رد: معيدات كلية التربية بالجبيل والحفر الاقسام الادبية ..
 

طيب بنات هل بتداومون وتباشرون بالكليه كذا بدون مايتصلون عليكم ؟؟؟

ولا بتنتظروا لين يتصلوا يبلغوكم بالمباشرة؟؟

انا حاليا برا الحفر ومااعرف ايش اسوي بالضبط محتاره جدا :000:
وعندي ظروف خاصه مااقدر اجي الا اذا تأكدت مباشرتنا صعب نداوم على الفاضي :bawling:

رد: معيدات كلية التربية بالجبيل والحفر الاقسام الادبية ..
 

ورود جورية
أتمنى بصراحه مايكون عندنا ظغط خاصة احس للحين زي ماقلتي الوضع مكركب ولاندري وش السالفة
وعن المباشرة انا ماراح اروح لين تجي المباشرة بخلي الوالد على يوم السبت اذا في امكانية يمر عليهم لان انا من الدمام وبخلي يسال ونشوف لان انا برى الحفر والله صعبة أطق مشوار وحتى لو باشرنا قبل مايجي القراار ماينحسب لنا راتب إلا بالمباشرة .
وانا اعرف وحده كانت العام معيدة بالحفر بس تعاقد سنة وتقولي كانت تدرس لكن شي خفيف مررره معمل بس بالأضافة للشغل الاداري.
اممم بنات تصدقون انا تخصصي مش موجود بالكلية الي انقبلت فيها معيدة :lllolll: من جد بنات حتى اذكر سالت دكتورة هناك مصرية قالت ايه قسمك مش موجود بس تدرسين اقسام ثانية الي يدرسون تخصصك من ضمن موادهم .
ورود جورية أنتي وش بتسوين بتسكنين بالحفر؟ اممم انا بسكن بس خاطري كل خميس وجمعه أجي عند الدمام لكن ماتوقع ان في مواصلات تودي :bawling:
وطولت عليكم واذا راجعت الجامعه السبت وسالت عن المعاملة بعطيكم وش يصير معي والله يوفقنا ويكتب لنا الخير ويسهلها علينا مابقى شي .

رد: معيدات كلية التربية بالجبيل والحفر الاقسام الادبية ..
 

اهلين حبيبتي معيدة جديدة ان شاء الله ربي ييسرها لنا وتجي المباشرة
حتى انا احس صعبة نداوم بدون مباشره لانه مارح يعتبرون اننا موظفات رسمي لين تصدر مباشرتنا ويوقعون قرارنا ونخلص اجراءاتنا كاملة
خصوصا مثل وضع الي برا الحفر حاليا صعب نطق مشوار بدون اي فائده لازم نكون متأكدين بالاول وبعدين نداوم

واما بالنسبة للتدريس ان شاء الله تكون الامور بسيطه ومايكون فيه مناهج خصوصا مع تأخر الوقت
وماندري خلينا نصبر ونشوف اهم شي الله يسهل

من ناحيتي ان شاء الله بسكن بالحفر حسب ظروف ولي امري بس باقي ندور سكن مناسب ومدري عاد وش نلاقي ودي بشي جديد ونظيف ومرتب وحي آمن وكل ماكان قريب من الكليه كل ماكان احسن وطبعا اكيد بنحتاج سواق وخليها على الله
وانتي احس صعب كل ويك اند رايحه للدمام يعني يبغالك 4 او 5 ساعات سفر حطي في بالك او ممكن حجز بالطياره هذا اذا عطاك المطار وجه ولقيتي رحلة للدمام ذهاب وعوده :24_asmilies-com:
بالنسبه لتخصصك مايهم وجوده دام ان التخصصات الثانيه تدرس مواد من تخصصك يعني انتي رح تدرسين هاذي المواد الي تعرفينها اهم شي مايخلونك تدرسين مواد غريبه عليك:000:

وتكفين اذا راجعتي الجامعة اعطينا الاخبار بالتفصيل وان شاء الله تكون معاملاتنا وصلت بهذا الوقت ويوقعونها ويريحونا ويحددون لنا المباشره عشان نعرف ندبر اعمارنا مو يتصلو اليوم ويقولون داومو بكره:71:


بنات بليز اذا عرفتوا شي جديد خبرونا عنه:love080:

رد: معيدات كلية التربية بالجبيل والحفر الاقسام الادبية ..
 

حبيبتي طموحي فوق المعذره مااقدر ارسل لك خاص لين اتجاوز 100 مشاركة
لكن بقولك عادي المقابله طبيعي فيها التوتر والخوف
بس بقولك لاتخافي هيه تسهيل من ربي وبالنسبه لجامعة الملك سعود اعرف انهم يسوون اختبار وبعدين يطلبون مقابله هل انتي سويتي اختبار ولا لسا؟؟
شوفي اهم شي ماتتوترين وتحاولين تكونين مبتسمه وكلامك مرتب
بشكل عام يسألونك عن نفسك تكلمي عنها واسأله ثانيه كثيره عن حياتك بشكل عام
وبعدين يسألون عن دراستك بالبكالريوس وطموحك بالمستقبل
وممكن يسألونك عن بعض الاشياء من الي درستيها يعني حسب دراستك الجامعية تذكرين بعض المواد وعن ايش تتكلم
وايش افضل ماده عندك وتحبينها
وممكن يسألونك اسأله عامه مالها علاقة بالجامعة ولا بتخصصك يعني اسأله عامه بالمجتمع
ايش رايك في كذا وكذا
وعادي انتي جاوبي بحسب معرفتك ومعلوماتك اهم شي لاتسكتين وماتردين
طبعا اكيد فيه اشياء بتعرفينها واشياء لا بس عادي اذا ماعرفتي قولي مااعرف احسن من انك تذكرين شي خطأ في نظري
وطبعا المقابله الشخصيه تختلف من جامعه لجامعه ومن قسم لقسم وطبعا بحسب الدكاتره الي يسألونك
لان كل واحد يفكر ويسألك من راسه بس
قبل كل شي توكلي على الله وحده واستخيري واعرفي انه اذا ربي كتب لك هاذي الوظيفه فما رح يآخذها اي احد غيرك فلاتخافي
ودائما الانسان يدعي ربه ان يكتب له الخير
احيانا بعض الوظائف مهما كان مستواها ممكن تكون سبب لشقاء الانسان
فأسأل الله ان يكتب لنا جميعا مافيه الخير ويختار لنا الخيره الطيبه

طموحي فوق لاتنسي تطمنيني عنك برساله وان شاء الله يصير الي تتمنيه :(204):

رد: معيدات كلية التربية بالجبيل والحفر الاقسام الادبية ..
 

ورود جورية
أبشري لو عرفت اي شي على طووووووووول بقولكم
والله يسهل بس ويكتب لنا الخيرررة

رد: معيدات كلية التربية بالجبيل والحفر الاقسام الادبية ..
 

ماشاء الله عليكم حلو تفاعلكم وتعاونكم الله يجمعكم على طاعه موافقين بنات والله يساعدكم

رد: معيدات كلية التربية بالجبيل والحفر الاقسام الادبية ..
 

معيده جديده الله يوفقك تسلمين يالغلا
وآآآآآمين الله يكتب لنا مافيه الخير ويوفق الجميع لمايحبه ويرضاه


كوكب دري الله يجزاك الف خير حبيبتي والله يسهل علينا ويجمعنا بالخير والطاعه يارب
دائما اشوفك متواجده بالتجمع
بشري كيف وضعك هل انتي بكلية التربية الادبيه بالحفر ؟؟ وايش صار على اجراءاتك؟؟

رد: معيدات كلية التربية بالجبيل والحفر الاقسام الادبية ..
 

الله يوفقكم يارب~

رد: معيدات كلية التربية بالجبيل والحفر الاقسام الادبية ..
 

انا مشكلتي مشكله خاليها على ربك وانا اختك دعواتك لي ان بتوفيق :Cry111:

رد: معيدات كلية التربية بالجبيل والحفر الاقسام الادبية ..
 

ياحياتي ليش كذا تقولي ؟؟؟ايش هيه مشكلتك؟؟
ان شاء الله ان ربي بيوفقك ويكتب لك الخير وين مارحتي
بس ريحي بالك ولاتحزني:wink:
وفضفضي لخواتك لعل وعسى نقدر نساعد على الأقل ندعيلك:love080:

وصدقيني مافي أحد مرتاح بحياته وانا اولهم والله :bawling:

بس ماننسى ندعي ربي ونسأل الله ان يختار لنا مافيه الخير ويوفقنا بحياتنا وييسر امورنا