ملتقى طلاب وطالبات جامعة الملك فيصل,جامعة الدمام - . . [ قصيدة آلملتقى ] دعوه لِ جميع آلشعراء . .

رد: . . [ قصيدة آلملتقى ] دعوه لِ جميع آلشعراء . .

هذي آلآبيآت في أعتقادي ترحيب بَ الفكره من آخونا الغدراء ,
صح ولآ أنا غلطآنه عَ آلعموم صح لسآنك ؟!

اقتباس:

مرحبا بصاحب الفكره وحييت . . من شاعرن يختار جزلات وسمان
اسخر القيفان لامني غنيت . . وينقاد معي بالرضى وهو زعلان
يالاعضاء لي منوة [ ن ] لو تمنيت . . ما يمسي الذيب وهو جيعان
ملتقانا يالملتقى ذايع الصيت . . جبت زبدة العلم والهرج نيشان
ليا رفرفت بالشهادة واوميت . . ما انسى صداقة ذربين الايمان
اخوة عيال الرجال المناعيت . . وإلا بنات الحصن سلايل كحيلان

هنا شعرت بصوت الاحلام ياليت . . أحلامنا تسمع صدى صوت الانسان
مو ملتقى . . هذا ترى أشبه بـ بيت . . تجمعت في داخله جملة اخوان
ياكم تعنوا له وياكم تعنيت . . بوح الخفوق بكل ريشه وألوان
على شواطي منتدانا تقهويت . . بالطيب يجمعنا رفاقه وخلان
وعن مدح إدارة ملتقانا كم آزريت . . كم مرةً صغت آلحكي مير مَ زآن
أجيه ضايق وأشعر بغير لا جيت . . كـنّ السعادة فيه معنى و عنوان
كسبت به ناسٍ لهم عالي الصيت . . مثل الدرر تبـقى على مر الأزمان
معهم هجوسي جبتها واستهليت . . وهجوسهم في هاجسي حدس فنان
مشاعر ٍ فيها سبحت وتمشيت . . فيها الجواهر بين لولو ومرجان
قآآعه عميق و لآ يصيبك بتشتيت . . لآنه منظم دوم بأبوآب و اركآن
صدره وسيع وفاتحه حيل لا جيت . . كنه أبو ويضم أهله بتحنآن
يامنتدى الطلاب بالخير مسيت . . انت الوطن والعلم والطيب سكان
سقت المعاني لجل عينك وغنيت . . على بحر مسحوب ياقافيه آن
سجلت فيه ومن دخولي تغانيت . . لقيت مطلوبٍ أدور له أزمان
به التواصل والشعر فيه لاقيت . . أجيه ضايق وأصبح ان جيت طربان
أمشي وأردد , ليت , ياليت , ياليت . . نبقى مع الأيآم أخوات وأخوان
نبني وطن فكر ووطن علم ٍ وبيت . . عآش بغلانا دون منه وعرفآن
جليس خير و ماتمله الآ ابطيت . . يمه هدآك الفآيده عطر ريحآن
حبيت آوقآتي معه واناقلت حبيت . . معنآه يربطني معه جذر وأغصآن
ياصفحة الاشعار قولي لهم ليت . . ماينقطع.من سجل بقلب ولهاان
شوفي كثر شوقي الى مني ابطيت. .أنحت على صدرك ثقيلات الاوزان
مَعّ الصدِيق الحيّ و اللي رحلّ مِيتْ . . يَ جعلّ مسكنهّ أنكتبّ عالي جنآنّ
صِغتّ الكلامّ و فِي حروفِي تبآهيتّ . . و فِي مدحهمّ وَ النقدّ رآضِي وَ فرحآنّ
طالب وَ دكتورٍ معآهُمَ تحآكِيت . . موظفّ وَ خرِيجّ وَ أعضاء لهمّ شان
لاغبت عنه صاح بي الشوق ابطيت . . من زود ماني في محبته غرقان
حب التعاون و الوفا فيه لاقيت . . جيناه طلابٍ وصرنا به اخوان
مشاعري حرفي كتبها وغنيت . . بيتين تسحبها جميلات الالحان
سلام ياصرحٍ على العزضميت . . شاعر وطالب علم .. كاتب وفنان
انت الذي لامر طاريك فـزيت . . يكفي نهلنا العلم من كل الأركان
يكفي كسبت اخوان كني تربيت . . معهم وانا ماشفتهم شوف الأعيان
وانا دعاني هاجسي واستعديت . . اصخر بيوت القصيدة على شان
لامن كتبت وبالشوارد تغنيت . . كل الشوارد ماتبي غير سلطان
يا ناظمين الشعر بيت على بيت . . مني لكم أجمل تحية وعرفان
طبعي كتومة والمها والبدر نيت . . وأبو فهد و white berry وسلطان
حطوآ لهم في صفحة آلشعر تثبيت . . يبقى مع الآيآم للناس برهآن

:106:

رد: . . [ قصيدة آلملتقى ] دعوه لِ جميع آلشعراء . .

عشانه راعي البيت طلبنا بيت ----ومن شان القدير سمي بالرحمان

يابيوت القصيد اللي عنت ولا تعنيت ----هلت مسباح الافكار صافيه اذهان

وردت على البحور وبها استشفيت ----وجابت من الدر الثمين و المرجان

حنيت هاجسن اله المعاني تبيت ----ما يمدح الشاهد على الشاهد ببرهان

وقعن على عيني مانباله تصويت-----منتدى اساس العلم يه اشكال والوان

طلاب جامعة فيصل علو عاليات الصيت------ارداهم اللي غنا الدروس بالالحان

ومتشكرين للكتُاب والنقٌال و الاوبريت ------يجزاك بالخير جبتو العلوم بالمجٌان

وسلامتكم ولاهنتو جميع

رد: . . [ قصيدة آلملتقى ] دعوه لِ جميع آلشعراء . .

ياصاحبي لآجيت جيت وتخطريت***كل الحدود اللي على حدّ دسّمان
لعيون من يزهم عليّ .. وتعزويت***بالآبه اللي فعلها فعل ((ويـلآن))

رد: . . [ قصيدة آلملتقى ] دعوه لِ جميع آلشعراء . .

صحت ألسنتكم

أعضاء وعضوآت

+ أبوفهد 100 بِ أنتظآر آلقصيده كآمله ,

+ أنتظروآ قصيدتنآ آلمتوآضعه , في شكلهآ آلنهائي بعد ترتيب وضعهآ وإصلآح آمورهآ

من شآعرنآ آلطيب بدر نت مشكورآ . .

فَ كونوآ بِ القرب :106:

رد: . . [ قصيدة آلملتقى ] دعوه لِ جميع آلشعراء . .

اهلا مشرفتنا يعطيك العافيه على جهودك وهذي القصيده اتمنى ان تحوز على رضاكم

قريت موضوع القصيده وسجيت
..................سجة فخر والشعر ينخى وطربان
وعلى الردود الوافيه فيه مريت
............. ....كحلت عيني واستلذيت فرحان
حاولت اجنب واكتفي لكن ازريت
................. ادري هجوسي ماتطاوعني احيان
سلام ياصرحٍ على العز ضميت
................ شاعر وطالب علم كاتب وفنان
انت الذي لامر طاريك فـــزيت
............ يكفي نهلنا العلم من كل الأركان
يكفي كسبت اخوان كني تربيت
........... معهم وانا ماشفتهم شوف الأعيان
يكفي عرفت اخوات فيهم تعزويت
.............رمز الطهاره والأدب وين ماكان
يكفي على غيرك بصيتك تعليت
........... حتى جمعت قلوب والناس شتان
يكفي جمعت من الأمل ورد واهديت
.......... بسمة فرح ترسم على كل الأوجان
يكفي ,,,ويكفي دعوه لخالق البيت
......... من ضايقٍ يشكي فرج هم واحزان
يكفي كتبت الشعر لجلك وخصيت
...... ... نزف القريحه في مزايــــاك ودّان
مني عن اعضائك هلا فيك حييت
.............عد البروق وعد همال الأمزان

تحياتي