مافتحت ولامحاضره شسوي

[توته مريخه]

تدرون للحين ماشفت ولا محاضرة قولولي شسوي احس مخي ماراح يستوعب كل المحاضرات ولا حليت الواجبات شلحل مابقى شي على الاختبارات. دبروني شسوي

[بنت الأسلام]

بصراحة مش عارفة اقولك ايه

بس يلا تعالي هنا وابدائي معانة

http://www.ckfu.org/vb/t117662.html

وراح نكمل بقي المواد الاخر

2- الواجبات الي نزلو تشوفين حلهم بالموضيع المثبتة

توكلي على الله وحلي

[ام عموري]

أسألي الله عز وجل المعونه هذا أولا واكثري من الاستغفار وسوي لك جدول يناسب وضعك ولازم تضغطي نفسك شوي عشان ماتجي الامتحانات الا وانتي مخلصه ومذاكره بعد بس اكرر ماعندك وقت خلاص ابدأي بجديه وأي شي تبينه حنا حاضرين ولاتنسي الامتحانات عالابواب وربي يوفقك
سبحانك اللهم وبحمدك اشهد ان لااله الاانت استغفرك واتوب اليك

[هتآآن]

توته ما راح شى عليك وكل شى ينحل

اول شى حلى الواجابات حق الاحصاء وحق الانجليزى

من الروابط هذى الاخوان ما قصروو حطو الحل

الاول انجليزى لبنت الاسلام مشاركه رقم خمسه
على هذا الرابط
http://www.ckfu.org/vb/t114824.html

وثاني شى واجب الاحصاء

لهمس التميمى

مشاركه رقم 10
على هذا الرابط

http://www.ckfu.org/vb/t114828.html

اما المحتويات متوفره واذا انتى من اهل الشرقيه ادلك على مكان تشترينها جاهزه بدال حمل واطبع وشغله وفيه واجب لمبادى التربيه تووه نزل بس اول حلى اللى راحت وبعدين نشوف لمبادى التربيه وبالتوفيق ..

[جامعية طموحه]

هتان الله يعافيك انا من الشرقية دليني تكفين من وين اشتري محتوى المحاضرات

[ابوريان]

باقي فية وقت اهم شي التنظيم من الان

[عَ ـزْفْ الہُـدوُء]

هتاان كلن يحسبك بنت

<<براا

لاتزعل طييب

ـــــــــــــــــــــــــــــــــــــــــ

ياا انتي ياا جاامعييه,,

المحتوى موجوود في البلاك عندك والمحااضراات نفس الشي,,

ترى يمديك اذا انتي موو موظفه أنا مووظفه وتووني أبدااء أمس

انشاءالله ماا يجي وقت الأمتحاان الا وأنا مخلصه وفااهمه

[So000oma]

بالتوفيق .. ما شاء الله لطلاب هنا متعاونين

[هـمـس التميمي]

باقي 6 اسابيع

يمديك لو تخلصين كل ماده ب5 ايام


اسمعي المحاضرات وخططي من المحتوى

وفيه ملازم

بمكتبه الهجرره بالثقبه


وبالمنتدى فيه اعضاء يجزاهم بالخير مسويين ملخصات

[هتآآن]

المشاركة الأصلية كتبت بواسطة جامعية طموحه

هتان الله يعافيك انا من الشرقية دليني تكفين من وين اشتري محتوى المحاضرات

فى وحده اسمها فجر مقابل كليه البنات فى الدمام

والثانيه الهجره فى الثقبه اول شارع مكه وانتى داخله مع الملك عبدالله