رد: تجمع طالبات الدبلوم التربوي2014 الاحساء
 

السلام عليكم ورحمه الله وبركاتو

اهلا باخواتي

طبعا اليوم رحنا الجامعه تقريبا 30 طالبه وصراحه اللي صار مهزله بمعنى الكلامه

ماعندي وصف ابلغ او افصح من مهزله ما ادري هل هم اغبياء او يستغبون او يضنون ان احنا اغبياء او يستغفلونا بالله ردو علي انا ارتفع ضغطي اليوم واحس ان مخي بينفجر من القهر

القصه باختصار
وصلت الجامعه وتوجهة لغرفت الاستاذه ذات الاراء المتضاربه والمتغيره بتغير الثواني والدقائق ووجد اخوات هناك كان هناك جدول نازل امام غرفه المذكوره اعلاه طبعا نقلنا الجدول والجدول كان عباره جدول مشابه للي نزلوه الاخوات في المنتدى من الخطه لكن يختلف نص الجدول حيث صار اغلب الدكاتره رجال
بعد نقل الجدول رحنا ندور المبنى والمدرج الي فيه اول محاضره تدرون ايش المفاجأه انه لا وجود للمبنى المذكور الكل يقول مافي هذا الرقم ولبسنا عباياتنا وتنقلنا في الجامعه بحثا عنه ولكن دون جدوى المهم في وحده من الطالبات كلمه الاستاذه على جوالها وقالت لها القصه قالت لا غلط مافي هالمبنى مو معقول مسجل بالجدول قلت لها الا موجود بالجدول قالت رجعي عند المكتب (وعندي لكم مفاجأه اكتشفتها لما رجعت البيت بذكرها في الاخير ) ووصلنا عن الغرفه ووجدنا ان البنات متجمعه وشوي ولقينا وحده جزاها الله خير قالت بنات سمعو استاذه بتكلمكم من الجوال وغردت الاستاذه طبعا كلامها ماكان واضح لانه سبيكر المهم ان دقت على الدكتور المفروض نحظر له ولا يرد يعني شكله مو موجوذ وان بتكلم دكتور المحاضرة الثانيه وبتلغبها وان اليوم مافي دوام والمطلوب من البنات اخذ رقم الطالبه اللي تتكلم من جوالها ونتصل عليها ونتاكد منها اذا بكره في دوام او لا واذا في دكتور بيعتذر او لا ( والصدمه اللي غردة فيها بالاخير ) ان النظام ماراح يفتح الا اذا سددتي الرسوم وجبتي الايصال وسلمتيه للمذكوره واذا سلمتيه راح يفعل رقمك الاكديمي وانه بامكان جميع المقبولين الدوام هذا الاسبوع حسب الجدول المعلق اما الغرفه لما تقرر انهي بتكمل تسدد ويتم تفعيل الرقم
وطبعا هذا يختلف عن كلامها للبنات اللي راحو لها وقت دوامها
وطبعا اكتشفنا ان في ورقه معلقه جنب غرفتها بعييييده عن الجدول مكتوب فيها ان في ماده بالجدول بيغير وقتها من يوم الاربعاء المساء الى يوم الاثنين الصباح وحطت كذا وقت الصبح نختاره مع العلم انه يوجد عندنا دوام يوم الاثنين من 3-7 ومن غير ذكر السبب لكن اكتشفنا مع البنات ان السبب تعارض هذي الماده مع ماده ثانيه في الجدول وطبعا اتفقنا مع البنات ان نعترض واننا نرفض ان نداوم الصباح وان الكل على كلمه وحده واللي عندها كلمه ثانيه او استطاعه ان تداوم الله لا يهينها تسكت ولا تخرب على الباقي لان الاغلب مرتبطات الصبح




اللحين وقت المفاجأه الكبيره اللي سبق وذكرتها بنات اللي حظرو اليوم ابيكم تفتحون صورة الجدول اللي صورتوه بجوالاتكم وتتاملون الجدول وتاملوه زين لان بطلع لكم اكبر واغبا خطأ يدل على الاهمال والتسيب وعدم الدقه والتنطيم

احنا صورنا ثلاث اوراق

الورقه الاولى مكتوب فيها فوق وفي الطرف اليسار فرع الطالبات


والورقه الثاني مكتوب فيها فوق بجهت اليسار فرع الطلاب ؟؟؟؟؟؟؟؟؟؟؟؟؟

والورقه الثالثه مكتوب فيها فوق بجهة اليسار فرع الطلاب ؟؟؟؟؟؟؟؟؟؟؟؟؟؟؟؟؟؟



عرفتو ياحلوين ليه مالقينا مبنى 32
وعرفتو ليه الجدول تعارضبين مادتييين
وعرفتو ليه نص الدكاتره متغيرين عن جدول الموقع وان كلهم رجال


لان الاذكياء والعباقره معلقين لنا نص جدول للطالبات والنص الثاني للطلاب
وعلشان تتاكدون من كلامي دخلو الرابط هذا ودخلو جدول الطالبات وراح تلقون او ورقه مطابقه لجدول الطالبات والورقتين الباقين راح تلقونها بجدول الطلاب

http://www.kfu.edu.sa/ar/Deans/Admis...ual143010.aspx

اللي عندها صور الجدول اتمنى تنزل الصور لان الصور الللي عندي مو واضحه
وفي الختام ما اقول الا حسبي الله ونعم الوكيل هل تستحق ان تكون مدينه جامعيه او حتى جامعه السؤال من المسؤول من اللي مفروظ يتحاسب

رد: تجمع طالبات الدبلوم التربوي2014 الاحساء
 

بنات جزاكم الله خير اللي صورت الجدول وواضح ابي نسخه برسلها لجريدة سبق الصوره اللي عندي مو واضحه

رد: تجمع طالبات الدبلوم التربوي2014 الاحساء
 

حسبي الله ونعم الوكيل
يعني الجدول اللي نقلناه وكنا بنداوم ع اساسه اللي استغربت انه اغلبه رجال
طلع للاولاد مو لنا !!!!
ايش الاهمال هذا وش شايفينا !!!
بنات خلونا متواصلين بالمنتدى علشان نعرف اذا بنداوم بكرا او لا
و بعدين سالفة الرسوم ايش بتسوون عليها
بتجربون هالاسبوع او بتدفعون على طول

رد: تجمع طالبات الدبلوم التربوي2014 الاحساء
 

اللي بترسل لجريدة سبق ياليت تكتبين عن اساليبهم معنا
و خدعتهم لنا بخصوص الرسوم

رد: تجمع طالبات الدبلوم التربوي2014 الاحساء
 

رد: تجمع طالبات الدبلوم التربوي2014 الاحساء
 

هلا اختي المعروف ان دوام الدراسات العليا هو الفتره المسائيه وان في بنات معانا عندهم وظايف في الصباح ولا يقدرون يداومون الا العصر وهم سجلو على اساس الدوام العصر ونقاشنا كان على انفي ماده بينزلونها الصباح يعني بنصير نداوم الصباح الساعه 9:30 الى 11 الظهر وتجلسين في الكليه او تروحين بيتك وترجعين مره ثانيه للجامعه في العصر تداومين من الساعه 3-7 يعني راح يومك بالكليه مو انهم يبون يحولونه الصباح عندك استعداد تداومين يوم الاثنين الصباح وترجعين العصر او تجلسين بالكليه من 9:30 الصبح الى سبع المغرب صراحه انا مو مستعده اترك بيتي وعيالي في الصبح والعصر

واذا انتي من المبرز انا عندي سواق من المبرز ابي وحده او ثنتين معاي لكن ابي من الراشديه والاحياء القريبه منها اذا انتي قريبه ممكن اعطيك رقم السواق وتتفقين معاه

رد: تجمع طالبات الدبلوم التربوي2014 الاحساء
 

بنات خلكم متعاونين كلكم حنا دبلوم وسنه وحده بس شيء حلو لما نكون متعاونين ولمن تنتهي هالسنه نذكر بعض بالخير ارفعوا خطاب انه احنا طالبات الدبلوم التربوي الرسوم تفاجئنا فيها والإعوام السابقه كان الدبلوم مكرمه تنلغي والله لو شافوا مجموعه طالبات معارضين على الرسوم صدقوني بيلغونها بس مافيه فعل وحركة اكيد مافيه نتيجه ...

رد: تجمع طالبات الدبلوم التربوي2014 الاحساء
 

معروف ان الدراسات العليا مسائي
وحنا سجلنا على اساس مسائي
عندنا عيال نتركهم مانقدر صباحي
معليش فكري بغيرك برضو الاساس انه مسائي و الكل سجل وعارف هالشي

ثاني شي الرسوم لازم نرفع خطاب فيه اسماءنا وتوقيعنا
علشان تلغى

رد: تجمع طالبات الدبلوم التربوي2014 الاحساء
 

رفعت خطاب باسمي للديوان الملكي وتكلمت باسم طالبات الدبلوم وللحين الطلب ما ردو عليه وارسلت اليوم رسايل باسم الطالبات الدبلوم لكذا جريده عن الرسوم والتلاعب اللي صار لكن لازم التعاون وكلنا نرفع ونرسل مو وحده علشان ينسمع صوتنا

رد: تجمع طالبات الدبلوم التربوي2014 الاحساء
 

الصباااح مستحييييل مستحيل نوافق
ظروفنا ماتسمح وسجلنا ع اساس مسااائي