رد: حتـــ ى أنـــا ترانيـــ احترتـــ فينيــ ..
الذين يشاهدون محتوى الموضوع الآن : 3 ( الأعضاء 3 والزوار 0)
UNO_0, roqa, قلب ينبض *~ منورين :16: |
رد: حتـــ ى أنـــا ترانيـــ احترتـــ فينيــ ..
ثانكس على التقييمات روحي عذاب .. اكيد خلاص حان وقت الدراسه وهذاني حاط جدول كل يوم خمس محاضرات يوم كله محاضرات ولا يمنع اني اشقر على المنتدى شوي :31: حروف انثوية .. يله ان شاء الله تروحين احسن من دبي .. والله يخلي لكم النتف هههه منو الدوسري .. اتشرف اني اخذتك بجولة في دبي ..وجودي بينكم احسن هديه ههههه < عذر اللي مايبي يجيب هدايا ههه كوكاوه ذايبه .. قصدي شوكلاته .. ربي يسلمك .. شفيه اسم اونو مو عاجبك هههه ..:41jg: يله شدي حيلك وذاكري قلب ينبض .. تشرفنا بطلتك على المدونه ..واهم شئ العفويه :17: الله لايحرمنا تواجدك dream home .. لسه باقي حماس ماخلص التقرير :37: ... يله عقبال ما نشوفك تطلين مع شباك الطياره رايحه محل احسن من دبي دنيا الغموض .. الله يسلمك مس هياوي < كيف الاسم هههه ... ادري انه عشقك المطاعم ودايم تعذبينا بصور الاكل ..اللحين حان وقت رد الدين :16: |
رد: حتـــ ى أنـــا ترانيـــ احترتـــ فينيــ ..
اليوم الثالث كان يوم المشي والتجول بتلك الاعين حيث صحينا باكرا وكان الساعه تشير الى التاسعه < وباكرا بعد وكالعاده صحيت و العصافير تزقزق اليوم بأذن الله سوف نخصصه لـ دبي مول الرائع والشامل كل واحد يجيب له مويه بتمشوووون وووواجد بعد شور سريع توجهنا الى مائدة الافطار http://im37.gulfup.com/ZSlpf.jpg وتلاحظون الاومليت مسدوح على كتررر بعد هذا الافطار صعدنا على متن التاكسي http://im42.gulfup.com/EOdGR.jpg ورأينا هذا الشئ http://im42.gulfup.com/71oJF.jpg دخلنا المجمع وكانت هي تلك الصوره امامكم http://im42.gulfup.com/Hw1NR.jpg ورأيت هذا الشئ جاني شعور الانتماء للبحر الرجل الذئب تعرفون اللي يتحول اذا اكتمل القمر انا الرجل القرش اتحول اذا شفت ماي بحر ههه خويي لاحظ الخياشيم بدت تطلع تصرف بسرعه وسحبني مكان ثاني ههه < خيال واسع http://im42.gulfup.com/WzwAO.jpg لاحول خلصنا من البحر والسمك جاني الكوفي ^ ادمان كوفي بس مايمدي اوقف بنروح محل وياكم ومتاخرين بعد http://im42.gulfup.com/IpWAc.jpg مشينا http://im42.gulfup.com/mVA0O.jpg ومشينا فجأه وبدون سابق انذار http://im42.gulfup.com/5Kdw1.jpg اعتلينا قمة برج خليفه يالا مشيئة الاقدار http://im42.gulfup.com/qPiIq.jpg صورة اخرى http://im42.gulfup.com/ryPnQ.jpg فيديو يوضح كيف تم البناء وعدد الكوادر واشياء اخرى http://im42.gulfup.com/mqHRa.jpg وتلاحظون صديق متواجد http://im39.gulfup.com/QkF2n.jpg تلسكوب تشوف فيه دبي وتقدر تزوم بعد http://im39.gulfup.com/uZ9l7.jpg قسم السوفنير http://im39.gulfup.com/SGbpJ.jpg تيشيرتات ايضا http://im39.gulfup.com/GYGNO.jpg الله حافظ التجربه جميله بس اللي يبغى يحجز لازم يحجز اونلاين بالفيزا كما فعلت وفعلا يوم وصلت المجمع كل التذاكر مبيوعه حق نفس اليوم واحتمال اليوم اللي بعده يتبع |
رد: حتـــ ى أنـــا ترانيـــ احترتـــ فينيــ ..
يتبع بعد ما اعتلينا برج خليفه وكان الهواء ينسنس والضغط الجوي اثر على المعده وكان لابد ان سوي اكيل قال خويي ابغى اجرب مطعم صيني وفعلا دخلنا http://im42.gulfup.com/mG6UD.jpg وكان هذا النظر وشفت بالمنيو طبق بط واشياء بديت اتشائم من الفكره http://im42.gulfup.com/ShFxo.jpg كان المنيو شوي غير عن المطاعم اللي بالسعوديه احترت وش اطلب طلبنا المقبلات ومابغينا نكثر ورانا مشي اليوم وااااجد http://im42.gulfup.com/sFvcn.jpg وجا الطلب ومعاه رز طبعا وكولا بس نسيت اصوره تقييمي للمطعم جيد يمكن عشان ما عرفنا وش نطلب بالنسبة لي افضل مطعم صيني جربته كان في الاردن واسمه نودلز ... خطيرررر ماعلينا نكمل المشوار مشينا ورأيت هذا الشئ http://im42.gulfup.com/EGZyi.jpg اقتربت خلسه http://im42.gulfup.com/EM5Ih.jpg وكان لابد من بلاك كوفي كما عودتكم ^ ادماااااان http://im42.gulfup.com/U1G8t.jpg على هذا المنظر الجميل http://im42.gulfup.com/sj2BT.jpg اقتربنا كما يقترب الفهد من الفريسه وكان هذا المنظر http://im42.gulfup.com/siZsJ.jpg وايضا هنا http://im42.gulfup.com/lHcWU.jpg كان الجو خورافي وشفنا ناس قاعدين على الرصيف وكذا قلنا دعنا نسترجع الايام الخوالي ونتكي على ذلك الرصيف المطل على هذا المنظر وطبعا صاحبنا ماقصرر قام يدندن وانا اااااه عظمة يتبع |
رد: حتـــ ى أنـــا ترانيـــ احترتـــ فينيــ ..
~ دخلنا المجمع مره اخرى لغرض في نفسي قاومت التحول السمكي واخذت مهدئ للاعصاب وقربت من الحوض المائي هذا وكانت هذه تطير وتسبح وكلما قربت من الحوض التحول السمكي يزدااد تاثيره فجأه تحولت ههه وكان لابد اننا نشوف الحوض من داخل قصينا التذاكر الوحده ب110 درهم تدخل في الحوض ورحله بالقارب فوق الاسماك وجولة داخل قسم الحيوانات وكذا وهدية بقيمة عشرين درهم للتذكره شفت نفسي من جديد وفيه ناس يحاولون يسبحون معاي بس ماعطيتهم وجه وجولة فوق الحوض المائي والارضيه زجاجية عشان تشوف السمك صورت بس اغلبها مو واضحه هذه صديقتنا سميتها مزنة واكثر شئ يقهر كل ما تروح محل يجون يصورونك بعدين يعرضون عليك الصور بسبعين درهم نصاااابين وخذت له صورة ^ ملاحظين الشبه بينه وبين السمكه شكله متحول زيي هههه مرينا فوق جسر متحرك واللي ورانا تحاول تخرعنا تهز الجسر وكان الرد عنيف تمييل وهز وهاوشونا الستف هههه واخر شئ قسم السوفنير كان عندنا 40 درهم هدية مع التذاكر < هدية مدفوعة الثمن خذنا هذه البطروقه وسميتها بشاير هههههههههههههههه ثم بعد ذلك جولة ونقنقه خفيفه بطاطا مشوية لذيذه يه شوفوا سرق بيشووو هههههههه تعال رجعها خرجنا متوجهين الى نافورة دبي وكان هذا المنظر ثم ركبنا التاكسي رزينا هالمره باللكزس ورجعنا للفندق تعبنا من المشي اليوم من الصبح وقضينا الوقت في الفندق واخر الليل تعشينا وكان من الصفدي ^ لاتلوموني اكلت منه المره الثانيه بس شئ يجبرك انك تطلب منه مره ثانيه وثالثه وكنا جوعانين وكان قريب من عندنا ××× × انتهى يومنا هذا وغدا ستكون لدينا رحلة في مكان ما كونوا قريبين |
رد: حتـــ ى أنـــا ترانيـــ احترتـــ فينيــ ..
غصة ٌتسكنني
تبعثرني و تجمعني تصفعني و تضمني ريح وغبار تضارب افكار قلب من نار متى اعود ذلك الانسان ^ بقلمي :31: |
رد: حتـــ ى أنـــا ترانيـــ احترتـــ فينيــ ..
اليوم الرابع رحلة بحرية على متن القارب طبعا كالعاده استيقظنا صباحا ماشاء الله علينا افطرنا فطورنا المعتاد وكان يوم الجمعه ذهبنا الى المسجد المجاور ثم ذهبنا للغرفه نتجهز الى ان يأتي الدريول http://im42.gulfup.com/BtIV8.jpg صاحبنا يعبي بالمؤن http://im42.gulfup.com/Po5ls.jpg وصل الدريول ويفتح لي الباب بعد انا من الانفه والشموخ اللي دخلت فيه السياره بغيت اشدخ هههه http://im42.gulfup.com/3L63Q.jpg سواقنا عاش عاش باق الدجاجه وانحاش < اتحداكم تعرفونها هههه http://im42.gulfup.com/9ccV5.jpg وصلنا صفط على جمب يا راعي الباص http://im42.gulfup.com/DFlw2.jpg هذولين < متعوب عليها هذولين القروب اللي معانا زوجين من الدنمارك واثنين امريكان واثنين سعوديين طبعا http://im42.gulfup.com/jvXkv.jpg هذا هو قاربنا الجميل http://im42.gulfup.com/pi4GF.jpg اعرفكم القبطان نامق http://im42.gulfup.com/mJcby.jpg فجأة الا قال القبطان نامق ارفعوا المرسااااااااااااااه اديروا الدفه نحو الشمال وانا كذا :53: ^ خيال خيال http://im42.gulfup.com/4TAkD.jpg وانت جالس على الكنابيه ومريح وتستمع بهذه المناظر وتشرب هولستن رمان بااااارد يا الهي http://im42.gulfup.com/JcEnr.jpg وتشوف هنا وانا تزقزق بالهولستن http://im37.gulfup.com/QW7CL.jpg وتبدأ عاد تدندن يا نواخذ اخذوني معاكم هيلا هيلا واطرحوا بي على درب المحبين هو هو هو ههههه غبار http://im37.gulfup.com/vyiJe.jpg وهذا الجناح التنفيذي http://im37.gulfup.com/hADXB.jpg وهنا المشروبات http://im37.gulfup.com/OS5nT.jpg وربعنا مستمتعين بالاجواء وانا اقول يانواخذ وهم يردون هيلا هيلا < مره توماش http://im37.gulfup.com/YiEAz.jpg القبطان نامق قال السرعه القصوى انزلواااااااااااااااا الاشرعه ادر الدفه شرقااااااااااااااااا وانا كذا :sm12: http://im37.gulfup.com/oM53T.jpg وصديق كان يقطع الطعم وكان عباره عن حبار فجأه وبدون سابق انذار http://im37.gulfup.com/q57b1.jpg قعدنا نصيد http://im37.gulfup.com/fU6wh.jpg وهذا ايضا http://im37.gulfup.com/wMKJt.jpg وهذا جزء من الصيد ايضا طبعا غالبه كان سمك الشعري < لذيذ مقلي واعذروني ماصورت لكم الاحداث اول بأول من الحمااااااااااااااااس http://im37.gulfup.com/3D2k7.jpg عدنا بعد ذلك القبطان نامق قال حق القروب كل ناس ياخذون جزء من الصيد الكل طبعا رفض بحجة انه وين يوديه صعب ندخله الفندق وكذا وكان فعلا الهدف فقط الاستمتاع وفعلا استمتعنا يتبع |
رد: حتـــ ى أنـــا ترانيـــ احترتـــ فينيــ ..
~ خلصنا الرحله البحريه الرائعه وكان لابد من طاقه بعد استنفاذ جميع طاقتنا قلنا حق الدريول وقفنا عند هذا المطعم بما انه قريب جدا من عندنا أي شي يسد الجوع بس http://im39.gulfup.com/Frs3j.jpg وكان هو الشامي http://im39.gulfup.com/OBi56.jpg وهذه الجلسه كان شبه فاضي بما ان الوقت مو وقت غدا اصلا http://im39.gulfup.com/vEGA2.jpg وصلت النقنقات http://im39.gulfup.com/oy68D.jpg وشوربة الذره http://im39.gulfup.com/4omBa.jpg ثم بعد ذلك المقبلات واهم شي التبوله < ادمان http://im39.gulfup.com/DQizM.jpg واخيرا المشاوي وبروستد الربيان تقييمي للمطعم جيد مرتفع ثم بعد ذلك ذهبنا للغرفه وكان لابد من شور ثم خمدنا ×× × بعد العشاء كان صاحبنا يريد بعض البخور لاهله وكان لابد من سوق نايف الشعبي ولنضيف على الرحلة شيئا من البساطه غدوناااا http://im39.gulfup.com/SKxqq.jpg http://im39.gulfup.com/OCuw2.jpg دخلنا هذا المحل وكان صديق جدا متعاون وحبوب http://im39.gulfup.com/szYbI.jpg واخنا بعض البخور وملاحظين الحاسبة اذيته اذيه في الحساب طبعا الاسعار ما تسوى عشرين وثلاثين درهم بس كان لابد من الحماس والاكشن قالي انتا مافي سعودي انتا يمني ليه كذا انتا بكيل هههههه http://im39.gulfup.com/vQSmV.jpg قلت له تميلح وكانت هذه الصوره ×× × تقييمي للجولة في سوق نايف جميله لما تحمل من بساطه وطبعا بعد ماقعدنا في المحل نص ساعه اخذ وعطا وسوالف وضحك هههه حبنا رفيق وقالي انا يبغا صورة مع انتا لاحول وش ذا الشهره اللي حتى في دبي ملاحقتنا http://im40.gulfup.com/shaJI.jpg ومشينا http://im40.gulfup.com/VoAqI.jpg وكان صديق متواجد بكثره ×× × بعد ذلك عدنا الى الفندق بعد يوم شاق وجميل بنفس الوقت الا وشفنا معمر القذافي http://im40.gulfup.com/IXmbq.jpg وشال الموال ان كنت تدرررررررررررررين ههههه بدأ الجوع يدب وكان يجب علينا ان نجرب اكل الفندق وايضا تعبانين مالنا خلق نطلع طلبنا http://im40.gulfup.com/OTqOZ.jpg هامور وربيان اويلي http://im40.gulfup.com/Ib4zg.jpg تقييمي للاطباق ممتازه وبكذا انتهى يومنا هذا الى ان نلتقي بكم في اليوم الخامس كونوا على الموعد |
رد: حتـــ ى أنـــا ترانيـــ احترتـــ فينيــ ..
UNO_0, e7sasy '3er, F-fatimah+
منووووووووووورين :16: |
رد: حتـــ ى أنـــا ترانيـــ احترتـــ فينيــ ..
اليوم الخامس والاخير هذا اليوم كان اغلبه العاب وعوده الى العالم الجميل وايضا عذرا الصور قليله من الوناسه نسيت الصور افطرنا افطارنا المعتاد وغدونا http://im38.gulfup.com/pNUh2.jpg ركبنا اللكزس كالعاده وكان صديق متعاون ويعطي حكم قلت له عندنا بالسعوديه التاكسي كامري ويخب بعد <بما معناه قال والله انا ابغى اشتغل بالسعوديه بركة اكثر يقول انا مابغى فلوس واجد انا ابغى بس اللي يكفيني واكون سعيد << كبير يارفيق http://im38.gulfup.com/ogEaS.jpg وصلنا وجهتنا الوايلد وادي < القرية المائيه وعاد شفت الماي حطيت الكاميرا بالبوكس واااااااااااااااسبح ااااااسبح بس خذت لكم صور من النت تصف ما قمنا به http://im38.gulfup.com/vB7vJ.jpg اول شئ الخريطه لحد يضيع http://im38.gulfup.com/oVNTK.jpg الوايلد وادي كما بدت من فوق http://im38.gulfup.com/XEKSn.jpg هذه اللعبه خطيره توقف في زي الكبسوله ويغلقون عليك الابواب واللي واقف انت عليه يفتح اذا قال 3 2 1 ااااااااه ^ لعبة تبث الادرينالين فيه ناس يوصلون فوق ويديورون نقزت لهم هلم بالكبسولة ارسلوني الى اللامجهول < خف علينا يافيلكس ×× × طبعا تغدينا برجر لذيذ جدا بس الكام مو معاي بالبوكس بعدها عدنا الى الفندق استراحة محارب وبما انه يومنا الاخير كان لابد ان نخرج ذهبنا الى دبي مول مره اخرى http://im38.gulfup.com/GWjH8.jpg قصينا تذاكر السيماااا http://im38.gulfup.com/nK0Nb.jpg فلم لـ احمد حلمي الرائع على جثتي وفي وقت الفراغ الى اني يحين وقت الفلم كان بالقرب منا http://im38.gulfup.com/gCeYm.jpg سيجا للألعاب < اللحين يقولون وش ذا المبزره http://im38.gulfup.com/GYzl4.jpg دخلنا وطبعا فيه العاب للكبار المستبزرين ههه فجأه وبدون سابق انذار http://im38.gulfup.com/woWL9.jpg لقينا قطار الموت < اكيد ماركبنااااااااااااا :31: ××× × ذهبنا شاهدنا الفلم وخرجنا وكانت لقطة الختام الاكواريوم كما يبدو ليلا http://im38.gulfup.com/Any3Q.jpg ذهبنا الى النوم لنستعد للاقلاع الى ارض الوطن بعد خمسة ايام جميلة اتمنى اني وفقت في مشاركتكم تلك اللحظات وعلى ان نلتقي في رحلات اخرى |
All times are GMT +3. الوقت الآن حسب توقيت السعودية: 10:38 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه