[align=center][table1="width:100%;background-image:url('http://www.up.qatarw.com/get-11-2009-6e46b2st.jpg');"][cell="filter:;"][align=center]
حــــــظ الــبــنــــــات ..!!
[BIMG]http://www.rayig.com/ch/pic2/ch15.jpg[/BIMG]
تبون الصراحه ؟!!
أعتبر شخصيا أن البنات محظوظات بشكل لا يوصف ..!!
تروح المجمع لحالهـا و الدخول " للعائلات فقط " و يسمحون لها بـالدخول ,
بينما الشاب المسكين اللي شاري له شغله من محل في المجمع وجاي يستبدلها لا يسمح له بـالدخول !!
طيب ليش التمييز .. هي أيضا لحالها ما معاها عائلـة !! و إلا بس علشانها بنت !!!
و إذا كانت البنت قصيره وطولها 150 سم وتبي تصير شمحوطه وطولها يوصل 170 .. ما فيه مشكلة ..
الله يخلي الكعـب .. 20 سم , 30 سم , المجال مسموح لهـا تلبس اللي تبي ومحد يقولها شيء ,
في الجانب الآخر .. الشاب القصير عليه أن يتعامل مع وضعه , وأقصى كعب مسموح له هو 5 سم ..!!
لأن الوضع ما يسمح له يزيد أكثر من الــ 5 سم , و إلا عليه تحمل التهكمات والإنتقادات ..
و لما تروح مراجعـه وفيه بنت موجوده جايه تراجع مثل حالتك ..
كل الموظفين ودهم يخلصون معاملتها ..
و عسى ما تقول البنت للموظف " لو سمحت " إلا المعامله خالصه ..!!
بينما الشاب المسكين ينظر بـالدور ,
و قاعد محترم ,
و مجهز أوراقه ..
و إذا جاء دوره يكلمه الموظف بــ نفسيه !!
وما يندرى هو يخلص معاملتك و إلا لاّ ..!!
في منتدانـا هذا حظ البنات مستمر ..
البنات يوجد لهم منتدى خاص هو " ملتقى حواء " ,
بينما الشباب المساكين " يفحطون " في المنتدى , حتى إستراحه ما عندهم !!
و القسم الرياضي اللي مفروض يكون خاص للشباب بحكم ميولهم و هواياتهم ..
نلاقي البنات يسابقونا عليه و ماخذين راحتهم بقوه , وبصراحه .. مسوين زحمه هناك :tongue: !!
عادي تدخل القسم الرياضي وتشوف نصراويه شاده شعر هلاليه ,
وتقولها يا نادي الدلال .. ليش تفوزون علينا ؟! دايم تفوزون ما شبعتوا بطولات :017: ..
في قسم المدونـات أيضا الحظ ماسك خط وبـقوه هذه المرة ,
المشرفـات كلهم بنـات !!
بينمـا الشباب خارج الحسبـه .. أو غير موثوق فيهـم ..!!
و النعم في مشرفات القسم , و جهودهم واضحة , و هذا شيء مفروغ منه ,
ولكن ليش بس ياخذون بنـات ؟!!
أحد قالكم إن الشباب ما يصلحون لـلآشراف ؟!!
مساكين الشبـاب .. هناك يفحطون .. و هنيه مالهم دور يذكر ..!!
قولـوا آميييييييييين ..
اللي عطى البنات من الحظ يعطينـا :smile: .