ملتقى طلاب وطالبات جامعة الملك فيصل,جامعة الدمام - جامعة الملك فيصل تجمع طالبات الدبلوم التربوي2014 الاحساء

صفحة 2 من 3

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى الدراسات العليا و الابتعاث (https://vb.ckfu.org/forumdisplay.php?f=51)

- - [ جامعة فيصل ] : تجمع طالبات الدبلوم التربوي2014 الاحساء (https://vb.ckfu.org/showthread.php?t=610314)

طالبة5

2014- 9- 7 08:52 AM

رد: تجمع طالبات الدبلوم التربوي2014 الاحساء

تتوقعون فيه محاضرات اليوم
يعني لازم كلنا نروح؟
ولاعفسه ونروح على الفاضي
اللي بتروح بدري تعطينا خبر لو سمحتو��

كيمياء المحبة

2014- 9- 7 11:38 AM

رد: تجمع طالبات الدبلوم التربوي2014 الاحساء

رحت اليوم
قالت يمكن ينزل الجدول الساعه ٢ او ٣
وفيه دوام مقدمه عن المواد فقط

طموح حالمه ~

2014- 9- 7 12:00 PM

رد: تجمع طالبات الدبلوم التربوي2014 الاحساء

طيب الجدول يمكن ينزل اليوم على الساعه 2 أو 3 الدوام على أي أساس ومقدمه عن المواد على أي أساس واحنا ماسجلنا مواد ��

طالبة5

2014- 9- 7 12:09 PM

رد: تجمع طالبات الدبلوم التربوي2014 الاحساء

كيف بينزل وين فيه عندها ؟؟ قصدها
يعني نروح ناخذ جدولنا من عندها ولا البنر
ودي لو سمحتي ضروري عشان نعرف

طالبة5

2014- 9- 7 12:10 PM

رد: تجمع طالبات الدبلوم التربوي2014 الاحساء

وكيف نعرف احنى اي شعبه هم يعني بيحطونا على كيفهم؟

جنان وكلي حنان

2014- 9- 7 01:04 PM

رد: تجمع طالبات الدبلوم التربوي2014 الاحساء

ياليت حد يجاوب على اسألته طالبة

جد نتعنى وبالأخير مافية شي

عسجـــد

2014- 9- 7 01:40 PM

رد: تجمع طالبات الدبلوم التربوي2014 الاحساء

توني جايه من الجامعه

نغس الكلام قالت بتعلقه واحنا ناخذه
قلت لها طيب احنا مو قادرين نستخرج رقم سري وندخل البنر ونسجل موادنا اصلا
قالت الرقم السري نفس اللي انتو اخترتوه
قلت لها طيب انا جربت الرقم اللي اخترته وما دخل
قالت النظام عطلان

قلت طيب اليوم نداوم والا شلون؟
قالت ايوه اليوم في دوام مثل التعريف بالمنهج وتعارف
واللي كانت جنبها منصدمه يوم قالت لي دوام

الزبده شكلنا بنكتب اسماءنا في ورقه وبيدخلونها النظام اريح لهم
يا صبر ايوب بس

نجميه

2014- 9- 7 02:42 PM

رد: تجمع طالبات الدبلوم التربوي2014 الاحساء

اصلا للازم تحدثوون بياناتكم من اعاده تعين االرقم والله شكلهم مو فاتحين البنر لين تدفعون

البرنسيسـه

2014- 9- 7 03:04 PM

رد: تجمع طالبات الدبلوم التربوي2014 الاحساء

انا بروح الجامعه الحين ؟ رحتوا ؟

البرنسيسـه

2014- 9- 7 03:10 PM

رد: تجمع طالبات الدبلوم التربوي2014 الاحساء

عطوكم جدول ولا كيف

ديني تاج راسي

2014- 9- 7 06:20 PM

رد: تجمع طالبات الدبلوم التربوي2014 الاحساء

السلام عليكم ورحمه الله وبركاتو

اهلا باخواتي

طبعا اليوم رحنا الجامعه تقريبا 30 طالبه وصراحه اللي صار مهزله بمعنى الكلامه

ماعندي وصف ابلغ او افصح من مهزله ما ادري هل هم اغبياء او يستغبون او يضنون ان احنا اغبياء او يستغفلونا بالله ردو علي انا ارتفع ضغطي اليوم واحس ان مخي بينفجر من القهر

القصه باختصار
وصلت الجامعه وتوجهة لغرفت الاستاذه ذات الاراء المتضاربه والمتغيره بتغير الثواني والدقائق ووجد اخوات هناك كان هناك جدول نازل امام غرفه المذكوره اعلاه طبعا نقلنا الجدول والجدول كان عباره جدول مشابه للي نزلوه الاخوات في المنتدى من الخطه لكن يختلف نص الجدول حيث صار اغلب الدكاتره رجال
بعد نقل الجدول رحنا ندور المبنى والمدرج الي فيه اول محاضره تدرون ايش المفاجأه انه لا وجود للمبنى المذكور الكل يقول مافي هذا الرقم ولبسنا عباياتنا وتنقلنا في الجامعه بحثا عنه ولكن دون جدوى المهم في وحده من الطالبات كلمه الاستاذه على جوالها وقالت لها القصه قالت لا غلط مافي هالمبنى مو معقول مسجل بالجدول قلت لها الا موجود بالجدول قالت رجعي عند المكتب (وعندي لكم مفاجأه اكتشفتها لما رجعت البيت بذكرها في الاخير ) ووصلنا عن الغرفه ووجدنا ان البنات متجمعه وشوي ولقينا وحده جزاها الله خير قالت بنات سمعو استاذه بتكلمكم من الجوال وغردت الاستاذه طبعا كلامها ماكان واضح لانه سبيكر المهم ان دقت على الدكتور المفروض نحظر له ولا يرد يعني شكله مو موجوذ وان بتكلم دكتور المحاضرة الثانيه وبتلغبها وان اليوم مافي دوام والمطلوب من البنات اخذ رقم الطالبه اللي تتكلم من جوالها ونتصل عليها ونتاكد منها اذا بكره في دوام او لا واذا في دكتور بيعتذر او لا ( والصدمه اللي غردة فيها بالاخير ) ان النظام ماراح يفتح الا اذا سددتي الرسوم وجبتي الايصال وسلمتيه للمذكوره واذا سلمتيه راح يفعل رقمك الاكديمي وانه بامكان جميع المقبولين الدوام هذا الاسبوع حسب الجدول المعلق اما الغرفه لما تقرر انهي بتكمل تسدد ويتم تفعيل الرقم
وطبعا هذا يختلف عن كلامها للبنات اللي راحو لها وقت دوامها
وطبعا اكتشفنا ان في ورقه معلقه جنب غرفتها بعييييده عن الجدول مكتوب فيها ان في ماده بالجدول بيغير وقتها من يوم الاربعاء المساء الى يوم الاثنين الصباح وحطت كذا وقت الصبح نختاره مع العلم انه يوجد عندنا دوام يوم الاثنين من 3-7 ومن غير ذكر السبب لكن اكتشفنا مع البنات ان السبب تعارض هذي الماده مع ماده ثانيه في الجدول وطبعا اتفقنا مع البنات ان نعترض واننا نرفض ان نداوم الصباح وان الكل على كلمه وحده واللي عندها كلمه ثانيه او استطاعه ان تداوم الله لا يهينها تسكت ولا تخرب على الباقي لان الاغلب مرتبطات الصبح

اللحين وقت المفاجأه الكبيره اللي سبق وذكرتها بنات اللي حظرو اليوم ابيكم تفتحون صورة الجدول اللي صورتوه بجوالاتكم وتتاملون الجدول وتاملوه زين لان بطلع لكم اكبر واغبا خطأ يدل على الاهمال والتسيب وعدم الدقه والتنطيم

احنا صورنا ثلاث اوراق

الورقه الاولى مكتوب فيها فوق وفي الطرف اليسار فرع الطالبات

والورقه الثاني مكتوب فيها فوق بجهت اليسار فرع الطلاب ؟؟؟؟؟؟؟؟؟؟؟؟؟

والورقه الثالثه مكتوب فيها فوق بجهة اليسار فرع الطلاب ؟؟؟؟؟؟؟؟؟؟؟؟؟؟؟؟؟؟

عرفتو ياحلوين ليه مالقينا مبنى 32
وعرفتو ليه الجدول تعارضبين مادتييين
وعرفتو ليه نص الدكاتره متغيرين عن جدول الموقع وان كلهم رجال

لان الاذكياء والعباقره معلقين لنا نص جدول للطالبات والنص الثاني للطلاب
وعلشان تتاكدون من كلامي دخلو الرابط هذا ودخلو جدول الطالبات وراح تلقون او ورقه مطابقه لجدول الطالبات والورقتين الباقين راح تلقونها بجدول الطلاب

http://www.kfu.edu.sa/ar/Deans/Admis...ual143010.aspx

اللي عندها صور الجدول اتمنى تنزل الصور لان الصور الللي عندي مو واضحه
وفي الختام ما اقول الا حسبي الله ونعم الوكيل هل تستحق ان تكون مدينه جامعيه او حتى جامعه السؤال من المسؤول من اللي مفروظ يتحاسب

ديني تاج راسي

2014- 9- 7 06:38 PM

رد: تجمع طالبات الدبلوم التربوي2014 الاحساء

بنات جزاكم الله خير اللي صورت الجدول وواضح ابي نسخه برسلها لجريدة سبق الصوره اللي عندي مو واضحه

البرنسيسـه

2014- 9- 7 07:52 PM

رد: تجمع طالبات الدبلوم التربوي2014 الاحساء

حسبي الله ونعم الوكيل
يعني الجدول اللي نقلناه وكنا بنداوم ع اساسه اللي استغربت انه اغلبه رجال
طلع للاولاد مو لنا !!!!
ايش الاهمال هذا وش شايفينا !!!
بنات خلونا متواصلين بالمنتدى علشان نعرف اذا بنداوم بكرا او لا
و بعدين سالفة الرسوم ايش بتسوون عليها
بتجربون هالاسبوع او بتدفعون على طول

البرنسيسـه

2014- 9- 7 07:54 PM

رد: تجمع طالبات الدبلوم التربوي2014 الاحساء

اللي بترسل لجريدة سبق ياليت تكتبين عن اساليبهم معنا
و خدعتهم لنا بخصوص الرسوم

الميش

2014- 9- 7 09:11 PM

رد: تجمع طالبات الدبلوم التربوي2014 الاحساء

والله ياليت كلكم ترفعون خطاب انو الدوام كله يكون صباحي
لأنو لذا الحين ماحصلت سواق يوديني للمساء
والكل يفكر بغيره بلاش انانيه عشان الكل يتوفق
وللأسف ماقدر أداوم بكره شرط يعني ان نداوم ولا أفيدوني جزاكم الله خير

ديني تاج راسي

2014- 9- 7 09:58 PM

رد: تجمع طالبات الدبلوم التربوي2014 الاحساء

اقتباس:

المشاركة الأصلية كتبت بواسطة الميش (المشاركة 11349934)

هلا اختي المعروف ان دوام الدراسات العليا هو الفتره المسائيه وان في بنات معانا عندهم وظايف في الصباح ولا يقدرون يداومون الا العصر وهم سجلو على اساس الدوام العصر ونقاشنا كان على انفي ماده بينزلونها الصباح يعني بنصير نداوم الصباح الساعه 9:30 الى 11 الظهر وتجلسين في الكليه او تروحين بيتك وترجعين مره ثانيه للجامعه في العصر تداومين من الساعه 3-7 يعني راح يومك بالكليه مو انهم يبون يحولونه الصباح عندك استعداد تداومين يوم الاثنين الصباح وترجعين العصر او تجلسين بالكليه من 9:30 الصبح الى سبع المغرب صراحه انا مو مستعده اترك بيتي وعيالي في الصبح والعصر

واذا انتي من المبرز انا عندي سواق من المبرز ابي وحده او ثنتين معاي لكن ابي من الراشديه والاحياء القريبه منها اذا انتي قريبه ممكن اعطيك رقم السواق وتتفقين معاه

طموح حالمه ~

2014- 9- 7 10:01 PM

رد: تجمع طالبات الدبلوم التربوي2014 الاحساء

بنات خلكم متعاونين كلكم حنا دبلوم وسنه وحده بس شيء حلو لما نكون متعاونين ولمن تنتهي هالسنه نذكر بعض بالخير ارفعوا خطاب انه احنا طالبات الدبلوم التربوي الرسوم تفاجئنا فيها والإعوام السابقه كان الدبلوم مكرمه تنلغي والله لو شافوا مجموعه طالبات معارضين على الرسوم صدقوني بيلغونها بس مافيه فعل وحركة اكيد مافيه نتيجه ...

البرنسيسـه

2014- 9- 7 10:04 PM

رد: تجمع طالبات الدبلوم التربوي2014 الاحساء

معروف ان الدراسات العليا مسائي
وحنا سجلنا على اساس مسائي
عندنا عيال نتركهم مانقدر صباحي
معليش فكري بغيرك برضو الاساس انه مسائي و الكل سجل وعارف هالشي

ثاني شي الرسوم لازم نرفع خطاب فيه اسماءنا وتوقيعنا
علشان تلغى

ديني تاج راسي

2014- 9- 7 10:07 PM

رد: تجمع طالبات الدبلوم التربوي2014 الاحساء

رفعت خطاب باسمي للديوان الملكي وتكلمت باسم طالبات الدبلوم وللحين الطلب ما ردو عليه وارسلت اليوم رسايل باسم الطالبات الدبلوم لكذا جريده عن الرسوم والتلاعب اللي صار لكن لازم التعاون وكلنا نرفع ونرسل مو وحده علشان ينسمع صوتنا

البرنسيسـه

2014- 9- 7 10:08 PM

رد: تجمع طالبات الدبلوم التربوي2014 الاحساء

الصباااح مستحييييل مستحيل نوافق
ظروفنا ماتسمح وسجلنا ع اساس مسااائي

طالبة5

2014- 9- 7 10:17 PM

رد: تجمع طالبات الدبلوم التربوي2014 الاحساء

حسبي الله عليهم ونعم الوكيل
واحنى فرينا الجامعه فر ندور المباني اللي بالورقه بالنهايه
غلط جدول طلاب
نروح طالبات مستجدات المكاتب مقفله ولافيه ولا ادريه ابد نسئلها
موب كافي الرسوم المفاجئه وبعدين البنر الحين جدول غلط ؟؟؟
بنزل لكم الجدول الغلط الطلاب اللي كان جمب غرفة الادره

بس بنات ماعرفت انزل الصور لاني من جوال اللي عندها خلفيه تعلمنا

عكفان

2014- 9- 7 10:37 PM

رد: تجمع طالبات الدبلوم التربوي2014 الاحساء

انا والله اتكسرت يديني وانا ارسل للسبق
حسبي الله عليهم مادري ليش مايتعونون معنا وينشرون الخبر ؟؟؟
المهم انا اعجبتني انا نرسل خطاب باسمائنا
بس من الي بترفع باسمائنا؟؟
خلنا نكتب اسمائنا الثلاثيه هنا وبنت تجمع الاسماء بالخطاب,اذا ماعندكم اعترض

أحلام تتحقق

2014- 9- 8 01:37 AM

رد: تجمع طالبات الدبلوم التربوي2014 الاحساء

السلام عليكم لوسمحتي حبيتي ديني تاج رأسي اللي قلتي انك بالمبرز وعندك نقليه توصل الجامعه ممكن ترسلي لي رقم النقليه وشنو اسم النقليه..
لأني بالمبرز ومو محصله تعبت ..
ولك ألف شكر مقدما حاولي ترسلين لي الرقم بأسرع وقت..
او تخبريني بإسم النقليه اذا القروب مايسمح ترسلين لي ارقام وانا ادور الرقم ..

الميش

2014- 9- 8 02:03 AM

رد: تجمع طالبات الدبلوم التربوي2014 الاحساء

لا والله ي ختي لاني من المبرز ولاني من الهفوف
يعطيك العافيه على جهودك

دموع الحنين

2014- 9- 8 02:34 AM

رد: تجمع طالبات الدبلوم التربوي2014 الاحساء

اقتباس:

=ديني تاج راسي;1134923ه

ديني تاج راسي
لو سمحتي عطيني رقم السواق انا من النزهه

البرنسيسـه

2014- 9- 8 02:48 AM

رد: تجمع طالبات الدبلوم التربوي2014 الاحساء

اقتباس:

المشاركة الأصلية كتبت بواسطة عكفان (المشاركة 11350261)

افضل نكتب باسماءنا باسرع وقت نتحرك
لان اذا برد الموضوع وتبين انكم ساكتين بتثبت علينا الرسوم
فاول مانداوم نجتمع بالشعبه وحده تتفضل بورقه وقلم تدور الورقه ع الشعبه
الاسم الثلاثي و التوقيع و ترفعها بخطاب وترفق تواقيع البنات بالاسماء
و راااح تنلغي لانها باسم الجميع باذن الله هذا الحل لانه اعتراض جماااعي

الحب الراحل

2014- 9- 8 05:07 AM

رد: تجمع طالبات الدبلوم التربوي2014 الاحساء

الله يعينكم جميعاً .. وييسر لكم

,’

بسأل في أحد يداوم من الدمام ..؟؟
وهل لقيت مواصلات غير القطااار ...؟؟؟

~> لاني ابحث عن سيارة ودوامي مسائي ..

عسجـــد

2014- 9- 8 07:59 AM

رد: تجمع طالبات الدبلوم التربوي2014 الاحساء

1 مرفق

ما اقول الا حسبي الله ونعم الوكيل

طموح حالمه ~

2014- 9- 8 08:44 AM

رد: تجمع طالبات الدبلوم التربوي2014 الاحساء

بنات بتداومون اليوم ولا

طموح حالمه ~

2014- 9- 8 09:26 AM

رد: تجمع طالبات الدبلوم التربوي2014 الاحساء

تشوفون سالفة هالجدول ولا اللي بتداوم تخبرنا شبيصير على هالجدول ربي يجازيكم كل خير..

جنان وكلي حنان

2014- 9- 8 12:40 PM

رد: تجمع طالبات الدبلوم التربوي2014 الاحساء

الأن أنا اليوم رحت ودفعت الرسوم ووووو
ورحت المكتب وقالت خلاص بتروحين وبيفتح لك النظام

ماااااااااااااافتح طيب ابغير اسوي تحديث بيانات ابد مو فاتح بالله كيف اسجل ومافي رقم سري
ويقول المستخدم غير صحيح سلامااااااااااااااااااااااااااااااااااات شسوي الأن جد روحه وجيه تعب واتصل على مكتبها طبعاااااا محد بيررررد

ديني تاج راسي

2014- 9- 8 01:03 PM

رد: تجمع طالبات الدبلوم التربوي2014 الاحساء

اقتباس:

المشاركة الأصلية كتبت بواسطة جنان وكلي حنان (المشاركة 11351843)

جربي اتصلي من جوال ثاني لان هي اذا عرفت الرقم ماترد دقي من جوال امك او ابوك وبترد

البرنسيسـه

2014- 9- 8 01:20 PM

رد: تجمع طالبات الدبلوم التربوي2014 الاحساء

انتي اللي استعجلتي بالدفع الله يهديك
هم معطينا مهله للخميس
ربي يعينا جميعا

طالبة5

2014- 9- 8 02:35 PM

رد: تجمع طالبات الدبلوم التربوي2014 الاحساء

كيف دفعتي الرسوم لها ولا عطتك وصله وتودينها بنك؟
لوسمحتي وضحي لنا طريقه تسديد الرسوم

جنان وكلي حنان

2014- 9- 8 04:49 PM

رد: تجمع طالبات الدبلوم التربوي2014 الاحساء

لا ياقلبي دفعت عن طريق بنك البلاد وخذت الأيصال وديت لها نسخ

ديني تاج راسي

2014- 9- 8 07:15 PM

رد: تجمع طالبات الدبلوم التربوي2014 الاحساء

اقتباس:

المشاركة الأصلية كتبت بواسطة طالبة5 (المشاركة 11352028)

كيف دفعتي الرسوم لها ولا عطتك وصله وتودينها بنك؟
لوسمحتي وضحي لنا طريقه تسديد الرسوم

هلا اختي احنا يوم داومنا يوم الاحد كان تحت الجدول ورقه صغيره مكتوب فيها رقم حساب ببنك البلاد تاخذين رقم الحساب وتروحين بنك البلاد وتروحين قسم الايداع ويكون عندك المبلغ كاش واذا رحتي عن شباك الايداع قولي لها ابي اودع مبلغ لهذا الحساب وعطيها الرقم وهي راح تخلص الاجراءات وممكن تخلين احد من الرجال يودع المبلغ عادي اهم شي الايصال اللي تستلمينه بعد الايداع تصورينه ثلاث نسخ وتودين الاوراق للاستاذه عفاف

عكفان

2014- 9- 8 08:20 PM

رد: تجمع طالبات الدبلوم التربوي2014 الاحساء

بنات احد راح اليوم ؟؟فيه محاضرات او لا؟؟

طالبة5

2014- 9- 8 08:44 PM

رد: تجمع طالبات الدبلوم التربوي2014 الاحساء

طيب ممكن ولاعليك امر تعطينا رقم الحساب
اللي خذاها يعطينا

J00dy

2014- 9- 8 11:10 PM

رد: تجمع طالبات الدبلوم التربوي2014 الاحساء

لا مافي محاضرات اليوم

ديني تاج راسي

2014- 9- 8 11:48 PM

رد: تجمع طالبات الدبلوم التربوي2014 الاحساء

http://static.hawaacdn.com/upload/1/...e157ba1421.jpg

حفصه الدوسري

2014- 9- 9 12:02 AM

رد: تجمع طالبات الدبلوم التربوي2014 الاحساء

بنات لو سمحتم
دبلوم توجيه وارشاد طلابي برسوم ولا
متى يصيرر مكرمه

طالبة5

2014- 9- 9 12:07 AM

رد: تجمع طالبات الدبلوم التربوي2014 الاحساء

مشكوره دنيتي تاج راسي عادي اروح البنك على طول اسدد
ولا لازم امر الجامعه
يحتاج قبل البنك شي ؟

LaNoRiTa

2014- 9- 9 12:35 AM

رد: تجمع طالبات الدبلوم التربوي2014 الاحساء

السلام عليكم

الوضع أصبح لا يطاق في البداية انتظرنا ست شهور عشان تطلع النتايج
ولما تكرموا علينا تفاجئنا ان الدراسة برسوم وبعدين تأخير في الجداول

ابغى افهم لييييش كذا ؟ اهمال ولا تسيب؟ حنا في جامعة مش روضة

وبعدين يا بنات لازم نتكاتف ونرفع خطاب بخصوص الرسوم بصراحة مش الكل عنده المقدرة انه يدفع مبلغ مبالغ فيه مثل هذا

ليش باقي الجامعات رسومهم أقل أو بدون رسوم؟

ضروري اللي تقدر تتكفل برفع الخطاب وحنا أكيد بنوقف معاها

عكفان

2014- 9- 9 12:54 AM

رد: تجمع طالبات الدبلوم التربوي2014 الاحساء

ايوه احنا محتاجين واحده تتكفل برفع الخطاب ,ياليت يابنات الي عندها مقدره انه تتكفل برفع الخطاب تقول ,نبي بالكثير بكره بالليل نكو ن رافعين الخطاب.

دمعة المآآس

2014- 9- 9 12:59 AM

رد: تجمع طالبات الدبلوم التربوي2014 الاحساء

انا رحت اسدد الرسوم ورفضوا ياخذون المبلغ مني لأني ماوديت ورقة اشعار القبول حتى لما فتحت الصوره من الجوال رفضوا لادم الورقه نفسها ، انا عندي صوره من اشعار القبول بالأسود يعني الختم مو أزرق ما أدري اذا بيقبلون ولا بيتسلطون كل شيء صار متوقع منهم .. مافي أي وضوح معهم أبداً .. يعني وش خسارنين لو حاطين اعلان لنا او راسلين لنا بالجوال او حتى ايميل وموضحين لنا فيه كل شيء .. صرنا لعبه عندهم صراحه ��

كيمياء المحبة

2014- 9- 9 03:30 AM

رد: تجمع طالبات الدبلوم التربوي2014 الاحساء

بنات هذا الخطاب
اذا وحده تقدر توصله الى قسم الرجال

بسم الله الرحمن الرحيم
الى سعادة عميد الدراسات العليا حفظة الله

السلام عليكم ورحمة الله وبركاته

نفيد سعادتكم علما اننا طالبات الدبلوم التربوي بجامعة الملك فيصل بعد ان تم قبولنا بشكل نهائي فوجئنا بوجود رسوم للدراسه حيث اننا عند التسجيل لم يكن لوجودها أي ذكر .. وهي تشكل عبئاً علينا مما يعيقنا في استكمال مسيرتنا العلمية التي نطمح اليها و ايضا واجهتنا مشكله فتح نظام البانر حيث ان الارقام الأكاديميه غير مفعله الى الآن أسبوع من بدأ الدراسه ولم يتاح لنا ادخال المواد و تم ربط جدولنا الدراسي بسداد الرسوم الى يوم الخميس وهي مهله غير كافيه وإلا سيتم اخذ المقعد الدراسي لاحدى طالبات الاحتياط ، كذلك بالنسبه للطالبات المسجلات بالضمان الإجتماعي إلي الآن لم يصل لهن أي خبر هل يقمن بسداد الرسوم أو يتم الإعفاء عنهن أو يلجأن للانتظار وبعد الانتظار قد يتم الغاء المقعد الدراسي المخصص لهن , لذا نرجو من سعادتكم التكرم بأعفائنا من الرسوم لكي نتمكن من تكملة تعليمنا ومراعاة ظروفنا و ظروف اخواتنا الغير قادرات على تسديد الرسوم حيث ان معدل الطالبات اللاتي تم قبولهن للدراسه يبين جديتهن في استكمال تعليمهن واجتهادهن، فنرجو منكم تشجيعنا و اعفائنا عن دفع الرسوم الدراسيه .

طالبات الدبلوم التربوي ١٤٣٥-١٤٣٦ هـ

والي ماتقدر ترسله بالايميل

د. عبدالله بن محمد الدغيم
الهاتف : 5895217
البريد الإلكتروني aldughaym@kfu.edu.sa :
--------------------------------------------------------------------------------
وكيل عمادة الدراسات العليا
د. يوسف بن ناصر الرشاده
الهاتف : 5895536
البريد الإلكتروني : yalrashada@kfu.edu.sa
-------------------------------------------------------------------------------

الميش

2014- 9- 9 04:53 AM

رد: تجمع طالبات الدبلوم التربوي2014 الاحساء

اذا بترسلون رسلو لوزير التعليم العالي وليس عميد الدرسات العليا لأنو هو عبدا مأمور وبيقول لكم نفس هالكلام بيقول انا مابيدي شي الشي بيد الوزير استاذه عفاف قالت انو الوزير هو اللي حولها الى رسوم
بعدين شلون مكتوب لنا انو السداد الى 23 من هذا الشهر كيف الى يوم الخميس
بندفع لهم فلوس ولا عندهم سياسه عدل
حسبي الله ونعم الوكيل على كل ظالم

الميش

2014- 9- 9 05:50 AM

رد: تجمع طالبات الدبلوم التربوي2014 الاحساء

بنات اللي داومت هل فيه حضور ومحاضرات ولا ؟؟
والحساب للدبلوم التربوي ياليت تكتبونه كتابه
وهل فيه باص حكومي يوصل؟
يعطيكم العافيه مقدما

LaNoRiTa

2014- 9- 9 06:48 AM

رد: تجمع طالبات الدبلوم التربوي2014 الاحساء

http://emw.mohe.gov.sa/newEmsg/RequestInquiry1.aspx

شوفوا هذا الرابط للتواصل مع الوزير لكن لا أعلم بالضبط كم تستغرق المعاملة
خصوصاً أن الوقت مش في صالحنا

فياليت اللي تقدر تتكفل بالموضوع بالنيابة عن الجميع الله يعطيها العافية

LaNoRiTa

2014- 9- 9 02:41 PM

رد: تجمع طالبات الدبلوم التربوي2014 الاحساء

مرحبا بنات

في أحد بيداوم اليوم؟
وبالنسبة للي سددوا الرسوم هل فتح معكم البنر؟

عسجـــد

2014- 9- 9 02:50 PM

رد: تجمع طالبات الدبلوم التربوي2014 الاحساء

جامعة الدمام الدبلوم عندهم مجاناً

LaNoRiTa

2014- 9- 9 03:13 PM

رد: تجمع طالبات الدبلوم التربوي2014 الاحساء

بكرة الصباح الساعة ١٠ لازم كلنا نكون متواجدين في الجامعة
أتمنى من الجميع الحضور لأن لما نكون مجموعة كلمتنا بتصير مسموعة
لازم يشوفون لنا حل. بنكمل الاسبوعين وحنا محلك سر

ديني تاج راسي

2014- 9- 9 03:33 PM

رد: تجمع طالبات الدبلوم التربوي2014 الاحساء

انا سددت اليوم ورحت سلمت الاوراق لكن لسى مافتح
اليوم مافي دوام سالت المنسقه قالت اليوم مافي دوام الدكاتره معتذره باختصار انا عن نفسي هذا الاسبوع ماراح اداوم

صح نسيت اذكر ان اللي مسجله بالضمان الاجتماعي تراجع المنسقه قبل ما تسدد لان لهم حاله خاصه هذا احد النقاط اللي قالتها المنسقه يوم الاحد ونسيت اذكره

ديني تاج راسي

2014- 9- 9 03:35 PM

رد: تجمع طالبات الدبلوم التربوي2014 الاحساء

ياليت اقدر اجي انا ضروفي ماتسمح اروح لاني اجي من اول المبرز لاخر الهفوف وعندي اطفال

أحلام تتحقق

2014- 9- 9 05:11 PM

رد: تجمع طالبات الدبلوم التربوي2014 الاحساء

هلا بنات شخباركم شوفوا الخبر جانعة شقراء إعفاء الرسوم وبنفس سنتا فحرام ان كانت دراستنا مشروطه بالدفع والجامعات الاخرى آعفاء..
أيضا جامعة الدمام الدبلوم مجانا…
http://mobile.alweeam.com.sa/288706/...امج-التجسير-و/

عكفان

2014- 9- 9 08:51 PM

رد: تجمع طالبات الدبلوم التربوي2014 الاحساء

بنات انا فيه واحد من الاعلامين الي يشتغلون في سبق اضافني بتويتر عشان نقول مشكلتنا ,,شقوله بظبط ابي كلام مرتب ؟؟
تكفون ردو بسرعه

ديني تاج راسي

2014- 9- 9 09:08 PM

رد: تجمع طالبات الدبلوم التربوي2014 الاحساء

[quote=كيمياء المحبة;11354010]بنات هذا الخطاب
اذا وحده تقدر توصله الى قسم الرجال

بسم الله الرحمن الرحيم
الى سعادة عميد الدراسات العليا حفظة الله

السلام عليكم ورحمة الله وبركاته

نفيد سعادتكم علما اننا طالبات الدبلوم التربوي بجامعة الملك فيصل بعد ان تم قبولنا بشكل نهائي فوجئنا بوجود رسوم للدراسه حيث اننا عند التسجيل لم يكن لوجودها أي ذكر .. وهي تشكل عبئاً علينا مما يعيقنا في استكمال مسيرتنا العلمية التي نطمح اليها و ايضا واجهتنا مشكله فتح نظام البانر حيث ان الارقام الأكاديميه غير مفعله الى الآن أسبوع من بدأ الدراسه ولم يتاح لنا ادخال المواد و تم ربط جدولنا الدراسي بسداد الرسوم الى يوم الخميس وهي مهله غير كافيه وإلا سيتم اخذ المقعد الدراسي لاحدى طالبات الاحتياط ، كذلك بالنسبه للطالبات المسجلات بالضمان الإجتماعي إلي الآن لم يصل لهن أي خبر هل يقمن بسداد الرسوم أو يتم الإعفاء عنهن أو يلجأن للانتظار وبعد الانتظار قد يتم الغاء المقعد الدراسي المخصص لهن , لذا نرجو من سعادتكم التكرم بأعفائنا من الرسوم لكي نتمكن من تكملة تعليمنا ومراعاة ظروفنا و ظروف اخواتنا الغير قادرات على تسديد الرسوم حيث ان معدل الطالبات اللاتي تم قبولهن للدراسه يبين جديتهن في استكمال تعليمهن واجتهادهن، فنرجو منكم تشجيعنا و اعفائنا عن دفع الرسوم الدراسيه .

طالبات الدبلوم التربوي 1435-1436 هـ

هذي كلامها معقول ومرتب

ديني تاج راسي

2014- 9- 9 09:09 PM

رد: تجمع طالبات الدبلوم التربوي2014 الاحساء

انا ارسلت لحريده وئام اللي نشرت خبر جامعه شقراء في للرابط السابق لكن طلب رقم جوال احد علشان يتواصل معاه

Nice2014

2014- 9- 9 09:34 PM

رد: تجمع طالبات الدبلوم التربوي2014 الاحساء

الله يعينكم على جامعه فيصل معروفه بالاستهتار
وبخصوص جامعه شقراء الغت التسجيل في بعض برامج الموازي بعد الامر الملكي
باعفاء الرسوم ومن ضمنها الدبلوم التربوي
يعني الطالبات افرحوا بالغاء الرسوم وانصدموا بالغاء البرنامج بحجج واهيه
يقول مافي عدد كافيه ولا في اعضاء تدريس
يعني الجامعات اصبحت ماااااديه بكل المملكه

Nice2014

2014- 9- 9 09:51 PM

رد: تجمع طالبات الدبلوم التربوي2014 الاحساء

والنكته العظمى
بعد من الغوا التسجيل السابق بالدبلوم التربوي لان الطالبات اشتكوا انهم انصدموا بدفع الرسوم
اعادوا التسجيل اليوم وقالوا انه برسوم ومن ضمن الشروط الدفع
يعني لاتشتكون تراه برسوم بتسجلون تفضلوا

يعني جامعه الملك فيصل مو بعيده عنهم كلهم هدفهم الماده
ماعدا جامعه الدمام الى الان مجاني

عكفان

2014- 9- 9 11:37 PM

رد: تجمع طالبات الدبلوم التربوي2014 الاحساء

اخوي
هم الغوا برنامج الدبلوم الي في "ساجر" مو شقراء
لانهم مالقوا مدرسين
وساجر اول مره تفتح عندها برنامج دبلوم
اما شقراء فالغت الرسوم بعد ماشتكوا الطلاب

>>>>عشان تكونون معاي بصوره ,كلمت الاعلامي الي بصحيفة سبق وشرحت له المشكله و بعدها سالني اذا احنا جامعة فيصل الي بالاحساء ؟ فقلت له ايوه ,ف ان شاء الله ينشرون الخبر

عكفان

2014- 9- 10 12:18 AM

رد: تجمع طالبات الدبلوم التربوي2014 الاحساء

رد علي (الاعلامي الي بسبق)وقالي اشوف وظعكم .
ان شاء الله خيير يارب

Nice2014

2014- 9- 10 12:46 AM

رد: تجمع طالبات الدبلوم التربوي2014 الاحساء

الله يكتب لكم الخير ويسر امركم

تقصدين ساجر اللي في الدوادمي تو انتبهت

طيب.و عفيف والقويعه كلها تبع شقراء

ونا لي تواصل مع صديقه هناك اكدت لي انهم اعادوا التسجيل
اليوم وطالبوهم بالرسوم عشره الاف
مو موضوعنا بس اصحح لك المعلومه
المفروض النظام يتطبق على كل المحافظات خير

وهذي تغريده الكليه
@Dcscesu: برنامج #الدبلومات_التربوية برسوم مالية وقدرها عشرة آلاف ريال للعام الواحد @BinsaeedK #جامعة_شقراء http://t.co/8h97jwPRTy

الميش

2014- 9- 10 02:28 AM

رد: تجمع طالبات الدبلوم التربوي2014 الاحساء

بنات اللي دفعو الرسوم دفعتوها لمين لأنو هنا وحده تقول انو لازم تودي لهم ورقة اشعارالقبول
وبعد الدفع لازم نروح للجامعه ولا ؟ومتى اخر موعد للدفع ؟
ياليت ماتطنشون كلامي وتردون علي،،،

دمعة المآآس

2014- 9- 10 02:53 AM

رد: تجمع طالبات الدبلوم التربوي2014 الاحساء

روحي لبنك البلاد اودعي المبلغ فالحساب اللي هم حاطينه لنا الصوره موجوده بالردود السابقه وخذي معك اشعار القبول وبعدها ودي الوصل للأستاذه عفاف العامر

الميش

2014- 9- 10 03:04 AM

رد: تجمع طالبات الدبلوم التربوي2014 الاحساء

يعطيك العافيه اختي على الرد
ماقدر أودع الرسوم الا يوم الخميس عادي انو اروح لها الاحد

طالبة5

2014- 9- 10 04:49 AM

رد: تجمع طالبات الدبلوم التربوي2014 الاحساء

انا رحت بنك البلاد وطلبت مني بطاقه العائله وبعدين عطيتها
رقم الحساب اللي هنا في المنتدى حطوه صوره
وبعدين عطتني ٤ نسخ من الايصال ٣ للجامعه واحد لك
ويعدها رحت لاستاذه عفاف وعطيتها الاوراق بس للحين ماتفعل
سئلتني بداومون قلت كيف نداوم وماسجلنا اي دكتور واي شعبه قلت اغلب البنات ماراح يداومون
قالت خلاص اجل بقولهم الدوام يبدا من الاحد وبس

ديني تاج راسي

2014- 9- 10 11:10 AM

رد: تجمع طالبات الدبلوم التربوي2014 الاحساء

السلام عليكم ورحمه الله وبركاتو
بنات اللي سددو فتح النظام واستخرجت الرقم السري
لكن يكتب لايسمح لك التسجيل بهذا الوقت
يعني ماقدرت اسجل المواد

ديني تاج راسي

2014- 9- 10 11:16 AM

رد: تجمع طالبات الدبلوم التربوي2014 الاحساء

طريقه تحديث البيانات واستخراج الرقم السري

http://www.kfu.edu.sa/ar/Deans/it/Do...word-Guide.pdf

طريقه دخول النظام وتسجيل المقررات

http://www.kfu.edu.sa/ar/Deans/Admis...ts/servicesnew.

ربي يوفق الجميع

LaNoRiTa

2014- 9- 10 03:54 PM

رد: تجمع طالبات الدبلوم التربوي2014 الاحساء

بنات
فتحوا البنر انا سجلت المواد

طالبة5

2014- 9- 10 06:22 PM

رد: تجمع طالبات الدبلوم التربوي2014 الاحساء

انا ماففتح عندي ليييه

طالبة5

2014- 9- 10 06:30 PM

رد: تجمع طالبات الدبلوم التربوي2014 الاحساء

من فتح لها وسجلت ومتى فتح لكم

عكفان

2014- 9- 10 06:46 PM

رد: تجمع طالبات الدبلوم التربوي2014 الاحساء

انا مافتح معاي

LaNoRiTa

2014- 9- 10 07:15 PM

رد: تجمع طالبات الدبلوم التربوي2014 الاحساء

سووا اعادة تعيين للرمز السري واتبعوا الخطوات
وبعدين افتحوا البانر وضيفوا المواد

طالبة5

2014- 9- 10 07:20 PM

رد: تجمع طالبات الدبلوم التربوي2014 الاحساء

انا فتح ابشركم :d
دنيتي تاج راسي اختاري التسجيل والحذف والاضافه بعدين
الفصل الدراسي الاول <<<< لازم تختارون الفصل الدراسي الاول ولابيقول لكم انه موب وقت تسجيل
اللي للحين مافتح معها صفحه الرقم السري تكتب بقوقل استخراج الرقم السري جامعه فيصل وبتفتح لها الصفحه وطلعو الرقم

بنات انا اخترت 7 مواد عادي؟؟

حبيت اسئلكم عن د هانم وش رايكم فيه :(107): ؟؟

البرنسيسـه

2014- 9- 10 08:26 PM

رد: تجمع طالبات الدبلوم التربوي2014 الاحساء

نفس السؤال
اللي يعرف هانم
عبير بو رقه او عواطف الظفر
ناهذ الموسى او منى العيدان
يخبرناا

الميش

2014- 9- 10 09:17 PM

رد: تجمع طالبات الدبلوم التربوي2014 الاحساء

بنات لو سمحتو نسجل على اي جدول اللي نزلتوه هنا ولا اللي بالموقع

Nice2014

2014- 9- 10 09:40 PM

رد: تجمع طالبات الدبلوم التربوي2014 الاحساء

يمدي الدفع بكره ؟؟ضروري اللي عنده علم يفيدنا

ديني تاج راسي

2014- 9- 10 10:51 PM

رد: تجمع طالبات الدبلوم التربوي2014 الاحساء

انا سجل معاي ولله الحمد من قبل المغرب

الجدول واحد اللي بالموقع نفس اللي نزلته المنسقه قدام غرفتها اقصد الجدول الجديد

وماعندي خلفيه عن السداد لكن اذا سددتي بكره لازم تودين الايصال مباشره للمنسقه وتسلمينها الوصل والنسخ هي دوامها يخلص ٢ يعني روحي لها قبل ضروري تستلم الايصال علشان تفعل لك

والتسجيل اجباري سبع مواد لان ماراح ينعاد فتح المواد الترم الثاني هذا اللي اعرفه والله اعلم

طموح حالمه ~

2014- 9- 10 10:58 PM

رد: تجمع طالبات الدبلوم التربوي2014 الاحساء

بنات أنا من القرى ومحتاجه نقليه ﻷني تعبت ماحصلت فياليت أي بنت من القرى أو عندها نقليه وعادي تجي للقرى تقولي ﻷني بشترك معها والله يجزيها كل خير ياااارب..

لصمتي هيبه

2014- 9- 10 11:32 PM

رد: تجمع طالبات الدبلوم التربوي2014 الاحساء

السلام عليكم بنات .... بالتوفيق في الدبلوم
بالنسبه للدكاترة
عبير بو رقه افضل من عواطف بكثيييير عبير مرة طيووبه
اما ناهد ومنى انا ماخذت عند ولا وحده منهم خذت عند منال الخاتم بس من
كلام البنات ناهد منهجها اقل والاسئله صعب ممتنع ام منى منهجها طويل ويقولون اسئلتها اسهل حتى لو صعبه بالشهري تكون سهله بالنهائي ولكن المدح من البنات لمنى وليس ناهد

كيمياء المحبة

2014- 9- 10 11:44 PM

رد: تجمع طالبات الدبلوم التربوي2014 الاحساء

بنات الله يعطيكم العافيه
حصلت باص يوصل بنات الهفوف
بس يوصل خمس طالبات اقل شئ
الله يعطيكم العافيه الي يبي يصير معانا

الهفوف شارع النجاح

ديني تاج راسي

2014- 9- 10 11:57 PM

رد: تجمع طالبات الدبلوم التربوي2014 الاحساء

اقتباس:

المشاركة الأصلية كتبت بواسطة لصمتي هيبه (المشاركة 11360267)

طيب اختي ايش رايك بمنال الخاتم

ودكتورات تقنيات التعليم (احلام محمد -الاء يحيى -عزه جميل )عند اي وحده خذتي

طالب دبلوم

2014- 9- 11 12:09 AM

رد: تجمع طالبات الدبلوم التربوي2014 الاحساء

السلام عليكم يا اخواتي الترم الاول المقرر علينا سبع مواد فقط ام ماذا ؟ لاني حست واحتست ، ساعدوني ولو بطرح المواد المقرره لكي يرتاح بالي ، واحس اني ضايع ، المقصد الخطة الدراسيه حقت الطلاب والطالباات وحده

لصمتي هيبه

2014- 9- 11 12:25 AM

رد: تجمع طالبات الدبلوم التربوي2014 الاحساء

منال الخاتم حليووه ومحاضراتها مسليه لكن واجباتها كثيير ومتعبه
اما التقنيات اخذت عند احلام وتندمت لكن تغير اسلوبها الفصل الثاني من كلام البنات
ويمدحون عزه كثييير وشعبتها دايم ممتلئه

طموح حالمه ~

2014- 9- 11 12:50 AM

رد: تجمع طالبات الدبلوم التربوي2014 الاحساء

أختي كيمياء المحبة الباص اللي حصلتيه للهفوف بس مايجي القرى أسأليه الله يعطيك العافية أو عطيني رقمه ﻷني محتاجه تعبت ماحصلت وبكون شاكره لك

ديني تاج راسي

2014- 9- 11 12:56 AM

رد: تجمع طالبات الدبلوم التربوي2014 الاحساء

اقتباس:

المشاركة الأصلية كتبت بواسطة لصمتي هيبه (المشاركة 11360471)

جزاك الله خير اختي انا اخترت عزه من اول لكن رجعت وغيرت اخترت منال الخاتم لان خيارنا بين دكتورتين بس

ديني تاج راسي

2014- 9- 11 01:02 AM

رد: تجمع طالبات الدبلوم التربوي2014 الاحساء

اقتباس:

المشاركة الأصلية كتبت بواسطة طالب دبلوم (المشاركة 11360425)

وعليكم السلام
اخوي المواد اللي ندرسها وحده للطالبات والطلاب لكن يختلف الدكاتره وتوزيعها بالايام الطلاب هذا جدولهم دور المواد اللي قدامها d وسبع مواد مثلنا في ماده زايده يوم الجمعه مو لنا

http://bannerinb.kfu.edu.sa/KFU/ws?p...&p_sex_code=11

ديني تاج راسي

2014- 9- 11 01:05 AM

رد: تجمع طالبات الدبلوم التربوي2014 الاحساء

http://www.ckfu.org/vb/attachment.ph...4&d=1410152301

هذا الجدول اللي نزلته المنسقه وكان فيه فرع الطلاب انت شوف الورقتين اللي تحت اللي مكتوب فيها طلاب موضح فيها الاوقات والمباني والدكاتره الله يعينك تدور المواد اللي في الورقه الاولى بالموقع اللي فوق

Nice2014

2014- 9- 11 01:45 AM

رد: تجمع طالبات الدبلوم التربوي2014 الاحساء

ان شاء الله تتيسر الامور يمدها تسدد
المهم من فيكم بكالوريوس انتساب
ومقبوله بالدبلوم التربوي تجيني خاص
ضروري

طالب دبلوم

2014- 9- 11 06:45 AM

رد: تجمع طالبات الدبلوم التربوي2014 الاحساء

جزاك الله خير ديني تاج راسي ورحم الله والديك
شكرا ، وبالتوفيق للجميع

طالبة5

2014- 9- 11 06:53 AM

رد: تجمع طالبات الدبلوم التربوي2014 الاحساء

بنات وش رايكم
منال محمد امين خليل
ومحمود عبد الحي علي

ضروري وش تنصحونا فيه اي دكاتره افضل؟؟

عسجـــد

2014- 9- 11 07:00 AM

رد: تجمع طالبات الدبلوم التربوي2014 الاحساء

يعطيكم العافيه بنات

سجلت المواد، وان شاء الله اليوم باسدد

ديني تاج راسي

2014- 9- 11 07:02 AM

رد: تجمع طالبات الدبلوم التربوي2014 الاحساء

اقتباس:

المشاركة الأصلية كتبت بواسطة طالبة5 (المشاركة 11361196)

بنات وش رايكم
منال محمد امين خليل
ومحمود عبد الحي علي

ضروري وش تنصحونا فيه اي دكاتره افضل؟؟

تلقي راي ريحانه طالبه من السنه الماضيه بصفحه 6 تكلمت عن اغلب الدكاتره

http://www.ckfu.org/vb/t610314-6.html

كيمياء المحبة

2014- 9- 11 09:09 AM

رد: تجمع طالبات الدبلوم التربوي2014 الاحساء

اختي طموح حالمه من اي قرى
اعرف بنت الجفر تدور على باص

كيمياء المحبة

2014- 9- 11 09:19 AM

رد: تجمع طالبات الدبلوم التربوي2014 الاحساء

‏بنات أي بنت من القرى الشرقية وتبي باص أنا عندي باص بيوصلني بس يبي وحده معي ع الأقل من ( الجفر أو المزاوي أو العقار أو الطرف أو الجشه ) دوام مسائي

رسالة حق بنت الي تبي تتواصل معاي

طموح حالمه ~

2014- 9- 11 12:32 PM

رد: تجمع طالبات الدبلوم التربوي2014 الاحساء

أختي كيمياء المحبة أنا من القرى الشرقيه قريب من قرية الحليله إذا وافق صاحب الباص بشترك معك

طموح حالمه ~

2014- 9- 11 12:35 PM

رد: تجمع طالبات الدبلوم التربوي2014 الاحساء

وانا انتظر ردك اختي كيمياء المحبه

طموح حالمه ~

2014- 9- 11 01:01 PM

رد: تجمع طالبات الدبلوم التربوي2014 الاحساء

أختي كيمياء المحبة أنا من القرى الشرقيه قريب من قرية الحليله إذا وافق صاحب الباص بشترك معك

طموح حالمه ~

2014- 9- 11 01:16 PM

رد: تجمع طالبات الدبلوم التربوي2014 الاحساء

أختي كيمياء المحبة أنا من القرى الشرقيه قريب من قرية الحليله إذا وافق صاحب الباص بشترك معك

All times are GMT +3. الوقت الآن حسب توقيت السعودية: 09:48 AM.

صفحة 2 من 3

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه