|
خريجه انتساب والجامعات ترفض قبولنا الى متى
السلام عليكم انا خريجه انتساب وابي اكمل ماجستير بجامعه بالرياض بس للاسف والله العظيم من سنه وانا ادور على جامعه سواء حكوميه او اهليه بس للاسف مافيه كلهم مايبون الانتساب الي يجي ويقول عكس كلامي الله يعافيه يدلني على الجامعه لاني مررره تعبت نفسيا خصوصا لاني معدلي عالي وحابه اكمل دراسه ارجوكم ردوا علي والله العظيم رحت لكل الجامعات بالرغم من اني عارفه انهم بيردوني ومع ذلك رحت لجامعه نوره ولجامعه الملك سعود والامام وكلهم نفس الرد ثم رحت لجامعه دار العلوم والله تو من امس رايحه لهم وقالوا مانقبلكم واليوم رحت لجامعه كليات الشرق العربي ونفس الرد بس قلت للموظفه خذي اوراقي والله اخذتها وقالت ما راح نقبلك الله يعافيكم احد يرد علي ويساعدني |
رد: خريجه انتساب والجامعات ترفض قبولنا الى متى
^
وعليكم السلام ورحمة الله وبركاته فيه جامعات غير هذه تقبل الانتساب كجامعة عبدالعزيز وجدة، وطيبة، والطائف ، واذكر السنة الماضية قدمت لأحدى الاخوات في جامعة سعود برنامج المكتبات شيء من هذا القبيل وارسلوا لها لدخول الاختبار علما بانها انتساب.. والأهم من هذا ان شاء الله تعيد الجامعات اللي ذكرتيها النظر في قبول الانتساب لانهم بإذن الله بيسمحون بالبرامج الموازية اسوة بالجامعات الأخرى وربك كريم وتتيسر امورك .. موفقه يارب""" |
رد: خريجه انتساب والجامعات ترفض قبولنا الى متى
اقتباس:
مشكوره على ردك استاذه المشكله اني موظفه بالرياض وابي اخذ تفرغ للدراسه ولازم ادرس في تخصص اداري بحكم اني اداريه وهاذا شرط الوزاره وحتى لو فتحوا مجال الموازي هو حلو بس بيكون صعب علي شخصيا لاني ماراح اقدر اوفق بينهم لازم اتفرغ للدراسه بس انا الي مستغربته الموضوع المطروح في المنتتدى الي مكتوب الجامعات المتاحه بطلاب الانتساب لدراسه الماجستير وهو مافيه لنا مجال ابدا |
رد: خريجه انتساب والجامعات ترفض قبولنا الى متى
ان لقيتني شي يقبلك بجامعات الرياض حكومي او خاص بلغيناااااا الله يعافيك
و اذا موظفيه و مسمى وظيفتك اداري .. يحق لجهة عملك تدفع لك اذا انك موظفه عندهم لك اكثر من سنتين الله يوفقك و يوفقناااا |
رد: خريجه انتساب والجامعات ترفض قبولنا الى متى
عندك جامعة الطائف انا انتساب لغة انجليزية وقبلوني في الماجستير التنفيذي المدفوع
مع العلم فيه تخصص إدارة اعمال وإدارة مستشفيات او إدراة صحية على ما اعتقد |
رد: خريجه انتساب والجامعات ترفض قبولنا الى متى
عندك جامعة القصيم وجامعة الملك عبدالعزيز بجدة يقبلون ونا قدمت عليهم بس لازم القدرات الجامعيين ماتكون اقل 65
|
رد: خريجه انتساب والجامعات ترفض قبولنا الى متى
نفس الوضع موظف اداري بالرياض خريج بكالريوس ادارة اعمال (انتساب) جامعة الملك فيصل
بالنسبة لجامعة القصيم والملك عبدالعزيز بجدة هل من الشروط لغة انجليزية او توفل ؟ |
رد: خريجه انتساب والجامعات ترفض قبولنا الى متى
نفس الوضع موظف اداري بالرياض خريج بكالريوس ادارة اعمال (انتساب) جامعة الملك فيصل
بالنسبة لجامعة القصيم والملك عبدالعزيز بجدة هل من الشروط لغة انجليزية او توفل ؟ |
رد: خريجه انتساب والجامعات ترفض قبولنا الى متى
طيب الجامعات مافيها فرع بالرياض :biggrin::16.jpg::16.jpg::16.jpg: ابا بالريييااااض |
رد: خريجه انتساب والجامعات ترفض قبولنا الى متى
الله يعينا ضحية والله
|
رد: خريجه انتساب والجامعات ترفض قبولنا الى متى
اقتباس:
لا تستغربي الكل يفتح مواضيع يثيرها بين لحظة واخرى .. وهذا كان موضوع قديم .. والأهم من هذا ان التغيرات على حسب التطورات أوقفوا الدراسة الموازية والخاصة في عهد عزام، والآن اعادوها واوقفوا الانتساب في مرحلة البكالوريوس.. وبدأت بالفعل جامعتي جدة وعبدالعزيز بطرح الموازية لم يكن مستثنى من إلغاء البرامج الموازية الا المحاسبة والصحية والآن بدأ يتغير الحال وفيه تباين في انظمة الجامعات على سبيل المثال السنة الماضية دبلوم تربية عامة في عبدالعزيز وجدة تم صرف مكافأة مالية !! والسنة هذه مجاني في عبدالعزيز ومدفوع في جامعة جدة عشرة آلاف ريال!!! والبرامج اللي طرحت في جدة غالية تقريبا 84 الف رغم انها برامج ممتازة وفاعله في سوق العمل والواقع الحالي .. لذلك اقولك ان شاء الله تتعدل وترجع الدراسة بنفس قوة السابقة .. خصوصا لما كان فيه برامج في اوقات العطل الرسمية فقط مثل اللي طرحت الآن في عبدالعزيز هذه افضل برامج تخدم الموظفين .. وكلنا ندعو بصوت واحد يارب تيسر أمورنا.. بالتوفيق"" |
رد: خريجه انتساب والجامعات ترفض قبولنا الى متى
اقتباس:
^ اصحح المعلومة طيبة وجدة اصبحت تشترك الانتظام .. لكن جدة الآن فيها برامج خاصة مدفوعة وتقبل الجميع.. اما دبلوم التربية العامة اصبح يقدم خريج الجامعة .. |
رد: خريجه انتساب والجامعات ترفض قبولنا الى متى
اقتباس:
للاسف مالها وان كانت عبدالعزيز سبق وان تعاقدت مع كليات اهلية بالقصيم لتقديم بعض البرامج التربوية ولما تم الايقاف الموازية اوقفت .. يمكن ترجع هي وام القرى ايضا لهذا الاسلوب ولكن يظل القصيم بعيد عليك .. |
رد: خريجه انتساب والجامعات ترفض قبولنا الى متى
اقتباس:
نعم تشترط اللغة .. وهذه التفاصيل تؤخذ من موقع الجامعة وتبدأ تستعد بالدخول في احد الاختبارات المطلوبة سواء ستيب او توفل او ايلتس المهم تحقيق الشرط ... ط¹ظ…ط§ط¯ط© ط§ظ„ط¯ط±ط§ط³ط§طھ ط§ظ„ط¹ظ„ظٹط§ - ط¨ط±ط§ظ…ط¬ ط§ظ„ط¯ط±ط§ط³ط§طھ ط§ظ„ط¹ظ„ظٹط§ ط¨ط¬ط§ظ…ط¹ط© ط§ظ„ظ…ظ„ظƒ ط¹ط¨ط¯ط§ظ„ط¹ط²ظٹط² ادخل على مزيد من التفاصيل لأي برنامج .. فيه برامج تقبل جميع التخصصات .. بالتوفيق""" |
| All times are GMT +3. الوقت الآن حسب توقيت السعودية: 12:09 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام