|
رسالة من الاحوال المدنية
1 مرفق
السلام عليكم
وصلتني رسالة من رقم يدعي انه تبع الاحوال المدنية و طالب مني ارسل معلوماتي من صورة الهوية و الوثيقة البكالريوس و حاط لي ايميل بس الوضع مريب بالنسبة لي ماعرف اذا احد نفسي وصلته هالرسالة او لا معقولة الاحوال بترسل من جوال عادي ،. يفترض يرسلون من النظام يعني مايطلع لي رقم صح؟؟ وشي ثاني الايميل ابد مو رسمي مافيه sa ولا شي في قلبي الشك ارجو تشاركوني الراي خايفة ارسل معلوماتي وهذا مرفق بالصورة الرسالة الي وصلتني |
رد: رسالة من الاحوال المدنية
لا انصح بالتواصل مع هكذا ا يميلات لا تتبع لقطاع حكومي .
الرجاء اخذ الحيطة والحذر من التلاعب بمعلوماتكم . |
رد: رسالة من الاحوال المدنية
أجل الايميل أهوال ahwal :biggrin:
اها بس هذا نصاب بلغ عنه خلهم يشوفون وضعه |
رد: رسالة من الاحوال المدنية
شوفوه عن طريق نمبر بوك
|
رد: رسالة من الاحوال المدنية
اقتباس:
عن طريق نمبر بوك اسمه احوال زين ماطلع لي اهوال :biggrin: هههههههههههههههههههه |
رد: رسالة من الاحوال المدنية
همس تبيني اتصل عليه اتاكد منه !!!
تراني في الخدمة اختي |
رد: رسالة من الاحوال المدنية
إذا انتي مقدمة على برنامج التدريب المنتهي بالتوظيف الخاص بالاحوال المدنية فالرساله من الأحوال ووصلت لأغلب المتقدمات ع البرنامج .. وصرح محمد الجاسر المتحدث الرسمي للاحوال المدنيه عبر حسابه بتويتر أن الأرقام هذي تبع الأحوال أنا وصلتني الرسالة لكن حاطين فاكس مو ايميل ودقيت على الرقم وطلبتهم ايميل .. يعني توكلي ع الله وارسلي الأوراق المطلوبة .. _ |
رد: رسالة من الاحوال المدنية
وعليكم السلام والرحمه
لا ترسلي اي معلومه او صورة بطاقه او شهاده لاي جهه غير معلومه.. بعد البحث عن الرقم تبين انه لشخص يدعى هيثم سيد احمد لا أعلم من هو .. ولكن الاكيد انه ليس من طرف الاحوال المدنيه الاحوال المدنيه قادرة على الارسال من موقع خاص ومعتمد لها..او على الاقل رسمي وليس الهوتميل الذي لا يعتبر ايميل رسمي ايميل الاحوال الخدمه المدنيه هو الذي ينتهي بـ @ahwal.gov.sa في النهايه الموضوع عائد لك.. لكن انتبهي!!!!! |
رد: رسالة من الاحوال المدنية
هذا واحد يعرف انك متفدمه للاحوال
وله اهداف اخرى ... لا ترسلين له شي ويفضل التحري عنك الرقم |
رد: رسالة من الاحوال المدنية
لا عادي هذول الاحوال
اختي ارسلت لهم وتواصلت معهم ع الرقم 0112297700 وأكدوا لها ان هالارقام تبعهم توكلي ع الله وارسلي لهم وبالتوفيق :004: |
رد: رسالة من الاحوال المدنية
بالعقل دائره حكوميه بتختصر كلمة على ب ( ع)
|
رد: رسالة من الاحوال المدنية
جاتني نفس الـرساله من رقم غريب وشكيت بوضعه |
رد: رسالة من الاحوال المدنية
اقول ياوخيتي حنا نسجل على الوظايف وبعد عشر سنين يطلبون مقابله شخصية وبعد عشر سنين ثانية يمكن يقبلون ويمكن لا لكن هذا اكيد من هاللعابين حسبي الله عليهم اتصل فيني هندي قبل فتره يقول مبرووك انتا في فوز بثلاث مية الف ريال انا موظف اتصالات بس رديت عليه وقلت مير انك تخسي وتعقب يا الهندي المخيس وسكرت في وجهه ههههههه
|
رد: رسالة من الاحوال المدنية
اقتباس:
شوركوهداية الـله |
رد: رسالة من الاحوال المدنية
الحذر مطلوب
و المعلومات الشخصية أصبحت وسيلة للتكسب الغير مشروع |
رد: رسالة من الاحوال المدنية
يجب توخي الحذر من الجميع المجتمع مستهدف بأستغلال جميع موارده عن طريق أبنائه بالنصب والأحتيال سواء ببرامج التواصل الاجتماعي أوصور ثبوتية أو أرقام أتصال , حتى العجز ف الضمان الأجتماعي ما سلموا , تأكدي من الأحوال بنفسك وأسألي .
|
رد: رسالة من الاحوال المدنية
اختي ابعطيك نصيحه لاترسلين ولاتعطين هالرقم اهميه ابدا وترى معلوماتك الشخصيه ولو البسيطه في نظرك لو طاحت في يد واحد مايخاف الله راح تفتح عليك ابواب انتي في غنى عنها ... السؤال الي يطرح نفسه ليش جميع الي توصل لهم هالرساله بنات ؟؟؟؟ ترى فيه ( بعض ) من الموظفين خاين للامانه فالحذر .. وبعض الي يقولون فعلا مطلوب منك ترسلين اقول لهم فعلا الاحوال تبي المعلومات بس مو لهالايميل او الرقم اتبعي الطريقه السليمه وانا متأكد من كلامي ميه بالميه بسبب نفس الرساله جات لزوجه واحد من الشباب من رقم غريب يطلب تحديث جداره ويوم دخل جداره شاف فعلا يحتاج تحديث لكن يوم تواصلنا مع الرقم طلع موظف تافه يرسل هالرساله من جوال بدون اسم ( للبنات فقط ) علشان المحتاجات يفكرونه مسؤل ويقدر يساعدهم و يوظفهم مدام انه فعلا يعرف كل هالتفاصل عنهم وحذرت وزاره التربيه من التعامل معه بعد مانتشرت طريقته وتغيير ارقامه .. والله يستر على الجميع وفالك التوفيق
|
رد: رسالة من الاحوال المدنية
طريقه غير نظامية
|
| All times are GMT +3. الوقت الآن حسب توقيت السعودية: 10:00 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه