ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى التعليم عن بعد جامعة الإمام عبدالرحمن (الدمام) (https://vb.ckfu.org/forumdisplay.php?f=297)
-   -   محتاره (https://vb.ckfu.org/showthread.php?t=479785)

احلام... 2013- 7- 24 11:10 PM
محتاره
 
السلام عليكم ... ابيكم ماعليكم امر تساعدوني انا محتاره بين اداره اعمال وعلم الاجتماع انا ماش بالانجلش وادبي بس درجاتي كانت حلوه بالرياضيات المهم زوجي توه معي داخل ادارة اعمال يساعدني لانه علمي وشاطر بالانجلش معليش طولت عليكم بس ابي اعرف اللي مثلي عندها عيال راح يمشي حالها بقسم ادارة الاعمال من مثلي تقولي ... وكيف مدبره وضعها
وهل صحيح الدراسه بالانجلش اجانب يعني
ولو ماقدرت اكمل اقدر احول لعلم اجتماع
هههه دي اكون طموحه بس اخاف اجيب العيد:7:
يسلمو كل من رد علي مقدما

Abrar Al-Owaied 2013- 7- 24 11:39 PM
رد: محتاره
 
-


دراسة تخصص إدارة أعمال بالعربي ..

والدكاترة عرب كلهم ..

..

بالمستوى الأول 7 مقررات ..

وباقي المستويات 6 مواد ..

وإذا خوفك على أيام الامتحانات ..

بين كل اختبار واختبار يوم أوف ..

والدكاترة جداً متعاونين ..

والدراسة جداً ممتعة ..

..

بالتوفيق ..

ريمنقو 2013- 7- 24 11:49 PM
رد: محتاره
 
اي جامعه تقصدين ؟

αzΐzα 2013- 7- 25 12:43 AM
رد: محتاره
 
قصدك قيصل او الدمام =)

احلام... 2013- 7- 25 01:49 AM
رد: محتاره
 
مشكورين عالرد اقصد الدمام دامي بالخبر اقربلي

Dr. nsroon 2013- 7- 25 02:05 AM
رد: محتاره
 
اللي بالانقلش هي كلية الادارة موب كلية الدراسات التطبيقية وخدمة المجتمع
ودكاترتها كلهم اجانب مافيهم عربي

اما دراستنا ودراسة علم اجتماع كلها بالعربي
ما عدا مواد الانقلش
ادارة اعمال مقرر واحد انقلش
علم اجتماع 3 مقررات انقلش

اذا راح تتابعين البلاك بورد اول بأول وماتفوتين محاضراتك
راح تسهل عليك الدراسة وماتحسين بصعوبة

غير هيك التعاون بهالملتقى يسهل عليك كل شيء
اي شيء موب فاهمته نزليه بالملتقى وتحصلين اللي يرد عليك

واغلب اللي بالملتقى بدون هالملتقى ما فلحنا :biggrin:
قلت اغلب ماقلت كل :30:

احلام... 2013- 7- 25 02:16 AM
رد: محتاره
 
الله يسعدك ياقمر بردتي قلبي الله يكتبلي ولكم الخير بكل شي ياااارب:43:

ريمنقو 2013- 7- 25 03:20 AM
رد: محتاره
 
والانقلش اللي ندرسها نفس اللي بالثانوي ..

احلام... 2013- 7- 25 03:47 AM
رد: محتاره
 
يسلمو ياقلبي

احلام... 2013- 7- 25 04:21 AM
رد: محتاره
 
الحين الدراسات التطبيقيه مو نفسه ادارة الاعمال ؟

ريمنقو 2013- 7- 25 04:30 AM
رد: محتاره
 
الدراسات التطبيقيه فيها تخصصات من ضمنها ادارة اعمال

ميشو باحسن 2013- 7- 25 04:39 AM
رد: محتاره
 
علمي علمك انا نفس وضعك بس برتب وضعي من الان وانا ميولي من زمان لعلم الاجتماع وسبحان الله اتيسيرت لي وباقي القبول
ولو ع الانقلش قرأت اكثر من موضوع يعني كلها بسيطه زي الثانويه قواعد وكتابه وقراءه اتوقع كمان زي اولى متوسط زي المراجعه << ابسسط الامثله يعني :42:

نصيحتي لك فكري انتي ايش هدفك واستخيري وبعدين قرري وزي مانقول لاولادنا المذاكره اول بأول اكيد بيسهل كل شي :21:

احلام... 2013- 7- 25 04:45 AM
رد: محتاره
 
مشكورات ريمنقو وميشو ..
الحين يعني في كليه ادارة اعمال
وكلية الدراسات تطبيقيه فيها قسم ادارة اعمال:9:

Abrar Al-Owaied 2013- 7- 25 05:16 AM
رد: محتاره
 
اقتباس:
المشاركة الأصلية كتبت بواسطة احلام... (المشاركة 9301323)
مشكورات ريمنقو وميشو ..
الحين يعني في كليه ادارة اعمال
وكلية الدراسات تطبيقيه فيها قسم ادارة اعمال:9:

-

إيه نعم ..


في كلية الإدارة وفي كلية الدراسات التطبيقية وخدمة المجتمع ..

كلية الإدارة : دراسة باللغة الإنجليزية ..

كلية الدراسات التطبيقية وخدمة المجتمع : الدراسة باللغة العربية ..

وثنتيناتهم فيهم تخصص إدارة أعمال ..


لكن المتاح لنا في التعليم عن بعد هي كلية الدراسات التطبيقية وخدمة المجتمع فقط ..


..

بالتوفيق ..

Dr. nsroon 2013- 7- 25 05:27 AM
رد: محتاره
 
بالنسبة للانقلش
بعلم اجتماع وبإدارة اعمال
كلها تبع الثانوي والمتوسط
اشياء سبق ودرسناها < على كلام الدوافير :biggrin:
ولا انا ما فلحت بالانقلش الا باول متوسط وغيره ماعاد فكرت افهمه او اعرف ايش يهرجون عنه :26:

ريمنقو 2013- 7- 25 05:32 AM
رد: محتاره
 
طلعت دآفوره وانا مدري :4:
بس بصراحه ترى الانقلش سهل ياحلام واذا كنتي موب ذاك الزود فيه تقدرين تاخذين لك مدرسه خصوصية
او فالمستقبل تفتحين موضوع لشرح الانقلش علشان تستفيدين ويستفيد غيرك

Dr. nsroon 2013- 7- 25 05:35 AM
رد: محتاره
 
^
حقيقة على اني ما كنت فاهمة فيه اي شيء ابدًا
من شرح الاعضاء بالملتقى استفدت كثييييييييير
وحليت بالاختبار والحمدلله ماحملت المقرر واغلب اجاباتي بالقواعد كانت صحيحة

احلام... 2013- 7- 25 05:47 AM
رد: محتاره
 
هههههههه الله يسعدكم لا دام كدا ماعلي خوف ان شاء الله

ريمنقو 2013- 7- 25 06:07 AM
رد: محتاره
 
بالتوفيق


All times are GMT +3. الوقت الآن حسب توقيت السعودية: 09:58 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه