمس ثواني تقريباً الجوالات لازم تكون مغلقه لأن التصوير تحت البرق خطيره جداً والمعروف ان الجوال يجذب الصواعق ( الله يكفينا شرها ) عند التصوير لاتقعد تتفرج على الصوره اللي لقطتها لأنه في هالوقت يمكن تروح عليك اكثر من لقطه مميزه صور وخليك مستمر في التصوير لا تنتهي هالصوره والا وخل الثانية بعدها مباشرة وخاصة اذا كنت متأكد أن الفوكس مضبوط ماله داعي تناظر الصور . اللي عنده استفسار او نقطه ما وضحت له ترى المجال مفتوح وسلامتكم :17: :16: |
رد: تصوير للبرق مع شرح الطريقة والإعدادات وبعض النصائح
ما شاء الله صور روووعه
قبل كم يوم وعند مشاهدة البرق كانت الفكره تدور براسي كيف أصور البرق موضوع رائع وقيم مشكور وما قصرت تم حفظ الإعدادات :2: |
رد: تصوير للبرق مع شرح الطريقة والإعدادات وبعض النصائح
ابــــــــــــــــــــــــــــــداع التميمي ,, :2: ما شــــــــــــــــــــاء الله ,, :21: تســــــــــلم ايدك ,, :3: |
رد: تصوير للبرق مع شرح الطريقة والإعدادات وبعض النصائح
كبير يالتميمي ماشالله صور البرق خياااال ابدعت بالتصوير والشرح يامبدعنا سوال يالغالي لو غيرتـ ب الاعدادات صغرت فتحت العدسة بحيث خليتها 11 وخليت الايزو 200 والشتر تتحكم فيه راح تتغير كثير النتايج ؟ خويكـ له سنين ينتظر البرق ولا جاااهـ :7::39: لكـ :16: لايك + تقيم + 5 :15: |
رد: تصوير للبرق مع شرح الطريقة والإعدادات وبعض النصائح
:21::21::21:
ما شاء الله عليك مبدع يا ولد عميمي :16: ذكرتني اول ما دخلت حايل .. ابرقت السما و مطرت << وجهها خير :34: تستاهل التقييم :15: |
رد: تصوير للبرق مع شرح الطريقة والإعدادات وبعض النصائح
و عليكم السلام و رحمة الله و بركاته ،،
و أنت بصحهـ و سلامهـ ،، ما شاء الله روووووعهـ التصوير ،، يعطيكـ العافيهـ ،، بانتظار جديدكـ ،، :16: |
رد: تصوير للبرق مع شرح الطريقة والإعدادات وبعض النصائح
وعليكم السلام
مشاء الله تصوير في قمة الروعه والجمال شرح واضح وتصوير رائع يعطيك العافيه وبأنتظار جديدك .....:16: |
رد: تصوير للبرق مع شرح الطريقة والإعدادات وبعض النصائح
مآشآء آلله تصوير خيآلي
سبحآن آلخآلق مشكور آخوي ع آلصور ,والمعلومأت موفق يآآرب |
رد: تصوير للبرق مع شرح الطريقة والإعدادات وبعض النصائح
Av-tv هم اوضاع التصوير صح؟:40:
|
رد: تصوير للبرق مع شرح الطريقة والإعدادات وبعض النصائح
ماشاءالله صوووور بقمة الرووووعه ..
من جد مُبدع .. |
رد: تصوير للبرق مع شرح الطريقة والإعدادات وبعض النصائح
اقتباس:
تسلم اقتباس:
اقتباس:
وبالنسبه لسؤالك يالغالي لو سويت الإعدادات اللي ذكرتها انت راح تحصل صوره أعلى دقه وتفاصيل اكثر لكن المشكله ان البرق اذا صار ضعيف شوي راح تحصل من ببين عشر صور للبرق صوره وحده مناسبه والباقي راح يصير البرق خط صغير وماراح يكون له توهج لكن اذا انت ملزم على فتحة ضيقه نصيحه لا تتعدى 8 لأن فتحة العدسة اذا صارت واسعه مثل ما انت عارف راح تدخل كميه اكثر من الضوء وهذا هو الهدف والايزو يعتمد على مكانك اللي انت فيه بمعنى اذا كنت في وسط البر ما عند مشكله لكن اذا صرت في وسط ديره او حولها لا ترفعه لأن إضاءه الشوارع راح تأثر عليه بشكل كبير والله يجيب الخير ونشوف ابداعاتك في تصوير البرق وسلامتك وشكراً على التقييم واللايك والفايف لاهنت اقتباس:
وكلك خير ياوجه الخير :21: وشكراً على التقييم وعلى كلامك الطيّب ولاهو مستغرب منك :29: اقتباس:
وشكراً على التقييم اقتباس:
الله يعافيك اقتباس:
حياك الله آمين وإياك اقتباس:
انا استخدمت وضعية m حتى اتحكم في كل اعدادات الكميره من سرعة للغالق وفتحة للعدسة والايزو واذا اخترتي tv راح تتحكمين في سرعة الغالق فقط وباقي الاعدادات تكون اتوماتيك من الكميره اما بالنسبة لوضعية av تتحكمين فيها بفتحة العدسة فقط وباقي الاعدادات تكون اتوماتيك من الكميره اقتباس:
من ذوقك لجميع من مر هنا :16: |
رد: تصوير للبرق مع شرح الطريقة والإعدادات وبعض النصائح
يَ مآل آلعآفيه يَ آلتميمي :53:
مآقصرت شرح كآفي ووآفي :verycute:,, جعل يمينك مآتمسهآ آلنآر :icon1: جآري تصوير الإعدآدآت للرجوع لهآ وقت آلحآجه :71::icon19: إعجآبي + تقييمي + إحترآمي لشخصك [ :icon1: ] . . :icon1: |
رد: تصوير للبرق مع شرح الطريقة والإعدادات وبعض النصائح
اقتباس:
آمين واياك رفع الله قدرك والف شكر على التقييم في بالي دروس ودي اقدمها لكن الوقت ماش اشوف نفسي بعد الإمتحانات ان شاء الله ويالله التيسير :35: |
| All times are GMT +3. الوقت الآن حسب توقيت السعودية: 07:16 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام