ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى التعليم عن بعد جامعة الإمام عبدالرحمن (الدمام) (https://vb.ckfu.org/forumdisplay.php?f=297)
-   -   طالبة جديدة في نظام التعليم عن بعد (https://vb.ckfu.org/showthread.php?t=493542)

HaNaDYY 2013- 9- 3 10:07 AM
طالبة جديدة في نظام التعليم عن بعد
 
صباح الخير .،، أنا تخصصت إدارة اعمال
وآبي نصائح في طريقة المُذاكره :24: لاني مو عارفه شيء .!

ريمنقو 2013- 9- 3 10:17 AM
رد: طالبة جديدة في نظام التعليم عن بعد
 
ان شاء الله يفيدونك اللي بنفس تخصصك

شمري جنتل 2013- 9- 3 10:23 AM
رد: طالبة جديدة في نظام التعليم عن بعد
 
:11:


الله يوفقك

HaNaDYY 2013- 9- 3 10:25 AM
رد: طالبة جديدة في نظام التعليم عن بعد
 
ماعرفت اسجل دخول للدورة التدريبية فاتتني ثنتين وباقي وحده اليوم
عسى حد فيكم يعلمني شلون ، شكراً ريمنقو ان شاء الله :16:

Dr. nsroon 2013- 9- 3 10:42 AM
رد: طالبة جديدة في نظام التعليم عن بعد
 
صباح النور والسرور
تفضلي هنا

http://www.ckfu.org/vb/t493428.html


بخصوص المذاكرة
كل دكتور راح ينزل محتوى للمقرر
تابعي المحاضرات اول بأول حلي واجباتك واختباراتك بإعتمادك على نفسك
ذاكري اول بأول من المحتويات اللي ينزلها الدكتور واذا جا وقت الامتحان ذاكري بتركيز
وبتحصلين نفسك داخله اسهل الامتحانات

اهم شيء محاضراتك لا تهملينها تابعيها
واذا كنتي تفهمين مع الكتابة اكتبي مع الدكتور وسجلي معه الملاحضات اللي يذكرها بالمحاضرة

الواجبات والاختبارات ركزي عليها اخر الترم وذاكريها عدل
لانها تمثل 50% تقريبًا من اسئلة الاختبار هذا اذا ما كانت 70%

واخيرًا تابعي هالقسم وتابعي كل جديد فيه وان شاء الله يفيدك
http://www.ckfu.org/vb/f392

كائن غير طبيعي 2013- 9- 3 10:46 AM
رد: طالبة جديدة في نظام التعليم عن بعد
 
أهلا وسهلا بك

وتمنياتي لك بالتوفيق

د. نصرون كفت ووفت ما شاء الله

تحياتي

HaNaDYY 2013- 9- 3 10:51 AM
رد: طالبة جديدة في نظام التعليم عن بعد
 
بارك الله فيك :16: ، بس عندي كم سؤال
متى ينزل الرقم الجامعي وكيف اسجل دخول للبلاك بورد . طبعاً فيه طريقة مؤقته
بس ابي اعرف الي راح استخدمها دايم .. الحين الواجب وحضور المحاضرة كله بالبلاك بورد

معليش مو فاهمه :39:

Dr. nsroon 2013- 9- 3 10:55 AM
رد: طالبة جديدة في نظام التعليم عن بعد
 
الرقم الجامعي والباسوورد راح يرسلونه على اخر الاسبوع ان شاء الله
والواجب وحضور المحاضرات والاختبارات كلها على البلاك بورد
بيكون فيه قائمة جانبية بكل مقرر مكتوب باحد الايقونات الفصول الافتراضية

تدخلين المحاضرة المباشرة عن طريقة

والمحاضرات المسجلة كمان مكتوب فيه محاضرات مسجلة تضغطين عليها وتتابعين المحاضرة من موقع التايقرتي المخصص للمحاضرات

HaNaDYY 2013- 9- 3 10:59 AM
رد: طالبة جديدة في نظام التعليم عن بعد
 
الله يسعدك ، مشكورة :11:

HaNaDYY 2013- 9- 3 01:02 PM
رد: طالبة جديدة في نظام التعليم عن بعد
 
هل طالبات تعليم عن بعد يقدرون يسوون جدوال للمقررات زي طالبات انتظام يعني يحطون يوم اوف

صَعب 2013- 9- 4 12:57 PM
رد: طالبة جديدة في نظام التعليم عن بعد
 
اقتباس:
المشاركة الأصلية كتبت بواسطة HaNaDYY (المشاركة 9502616)
بارك الله فيك :16: ، بس عندي كم سؤال
متى ينزل الرقم الجامعي وكيف اسجل دخول للبلاك بورد . طبعاً فيه طريقة مؤقته
بس ابي اعرف الي راح استخدمها دايم .. الحين الواجب وحضور المحاضرة كله بالبلاك بورد

معليش مو فاهمه :39:
http://www.ckfu.org/vb/t494013.html

Dr. nsroon 2013- 9- 4 12:57 PM
رد: طالبة جديدة في نظام التعليم عن بعد
 
^
لا
هم يداومون بس انتي ما تداومين
جالسة بالبيت متى ماحبيتي اسمعي محاضراتك

HaNaDYY 2013- 9- 4 01:08 PM
رد: طالبة جديدة في نظام التعليم عن بعد
 
س :هل طالبات تعليم عن بعد يقدرون يسوون جدوال للمقررات زي طالبات انتظام يعني يحطون يوم اوف ?
س:هل يحتاج تنزيل جافا لي تنزيل برنامج بيبول سوفت ؟
س:ماهي المحاضرات المباشرة؟
س:سمعت ان هناك اختبار قصير ويسمى المناقشات حيث تتم مناقشة سوءال حسب مفهوم هل يتم نزولة على البلاك بورد؟
س:ماهي السلايدات؟
س:اين يتم نزول اختبارات القصيرة ؟
س:ماهي المواد يتم دراستها في ادارة اعمال مستوى اول ؟
س:ماهو الايميل الجامعي وكيف يتم تفعيلة؟
شكرا على المساعدة مقدماَ :29:

صَعب 2013- 9- 4 01:09 PM
رد: طالبة جديدة في نظام التعليم عن بعد
 
اقتباس:
المشاركة الأصلية كتبت بواسطة hanadyy (المشاركة 9503218)
هل طالبات تعليم عن بعد يقدرون يسوون جدوال للمقررات زي طالبات انتظام يعني يحطون يوم اوف
جدول المحاضرات ثابت من الكلية والمقررات , إنتي من المستوى تبتدي تختاري بس المقررات اللي تبين تدرسينها .. أما الجدول وعدد ساعات المحاضرات الاسبوعية ثابت ، ينزل الدكتور المحاضرات مسجلة في البلاك بورد حقك ،،

كائن غير طبيعي 2013- 9- 4 04:33 PM
رد: طالبة جديدة في نظام التعليم عن بعد
 
أسألتك أختي سابقة لأوانها

أنتظري لما تنزل الأرقام الجامعية وراح كل شي يكون واضح لك
من ناحية الأستخدام وطريقته ومن ناحية البريد أن شاء الله

Dr. nsroon 2013- 9- 4 05:29 PM
رد: طالبة جديدة في نظام التعليم عن بعد
 
س :هل طالبات تعليم عن بعد يقدرون يسوون جدوال للمقررات زي طالبات انتظام يعني يحطون يوم اوف ?
سبق وجاوبت عليه .. ايامك كلها بتكون اوف متى ماحبيتي بتسمعين محاضراتك وبتحلين واجباتك
س:هل يحتاج تنزيل جافا لي تنزيل برنامج بيبول سوفت ؟
البيبول سوفت موقع موب برنامج والجافا مهم لفتح المحاضرات المباشرة
س:ماهي المحاضرات المباشرة؟
المحاضرات المباشرة هي محاضرات اون لاين يعني يتواجد الدكتور وتتواصلون معه مباشرة
س:سمعت ان هناك اختبار قصير ويسمى المناقشات حيث تتم مناقشة سوءال حسب مفهوم هل يتم نزولة على البلاك بورد؟
المناقشات تم استبدالها بادارة اعمال وتسويق الى اختبارات
س:ماهي السلايدات؟
شرائح الباور بوينت او الـ pdf "ملخص المحاضرة"
س:اين يتم نزول اختبارات القصيرة ؟
في البلاك بورد في ايقونة الاختبارات
س:ماهي المواد يتم دراستها في ادارة اعمال مستوى اول ؟
"رياضيات _ احصاء _ انقلش _ مهارات الاتصال _ مهارات التعلم والتفكير _ مهارات الحاسب الالي _ صحة ولياقة"
س:ماهو الايميل الجامعي وكيف يتم تفعيلة؟
الايميل الجامعي ايميل مثله مثل الايميل الشخصي ولاكن الفرق انه بيكون خاص بالجامعة
تراسلين الدكتور عن طريقة وتراسلين الدعم الفني وزملائك الطلاب عن طريقه
واذا حبيتي تسجلين بمنتدى الجامعة الرسمي كمان تسجلين به

كيف تفعلينه ؟ اذا اعطوك الرقم الجامعي تغيرين الرقم السري بالبلاك بورد وتدخلين على الايميل
وتتبعين خطوات بسيطة راح يتم شرحها لكم ويتفعل فقط

خذي لفه على هالموضوع

http://www.ckfu.org/vb/t475792.html

^
ترى تعبت عليه عشان يفيدكم :44:

ساره ال سرور 2013- 9- 4 07:00 PM
رد: طالبة جديدة في نظام التعليم عن بعد
 
الله يسعدكگ د. نصرون ،،

ع گلامك الي يريح و ما يخلي بالنا مشغول ،،

بآ اآلتوفيق جميعآآ


All times are GMT +3. الوقت الآن حسب توقيت السعودية: 02:16 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه