|
صارت حياتي كلها حبر و ورق
السلام عليكم و رحمة الله وبركاته .. |
رد: صارت حياتي كلها حبر وورق || يوميات طالبة بالجامعة
انا إنسانه مهتمه بالترتيب بـ أدق التفاصيل احب يكون كل شي مرتب وكل شي بمكانه |
25 || محرم || 1438
- |
رد: صارت حياتي كلها حبر وورق || يوميات طالبة بالجامعة
- فيه سنه من السنين كان مثل هذا الوقت كانت عندي محاضره مباشرة كل اهلي يطلعون من البيت الا انا ابقى وحيدة بالبيت علشان أحضر هالمحاضرة ! < فيه كمية ألم بالموضوع . اما الان: اليوم كانت عندي محاضره مبادئ الأدارة " مباشره " طبعا ماحضرتها لأني كنت طالعه . < في تفاهم ورضا بالموضوع !! بعض الجامعات يجبرونك تحضر المباشره علشان تحتسب لك درجة و بعضهم مايجبرونك لان فيه نظام ثاني تنزل بالبلاك بورد او الافتراضي وتحملها وتحتسب لك درجة شكرا لـ ج.الملك فيصل على هالنظام الحلو كنت ناوية أشتري ملزمة المادة لكن بعد كلام الدكتور اليوم هونت وبطبعها من المحتوى واضافه لـ شرح الدكتور من المحاضره . :icon19: |
رد: صارت حياتي كلها حبر و ورق
ماشاء الله اغلب العالم خلاص سافرت الحين استعداداً للإجازه
يسافرون قبل ماتبدأ اللإجازه , عاد انا من فئة اللي تودع وتستقبل ولا بعد تجيب هدايا مدري ليه! مفروض العكس . يالله , الله كريم ويهني كل من شاخط لـ اوروبا او ايّ كان , هاليومين هابه هبه اسوي باستا .. يعننّي والله لقيت شي سهل وقلت ادمن عليه اول مره سويت وكانت عدله .. لكن المره الثانيه الي هي قبل يومين بالضبط ! كثرت صلصة واندمت ماقدرت اكلها كلها :( بكييت ع وقفتي هالساعه ونص بالمطبخ المشكله مابكيت عشان طعمها صار مب حلو !! ع المواعين اللي غسلتهاا :( تعرفون حركات البنات لما يطبخون لازم يطلعون اطقم كشخة علشان التصوير المهم انا اكلت تبن وغسلت كل شي ومع تحذيرات امي اني انتبه وما اكسر شي ! :( مع ذلك كل غسلي للمواعين راه كذا ! لما جلست الخدامه غسلتهم من جديد يعني معناه غسيلك زي وجهك هههههههههههههههههههههههههه امي ماعندها حركات ياحبيبتي ياقلبي .. على طول بالجبهه مره من المرات قلت بساعدك وبلف معاك ورق عنب والله العظيم ان توي يعني اول مره مفروض تسلك لي حلو لفك وكويس ك تشجيع لي من اول لفتين سويتتها قال قومي بس ماتعرفين تلفين زين وفكتها قدامي وعدلتها :( الحين الطبخه اللي ما اغلط فيها الاندومي < لاتقولون مو طبخ ! و البيض المقلي اتفنن فييييه عاد امي من اعداءها الاندومي ماتطيق ريحته احيانا تمنع الخدم ماياكلونه بس بعدين صارت ترحمهم ان ماياكلون الا هذا وغيره الرز واصلا ياكلون كل شي ! عاد اذا سويته .. يووووه امي تنهار ولازم تقول لي تراك خيستيننننا هههههههههههههههه ولا انسى حركات الفيديوات اللي ترسلها عن الاندومي كيف يصنع وانه مضر ومدري ايش .. عاد ارد عليها ان لاتحاولين تكرهيني فيه مستحيل اكرهه . |
رد: صارت حياتي كلها حبر و ورق
-
صباح الخميس ياقدعان . كيف الانفلونزا << تتأكد صح كتبتها ؟ اللي مامرض قبل دخول الشتاء لايصف جمبي بالله .. 3 اسابيع ماسكتني زكمة حالفه ماتروح الا لين اعديت كل اللي معاي بالبيت ! انا إنسانه للحين احس إني بزر , احب اروح ملاهي " المدينة الترفيهة " ايه والعب اشحن بطاقة والعب ولا بعد احب اعزم معاي احد ع حسابي اهم شي انبسط عاد الشرقيه مافيها الا 4 اماكن يا مجمع الراشد يا مجمع الظهران وهه العثيم و هه فنيسيا .. بس يفوز عليهم الظهران مول بس الحين فـ 2016 يفوز عليهم ملاهي الراشد !!! ولا يهون العثيم تبع الاحساء ياهووو يجننّ , تمنيت اني ساكنه بالحساا :( < قايله لكم بزر الالعاب كثيره مره بحياتي دخلت الالعاب حقتهم تهت وش ألعب عاد تدرون وش لعبت؟ تصادم سيارات وعدتها 6 مرات .. الهندي طفش كل مايشوفني ههههههههههههه وأحب العب هاللعبة اتفنن فيها: http://www.diana.cl/portal/wp-conten...ash-hockey.jpg خصوصاً اذا صار عليها تجمهر تعالو شوفو التشجيع كيف يكون المهم هاللعبة العبها مع جماعتي واللي يفوز يتحدى الثاني لين نزهق . وبعد مانلعب نروح نتعشى وخلاص ينتهي اليوم . |
رد: صارت حياتي كلها حبر و ورق
|
رد: صارت حياتي كلها حبر و ورق
- |
رد: صارت حياتي كلها حبر و ورق
دخول غير متوقع راسي بينفجر من المعلومات , راسي صدع ليه شالو اللايكات من المواضيع بصراحه هي اللي تثبت وجوديّ بالمواضيع وبنفس الوقت ما اقدر اقيم فـ اللايك هو جميل وكذا :$ . ماعندي الوان للطابعه ولا لي خلق اروحح مكتبه عشان اطبع الجدول يعني اجباري اجيب معاي جدولي للإمتحانات !!! بصوره صورة بالجوال وخلاص . .. |
رد: صارت حياتي كلها حبر و ورق
-
الحمد لله قدمت اختبار مبادئ القانون وكان سهل بس لازم حركات الدكاتره اللي تخلي الطالب يشك بـ أجوبته .. وإذا عالجدول الحمد لله ماطبعت ولا سألو عنه اهم شي بطاقة الاحوال و الرقم الاكاديمي . عاد لما دخلت المدرسه اللي اختبر فيها ندمت قد شعر راسي اني تخرجت من مدرسه اهلية تمنيت اني تخرجت من الحكومه < حنت للثانوية وأيامهاا .. مت من الجوع بالقاعه تمنيت اني تغديت بس ماش اذا عندي شي اتوتر وما اقدر اكل اكل سنع بس سويت لي توست ولبنه ومرتديلا . 8:14 مساء هالوقت طلعت من الاختبار وكان بخاطري اجرب ايس لاتيه من بنك بوكس دخلت المخل جان يقول الفلبيني ماعندنا الا قهوة عربيه وكرك صدمني دام ماعندك هالاشياء ليش حاطينها بالمنيو مالت واطلع منه واروح دومينوز بيتزا و اطلب بيتزا بيبروني و سوفليه وهم بعد الموظف كان هندي قال لي ماعندنا سوفليه << متسطلين علي اليوم! واطلع منه كنسلت البيتزا و رحت كازا باستا واطلب لي ماكنت مشتهتيه بس والله لذيذة خميت الصحن ماشاء الله اطلبها بـ مكس صوص ودجان وبيبروني < اهم شي بيبروني و جربت الكوكيز مالهم لذيذ بس يعني مايجي صوب الكوكيزات المشهورة ! وبس هذا يوميّ .. الى اللقاء في مادة مبادئ المحاسبة. عاد بيكون الاختبار بـ اول يوم من السنه الجديده. وإن شاء الله يكون مثل القانون وأجمل. بايّ |
رد: صارت حياتي كلها حبر و ورق
4/4/1438 || 2/1/2017 مرحباً يارفاق عدا اختبار المحاسبه الحمد لله وقلت دامني مروقه خن امر على ستار بكس اخذ رشفة كراميل ماكياتو اللذيذ و بعدها مريت عالتميمي اقضي اغراض للبيت < ماخذه دور أمي هالمره . وبعدها رحت البيت و طلبت عشا من كنتاكي وبعد ماتعشيت .. قررت افرمت جوالي لأنه يعلق ويطفي وفرمته وكان الوقت متأخر على الساعه 12 الليل انا فرمت الجوال وتوهقت فيه لاني ماعرف ل بعض الاشياء سويت حساب جديد وينشب لي بمكشلة البرامج ما اقدر احملها ويالله بالموت استوعبت ادور حل من احد واستعنت بصديق لين الساعه 4 الليل وانا احوس بالجوال!!! يالله تعدل اختفيت عن العالم لمدة 3 ساعات ونص .. صليت الفجر الساعه 5 وربع ونمت وبعد ماقمت اللي هو امس يعني حسيت بثقل بمعدتي وجوعانه ولما جيت باكل ما احس اني اقدر < كل هذا بوقت العصريه لين جا المغرب ورحت اجيب حلا ل خواتي واخذت لي كوكيز كندر واكلته وبعدها مدري وش حسيت فيه قلت خل انسدح كود انام وانسى ويروح التعب < فيها قوة صبر ماشاء الله ومير ماقدرت الساعه 9 ونص دخلت المستشفى وهاتك ياسدحه من 10 الى 12 الليل وانا بمغذي وابر يالله تعبت بهاليوم وراح يوم كامل مادرست المادة اللي اختبارها باجر " مبادئ رياضيات 1 " اليوم الصباح بديت بمحاضرة طبعاً انا دارستها قبل بس لازم اخذ اللفة الاخيره من جديد .. خذت المحاضره الاولى وماقدر اجلس رحت نمت لين الساعه 1 ونص الظهر صحيت وحسيت اني زينه وقلت خلاص اتغدى وابدأ اذاكر ابي انجح فيها ان شاء الله ما ارسب :( |
رد: صارت حياتي كلها حبر و ورق
صباح الخميس الونيس :icon19: |
رد: صارت حياتي كلها حبر و ورق
|
رد: صارت حياتي كلها حبر و ورق
|
رد: صارت حياتي كلها حبر و ورق
|
رد: صارت حياتي كلها حبر و ورق
- عُدت بحله جديده ويوز نيم ايجابيّ كيف بس؟ هالترم بسرعه مشى ماشاء الله امطار وخير وبركه .. الحمد لله :love080: كلها شهر ونص ويبدأ الجد والإجتهاد بالمُذاكره اختكم ف الله فـ ولا شي درست فقط الانجليزي, درست شوي منه :sm5: بصراحه استمتع لما ادرسه بنفسي:icon120::mh318: بس خل احد يجي يشرح لي ودي اذبحه بيدي كأن يقول لي انتي ماتفهمين < كف بالله لا صدق صدق , ما احب احد يشرح لي احب اتعلم بنفسي:biggrin: ان شاء الله بكرا بستلم الملخصات و أبدأ اضبط لي جدول امشي عليه موادي هالسمستر دسمه إلا حبتيين ! * 7 مواد الله يوفقني * :004: كنت مصدمه من ماده من المواد للي هي مادة اساسيات البحث :eek: استغربت انها معانا بهالسمستر قلت شلون ماشفتها وانا اسجل موادي؟ بعدين اتضح لي ان بعض الطلبه بدلو مادة الانجلش بـ اساسيات البحث الاغلب متخوف من الانجليزي :( وبس والله :icon19: |
رد: صارت حياتي كلها حبر و ورق
- |
رد: صارت حياتي كلها حبر و ورق
- |
| All times are GMT +3. الوقت الآن حسب توقيت السعودية: 07:03 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه