سؤال للأمهات المنتسبات للجامعة

[Ambition]

المشاركة الأصلية كتبت بواسطة قوس قزح 2010

أهلين حبوبات
انا لسى انتظر الرقم السري على نار خايفة تنزل محاضرات وايد و تتراكم علي
بس حاطة ببالي وقت الصباح هو وقتي للدراسة
لأن بنتي بالمدرسة(أولى ابتدائي) و بنتي الثانية (سنتين) تكون نايمة ففرصتي
وعندي وقت الليل لو حبيت اراجع

والله يوفق الجميع

بالنسبه لنا احنا الامهات انسب وقت للمذاكره وللذهن الصافي وقت الصبح

تكوني تو صاحيه ورايقه ولا عندج لا طبخ ولا نفخ

من بعد الصلاه للساعه 10 حلو الوقت ويكفي انج تشوفين اكثر من محاضرة وتلخصينها

ربي يوفقج ان شاء الله ويوفق بنتج خليها تشوفج وتحب الدراسه

[إمبراطورهـ]

المشاركة الأصلية كتبت بواسطة أمينة المستودع

المهم إمبراطورهـ أول ماتنخطبين تبشرينا علشان نسوي لج مكان بينا:783:

لآ لآ حبيبـــتي .. :nono:

ماتشوفين عمري تحت إسمي ..

بآآآقي بدريييييييي علي ..

أنا بإذن ربي مارآح أتزوج إلآ لمآ أصك الـ22 أو الـ23 ..

حتى لو جآني أحد إلحين ..بقول له ..إنتظر عندك لمان أخلص درآستي ..

ماني فآضيه لسوآليف الرجاجيل هذي.. أهم شئ عندي الدرآسه ..

لأنه مآرآح ينفعنــــي بعدين إلآ الدرآسه ..

هو مآرآح ينفعنــــي .. ماأضمن أنه رآح يعيش معآي مدى الحيـــاه !!

ماتدرين يمكن بعد مانتزوج يموت هو.. وأنا أصير معلقه ..ماعندي شئ ..

في ذآك الوقت رآح يكون عندي شهاده أمشـــي فيهآ حآلـــي<--- مخططه لكل شئ :110: --->


وأنتمـ ياقلبيي عليكمـ ..الله يعينكمــ ياآآرب ..

بصير كل مآ أحس بأنــي ماأقدر أنجــح ..أدخل هنآ وأصبر نفســـي على أنه في نآس حآلهم أردى من حآلـــي ..والله الله يعينكمـ
إن شاء الله تتخرجون وتضمنون حياتكم في المستقبل :thumbs-up:

[نجاح امراه]

مرحباااا بكل الاامهات الطموحات من سار على الدرب وصل :150: شدو الهمه ياخواتي انا الحمد الله وقتي منظم بس عندي شغاله يعني بس اهتمامي باطفالي وزوجي العزيز:m22asmilies-com:

[جامعيه قادمه]

الله يعينا انشاءالله ::

انا مثلكم عندي طفلين ..وهم معي في كل نظام ادخله على البانراوالبلاكـ ملزمين معي :783:


:m1asmilies-com:يارب انجح

[طبشوره]

امبراطوره عادي
انا تزوجت العام وعمري 18
والسنه عمري 19 والنونو بالطريق
بلا دلع واذا جاك النصيب وافقي
ههههههههههههه

[وين الامل]

انا مو متزوجة لكن مسوؤلة عن عائلتي كلها

عن ابوي وامي واخواني واخواتي

كل يوم اصحى الفجر واجهز اخواني وخواتي للمدارس وبعدها ابدا في شغل البيت

وبعدها طبخ الغداء والساعة 2 اروح دوامي لانني مدرسة محو امية وارجع على صلاة المغرب

وبعدها اجهز العشاء والساعة 10 ابدا احضر الدروس واوراق العمل وعلى ما اخلص تكون الساعة 12

و ادخل المحاضرات ولا بعد بديت مذاكرة :d1::d1::d1::m1asmilies-com::m1asmilies-com::m1asmilies-com:

[أم أمونة]

ماشاالله كلكم عيالكم صغارأنا أربعه أكبرهم أول ثانوي
وأصغرهم أمونه ثلاث سنوات ونص وهي من ذوي الإحتياجات الخاصه وترني مو كبيره تزوجت صغيره:m1asmilies-com:
والدراسه طموحي من زمان خصوصا هذا التخصص
لأن عندي أخوني بعد ذوي إحتياجات خاصه الأخت
نست نفسهاالمهم الحمدلله حلمي تحقق وإنشاالله التوفيق للجميع اللهم آمين:m22asmilies-com:

[طبشوره]

يا قلبي عليكي وين الامل

متى بيمديك تذاكرين على كذاا

الله يعينك ويوفقك يا رب

ام اموونه

الله يخليلك امونه الحلوه واخواان امونه

وعقباال ما تتخرجين وتفرحين اكثر

[طموحي كبير..]

الله يسهل علي وعليكم اناعندي خمسة الله يحفظهم الصغيره عمرها سنه ونص وحبايب قلبي اخوانهاكلهم يدرسون عندي جميع المراحل ثانويه ومتوسط وابتدائي وتمهيدي على ماني كبيره في السنبس اهلي الله يحفظهم زوجني بدري وكانت رغبتي اني ادرس الجامعة بس الظروف ماساعدتني والحين الحمدلله قبلوني والله يوفقنا بالنسبة لمذكراتي اناابدى من بعد العشا لساعة2 هذاانسب وقت لي وسلامتكم:150:

[توته مريخه]

ماشاالله عليكم انا للحين مافتحت ولا محاضره مع انه الرقم السري من زمان واصلني انا ماحب قومت الصبح بس وبحاول ابدا من بكره بس تصدقون ماعرف طريقه المذاكره شلون افتح المحاضرات واسمع الشرح او كيف قولولي شلون ياامهات