ملتقى طلاب وطالبات جامعة الملك فيصل,جامعة الدمام - جامعة الدمام جميع مايخص اختبارات المعيدات

صفحة 4 من 6

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى الدراسات العليا و الابتعاث (https://vb.ckfu.org/forumdisplay.php?f=51)

- - [ جامعة الدمام ] : جميع مايخص اختبارات المعيدات (https://vb.ckfu.org/showthread.php?t=339217)

sara202

2012- 7- 8 11:56 PM

رد: جميع مايخص اختبارات المعيدات

الله يسمع منك علي قولت اخونا المصاريه من بوقك لباب السماء
بالتوفيق

جورجيت العرب

2012- 7- 9 02:48 AM

رد: جميع مايخص اختبارات المعيدات

اقتباس:

المشاركة الأصلية كتبت بواسطة sara202 (المشاركة 6687883)

هذي المراجع للمتقدمات لكليه التربيه الجبيل

أولا: قسم الحاسب الآلي:

Artificial inteligence:
Artificial intelligence: A modern approach, stuart russell &
peter norvig

مقدمة في الذكاء الاصطناعي،
المؤلف : د. محمد عثمان علي حجازي.

Computer network:
Computer networks, a. Tanenbaum, 3rd edition, prentice hall, 1996
data and computer communications, w. Stallings, 6th edition, prentice-hall 1996.
Database:
“database system concepts “ 5th edition
by:avi silberschatz, henry f. Korth, s. Sudarshan

تطبيقات قواعد البيانات المتقدمة oracle
الكاتب: عوض خليل – مكتبة دار المعرفة
programming language:
Visual basic 2005
الكاتب : جيمس فوكسل
visual basic.net
الكاتب: محمد علي حسن قاسم
data structure:
Structure and algorithm analysis in c.”
by: Mark allen weiss, 2nd edition,1997

ثانيا: قسم الفيزياء:
Physics for scientists and engineers with modern physics by raymond a. Serway and john w. Jewet
ٌreview of physics : Maream

reference materials: In nuclear physics

nuclear physics and society web site

joseph gonyeau's virtual nuclear tourist! Nuclear plants around the world

albert b. Reynolds:
Bluebells and nuclear energy;
cogito books, madison, wisconsin (1996

we are on the web at
http://www.physics.umd.edu/lecdem/

http://physics.stackexchange.com/users/7561/alex1167623
user:7561 [nuclear-physics]
http://physics.stackexchange.com/que...uclear-physics

ثالثا: قسم رياض الأطفال:
المدخل الي رياض الاطفال المؤلف:
د/ مضاوي عبدالرحمن الراشد
د/ابتهاج عبدالقادر محمد
د/هدى محمد قناوي
اعداد معلمه الروضه المؤلف:
د/عاطف عدلي
الانشطه في رياض الاطفال المؤلف:
د/عزه خليل
ارشاد الطفل وتوجيهه المؤلف:
مفيد حواشين – زيدان حواشين

رابعا: قسم الرياضيات:
سيكون اختبار المعيدات في قسم الرياضيات شاملا للمواضيع التالية ويمكن للطالبات الاستعانة بأي مرجع يحتوي عليها
حساب التفاضل والتكامل
باب النهايات والاتصال
1- الدوال – النهايات – الاتصال
2- الدوال العكسيه
3- الاشتقاق (التفاضل )
4- تطبيقات الاشتقاق ورسم المنحنيات
5- التكامل غير المحدود (طرق التكامل )
6- التكاملات المحدوده
7- تطبيقات التكامل المحدود ( حساب مساحه مستويه – حساب طول قوس من منحنى – حساب مساحة السطوح الدورانية – حساب مساحة الحجوم الدورانيه )
8- التكاملات الثنائية وتطبيقاتها في حساب مساحه مستوية مغلقة
9- التكاملات الثلاثية في الاحداثيات المختلفه (الكارتيزيه – الاسطوانيه – الكرويه )
10- تطبيقات التكامل الثلاثي في حساب الحجوم

الجبر الخطي
1- المصفوفات ( العمليات عليها – انواعها )
2- المحددات ( خواصها – معكوس المصفوفة )
3- الفضاءات المتجهه ( الارتباط والاستقلال الخطي – فضاءات الضرب الداخلي – التشاكل )
4- المعادلات الخطيه
5- القيم الخاصه و المتجهات الخاصه
6- كثيرة الحدود المميزة لمصفوفة
7- ايجاد القيم والمتجهات الخاصة لمصفوفة مربعه
المعادلات التفاضلية
المعادلات التفاضلية من الرتبة الاولى والثانية
أسس الرياضيات
1- المنطق الرياضي والمجموعات
2- طرائق البرهان
3- العلاقات
4- التطبيقات
5- الاعداد الرئيسة
6- الزمر ( الخواص الاساسيه للزمر – الزمر الجزئية والزمر الدورية – تشاكلات الزمر – المجموعات المشاركة ومبرهنة لاجرانج – الزمر الناظمية وزمر خارج القسمة – مبرهنات التماثل للزمر )

قسمي التربية الخاصة واللغة الانجليزية:
سيكون الاختبار عام في مواد التخصص الخاص بكل قسم.
الله يسهلهاو لاتنسون بطاقه الاحوال مهمه ادعولي:cry111:
بالتوفيق للجميع

الله يجزاك خير ويسهل لك دربكـ

ريموناا

2012- 7- 9 06:13 AM

رد: جميع مايخص اختبارات المعيدات

أسعد الله ايامكم عندي سؤال بينزلون اسماء المقبولات في موقع الجامعة او في الجرايد ؟؟

انا الوحيده اللي كل شوي تدخل و تحدث الصفحه والا في احد مثلي خخخخ

sara202

2012- 7- 9 11:39 AM

رد: جميع مايخص اختبارات المعيدات

لاجرايد ما اعتقد بس الموقع ممكن فيه جامعات كذا يعلنو من الموقع بدون اتصال .انا احسنهم مارح يعلنون بس اتصال مادري ليه مجرد احساس ان شاء الله يتصلون علينا الله كريم
بالتوفيق للجميع

الستدجه

2012- 7- 10 06:08 PM

رد: جميع مايخص اختبارات المعيدات

فيه وحده قالت النتايج بتطلع في شوال لانهم بيبدون دوامات*
وكني بديت اصدق كلامها
لان الجامعات اعلنت عن البكالوريوس بعدنا وقبلت الطالبات وحنا ننتظر*
ترى قمت اتوقع واوسوس والكلام من تفكيري:/

غصون الازهار

2012- 7- 10 06:09 PM

رد: جميع مايخص اختبارات المعيدات

:119:

sara202

2012- 7- 10 06:29 PM

رد: جميع مايخص اختبارات المعيدات

لا ماعتقد لان منزلين وظائف شاغره جديده اليوم يعني الاداره مداومه والكليات فاتحه الين ٢٠ رمضان اتوقع مني متاكده باليوم
بالتوفيق للجميع

الأمل الأبيض

2012- 7- 10 08:02 PM

رد: جميع مايخص اختبارات المعيدات

أهلا =)

العام الماضي كنت مسجلة إعادة بكلية الجبيل

اتصلوا بس على المقبولات وكانت صديقتي من ضمنهم

أنا سويت اختبار ومقابلة بس قالوا أن شرط أساسي الابتعاث الخارجي

ما كان عندي محرم فرفضوا تقديمي !

بعد كم أسبوع اتصلوا على صديقتي وقالوا أنهم قبلوها بدون ما ينشرون أسماء

موفقين جميعًا =)

sara202

2012- 7- 10 08:33 PM

رد: جميع مايخص اختبارات المعيدات

الله يعوضك باحسن منها ان شاء الله وشكرا علي خبريه
بالتوفيق

kimberly

2012- 7- 10 10:00 PM

رد: جميع مايخص اختبارات المعيدات

اقتباس:

المشاركة الأصلية كتبت بواسطة الأمل الأبيض (المشاركة 6879107)

معليش بس ما فهمت قصة الأبتعاث الخارجي ؟ يعني لازم كل وحدة تقدم ع الأعادة تبتعث برا ؟؟!! و الله يوفقك يا رب مشكورة

الستدجه

2012- 7- 10 10:39 PM

رد: جميع مايخص اختبارات المعيدات

:bawling:دقيت على الوكيله ومقفل رقمها
يارب ارحمنا

sara202

2012- 7- 11 12:06 AM

رد: جميع مايخص اختبارات المعيدات

معليش بس ما فهمت قصة الأبتعاث الخارجي ؟ يعني لازم كل وحدة تقدم ع الأعادة تبتعث برا ؟؟!! و الله يوفقك يا رب مشكورة

ايه وفي الاستماره طلب الوظيفه في اخر صفحه تعهد انتي توقعينه وولي امرك واذا انتي ما ارفقتها وقبلوك للوظيفه لازم توقعينها وتعهد تجبين قبول لدراسه في الخارج حدك سنتين قبل كان ٥ الحين بس ٢ وبعدها يقرر المجلس اي راح يسون لك اما يحولونك اداريه او الاستغناء عن خدماتك الله لا يقول
بالتوفيق للجميع

الستدجه

2012- 7- 11 03:28 AM

رد: جميع مايخص اختبارات المعيدات

اعلنوا عن وظايف اداريهجامعة الدمام

ضفاف الأمل

2012- 7- 11 06:05 AM

رد: جميع مايخص اختبارات المعيدات

اقتباس:

المشاركة الأصلية كتبت بواسطة الستدجه (المشاركة 6880662)

اعلنوا عن وظايف اداريهجامعة الدمام

وين ما اشوف في اعلان بالموقع

وين الرابط اختي ؟؟

ريموناا

2012- 7- 11 06:10 AM

رد: جميع مايخص اختبارات المعيدات

طيب عادي الابتعاث في دول عربية ؟؟:biggrin:

الستدجه

2012- 7- 11 06:29 AM

رد: جميع مايخص اختبارات المعيدات

في تويتر
http://www.ud.edu.sa/DU/ar/activitie...NT_5/index.htm
اسم الاكاونت توظيف السعوديه

واحة الموت

2012- 7- 11 07:38 AM

رد: جميع مايخص اختبارات المعيدات

الستدجة
انتوا كم عددكم مرشحات الأنجلش ؟؟

الستدجه

2012- 7- 11 12:07 PM

رد: جميع مايخص اختبارات المعيدات

مكرر

الستدجه

2012- 7- 11 12:08 PM

رد: جميع مايخص اختبارات المعيدات

ثنتين
ليش؟

Distinguished

2012- 7- 11 12:36 PM

رد: جميع مايخص اختبارات المعيدات

مافيكم شنب مقدم ع الاعادة انجلش غير انا و مستر لنقوستكس؟ :biggrin:

الستدجه

2012- 7- 11 12:44 PM

رد: جميع مايخص اختبارات المعيدات

٨
طيب مادامك شنب ليش ماتروح للجامعه تسأل ؟
لنا شهر

Distinguished

2012- 7- 11 12:47 PM

رد: جميع مايخص اختبارات المعيدات

^
والله يا ويختي انا من اخر بقاع الارض ،، و لو اني قريب من الجامعة كان نطيت لهم و ريحت راسي وراسكم :biggrin:

sara202

2012- 7- 11 01:48 PM

رد: جميع مايخص اختبارات المعيدات

لا ماعتقد ياوفقوا علي دول عربيه اغلب الدول امريكا كندا استراليا برطانيا والاغلب الطالعين امريكا اكيد يفرق من تخصص لتخصص بس الدول عربيه لا حتي لو كانت جامعه اجنبيه في دوله عربيه لا بالتوفيق

الأمل الأبيض

2012- 7- 11 04:26 PM

رد: جميع مايخص اختبارات المعيدات

^

كلامك صحيح ما وافقوا على ابتعاث داخلي ولا حتى دولة عربية !

الدول اللي قالوا لي عنها : أستراليا / كندا / أمريكا / بريطانيا

ما عجبني الشرط أبدًا

sara202

2012- 7- 11 06:45 PM

رد: جميع مايخص اختبارات المعيدات

الحمد لله في بعض الجامعات محدده امريكا واذا قلتي لا يقلون جبي عذر وروحي كندا ومايرضوا باي جامعه لازم تكون منالي لها تصنيف عالمي وهذي جامعات يكون شروط القبول فيها اصعب الله يسهلها خلونا ننقبل قبل يارب بالتوفيق للجميع

الستدجه

2012- 7- 12 02:06 AM

رد: جميع مايخص اختبارات المعيدات

@saudiemployment
أعلنت جامعة الدمام عن وجود وظائف شاغرة بكليات الجامعة (أستاذ مشارك،أستاذ مساعد،محاضر)التقديم بإدارة شؤون هيئة التدريس
المصدر تويتر

الستدجه

2012- 7- 13 02:04 AM

رد: جميع مايخص اختبارات المعيدات

على امل يدقون اليوم :)

Distinguished

2012- 7- 13 09:15 AM

رد: جميع مايخص اختبارات المعيدات

ههههههههههه
جمعة مباركة :biggrin:

نهَا	2012- 7- 13 11:48 AM

رد: جميع مايخص اختبارات المعيدات

احساسي بيمدوووونهاااا لماا شهر شواااال

يالشنب الوحيد اللي مقدم هههههه احسك مرووووووووق اخر رواقه:53:
يمكن لان المنافسه مو كثيره عندكم:bawling::bawling:

Distinguished

2012- 7- 13 12:38 PM

رد: جميع مايخص اختبارات المعيدات

والله اختنا في الله تقول " ع امل يدقون اليوم" .. و انا اقول جمعة مباركة .. مين مداوم! :biggrin:

بعدين والله خااايف ع هالـسكوت اضرب مشووار لما الاحساء و انصدم بالكم الهائل اللي راح اشوفه من المتقدمين:sm1:
احنا نسوي السبب والباقي ع الله :icon9::biggrin::139::Looking_anim: <~ بدت النفسيه:sm1:

sara202

2012- 7- 13 01:16 PM

رد: جميع مايخص اختبارات المعيدات

مو كانها قويه الجمعه الخميس احتمال السبت يارب
بالتوفيق للجميع

الستدجه

2012- 7- 13 01:20 PM

رد: جميع مايخص اختبارات المعيدات

انا مكلميني يوم الجمعه للمقابله والساعه حدعش الليل :biggrin:

Distinguished

2012- 7- 13 01:34 PM

رد: جميع مايخص اختبارات المعيدات

اللهم سكنهم مساكنهم :Looking_anim::biggrin:

نهَا	2012- 7- 13 09:45 PM

رد: جميع مايخص اختبارات المعيدات

اقتباس:

المشاركة الأصلية كتبت بواسطة distinguished (المشاركة 6886929)

والله شوف من ناحية كميه هاااائله وبقوووه هائله بتشووف.... :71:
لكن انت سو اللي عليك والباقي على الله

نهَا	2012- 7- 14 06:00 PM

رد: جميع مايخص اختبارات المعيدات

وش الاخبار يابنات
فيه احد اتصلوا عليه؟!

N j d

2012- 7- 14 06:29 PM

رد: جميع مايخص اختبارات المعيدات

السلآم عليكم ورحمة الله وبركاتة

بنآت التربية الخآصة فيه أحد منكم ربي وفقهآ
وتم قبولهآ معيدة في قسم التربية الخاصة .. كلية التربية الجبيل !؟

نهَا	2012- 7- 14 06:37 PM

رد: جميع مايخص اختبارات المعيدات

اقتباس:

المشاركة الأصلية كتبت بواسطة n j d (المشاركة 6890931)

ليه هم اتصلوا على احد؟
بدت نتائج القبول تطلع يعني؟

sara202

2012- 7- 14 09:03 PM

رد: جميع مايخص اختبارات المعيدات

الله كريم في احد اتصلت الكليه عليها ؟ او فيه احد اتصل علي كليه؟
الله يسرلنا ويكتبلنا القبول نهائي يارب
بالتوفيق

واحة الموت

2012- 7- 14 09:08 PM

رد: جميع مايخص اختبارات المعيدات

و الله إلى الآن لاحس و لاخبر
الله كريم

om.eshosh

2012- 7- 15 01:21 AM

رد: جميع مايخص اختبارات المعيدات

" و لسوف يعطيك ربك فترضى "

ربي يعطينا على قد نياتنا يارب

نهَا	2012- 7- 15 02:29 AM

رد: جميع مايخص اختبارات المعيدات

بنات بخصووص اللي انقبلوا في ماستر التوجيه والارشاد بجامعة الملك فيصل؟
هل هو فعلا موازي مثل ماسمعت؟
وافيدووني وش معنى موازي؟!

واحة الموت

2012- 7- 15 02:35 AM

رد: جميع مايخص اختبارات المعيدات

اي موازي بس في طالبات انقبلوا انتظام
أنا دخلت المقابلة و انقبلت موازي و في ناس مادخلوا مقابلة و كمان انقبلوا موازي
بس اللي قبلوهم انتظام مادري كم عددهم و مادري إذا هم دخلوا مقابلة او لا
أنتي دخلتي مقابلة ؟؟؟

نهَا	2012- 7- 15 02:41 AM

رد: جميع مايخص اختبارات المعيدات

اقتباس:

المشاركة الأصلية كتبت بواسطة الفتاة الملتزمة (المشاركة 6892830)

لحظه لحظه :eek:
جد في ناس ماادخلوا مقابله وقبلوهم؟

انا حالتي حاله يالفتاه انا تخيلي فاتتني المطابقه
ومادريت اصلا عن شي
والحين وصلني خبر اني اصلا مقبوله
وانا مدري وموعارفه وش اسووي الحين؟!
ومدري وش وضعي؟

وايش فرق الموازي عن الانتظام؟

نهَا	2012- 7- 15 02:45 AM

رد: جميع مايخص اختبارات المعيدات

وابي اعرف يالفتاه ايش الاوراق المطلوبه للمقابله؟
افيديني

واحة الموت

2012- 7- 15 02:56 AM

رد: جميع مايخص اختبارات المعيدات

يوووووو الله يعينك
اي في ناس كثير مادخلوا المقابلة و انقبلوا و أنا بنفسي شفت ملفاتهم يوم رحت أطابق
أنا كأني سمعت بس مادري مو متأكدة أنو الخمس الأوائل بالمقابلة قبلوهم انتظام بس مو متأكدة
و الأوراق المطلوبة الشهادة و السجل الأكاديمي و اشعار القبول و بطاقة العائلة مع صورتين لكل شئ
و انتي استفسري دقي على الجامعة وقولي لهم انك ماتدرين
الله يوفقك

نهَا	2012- 7- 15 03:00 AM

رد: جميع مايخص اختبارات المعيدات

اقتباس:

المشاركة الأصلية كتبت بواسطة الفتاة الملتزمة (المشاركة 6892950)

ياقلبي الله يجزااك خيررر

بس انا فهمت مل الاوراق المطلوبه الا اسعار القبول
هذا من وين اجيبه؟

واحة الموت

2012- 7- 15 03:17 AM

رد: جميع مايخص اختبارات المعيدات

إشعار القبول كان بالموقع
الحين شالوه لأن المطابقة انتهت
أنا يوم طلع قبولي دخلت الموقع وطبعته
بالنسبة لوضعك مالك حل إلا تدقين عليهم او تروحين لهم و هم بيعطونك الجواب الأكيد
بس غريبة ماجاتك رسالة او شئ او احد صديقاتك بلغك
المفروض انك كنت متابعة
بس قدر الله و ماشاء فعل
و ماتدرين ويش الخيرة فيه
بس مثل ماقلتلك لازم تكلمينهم

نهَا	2012- 7- 15 03:46 AM

رد: جميع مايخص اختبارات المعيدات

اقتباس:

المشاركة الأصلية كتبت بواسطة الفتاة الملتزمة (المشاركة 6893066)

اهاااا

والله مدري يااختي... انا للحين احس فيه شي خطا يمكن

انا ان شاءالله براجعهم بشوف اذا في الاساس في قبول او يمكن تشابه اسمااء او خطا

وربي يكتب لي اللي فيه الخير

وربي يوفقك ويسعدكك:106:

بس اذا عندك معلومات عن الموازي ياليت تفيديني فيها

نهَا	2012- 7- 15 01:14 PM

رد: جميع مايخص اختبارات المعيدات

هل الماجستير الموازي يعني برسوووم؟

افيدووني اللي انقبلوا

نداء الفجر

2012- 7- 15 04:11 PM

رد: جميع مايخص اختبارات المعيدات

اقتباس:

المشاركة الأصلية كتبت بواسطة نهَا (المشاركة 6894130)

هل الماجستير الموازي يعني برسوووم؟

افيدووني اللي انقبلوا

مكرمة ملكية بدون رسوم

ربي يوفقك

sara202

2012- 7- 15 04:45 PM

رد: جميع مايخص اختبارات المعيدات

الله يسهلها عليكم
ماطلع شيئ محد اتصل حاولت اتصل علي جامعه محد يرد:007:
بالتوفيق

نهَا	2012- 7- 15 08:58 PM

رد: جميع مايخص اختبارات المعيدات

اقتباس:

المشاركة الأصلية كتبت بواسطة نداء الفجر (المشاركة 6894265)

مكرمة ملكية بدون رسوم

ربي يوفقك

مشكوره ياقلبي
ربي يوفقك ويسعدك

Distinguished

2012- 7- 15 10:34 PM

رد: جميع مايخص اختبارات المعيدات

انتظاري طال يـ حلو التـثـني :biggrin:

واحة الموت

2012- 7- 16 10:57 AM

رد: جميع مايخص اختبارات المعيدات

أروما
مارديتي علينا
صديقتك بنت خالتها ايش صار عليها خلاص انقبلت
نبي نتطمن لأن إلى الآن لاحس و لاخبر و لاحد قال لنا شئ :sm5: الموضوع سكتم بكتم
سئليها إذا صار شئ على الموضوع
نبي نعرف عشان نشوف وضعنا

أرومـا

2012- 7- 17 01:36 AM

رد: جميع مايخص اختبارات المعيدات

اختي الفتاة

صديقات بنت خالة صديقتي هم الي قالوا لها

صعبة أقول لها تسألهم

خلاص حبيبتي م لنا غير ننتظر

أفليست أقدارنا مكتوبه مُنذُ زمن ؟ فلنعِش بِهدوء ♡

sara202

2012- 7- 18 02:56 PM

رد: جميع مايخص اختبارات المعيدات

الله يسهلها يخوفي ان اتصلوا وحنا مازلنا نتظر الله كريم حاولت اتصل علي الجامعه بس للاسف محد يرد

الستدجه

2012- 7- 21 04:48 AM

رد: جميع مايخص اختبارات المعيدات

مافيه اخبار جديده؟
كل عام وانتم بخير والله يعوضنا خير

واحة الموت

2012- 7- 21 05:47 AM

رد: جميع مايخص اختبارات المعيدات

و الله إلى الآن
خلاص إحتمال كبير بعد العيد
استحالة يدقون برمضان

N j d

2012- 7- 21 05:53 AM

رد: جميع مايخص اختبارات المعيدات

اقتباس:

المشاركة الأصلية كتبت بواسطة الستدجه (المشاركة 6912643)

مافيه اخبار جديده؟
كل عام وانتم بخير والله يعوضنا خير

وأنتي بألف خير . .

أخر الآخبآر
الجامعة مداوميين لكن لجنة الترشيحآت كٌلهم مُجازيين
الله يسهل لنآ ويكتب مَآفيه خير وصالح
وكَلًت أمري لله :004:

sara202

2012- 7- 21 12:36 PM

رد: جميع مايخص اختبارات المعيدات

امين

om.eshosh

2012- 7- 21 10:48 PM

رد: جميع مايخص اختبارات المعيدات

بنآت ريحو اعصابكم مافي شي الحين
وقت ما يبداء الدوام راح يبدون يشوفون موضوعنا
اذكر وحده قالت لي ان في كلية " نسيتها " ماخلصو مقابلاتهم
يعني ارتاحو :004:
فلوها الحين وادعو ربكم
الله كريم ويرزقنا على قد نياتنا

قايد الغزلان

2012- 7- 22 10:33 AM

رد: جميع مايخص اختبارات المعيدات

كل عام وانتم بخير
اتوقع راح يدقون خلال اليومين لان الدوامات بشهر 10عشان الفحص الطبي ياخذ اسبوعين وقرار المباشرة كمان من الخدمة المدنيه

معطـــــاب

2012- 7- 22 11:01 AM

رد: جميع مايخص اختبارات المعيدات

الله يوفقكمممممممممممممممممم

sara202

2012- 7- 22 12:46 PM

رد: جميع مايخص اختبارات المعيدات

اتوقع راح يدقون خلال اليومين لان الدوامات بشهر 10عشان الفحص الطبي ياخذ اسبوعين وقرار المباشرة كمان من الخدمة المدنيه
الله يسمع منك ويكتبها من نصيبنا يارب
بالتوفيق

الستدجه

2012- 7- 22 02:59 PM

رد: جميع مايخص اختبارات المعيدات

اقتباس:

المشاركة الأصلية كتبت بواسطة قايد الغزلان (المشاركة 6915810)

وانت بخير وصحه اخوي
بس اسمحلي على التطفل*
وش دراك؟ هل انت موظف ؟*
لان كل الي موجودين هنا تعبوا من الانتظار وكل يوم طالع كلام وتوقع شكل*
انت تتوقع بصفتك ايش؟*

واحة الموت

2012- 7- 22 09:24 PM

رد: جميع مايخص اختبارات المعيدات

بنااااات تعالوا انا بريح اعصابكم :lllolll:

أدري انكم متوترين :33_asmilies-com:

جبت لكم أخر الأخبار
طبعاً أنا مثلكم ميتة أبي اعرف وضعي قبل العيد لأن حدي خايفة و متوترة :007:

المهم ماخليت احد ماسألته في المنتديات و الإيميلات و الواتس اب :58545:

يعني صرت لهم مثل النشبة :biggrin:

كلمت وحدة معيدة نصحتني انو اكلم الجامعة طبعاً حاولت اكلمهم بس للاسف تلفون البيت مقطوع

و جوالي مافي رصيد :icon9: قالت إذا ماردوا عليك او ماعطوك وجه كلمي الخدمة المدنية و قولي

لهم انك ترشحتي من الجامعة الفلانية و انك تبين تعرفين إذا اسمك انرفع للخدمة المدنية إذا انرفع معناته انك ترشحتي نهائي مبرووك و قالت ان الخدمة مايدقون يعتمدون على الجامعة انها تدق على المرشحين و العكس صحيح
طبعاً أنا فكرت اكلم الخدمة بس المشكلة ماعندي رقمهم
دخلت موقعهم بس ماشفت وسيلة اتصال او ايميل
طبعا المعيدة قالت لي روحي لهم افضل و انا خايفة اروح و انحرج لأني مو متأكدة إذا الجامعة رفعت الأسماء او لا خصوصاً انو توه التقديم يعني ماخذنا فترة طويلة يمكن الأوراق مازالت عند لجنة الترشيحات او مازالت في الكليات ففضلت إني ماكلمهم خصوصاً اني مو عارفة الأوراق حالياً واقفة عند مين فما ابي اتفشل
عاد انا ماوقفت على كلام المعيدة
ايضاً كلمت موظف مسؤول بالجامعة و طلبت منه يسأل لنا عن النتائج باسرع وقت خصوصا انو في بنات انقبلوا ماستر و بنات بيروحون ابتعاث و اللي قدموا على وظائف ثانية يعني لازم نعرف وضعنا
طبعاً أنا راسلتله من 3 ايام
و تو ه يرد علي اليوم بنسخ لكم رده
وعليكم السلام ورحمة الله

بالامكان الاستفسار عن طريق الاتصال بالرقم التالي

033333088

واذا لم تجدي رد، ارسلي لي رسالة في أي كلية وأي تخصص قدمتي عليه وراح استفسر لك ..

طبعا هذا رده انا ودي ادق على الرقم اللي حطه بس مثل ماقلتكم تلفون بيتنا مقطوع و جوالي مافي رصيد
فيا ريت وحدة تتكرم و تدق تسأل لنا و تجي تعطينا خبر
و إذا مانفع برسله الكلية و التخصص و الاسم إذا طلب بس قبل نشوف الرقم
او إذا وحدة تقدر تكلم الخدمة المدنية تتأكد بعد يكون افضل
ماقدامنا إلإا ذا الحلين
يالله عاد بنات همتكم انا سويت اللي علي و الباقي عليكم :(204):
يالله يارب تفرح قلوبنا في هالشهر الكريم
بالتوفيق

كايتوكيد

2012- 7- 22 11:57 PM

رد: جميع مايخص اختبارات المعيدات

هلا بك الفتاة الملتزمة
طيب انا بسألك من مين جاك الرسالة
انا ان شاء الله بتصل عليهم بكرة
بس ابي اعرف اذا ما ردوا على هل اللي ارسالت الرساله اهي الللي بتعطينا الخبر الاكيد

واحة الموت

2012- 7- 23 09:40 AM

رد: جميع مايخص اختبارات المعيدات

و الله ياقلبي مايندرى طبعاً اللي راسلته انا موظف بالجامعة و هو رد علي كذا
و صعبة اقوله ماقدر ادق قلت بخليكم تجربون تدقون قبل و إذا ماصار فيه رد
برسله اسم الكلية و التخصص و بسأله لو يحتاج نعطيه اسماءنا أو ممكن يقولنا لو على الاقل اسماء البنات اللي ترشحوا من كل قسم
و هذا الموظف انا واثقة فيه و متأكدة انو راح يقدر يساعدنا بإذن الله

أرومـا

2012- 7- 23 01:08 PM

رد: جميع مايخص اختبارات المعيدات

الفتاة الملتزمة يعطيك العافية ع الي سويتيه

شوفي حبيبتي مدام إنك تقولين إنك واثقة فيه وهو موظف في الجامعة

قولي له يجيب لك أسماء المرشحات من كل قسم

وحطي الأسماء هنا

sara202

2012- 7- 23 01:40 PM

رد: جميع مايخص اختبارات المعيدات

شكرا شكرا فتاه ملتزمه
انا اتصلت وقالي لا مني مرشحه عطيته اسمي والفرع والقسم يالله لو تدرون قديش ضاق صدري بس قالي باقي الطلبات بينظر لها بعد العيد
ادعولي:Cry111::Cry111::Cry111: الله يبلغنا القبول بالتوفيق

واحة الموت

2012- 7- 23 02:24 PM

رد: جميع مايخص اختبارات المعيدات

sara202
يوو يالله الله يعينك
ماتدرين حبيبتي يمكن خيرة و لايضيق صدرك و لاشئ ماتدرين يتسكر عليك باب و ينفتح لك باب اخر
بس زين انهم ردوا معناته انو الكليات ارسلت اسماء المرشحات إلى الجامعة
طيب بسألك انتي اي كلية مقدمة يا سارة و ايش قسمك ؟ و كم كان عدد المرشحات للمقابلة في قسمك ؟ و كم ترتيبك بالمقابلة ؟؟ و كيف كان تقديمك بالاختبار و المقابلة ؟؟ و معدلك ؟؟ ياريت تجاوبيني على الأقل يمكن استشف من إجاباتك وضعي :33_asmilies-com:
بس دامهم ردوا بحاول بكرا ادبر جوال و ادق عليهم
و الله يسهلها
أروما حتى أنتي دقي و شوفي و بشرينا
الله يوفق الجميع

sara202

2012- 7- 23 02:27 PM

رد: جميع مايخص اختبارات المعيدات

الفتاة الملتزمة
ابغي ارد لك علي الخاص شلون؟؟
بعدين قال فيه طالبات بينظر لها بعد العيد
ادعولي اكون منهم يارب
بالتوفيق

واحة الموت

2012- 7- 23 02:32 PM

رد: جميع مايخص اختبارات المعيدات

اوك يالله انتظرك بفارغ الصبر :71:

sara202

2012- 7- 23 02:37 PM

رد: جميع مايخص اختبارات المعيدات

سوري مشاركاتي اقل من ١٠٠

الستدجه

2012- 7- 23 03:34 PM

رد: جميع مايخص اختبارات المعيدات

انا دقيت عليه وقالي انهم بعد العيد بيختارون مرشحات يعني الاسامي الي ترشحت مو اكيد!
مافهمت وش يقضد واستحيت اساله
ابسالكم
اذا طلع اسمي مع المترشحات يعني خلاص اصير ظامنه ؟ او احتمال او وش السالفه:bawling:

واحة الموت

2012- 7- 23 05:09 PM

رد: جميع مايخص اختبارات المعيدات

يالله عاد شدي حيلك و خليهم 100 وطمنيني الله يعافيك

واحة الموت

2012- 7- 23 07:12 PM

رد: جميع مايخص اختبارات المعيدات

الستدجة
كيف يعني ماقالك إذا انتي مترشحة أو لا ؟؟
ماعطيتيه اسمك و إلا كيف ؟؟
طيب إذا صار بعد العيد بيختارون نهائي
ادق اجل او اصبر
مادري محتارة
خايفة اتعشم و انصدم بعد العيد

sara202

2012- 7- 23 07:51 PM

رد: جميع مايخص اختبارات المعيدات

الستدجة هوقال اسمك طيب ماسالتي كم عدد المرشحات انا الي فهمته منه نهائي وفيه بعد العيد

الستدجه

2012- 7- 23 09:43 PM

رد: جميع مايخص اختبارات المعيدات

انا ارتبكت ماعرفت اساله ولااوصله الي ابي عاد ابكلمه بكره ان شاءالله
وش تبوني اساله ؟
الفتاة الله يفرج عليك يارب جعلهم يعينونك قولي امين

مثل المطر

2012- 7- 24 02:03 AM

رد: جميع مايخص اختبارات المعيدات

الله يوفقنا

واحة الموت

2012- 7- 24 02:33 AM

رد: جميع مايخص اختبارات المعيدات

الستدجة
إذا ممكن تسألينة عن عدد المرشحات بقسم التربية الخاصة في كلية الجبيل
و إذا قدر يعطيك اسماءهم حلو تعالي كتبيهم هنا قولي له إذا ممكن ابي اعرف اسماءهم
و لا عليك امر ضروري
و لو عندك خاص خليتك تسالين عن اسمي

روح.	2012- 7- 24 03:39 AM

رد: جميع مايخص اختبارات المعيدات

السلام عليكم ورحمة الله وبركاته
كيفكم يابنات ؟
متباركين بالشهر الكريم
والله يعينا ويعينكم على الانتظار
حبايبي انتو دقيتوا على اي رقم ؟
وهذا الموظف وش وظيفته بالجامعة ؟
أنا مقدمة على مسابقة ثانية غير هذي
وقالوا لي بعد العيد
وابغى اعرف النتيجة
هل ممكن الموظف هذا يفيدني
اذا ممكن تعطوني الرقم اللي اتصلتوا فيه لاني اتصلت على الرقم
اللي حطته وحدة من الاخوات يطلع لي الرقم خطأ
واذا ممكن اي وقت اتصلتوا عليهم ؟
ربي يوفقكم ويسهل عليكم

om.eshosh

2012- 7- 24 09:53 AM

رد: جميع مايخص اختبارات المعيدات

:biggrin: ودي اتصل بس خايفة يحبطني

اممم في رقم جوال ؟

om.eshosh

2012- 7- 24 10:10 AM

رد: جميع مايخص اختبارات المعيدات

دقيت قالي كلية التربية بالجبيل بعد العيد :biggrin:

واحة الموت

2012- 7- 24 10:33 AM

رد: جميع مايخص اختبارات المعيدات

يعني كلية التربية الجبيل بكل اقسامها
يالله الله يصبرنا لبعد العيد
ان شاء الله بس يدقون بسرعة مايطولون

om.eshosh

2012- 7- 24 05:59 PM

رد: جميع مايخص اختبارات المعيدات

هذا الرجال اللي دقيت علية هو نفسة اللي كنت ادق عليه من قبل عشان اشوف ترشيحي ولما رجعت اوراقي واتصلت عليه كان يقولي نفس الجملة "بعد اسبوعين بعد اسبوعين ويقفل " مع ان اوراقي رجعت
عرفت انه ما يبي يقول
عشان كذا يوم قلت اسمي قال بعد العيد >> مدري احسه حاقد علي
الزبده اتصلو انتم :004:

sara202

2012- 7- 24 07:07 PM

رد: جميع مايخص اختبارات المعيدات

لا ما اعتقد ليش بيحقد حتي انا قالي نفس الكلام
يارب ارزقنا ايها
بالتوفيق

الستدجه

2012- 7- 24 10:34 PM

رد: جميع مايخص اختبارات المعيدات

خلاص بنات لاتدقون من رايي
لان رده :بعد العيد

أرومـا

2012- 7- 25 05:13 PM

رد: جميع مايخص اختبارات المعيدات

سين سؤال
الحين لو طلعوا اسماء المقبولات بشكل نهائي طيب متى يباشرون دوام ؟

يعني ع طول يباشرون ولا مع بداية الترم الثاني ولا بنص الترم الأول؟

جوانه

2012- 7- 25 10:24 PM

رد: جميع مايخص اختبارات المعيدات

الله يوفق الجمييييييييييع

وكلو امرررركم للكريم....ربي وكلت امررري إليييك

N j d

2012- 7- 28 07:58 PM

رد: جميع مايخص اختبارات المعيدات

السًلآم عليكمّ

وأنآ سألت على قد مَآ أقدر وكل الي ردوآ علي يقولون بعد العيًد . .

ولآ لك الا الصبر ويش ودآك له

والله إننآ معلقين لإ إحنآ في السمآء ولآ إحنآ في الأرض

:icon9:

Fade away

2012- 7- 28 11:09 PM

رد: جميع مايخص اختبارات المعيدات

الله يسهههههل عليييكم

منو 5

2012- 7- 31 11:39 PM

رد: جميع مايخص اختبارات المعيدات

السلام عليكم اذا فية احد مسجل بالدمام كلية العلوم ترى النتائج طلعت و نادو اللي يبونهم
الخبر الأكيد عندي تو وصلني طازج
نادوهم من نهاية شعبان فلا احد ينتظر على الفاضي
و زميلتي ما انقبلت شكل الموضوع واسطة و الله اعلم
:Cry111::Cry111::Cry111::Cry111::Cry111::Cry111::C ry111:
الله يعوض الجميع خير و اكيد بقية الكليات نادو و خلصوا للتنبية
اللي عندي قلته لا احد يسألني عن شيء ترى ما ادري

:mh12::mh12::mh12::mh12:

واحة الموت

2012- 7- 31 11:53 PM

رد: جميع مايخص اختبارات المعيدات

طيب عندك خبر عن بقية الكليات

الستدجه

2012- 8- 3 04:38 AM

رد: جميع مايخص اختبارات المعيدات

منو٥
ماعتقد لانهم قالوا بعد العيد! وش حاجتهم للتمطيط

منو 5

2012- 8- 4 04:17 AM

رد: جميع مايخص اختبارات المعيدات

اخواتي الكريمات اولا باقي الكليات ما عندي علم عنهم

بالنسبة للعلوم بالدمام خلاص نادوهم و خلصوا وراحوا المقبولات و دواهم الرسمي سيبداء

بعد العيد باذن الله و عملوا فحص طبي الكلام ثقة بالنسبة للدمام

الله يعوض كل من لم تنقبل و يوفق المقبولات :064:

N j d

2012- 8- 4 04:20 AM

رد: جميع مايخص اختبارات المعيدات

كلية التربية بالجبيل النتائج بعد العيًد لجنة الترشيحآت كآنوآ كلهم مٌجازين

والبنات الي سووا لهم مقآبل عطوهم أوراق وقالوآ إذا صار قبول نهائي راح نبلغكمّ

يعني مآفيه خبر أكيد

والله يَصبًر و يوفقّ . .

N j d

2012- 8- 4 04:29 AM

رد: جميع مايخص اختبارات المعيدات

اقتباس:

المشاركة الأصلية كتبت بواسطة منو 5 (المشاركة 6984202)

الله يوفقهم والعٌقبَى لنآ

حسًبي الله عليًه توكلتّ وهو ربُ العرشّ العظيًم

الستدجه

2012- 8- 5 12:11 AM

رد: جميع مايخص اختبارات المعيدات

بنات ترى كلمت الجامعه اليوم ومو كل الكليات *اختاروا المعيدات رسمي*

أرومـا

2012- 8- 5 12:48 AM

رد: جميع مايخص اختبارات المعيدات

الستدجة اختي ينطيك العافية ع هيك خبرية
الله يفرح قلبك وقلوبنا بالقبول النهائي ياااارب

All times are GMT +3. الوقت الآن حسب توقيت السعودية: 08:37 AM.

صفحة 4 من 6

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه