ملتقى طلاب وطالبات جامعة الملك فيصل,جامعة الدمام
صفحة 1 من 3 1 23
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى السنة التحضيرية - جامعة الإمام عبدالرحمن (https://vb.ckfu.org/forumdisplay.php?f=423)
-   -   » شرح طريقة تسجيل المقررات للمستجدين والمستجدات والاستفسارات الخاصة بها « (https://vb.ckfu.org/showthread.php?t=697563)

αℓαα αłкнαłαf 2015- 8- 18 02:00 PM
» شرح طريقة تسجيل المقررات للمستجدين والمستجدات والاستفسارات الخاصة بها «
 
[align=center][table1="width:95%;background-image:url('http://www.ckfu.org/pic4u/uploads/ckfu143972282531.png');"][cell="filter:;"][align=center]










































. .{ بسم الله الرحمن الرحيم
السلام عليكم ورحمة الله وبركاته ..~

صباحكم / مساكم ورد وفل ورياحين مسجدين ومستجدات جامعة الدمام :004:
كيف الحال حبايبي ؟ عساكم بخير وأموركم طيبة ؟! :icon19:

أول شي بالنسبة للدخول على نظام سجلات الطلاب أشوفكم متضايقين منه
ريلاكس حبايب قلبي راح يتفعل لكم بالكثير ع يوم الأحد القادم . .

يلا خلونا نبدأ الحين موضوعنا وركزوا معي في الخطوات :verycute:


http://www.ckfu.org/pic4u/uploads/ckfu1439723534871.png

هُنا خطة تسحيل المقررات وكما هو واضح تسجيل المستجدين يبدأ يوم الاثنين تاريخ 9 ذو القعدة
الموافق 24 أغسطس وينتهي يوم السبت تاريخ 14 ذو القعدة الموافق 29 أغسطس :rose:

http://www.ckfu.org/pic4u/uploads/ckfu1439729479371.png


http://www.ckfu.org/pic4u/uploads/ckfu1439729880431.png

من لم يستخرج الرقم الجامعي بعد فهذا الموضوع يحتوي على الطريقة . .

http://www.ckfu.org/vb/t696151.html


http://www.ckfu.org/pic4u/uploads/ckfu1439729880472.png

أولاً / طريقة الدخول على نظام سجلات الطلاب . .

- ندخل على موقع الجامعة التالي ,
uod.edu.sa

- بعدها ندخل من الشريط العلوي على تبويبة

http://www.ckfu.org/pic4u/uploads/ckfu1439151634061.png

- ونختار من الخيارات اللي تحت ع اليسار النظام

 http://www.ckfu.org/pic4u/uploads/ckfu1439151701611.png


وأخيراً نختار بوابة جامعتنا ، جامعة الدمام :004:

http://www.ckfu.org/pic4u/uploads/ckfu1439730821941.png


ثانياً / بيانات الدخول على نظام سجلات الطلاب . .

اسم المستخدم : الرقم الأكاديمي
كلمة المرور : السجل المدني أو السجل المدني@ud

وهذا شكل الصفحة الرئيسية اللي بتطلع لكم لما تدخلوا

http://www.ckfu.org/pic4u/uploads/ckfu1439731420031.png


http://www.ckfu.org/pic4u/uploads/ckfu143972988053.png

( 1 )
أول خطوة نتبع المسار التالي . .

http://www.ckfu.org/pic4u/uploads/ckfu1439737637221.png


( 2 )
 بعدها راح تظهر لنا هذي الشاشة ،
نتأكد من الفصل الدراسي ونضغط بحث /

http://www.ckfu.org/pic4u/uploads/ckfu1439737637292.png


( 3 )
 الخطوة اللي بعدها نضغط موافق بدون ما نسوي شي . .

http://www.ckfu.org/pic4u/uploads/ckfu1439737637353.png


( 4 )
بعدها راح تطلع لنا مواد كثيرة مو بس حق مستوانا "انتبهوا لهالنقطة"
اللي عليكم تسووه انكم تختاروا المواد المقررة للمستوى الأول فقط
وبعدها نتبع الخطوات التالية /

http://www.ckfu.org/pic4u/uploads/ckfu1439737637394.png

*ملاحظة | الرقم اللي تحت الدائرة هو رقم الشعبة :004:


( 5 )
الخطوة التالية نأكد إضافة المقرر إلى عربة التسوق . .

http://www.ckfu.org/pic4u/uploads/ckfu1439737637425.png


( 6 )
بكذا نكون أضفنا المقرر إلى عربة التسوق ,

http://www.ckfu.org/pic4u/uploads/ckfu1439737637456.png

*ملاحظة | بالضغط على "عربة التسوق" راح توديكم لها !


( 7 )
نتبع هالطريقة مع كل المقررات اللي نبغى نسجلها وبعدها نروح العربة . .
أما بالضغط على الكلمة ، أو من خلال المسار التالي /

الخدمة الذاتية - التخطيط الأكاديمي - عربة تسوق التسجيل

http://www.ckfu.org/pic4u/uploads/ckfu1439737637487.png

*ملاحظة | بالضغط على كلمة "تحقق" نقدر نتأكد ان ما فيه تعارض بالوقت
أو أي مشكلة ثانية ممكن تواجهنا وقت التسجيل !


( 8 )
الحين نسوي تحديد لكل المقررات مع بعض وبعدها نضغط ع كلمة تسجيل . .

http://www.ckfu.org/pic4u/uploads/ckfu1439737637528.png


( 9 )
الخطوة اللي بعدها كل اللي علينا نسويه نضغط ع إنهاء التسجيل

http://www.ckfu.org/pic4u/uploads/ckfu1439895011911.png


( 10 )
إذا ظهرت لنا علامة "√" قدام كل المقررات معناها سجلناها بنجاح

http://www.ckfu.org/pic4u/uploads/ckfu1439895011972.png

:d5:


( 11 )
لو حطينا مقرر واكتشفنا بعدها إنا غلطنا فيه نقدر نسوي له حذف . .
كل اللي عليكم تحددوا المقرر لحاله وتضغطوا حذف وبينحذف تلقائي

http://www.ckfu.org/pic4u/uploads/ckfu1439805121871.png
http://www.ckfu.org/vb/images/smilies/%28293%29.gif
http://www.ckfu.org/pic4u/uploads/ckfu1439805212461.png


( 12 )
 نقدر نشوف الجدول الخاص فينا من عدة أماكن وهي . .

✮ المسار الأول ✮

الخدمة الذاتية - التسجيل - جدول الفصول الدراسية الخاص بي

http://www.ckfu.org/pic4u/uploads/ckfu1439895012054.png


✮ المسار الثاني ✮

الخدمة الذاتية - التخطيط الأكاديمي - عربة تسوق التسجيل

ننزل تحت شوي وبنحصل الجدول حقنا

http://www.ckfu.org/pic4u/uploads/ckfu14398950123.png


✮ المسار الثالث ✮

الخدمة الذاتية - مركز الطلاب

بتحصلوا الجدول قدامكم اضغطوا ع السهم اللي ع الجدول الأسبوعي كامل
http://www.ckfu.org/pic4u/uploads/ckfu1439895012095.png
http://www.ckfu.org/vb/images/smilies/%28293%29.gif
http://www.ckfu.org/pic4u/uploads/ckfu1439895012166.png

إذا نزلنا تحت شوي بنشوف خيارات العرض ، نفعل الخيارات اللي مو مفعلة
وبعدها نضغط على كلمة تحديث التقويم . .

http://www.ckfu.org/pic4u/uploads/ckfu1439895012197.png
http://www.ckfu.org/vb/images/smilies/%28293%29.gif
http://www.ckfu.org/pic4u/uploads/ckfu1439895012248.png


بنشوف الجدول تغير وصار بهالشكل :love080:

http://www.ckfu.org/pic4u/uploads/ckfu1439895012289.png
( 13 )
هذا فيديو طريقة إضافة المقررات لعربة التسوق . .

www.youtube.com/watch?v=sujNKBb5hqA


( 14 )
وهذا فيديو طريقة تأكيد تسجيل المقررات . .

www.youtube.com/watch?v=q11C7OxZC9k#t=101


http://www.ckfu.org/pic4u/uploads/ckfu1439729880524.png

راح أشرح لكم هنا عدة أشياء ممكن يحتاجها بعضكم وقت التسجيل ,
هذي الأشياء هي طلبات التسجيل ، وباشرح لكم طلبين يهموكم حالياً . .


أولاً / شعبة مغلقة :

يمكن للطالب تقديم طلب للتسجيل في فصل مغلق لمقرر معين من خلال المسار التالي ،

الخدمة الذاتية - خدمات إلكترونية - طلبات التسجيل - طلبات التسجيل - إضافة قيمة جديدة - إضافة

وتختاروا نوع الطلب "شعبة مغلقة" .. وبعدها تتبعوا الموجود في الصورة :004:

http://www.ckfu.org/pic4u/uploads/ckfu142195056261.png

,
ثانياً / تعارض في الوقت :

يُمكن للطالب تقديم طلب للتسجيل في فصل متعارض في الوقت مع آخر من خلال المسار التالي ,

الخدمة الذاتية - خدمات إلكترونية - طلبات التسجيل - طلبات التسجيل - إضافة قيمة جديدة - إضافة

وتختاروا نوع الطلب "تعارض في الوقت" .. وبعدها تتبعوا الموجود في الصورة :004:

http://www.ckfu.org/pic4u/uploads/ckfu1421950562712.png

,
× ملاحظات مهمة :-

ـ يَشترط في جميع الطلبات المذكورة تكون المواد في عربة التسوق !

ـ كل طلب يسمح لك بمادة وشعبة واحدة فقط . .

ـ لا يُمكن إعادة تقديم نفس نوع الطلب إلا إذا تم الرد على الطلب السابق

ـ بعد تقديمك للطلب ستظهر لك رسالة في أسفل النموذج الإلكتروني بأن الطلب قيد الدراسة ,

http://www.ckfu.org/pic4u/uploads/ckfu1439796657531.png

ـ لمتابعة حالة الطلب عليكم اتباع المسار التالي ،

الخدمة الذاتية - خدمات إلكترونية - طلبات التسجيل - طلبات التسجيل - بحث عن قيمة موجودة - بحث

ـ في حالة موافقة الكلية على الطلب ستظهر لك رسالة بالموافقة وسيتم تسجيل المادة تلقائياً

http://www.ckfu.org/pic4u/uploads/ckfu1439796657572.png

ـ في حالة رفض الكلية للطلب ستظهر لك رسالة بالرفض !

http://www.ckfu.org/pic4u/uploads/ckfu1439796657593.png


http://www.ckfu.org/pic4u/uploads/ckfu1439729880555.png

في حال واجهتكم أي مشكلة تقنية ؛ سارعوا بإرسالها إلى الايميل التالي . .

registrar@uod.edu.sa

# الطريقة الرسمية لإرسال الطلب /

الاسم + الرقم الأكاديمي + السجل المدني + المشكلة كاملة

',
بإذن الله راح أكون متواجدة معكم طول الفترة للإجابة على استفساراتكم . .

واللي عنده استفسار من الحين فحياه ربي ، عيوني لكم :004:

تمنياتي الحارة لكم بالتوفيق والسداد لكل ما فيه خير أعزائي :106:
[/align][/cell][/table1][/align]

reem.f 2015- 8- 19 12:46 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
الاء مشكورة ع مجهودك .. جزاك الله خير:(119):

وبالتوفيق للطلاب والطالبات



:(99): :106:

حنان 4 2015- 8- 19 02:11 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
الف شكر لك موضوع اكثر من رائع ومفيييييد

بس عندي سؤال

كيف اعرف مواد المستوى الاول

و على اي اساس احدد الشعبة اللي ابيها

يعني المادة الوحدة لها اكثر من شعبة و اكثر من وقت ؟

Areejona 2015- 8- 19 04:46 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
الله يعطيييك العاااافية وجزاك الله الف خيييير ^^


في سؤال او كم سؤال محيريني


الحين هم قالو بيوم التهيئه بيخيرونا بين 40 جدول وانا اختار بينهم وش سالفه الجدول ذا ؟؟


يعني انا باخذ الجدول الي ابيه بعدين ارجع البيت اسجل المواد الي بالجدول في البيبل سوفت ؟؟ولا كيف ؟


ووش سالفه الشعبة ؟كيف راح انحط بشعبه ولا انا اختار ولا وش موضوع الشعبه بالاساس ؟


ههههه اسفة اسئلتي كثير
:060:


شي ثاني انا مسار علمي المستوى الاول كم اخذ مادة ؟؟


انا فهمت طريقه التسجيل بس الي مو فاهتمة من وين بعرف المواد الي بسجلهم وكيف بعرف شعبتي وو الي اعرفه اساسا ان بيكون عندي شعبتين وحدة للمواد العادية ووحدة للانقلش


ف مررا احس متلخبطه علي الامور بشكل لايصدق
:Cry111:


بس ارتحت لما دخلت هالمنتدى كثير افدتوووني :rose::rose: جزاكم الله الف خير

αℓαα αłкнαłαf 2015- 8- 19 10:51 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة reem.f (المشاركة 12615010)
الاء مشكورة ع مجهودك .. جزاك الله خير:(119):

وبالتوفيق للطلاب والطالبات



:(99)::106:
العفو غاليتي نورتي الموضوع بحضورك :004:

آميين يارب الله ييسر أمورهم :rose:

αℓαα αłкнαłαf 2015- 8- 19 10:56 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة حنان 4 (المشاركة 12615151)
الف شكر لك موضوع اكثر من رائع ومفيييييد

بس عندي سؤال

كيف اعرف مواد المستوى الاول

و على اي اساس احدد الشعبة اللي ابيها

يعني المادة الوحدة لها اكثر من شعبة و اكثر من وقت ؟
العفو غاليتي أهم شي استفدتي :004:

لما تحضري يوم التهيئة راح يعطوك نشرة فيها نبذة عن التحضيرية
وفيها راح تشوفي المواد اللي تدرسيها المستويين الأول والثاني

شوفي هذي النشرة صفحة 29 راح تلقي الخطة الدراسية حق مسارك :rose:
http://issuu.com/universityofdammam/...2d947a145b9c1e

ايه عزيزتي كل مادة لها أكثر من شعبة ، انتي تختاري وحدة وتسجلي
عليها كل مقرراتك ، وهي نفسها راح تكملي عليها المستوى الثاني
إذا رحتي يوم التهيئة راح يوضحوا لك أكثر :rose:

αℓαα αłкнαłαf 2015- 8- 19 11:04 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة 0200 (المشاركة 12615332)
الله يعطيييك العاااافية وجزاك الله الف خيييير ^^


في سؤال او كم سؤال محيريني


الحين هم قالو بيوم التهيئه بيخيرونا بين 40 جدول وانا اختار بينهم وش سالفه الجدول ذا ؟؟


يعني انا باخذ الجدول الي ابيه بعدين ارجع البيت اسجل المواد الي بالجدول في البيبل سوفت ؟؟ولا كيف ؟


ووش سالفه الشعبة ؟كيف راح انحط بشعبه ولا انا اختار ولا وش موضوع الشعبه بالاساس ؟


ههههه اسفة اسئلتي كثير
:060:


شي ثاني انا مسار علمي المستوى الاول كم اخذ مادة ؟؟


انا فهمت طريقه التسجيل بس الي مو فاهتمة من وين بعرف المواد الي بسجلهم وكيف بعرف شعبتي وو الي اعرفه اساسا ان بيكون عندي شعبتين وحدة للمواد العادية ووحدة للانقلش


ف مررا احس متلخبطه علي الامور بشكل لايصدق
:Cry111:


بس ارتحت لما دخلت هالمنتدى كثير افدتوووني :rose::rose: جزاكم الله الف خير

الله يعافيك ، وياك يارب :004:
هذي الجداول هي الشعب عزيزتي ، تختاري شعبة وحدة وتسجلي عليها
كل مقرراتك ، وهي نفسها الشعبة بتكملي عليها المستوى الثاني . .

شوفي هذي النشرة صفحة 29 راح تلقي الخطة الدراسية حق مسارك :rose:
http://issuu.com/universityofdammam/...2d947a145b9c1e

الشعبة زي ما قلت لك انتي تختاريها وتسجليها من البيبل سوفت زي ما
شرحت لكم فوق ، وبالنسبة للانجلش هم راح يسجلوه لكم حسب نتائج
اختبار تحديد المستوى فلا تحاتي ، عارفة شعورك كيف حايسة كلنا مرينا
بهالشعور الخايس لكن صدقيني كل شي سهل بس احنا من التوتر نكبر
الموضوع ونحسه صعب .. إذا رحتي يوم التهيئة بترتاحي أكثر :004:

مستجدة 2015 2015- 8- 19 04:04 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
شكرا مره احس طريقة طرحك مفيدة
يعطيك العافية :love080:

αℓαα αłкнαłαf 2015- 8- 19 04:22 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة مستجدة 2015 (المشاركة 12616317)
شكرا مره احس طريقة طرحك مفيدة
يعطيك العافية :love080:

العفو عزيزتي ، الله يعافيك :004:
أنا موجودة هنا لأي استفسار يخص المقررات وتسجيلها :rose:

Ftoom ali 2015- 8- 19 04:30 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
يعطيج العافية حبيبتي

αℓαα αłкнαłαf 2015- 8- 19 08:31 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة ftoom ali (المشاركة 12616387)
يعطيج العافية حبيبتي
الله يعافيك عزيزتي :004:
ربي ييسر أموركم ويسهل عليكم التسجيل =)

peno 2015- 8- 21 08:54 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
الله يعطيك العافيه حبيبتي
شكرا لك شرحك مرتب

بس عندي سؤال
الحين انا رتبت جدولي بنفسي
كيف انتي قلتي ان بمشي عليه حتى المستوى الثاني ؟
كيف يعني م فهمت !

αℓαα αłкнαłαf 2015- 8- 21 08:57 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة peno (المشاركة 12620075)
الله يعطيك العافيه حبيبتي
شكرا لك شرحك مرتب

بس عندي سؤال
الحين انا رتبت جدولي بنفسي
كيف انتي قلتي ان بمشي عليه حتى المستوى الثاني ؟
كيف يعني م فهمت !
الله يعافيك :rose:
المسارات كذا نظامهم ، الشعبة اللي تختاريها الترم الأول
هي نفسها تكملي عليها الترم الثاني لكن مواد مختلفة
وإذا انتي مو مسار فنظامك طبيعي ، فهمتي قصدي ؟ :004:

peno 2015- 8- 21 01:25 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اوه فهمت
غير انتو لان احنا ف الجبيل نقدر نرتب جدولنا بحالنا <3

مشكورة مرة و يعطيك العافية حبيبتي

gap 2015- 8- 22 07:44 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
حاولت ادخل بحث مادخل وطلعت لي هدي الرسالة
You are not allowed to search the classes as you are not activated in term 2151. Please choose the correct term


الا فهمته اني اغير الترم بس الترم اللي اخترته صحيح

αℓαα αłкнαłαf 2015- 8- 22 08:39 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة gap (المشاركة 12622860)
حاولت ادخل بحث مادخل وطلعت لي هدي الرسالة
you are not allowed to search the classes as you are not activated in term 2151. Please choose the correct term


الا فهمته اني اغير الترم بس الترم اللي اخترته صحيح

يمكن لأن المواد لسه ما فتحت لكم عزيزتي
بكرة بتفتح لكم والعربة بعد إن شاء الله :004:

gap 2015- 8- 23 01:58 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
ان شاء اللهالله يوفقش ويعيك ماتتمني لانك تردي علينا:Cry111:
من جد شكرا

دراسات 2015- 8- 23 12:43 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
بنات النظام مايفتح لي وش اسوي جربت كلش
مع ud@ ومن غيره شسوي
الحين كلكم فتح لكم ولا بس انا يارربي شسووي؟؟؟؟

Fawzia alsh 2015- 8- 23 12:50 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
أنا مستجدة مسار هندسي تحضيري

طلعت لي
لم يتم تسجيلك في الفصول.




ولا عرفت وش أسوي وهل له وقت معين ويسكر ؟
تبهذلت

دراسات 2015- 8- 23 01:00 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
بنات اول ماكتبت الرد جربت ادخل الا فتح لي بس اضفت o
uod@ :060:

المهم بنات احنا كم مادة لازم نسجل وكيف اعرف هذي المواد لي او لا !!!!
:004::(204):

shoug almajed 2015- 8- 23 01:21 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
يعطيك الف عافيه عزيزتي
بس بغيت اسال سمعت البنات يقولون ندخل اليوم نختار المقررات
و بكره التاكيد ، و طلعوا لي حوالي 13 مقرر هل اختار اللي ابي ؟
و كيف اعرف رقم الشعبه و هكذا مره متوهقه افيدوني جزاكم الله خير.

αℓαα αłкнαłαf 2015- 8- 23 02:20 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة fawzia alsh (المشاركة 12624634)
أنا مستجدة مسار هندسي تحضيري

طلعت لي
لم يتم تسجيلك في الفصول.




ولا عرفت وش أسوي وهل له وقت معين ويسكر ؟
تبهذلت
طبيعي تطلع هالعبارة لأنك لسه ما سجلتي مقرراتك عزيزتي :004:
بكرة راح يفتح لكم التسجيل ، ويمديك تحطي المواد في العربة من
اليوم أسهل لك بكرة في التسجيل =)

αℓαα αłкнαłαf 2015- 8- 23 02:21 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة دراسات (المشاركة 12624655)
بنات اول ماكتبت الرد جربت ادخل الا فتح لي بس اضفت o
uod@ :060:

المهم بنات احنا كم مادة لازم نسجل وكيف اعرف هذي المواد لي او لا !!!!
:004::(204):

انتي أي كلية أو أي مسار ؟ :004:

αℓαα αłкнαłαf 2015- 8- 23 02:22 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة shoug almajed (المشاركة 12624700)
يعطيك الف عافيه عزيزتي
بس بغيت اسال سمعت البنات يقولون ندخل اليوم نختار المقررات
و بكره التاكيد ، و طلعوا لي حوالي 13 مقرر هل اختار اللي ابي ؟
و كيف اعرف رقم الشعبه و هكذا مره متوهقه افيدوني جزاكم الله خير.

الله يعافيك حبيبتي :004:
انتي أي كلية أو أي مسار مقبولة ؟

layla18 2015- 8- 23 02:41 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
السلام عليكم
لو سمحتي جالسه ارتب جدولي و اخترت شعبه لاكن الشعبه لايوجد فيها مقرر الانجليزي
و تعارض في 3 مواد

αℓαα αłкнαłαf 2015- 8- 23 02:52 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة layla18 (المشاركة 12624879)
السلام عليكم
لو سمحتي جالسه ارتب جدولي و اخترت شعبه لاكن الشعبه لايوجد فيها مقرر الانجليزي
و تعارض في 3 مواد
وعليكم السلام ورحمة الله وبركاته ..~
اختاري شعبة ثانية ما يكون فيها تعارض :004:

الآء حسن 2015- 8- 23 03:14 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
يعطيك العافيه ي السميه :icon19:
ممم انا تو جيت ابغى ارتب جدولي بس حطيت الرقم السري غلط و هالحين يبغوني اغيره
وش السوات ؟

αℓαα αłкнαłαf 2015- 8- 23 03:25 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة الآء حسن (المشاركة 12624938)
يعطيك العافيه ي السميه :icon19:
ممم انا تو جيت ابغى ارتب جدولي بس حطيت الرقم السري غلط و هالحين يبغوني اغيره
وش السوات ؟
الله يعافيك عزيزتي :verycute::004:
اسم المستخدم : الرقم الأكاديمي
الباسوورد : السجل المدني@uod
^
حطيتي البيانات كذا وما فتح ؟ :icon1:

Ftoom ali 2015- 8- 23 04:16 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
السلام عليكم لو سمحتي كيف اخلي المواد في شعبة وحده احس صرت ملخبطة كل مادة لها شعبة

αℓαα αłкнαłαf 2015- 8- 23 04:21 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة ftoom ali (المشاركة 12625102)
السلام عليكم لو سمحتي كيف اخلي المواد في شعبة وحده احس صرت ملخبطة كل مادة لها شعبة
وعليكم السلام ورحمة الله وبركاته ..~
حددي لك شعبة وحدة وحطي عليها كل المواد ، تعرفي كيف
تشوفي رقم الشعبة ؟ :004:

.Rwan 2015- 8- 23 04:37 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
السلام عليكم :icon1:
ابسأل بس عن وقت المحاضرات مقرر الانجليزي عندنا كل يوم 4 ساعات , هل يلتزمون فيها بالوقت ؟
كلية الدراسات التطبيقية

αℓαα αłкнαłαf 2015- 8- 23 04:54 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة .rwan (المشاركة 12625153)
السلام عليكم :icon1:
ابسأل بس عن وقت المحاضرات مقرر الانجليزي عندنا كل يوم 4 ساعات , هل يلتزمون فيها بالوقت ؟
كلية الدراسات التطبيقية
وعليكم السلام ورحمة الله وبركاته ..~
الانجليزي 3 ساعات عزيزتي ، ويعتمد ع اللي يدرسك المادة . .
بعضهم ياخذوا الوقت كامل باستثناء الربع ساعة الأخيرة وبعضهم
يخلصوا قبل نص ساعة ويعطوك بريك في الوسط :004:

عازفة الناي 2015- 8- 23 05:17 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
السلام عليكم انا حطيت مواد المسار العلمي بالعربة اللي طلعت لي وهي :


رياضيات 1 , مهارات الحاسب الآلي , مهارات التعلم والبحث , التربية البدنية و الصحية .


بس الأنجليزي مانزلوها لي ليه ؟ وهل هو بس هالمواد ولا فيه بعد مواد مانزلت لي ؟


وشكرا مقدما:106:

warda-chan 2015- 8- 23 05:20 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
السلام عليكم..

انا جديده و متورطه في تسجيل المواد :"( - مسار صحي
و هذي اسالتي و اسالة بعض الطالبات : (

الحين لما ابحث و يطلع لي المواد :"
عندي " احياء - كيم - حاسب - اسلامي- مهارات - بدنيه - فيز "
1- يعني هذولا كلهم ذا الترم ؟

بالنسبه للشعب
2- بعض الرموز مو موجوده في كل المواد ؟ بعضها FL -او-HF ش الفرق؟

3-و بعض المواد lab او lec لازم كلهم lec ولا بكيفنا ؟ ولا شالسالفه ؟

4- الحين لما اختار هذي المواد ل نفس الشعبه اوك . يصير تضارب جربت اول 6 كله تضارب :(
رايكم اشيل المتضارب اختاره بشعبه غير ؟

5- غير كذا الانجليزي كيف بصير ؟ اذا اكثرهم من 10-11 ومافي احد الا ف اخر كم جدول !

شكرا 3>

.Rwan 2015- 8- 23 05:21 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
^

" شكراً لك آلاء أبد ما قصرتي :004:
الله يعطيك العآفية و موفقة يآرب :(207):

خريجة 1436 2015- 8- 23 05:50 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
عزيزتي كيف اعرف المواد اللي مقرر عليه دراستها بالتحضيري كلية التربيه ؟

Ftoom ali 2015- 8- 23 06:11 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة αℓαα αłкнαłαf (المشاركة 12625117)


وعليكم السلام ورحمة الله وبركاته ..~
حددي لك شعبة وحدة وحطي عليها كل المواد ، تعرفي كيف
تشوفي رقم الشعبة ؟ :004:
لا متلخبطة كيف

αℓαα αłкнαłαf 2015- 8- 23 07:22 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة عازفة الناي (المشاركة 12625242)
السلام عليكم انا حطيت مواد المسار العلمي بالعربة اللي طلعت لي وهي :


رياضيات 1 , مهارات الحاسب الآلي , مهارات التعلم والبحث , التربية البدنية و الصحية .


بس الأنجليزي مانزلوها لي ليه ؟ وهل هو بس هالمواد ولا فيه بعد مواد مانزلت لي ؟


وشكرا مقدما:106:
وعليكم السلام ورحمة الله وبركاته ..~
ايوه بس هذي مواد المستوى الأول للمسار العلمي عزيزتي
والانجليزي راح يدخلوه لكم هم لما تطلع نتائج الإختبار :004:

rawan 94 2015- 8- 23 07:26 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
انا كلية الاداب اسجل في كل المواد الموجده ولا ايش المواد الي مفروض ادرسها في المستوى الاول

αℓαα αłкнαłαf 2015- 8- 23 07:29 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة warda-chan (المشاركة 12625249)
السلام عليكم..

انا جديده و متورطه في تسجيل المواد :"( - مسار صحي
قالولنا من الاثنين ل السبت , بس اقدر اليوم ؟ البعض اختار اليوم جدوله :)

و الحين لما ابحث و يطلع لي المواد :"
عندي " احياء - كيم - حاسب - اسلامي- مهارات - بدنيه - فيز " يعني هذولا كلهم ذا الترم ؟

بالنسبه للشعب هو "الرمز" صح ؟ اي رقم فيهم ؟
و بعض الرموز مو موجوده في كل المواد ؟ بعضها FL -او-HF ش الفرق؟

و بعض المواد lab او lec لازم كلهم lec ولا بكيفنا ؟ ولا شالسالفه ؟

معليش طولت بس م اعرف شي :(
وعليكم السلام ورحمة الله وبركاته ..~
تقدري اليوم تدخلي المواد في العربة بس أما التسجيل بكرة . .
المواد اللي طلعت لك هذي هي مواد المستوى الأول للمسار الصحي
بالإضافة إلى الانجليزي هم راح يسجلوه لكم لما تطلع نتائج الإختبار
وبالنسبة لرقم الشعبة شوفي هذي الصورة /
http://www.ckfu.org/pic4u/uploads/ckfu1439737637394.png
*رقم الشعبة اللي عليه دائرة :rose:
أما بخصوص الرموز اللي تقولي عنها ، صراحة ما عندي خلفية
عنها ، راح أشوف لك أحد درس مسار صحي يفيدك لا تحاتي :rose:

αℓαα αłкнαłαf 2015- 8- 23 07:31 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة .rwan (المشاركة 12625253)
^

" شكراً لك آلاء أبد ما قصرتي :004:
الله يعطيك العآفية و موفقة يآرب :(207):
العفو غاليتي ، الله يعافيك :106:
ويوفقكم جميع يارب :004:

αℓαα αłкнαłαf 2015- 8- 23 07:33 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة خريجة 1436 (المشاركة 12625341)
عزيزتي كيف اعرف المواد اللي مقرر عليه دراستها بالتحضيري كلية التربيه ؟

اللي في الدمام وإلا اللي في الجبيل ؟
حددي أي وحدة وأجيب لك الخطة :004:

αℓαα αłкнαłαf 2015- 8- 23 07:34 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة Ftoom ali (المشاركة 12625396)
لا متلخبطة كيف
شوفي هذي الصورة . .

http://www.ckfu.org/pic4u/uploads/ckfu1439737637394.png

الرقم اللي عليه دائرة بالأحمر هو رقم الشعبة عزيزتي :004:

αℓαα αłкнαłαf 2015- 8- 23 07:37 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة rawan 94 (المشاركة 12625588)
انا كلية الاداب اسجل في كل المواد الموجده ولا ايش المواد الي مفروض ادرسها في المستوى الاول
المواد اللي تدرسيها في المستوى الأول هي . .
( الثقافة الإسلامية - فقه السيرة - التحرير العربي - النحو التطبيقي - اللغة الإنجليزية
العامة - مبادئ الإدارة - مهارات التعلم والتفكير - مدخل إلى تقنية المعلومات - الصحة
واللياقة ) :004:

rawan 94 2015- 8- 23 07:40 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
مافيه الثقافه الاسلامية فيه النظام الاجتماعي في الاسلام هي نفس الماده ؟؟

αℓαα αłкнαłαf 2015- 8- 23 07:42 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة rawan 94 (المشاركة 12625629)
مافيه الثقافه الاسلامية فيه النظام الاجتماعي في الاسلام هي نفس الماده ؟؟
ايه هي نفسها عزيزتي :004:

Ftoom ali 2015- 8- 23 07:43 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
شمعنى حرف ب في الايام والاوقات

Ftoom ali 2015- 8- 23 07:44 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة αℓαα αłкнαłαf (المشاركة 12625614)


شوفي هذي الصورة . .

http://www.ckfu.org/pic4u/uploads/ckfu1439737637394.png

الرقم اللي عليه دائرة بالأحمر هو رقم الشعبة عزيزتي :004:
يعطيج العافية الحين عرفت

αℓαα αłкнαłαf 2015- 8- 23 07:50 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة ftoom ali (المشاركة 12625641)
شمعنى حرف ب في الايام والاوقات
معناه يوم الأربعاء :004:

اقتباس:
المشاركة الأصلية كتبت بواسطة ftoom ali (المشاركة 12625644)
يعطيج العافية الحين عرفت

الله يعافيك يارب :106:

خريجة 1436 2015- 8- 23 07:56 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة αℓαα αłкнαłαf (المشاركة 12625612)


اللي في الدمام وإلا اللي في الجبيل ؟
حددي أي وحدة وأجيب لك الخطة :004:

كلية التربيه بالدمام الله يسعدك..؟

αℓαα αłкнαłαf 2015- 8- 23 08:00 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة خريجة 1436 (المشاركة 12625680)
كلية التربيه بالدمام الله يسعدك..؟
المواد المقررة عليك في المستوى الأول هي . .
( العقيدة الإسلامية - التحرير العربي - مبادئ التربية - مقدمة في التربية الخاصة -
مبادئ الإحصاء التربوي - لغة انجليزية - مبادئ علم النفس - الصحة واللياقة ) :004:

Ftoom ali 2015- 8- 23 08:01 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
متى ينزل درجات اختبار تحديد المستوى

αℓαα αłкнαłαf 2015- 8- 23 08:03 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة ftoom ali (المشاركة 12625690)
متى ينزل درجات اختبار تحديد المستوى
الانجليزي هم يسجلوه لك لا تشيلي همه ، لكن لو حابة
تعرفي اسأليهم يوم التهيئة عن الموعد اللي تنزل فيه :004:

Alqesme 2015- 8- 23 08:07 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
هل اختيار شعب بقية المواد يعتمد على شعبة اللغة الانقليزية ؟

والسؤال الثاني الكتب من وين نستلمها وهل قيمتها تخصم من المكافئة والا ادفع ؟

αℓαα αłкнαłαf 2015- 8- 23 08:12 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة alqesme (المشاركة 12625705)
هل اختيار شعب بقية المواد يعتمد على شعبة اللغة الانقليزية ؟

والسؤال الثاني الكتب من وين نستلمها وهل قيمتها تخصم من المكافئة والا ادفع ؟
لا انت اختار الشعبة اللي تبغاها والانجليزي هم يسجلوه لك بعدين
بالنسبة للكتب استفسر من عمادة السنة التحضيرية عنها . . لكن
لا يخصم من المكافأة إلا 10 ريال تروح لصندوق الطلاب =)

shoug almajed 2015- 8- 23 08:15 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
بنات دخيل الله ساعدوني
المقررات لازم كلهم شعبه وحده ؟

rawan 94 2015- 8- 23 08:16 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة αℓαα αłкнαłαf (المشاركة 12625635)


ايه هي نفسها عزيزتي :004:
يعطيك العافيه :004:

αℓαα αłкнαłαf 2015- 8- 23 08:17 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة shoug almajed (المشاركة 12625717)
بنات دخيل الله ساعدوني
المقررات لازم كلهم شعبه وحده ؟
ايه عزيزتي الأفضل كلها تكون بشعبة وحدة . .
وش المشكلة عندك ؟ :004:

خريجة 1436 2015- 8- 23 08:19 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة αℓαα αłкнαłαf (المشاركة 12625689)


المواد المقررة عليك في المستوى الأول هي . .
( العقيدة الإسلامية - التحرير العربي - مبادئ التربية - مقدمة في التربية الخاصة -
مبادئ الإحصاء التربوي - لغة انجليزية - مبادئ علم النفس - الصحة واللياقة ) :004:
الله يسعدك ويجزاك خير ..

shoug almajed 2015- 8- 23 08:35 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اذا كانوا كلهم شعبه ي كون تعارض
او م فيه اوف ، وش الحل عزيزتي ؟

αℓαα αłкнαłαf 2015- 8- 23 08:41 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة shoug almajed (المشاركة 12625767)
اذا كانوا كلهم شعبه ي كون تعارض
او م فيه اوف ، وش الحل عزيزتي ؟
التحضيري ما فيه اوف عزيزتي :004:
إذا ما فيه ولا شعبة ما فيها تعارض ، اختاري الشعبة
اللي موادها كلها ضابطة مع بعض ما عدا مادة وحدة
تسبب تعارض وسجليها بشعبة ثانية تناسبها :rose:
أو سجلي كل المواد حق الشعبة اللي فيها تعارض
واطلبي طلب تسجيل تعارض في الوقت للمقرر اللي
قيه تعارض . .

Alqesme 2015- 8- 23 08:50 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
مادة المرسم مي موجودة من ضمن المواد اللي اضيفها الى عربة التسوق

αℓαα αłкнαłαf 2015- 8- 23 08:52 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة Alqesme (المشاركة 12625797)
مادة المرسم مي موجودة من ضمن المواد اللي اضيفها الى عربة التسوق

أي مسار مقبول أو أي كلية ؟ :smile:
متأكد ان المادة تاخذها المستوى الأول ؟

Alqesme 2015- 8- 23 09:01 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
مسار هندسي ,,يب متاكد

αℓαα αłкнαłαf 2015- 8- 23 09:11 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة Alqesme (المشاركة 12625822)
مسار هندسي ,,يب متاكد
يمكن تظهر لك بكرة ، إذا تبغى تتطمن تواصل
مع عمادة السنة التحضيرية ع الايميل . .
prep@uod.edu.sa
أو على الهاتف | 0133332611
خلال أوقات الدوام من 8 إلى 2 ونص الظهر

Alqesme 2015- 8- 23 09:17 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة αℓαα αłкнαłαf (المشاركة 12625842)


يمكن تظهر لك بكرة ، إذا تبغى تتطمن تواصل
مع عمادة السنة التحضيرية ع الايميل . .
prep@uod.edu.sa
أو على الهاتف | 0133332611
خلال أوقات الدوام من 8 إلى 2 ونص الظهر
يعطيك العافية ما قصرتي

Dr ʀeнαв 2015- 8- 23 09:17 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة warda-chan (المشاركة 12625249)
السلام عليكم..

انا جديده و متورطه في تسجيل المواد :"( - مسار صحي
و هذي اسالتي و اسالة بعض الطالبات : (

الحين لما ابحث و يطلع لي المواد :"
عندي " احياء - كيم - حاسب - اسلامي- مهارات - بدنيه - فيز "
1- يعني هذولا كلهم ذا الترم ؟

بالنسبه للشعب
2- بعض الرموز مو موجوده في كل المواد ؟ بعضها FL -او-HF ش الفرق؟

3-و بعض المواد lab او lec لازم كلهم lec ولا بكيفنا ؟ ولا شالسالفه ؟

4- الحين لما اختار هذي المواد ل نفس الشعبه اوك . يصير تضارب جربت اول 6 كله تضارب :(
رايكم اشيل المتضارب اختاره بشعبه غير ؟

5- غير كذا الانجليزي كيف بصير ؟ اذا اكثرهم من 10-11 ومافي احد الا ف اخر كم جدول !

شكرا 3>

لا ذي مواد كل السنه ،مش ترم واحد.. ادخلي هنا وتاكدي وش موادك .http://www.ckfu.org/vb/t601559.html

بالنسبة ل fl و hf وريني مثال بس اعتقد شي طلاب وطالبات .

مااعتقد عندكم لابات الترم الاول ، لكن انتي سجلي الموجود بجدول شعبتك ..

هم بالعاده ينزلون لكم جدول مخصص فيه كل الشعب وانت تختاري ،
لازم تسجلي كل المواد بنفس الشعبه ..اذا مازبطو كلهم غيري الشعبه
يمكن صار معتس تضارب لانك مسجله حق السنه كامله :)

الانجليزي بالعاده من الساعه 8-10 و1-3 ع حسب مستواك

shoug almajed 2015- 8- 23 09:20 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
يعني كلية الاداب مستوى اول قلتي م فيه اوف ؟

αℓαα αłкнαłαf 2015- 8- 23 09:21 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة shoug almajed (المشاركة 12625870)
يعني كلية الاداب مستوى اول قلتي م فيه اوف ؟
كل الكليات والمسارات كذا ، التحضيري ما فيه اوف عزيزتي :004:

shoug almajed 2015- 8- 23 09:27 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
يسعدك ربي.:004:

دراسات 2015- 8- 23 09:45 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
بنات احنا 9 مواد
وانا خطيت بالجدول بس 5 عشان مابي كثير وماني عارفة للنظام عادي كذا ؟؟

ياليت احد يرد علي

gap 2015- 8- 23 10:24 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
محاضراتي اغلبهم من الظهر الى خمس طيب والباصات يعني بيغروا اوقاتهم والا كيف ماعندي محاضرات الصباح اصلا
تتوقعون غلطانين والا ايش

خريجة 1436 2015- 8- 24 12:36 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
ابغى جدول كلية التربيه بالدمام تحضيري ؟
** اعتذر ازعجتك

خريجة 1436 2015- 8- 24 01:34 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
انا فتحت عربة التسوق
بس مايطلعلي رقم الشعبه زي اللي تحطينه
يطلعلي الماده ورقم القسم والوقت واليوم والدكتور بس مااعرف كيف اعرف الشعبه عشان اسجل
( كلية التربيه بالدمام تحضيري ) ..

gap 2015- 8- 24 01:50 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
الا يطلع من فوق في كم حرف وجنبه رقم

خريجة 1436 2015- 8- 24 05:37 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة gap (المشاركة 12626619)
الا يطلع من فوق في كم حرف وجنبه رقم
لا هذا الرقم مو الشعبه ..
لاني سجلت عاساسه بس صارلي تعارض
رقم الشعبه فوق شوي زي اللي في الصورة

αℓαα αłкнαłαf 2015- 8- 24 05:54 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة دراسات (المشاركة 12625940)
بنات احنا 9 مواد
وانا خطيت بالجدول بس 5 عشان مابي كثير وماني عارفة للنظام عادي كذا ؟؟

ياليت احد يرد علي
الأفضل تاخذي كل المواد المقررة عليك عزيزتي
عشان ما تنضغطي باقي المستويات :004:

αℓαα αłкнαłαf 2015- 8- 24 05:56 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة gap (المشاركة 12626049)
محاضراتي اغلبهم من الظهر الى خمس طيب والباصات يعني بيغروا اوقاتهم والا كيف ماعندي محاضرات الصباح اصلا
تتوقعون غلطانين والا ايش
إذا أغلب كليتكم كذا دوامهم أكيد راح يغيرون أوقاتهم
واستفسري عن هالشي أكثر في القسم الخاص
بكليتك عزيزتي :004:

αℓαα αłкнαłαf 2015- 8- 24 05:58 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة خريجة 1436 (المشاركة 12626437)
ابغى جدول كلية التربيه بالدمام تحضيري ؟
** اعتذر ازعجتك
موادك في المستوى الأول هذي . .
( العقيدة الإسلامية - التحرير العربي - مبادئ التربية - مقدمة في التربية الخاصة -
مبادئ الإحصاء التربوي - لغة انجليزية - مبادئ علم النفس - الصحة واللياقة ) :004:

αℓαα αłкнαłαf 2015- 8- 24 05:59 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة خريجة 1436 (المشاركة 12626593)
انا فتحت عربة التسوق
بس مايطلعلي رقم الشعبه زي اللي تحطينه
يطلعلي الماده ورقم القسم والوقت واليوم والدكتور بس مااعرف كيف اعرف الشعبه عشان اسجل
( كلية التربيه بالدمام تحضيري ) ..
ممكن تصوري لي اللي يطلع لك في المادة الوحدة ؟ :004:

خريجة 1436 2015- 8- 24 06:15 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
انا من جوال داخله مااقدر اضيف صورة بالمنتدى
اذا عندك تويتر او انستقرام ارسلك عليه اللي يطلعلي ؛)

αℓαα αłкнαłαf 2015- 8- 24 06:19 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة خريجة 1436 (المشاركة 12626879)
انا من جوال داخله مااقدر اضيف صورة بالمنتدى
اذا عندك تويتر او انستقرام ارسلك عليه اللي يطلعلي ؛)
باتواصل معك خاص :004:

sara.az1417 2015- 8- 24 07:13 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
السلام عليكم عندي استفسار :mh12:
1- هل فيه نماذج للجداول امشي عليها كخطة دراسيه للمسار الصحي
2-كم ساعة اقدر اسجل للمقررات وكم المسموح لي
وأتمنى المساعدة :Cry111:

αℓαα αłкнαłαf 2015- 8- 24 07:20 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة sara.az1417 (المشاركة 12626941)
السلام عليكم عندي استفسار :mh12:
1- هل فيه نماذج للجداول امشي عليها كخطة دراسيه للمسار الصحي
2-كم ساعة اقدر اسجل للمقررات وكم المسموح لي
وأتمنى المساعدة :cry111:
وعليكم السلام ورحمة الله وبركاته ..~
المفروض فيه عزيزتي بس لسه ما نزلوها في الموقع ، حتى قسم عمادة السنة
التحضيرية مو راضي يفتح لي من الموقع ، شكلهم مقفلينه وناوين ينزلوهم اليوم
كل شوي باحاول أفتحه وأشيك وأول ما تنزل راح أطرحها كموضوع في القسم هنا

تسجلي المواد المقررة عليك في المستوى الأول ، ما عطوك أمس كُتيب ؟ :004:

sara.az1417 2015- 8- 24 07:58 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
الا عطوني كتيب وفيه المستويات :004: بس عن الساعات مو فاهمه :icon9:

αℓαα αłкнαłαf 2015- 8- 24 08:00 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة sara.az1417 (المشاركة 12627012)
الا عطوني كتيب وفيه المستويات :004: بس عن الساعات مو فاهمه :icon9:

تفضلي حبيبتي نزلت الجداول توها شوفي الموضوع :004:
http://www.ckfu.org/vb/t698768.html

وإذا فيه شي مو فاهمته اسألي عنه وبنساعدك باللي نقدر :rose:

sara.az1417 2015- 8- 24 08:18 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
شكرا لك وضحت لي الخطة الان لكن لما اجي اسجل بالنظام يجيني رقم المقرر ؟كيف يعني؟ وبالكتيب بالخطة موجود رمز المقرر:mh12:

αℓαα αłкнαłαf 2015- 8- 24 08:20 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة sara.az1417 (المشاركة 12627038)
شكرا لك وضحت لي الخطة الان لكن لما اجي اسجل بالنظام يجيني رقم المقرر ؟كيف يعني؟ وبالكتيب بالخطة موجود رمز المقرر:mh12:
الحمد لله ، العفو عزيزتي :004:
قصدك لما تروحي مركز الطلاب وتسوي بحث عن فصل ؟

sara.az1417 2015- 8- 24 08:49 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
1 مرفق
أساسا, الكتيب اللي أعطونا أمس الخطة الدراسة للمستوى التأهيلي تبع كلية الدراسات التطبيقية وخدمة المجتمع وأنا مسار صحي سنة تحضيرية, ف يمكن أخطئوا بالكتيب لإن المقررات اللي فيه مبادئ الإدارة والاقتصاد ...:mh12:

هذا اللي اقصده بالصورة في الملفات المرفقة , ايش هو رقم المقرر ؟
ما عندي رقم مقرر ولا رمز :Cry111:

αℓαα αłкнαłαf 2015- 8- 24 08:56 AM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة sara.az1417 (المشاركة 12627071)
أساسا, الكتيب اللي أعطونا أمس الخطة الدراسة للمستوى التأهيلي تبع كلية الدراسات التطبيقية وخدمة المجتمع وأنا مسار صحي سنة تحضيرية, ف يمكن أخطئوا بالكتيب لإن المقررات اللي فيه مبادئ الإدارة والاقتصاد ...:mh12:

هذا اللي اقصده بالصورة في الملفات المرفقة , ايش هو رقم المقرر ؟
ما عندي رقم مقرر ولا رمز :cry111:
أهم شي عندك بطاقة الطالبة المستجدة ؟
هذا ما عليك منه حبيبتي ، اتبعي الخطوات اللي شرحتها
بداية هذا الموضوع .. اضغطي بحث ع طول وبعدها موافق
وراح تطلع لك المواد عزيزتي :004:

sara.az1417 2015- 8- 24 12:03 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
1 مرفق
ايه عندي البطاقة وشكرا ع المساعدة :004:

عندي استفسار ثاني، بالنسبة للمختبرات والعملي احنا نسجلها
وإلا تتسجل معانا تلقائي بدون نسجلها ؟ :000:


المشرفة تقول تتسجل تلقائي لما نسجل مثلا الأحياء يجي معاها المختبر وكذا
صحيح كلامها ؟
ومن ادخل ع المقررات بالنظام احصل المختبرات والتتوريال وقتها غير معلن.

αℓαα αłкнαłαf 2015- 8- 24 12:10 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة sara.az1417 (المشاركة 12627440)
ايه عندي البطاقة وشكرا ع المساعدة :004:

عندي استفسار ثاني، بالنسبة للمختبرات والعملي احنا نسجلها
وإلا تتسجل معانا تلقائي بدون نسجلها ؟ :000:


المشرفة تقول تتسجل تلقائي لما نسجل مثلا الأحياء يجي معاها المختبر وكذا
صحيح كلامها ؟
ومن ادخل ع المقررات بالنظام احصل المختبرات والتتوريال وقتها غير معلن.
أجل الحمد لله :004:

:(293):
اقتباس:
المشاركة الأصلية كتبت بواسطة Dr ʀeнαв (المشاركة 12625863)
لا ذي مواد كل السنه ،مش ترم واحد.. ادخلي هنا وتاكدي وش موادك .http://www.ckfu.org/vb/t601559.html

بالنسبة ل fl و hf وريني مثال بس اعتقد شي طلاب وطالبات .

مااعتقد عندكم لابات الترم الاول ، لكن انتي سجلي الموجود بجدول شعبتك ..

هم بالعاده ينزلون لكم جدول مخصص فيه كل الشعب وانت تختاري ،
لازم تسجلي كل المواد بنفس الشعبه ..اذا مازبطو كلهم غيري الشعبه
يمكن صار معتس تضارب لانك مسجله حق السنه كامله :)

الانجليزي بالعاده من الساعه 8-10 و1-3 ع حسب مستواك
هذا اللي قالته المشرفة بخصوص اللابات
شوفي الجدول وامشي عليه عزيزتي :rose:

H A M I D 2015- 8- 24 01:49 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
,.

السلام عليكم ورحمة الله وبركاته ,
اتمنى انكم بخير ,

عندي استفسار بسط , وهو : لما اخترت بخيارات الفصل الدراسي ( اول خطوة )
الخيار : Acad year 2015\2016 year term 1 , رفض يعطيني خيارات ,
وقال في مشكلة الخ ,

ولما اخترت الخيار : Acad year 2015\2016 year , طلعو لي
المقررات + الشعب ,

فـ حبيت استفسر قبل ان اكمل , ان ,هل بأمكاني الاكمال , واختيار جميعمقررات السنة , ام هناك مشكلة بالنظام وعلي الانتظار شويات ؟؟

جزيل الشكر لك اخت الاء عالشرح ,
يعطيكم ربي العافيه ,
ودمتم بخير ,

,.

αℓαα αłкнαłαf 2015- 8- 24 02:06 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة h a m i d (المشاركة 12627662)
,.

السلام عليكم ورحمة الله وبركاته ,
اتمنى انكم بخير ,

عندي استفسار بسط , وهو : لما اخترت بخيارات الفصل الدراسي ( اول خطوة )
الخيار : Acad year 2015\2016 year term 1 , رفض يعطيني خيارات ,
وقال في مشكلة الخ ,

ولما اخترت الخيار : Acad year 2015\2016 year , طلعو لي
المقررات + الشعب ,

فـ حبيت استفسر قبل ان اكمل , ان ,هل بأمكاني الاكمال , واختيار جميعمقررات السنة , ام هناك مشكلة بالنظام وعلي الانتظار شويات ؟؟

جزيل الشكر لك اخت الاء عالشرح ,
يعطيكم ربي العافيه ,
ودمتم بخير ,

,.
وعليكم السلام ورحمة الله وبركاته ..~
المفروض ان الفصل الدراسي هو مختاره لك وانت بس تسوي بحث . .
أول ما تسوي بحث عن فصل وش يطلع لك مكان الفصل الدراسي ؟
إذا الترم الأول لا ترجع تختاره وسوي ع طول بحث =)

Fefe1 2015- 8- 24 02:14 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
ابد ماعرفت اسوي جدول 😫💔
مين تسويه لي 😢

αℓαα αłкнαłαf 2015- 8- 24 02:15 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة fefe1 (المشاركة 12627720)
ابد ماعرفت اسوي جدول 😫💔
مين تسويه لي 😢
ليش ما عرفتي وش المشكلة عزيزتي ؟ :004:

Dr ʀeнαв 2015- 8- 24 02:16 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة Fefe1 (المشاركة 12627720)
ابد ماعرفت اسوي جدول 😫💔
مين تسويه لي 😢


اختاري لك شعبه وحده فقط ،
وشوفي المواد فيها وتلقائي بيزين لك جدول ،.
شوفيه قبل لا تاكديه :rose:

H A M I D 2015- 8- 24 02:19 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
شكرا لاستجابتك السريعة اخت الاء ,
يعطيني Acad year 2015\2016 year اول م افتحه ,
و بداخله جميع المقررات , نظرا لكونها سنة كاملة ,


ولما اختار term 1 , يقولي انت مش مسموح لك
تختاره + قد يكون الترم انتهى ومن هالكلام ,


فـ شنو يفترض اعمل ؟




,.

αℓαα αłкнαłαf 2015- 8- 24 02:21 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
اقتباس:
المشاركة الأصلية كتبت بواسطة h a m i d (المشاركة 12627734)
شكرا لاستجابتك السريعة اخت الاء ,
يعطيني acad year 2015\2016 year اول م افتحه ,
وبداخله جميع المقررات ,


ولما اختار term 1 , يقولي انت مش مسموح لك
تختاره + قد يكون الترم انتهى ومن هالكلام ,


فـ شنو يفترض اعمل ؟




,.

طيب جرب سجل مادة وشوف تمشي معك في التسجيل ؟

aziiiz77 2015- 8- 24 02:28 PM
رد: » شرح طريقة تسجيل المقررات للمستجدين والمستجدات والاستفسارات الخاصة بها «
 
لو سمحتي ممكن تساعديني ؟ انا ابي اسوي جدولي لكن مو عارف شلون ، الاوقات حقت المواد نفسها يعني مو طالع شي الساعه ٩ او ١٠ !!
كلها من ١ لين ٤ كذا !
اضافه الى كذا الشعبه مو طالع نفس الرقم . طالع رقم واحد زي ٧٠٧٥
انا ما حطيت بخانه المقرر شي خليته فاضي
اسف كثرت اساله لكن مره معرف شلون


All times are GMT +3. الوقت الآن حسب توقيت السعودية: 03:33 AM.
صفحة 1 من 3 1 23
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه