|
هام لطلاب و طالبات التخدير
السلام عليكم ورحمه الله و بركاته كيف حالكم جميعاً ؟؟ المهم ابغى اكلمكم بخصوص اليوم و اللي صار .. أنا كنت رايحه للاستاذ شربل من الصباح عشان هذا الموضوع بس للاسف ماكان موجود بعدها رحت لدكتوره ترانديل و قلت لها قالت لي مابيدي شي اسويه <<اذا مو بيدك طيب بيد مين O_o المهم قلت لها طيب افصلي التخدير عن الصيدله حنا عددنا كاافـ....(ماكملت الكلمه) قاطعتني و قالت لاااا حنا لو نجيب 1000 طالب و طالبه عاادي هي نظري مو عملي حنا في العملي فصلناكم قلت لها طيب لو انو الكلاس كبير اوكي بس الكلاس صغير و حاولت اتناقش معها بس شفت النقاش ماينفع و طلعت من عندها للاستاذ شربل و قلت له ع الموضوع و نفس الشي رافضين فكرة فصل الصيدله عن التخدير عادي عندهم نوقف نجلس ع الارض ماتفرق و قال روحي ناقشي الاستاذ ابراهيم بهذا الموضوع رحت له و ماكان موجود بس تكلمت مع مستر احسان و قلت له يقدم لكلاس عشان نكون لحالنا و وافق ع الفكره بس قال لازم يشوف كلاس فاضي لانو هو بنفسه مايبي الصيدله مع التخدير يعني يمكن راح يكون عندنا كلاس مستر احسان من الساعه 9 الى 10 و الكلاس الثاني من 2 الى 3 'طبعاً لحد الحين مو اكيد هذا الشي لازم يكون في كلاس فاضي و بس هذا كل اللي صار و لو احد يقدر يتكلم معهم مره ثانيه عشان يفصلونا و نرتاح يكلمهم يمكن يوافقون لو كان العدد كبير و اهم شي اللي يدرسون على حسابهم قولوا لهم حنا دافعين فلوس عشان ندرس في مكان مريح |
رد: هام لطلاب و طالبات التخدير
هلا هيكاري تعبنا من الفرار :017:
المهم خلاصه الي انتي كاتبته يوم الاحد عندنا حسان من الساعه 9 الى 10 محتمل يعني مش اكيد لانه بيدور كلاس فاضي لنا احنا التخدير ويوم السبت عندنا بردو حسان من الساعه 12 الى 1 وفي بعد تغييرات بس قبل لازم يشوف كلاسات فاضيه لنا طبعا انا وهيكاري تصرفنا بروحنا ورحنا لهم ونبغى الكل يشوف الفكره وانشاء الله تعجبكم بس مانعرف راي الشباب التخدير ؟؟ والي ماسعى لغيره في الموضوع ماله راي يعني بس كلنا مع بعض براي واحد و لازم نشوف حل مانسكت من يوم الاربعاء ضاعت علينا كلاسات ودمتم بخير |
رد: هام لطلاب و طالبات التخدير
جوري اسمه مستر احسان مو حسان :hahahahahah:
المهم بكره ان شاء الله بعد مانخلص محاضره دكتوره اثيبا راح اروح له و اشوف |
رد: هام لطلاب و طالبات التخدير
ههههههههههههه اي يستاهل مستر احسان ماقصر احس عفسنا جدوله :hahahahahah:
خلاص مابروح معك:hahahahahah: |
رد: هام لطلاب و طالبات التخدير
والله انا افكر انهم يفصلون البنات مره وحده ماتوقعت ان التخدير بيكون كذا
بكرا ان شاء الله راح اتفاهم ويالا استاذ :ابراهيم الخرس وبشوف النتيجه بجد تطلع من الكلاس يروح عليك الكرسي:hahahahahah: |
رد: هام لطلاب و طالبات التخدير
ههههههههههههههه
يكون احسن بس اليوم حركه ماتوقعتها :hahahahahah: بس حتى انا قمت وراح علي الكرسي :hahahahahah: حركات واجد:cheese: الله المعين |
رد: هام لطلاب و طالبات التخدير
خلاص الساعه 9 ان شاء الله نشوف وش راح يصير
جوري لا تعالي معي ماراح اروح لحالي |
رد: هام لطلاب و طالبات التخدير
وعليكم السلام ورحمة الله وبركاته .. مثل ماينقال يوم المنُى لو يحصل هاي الشيء.. لأن هذا طلب كذلك طالبات بكلريوس الصيدله .. لأنو حتى أحنا عن جد متضايقين من الوضع.. وكنا بنكلم د.ترانديل لكنها كانت مشغوله .. ع العموم نأمل خير في وضعنا.. أما بالنسبه للكراسي .. فالناس تمثل هالمثل حرفياً.. من سبق لبق ... |
رد: هام لطلاب و طالبات التخدير
البرستيج
يشرفني ردك ع الموضوع بس الدكتوره ترانديل لما رحت و تكلمت معها مهي راضيه ع الفكره بس انتم حاولوا تقنعوها يمكن تقتنعت منكم :119: |
رد: هام لطلاب و طالبات التخدير
والله من المفرووض يفصلون الصيدله عن التخدير ويفصلوون الاولاد عن البنات وانا بصرااحه اتمنى هالشي من كل قلبي.... تحياتي
|
رد: هام لطلاب و طالبات التخدير
يمكن لما تلقى حتى منا هالكلام مش بس من طرفكم يمكن يختلف الوضع ..
بيني وبينك عندنا بعض الكلاسات نحظرها مع السفمور تمريض.. يعني أحمدوا ربكم بس كذا كلاس أحنا معكم ..:119: الجوري وهيكاري يعطيكن الله العافيه وماقصرتن والله يعطيكن على قد نياتكن.. |
رد: هام لطلاب و طالبات التخدير
مابس انتون والله حتى احنا شكلي اني بحاول فيهم هذوه ويش شايفنا ؟؟؟ مانقدر نستحمل كذاا يعني الزحمه البنات وواولاد اطلعه روائح مو قصدي بنات او اولاد ما يسبحو يعني وقت طويل من مكان الى مكان يسبب جهد وبعضهم فيهم امراض و بعضهم عندهم حساسيه من مزيلات العرق والبعض والبعض ..... وبعدين كلما زاد العدد الطلبة العلم كلما زادت تلخهتهم ويش الفايد ونظري يعني مانفهم تونا جدد تخصص ناخد في كلاس اكثر من 100 كلمه جديده الواحد مابيجي يمسك كل يوم يترجم كلمه كلمه ساعات الشرح يساعد على ترجمه نبي وقت للمذاكر احنا نطلع من 6 ونص وماانرجع البيت الا 4 وشوي مافي وقت لا ممذاكره ولا الى ترجمه خلاااااااااااااااااااااااااااااااص يالمانع ارحمونا :Cry111::Cry111: |
رد: هام لطلاب و طالبات التخدير
الاميـــــر احترم وجهة نظرك و حنا كلنا مانبي ندرس مختلط
بس اولا و اخيرا راح ندرس كذا و كلمت دكتوره ترانديل بس ماوافقت يمكن فكرة انو الصيدله ينفصلون عن التخدير شوي اسهل |
رد: هام لطلاب و طالبات التخدير
الله يكون في العوون وشااكر لكم مجهوداتكم.... تحياتي
|
رد: هام لطلاب و طالبات التخدير
MANOOR
انتم بس التمريض مو معكم احد ثاني :bawling: البرستيج انتم روحوا لها وقت ماتكون فاضيه و اشرحوا الوضع بهدوء يمكن ينفع و عارفه انو في كلاسات يحظرون معكم سفمور التمريض بس اتوقع اغلبها تكون في المستشفى مو في القبول الله يعين بس مو حاله هذي |
رد: هام لطلاب و طالبات التخدير
الله يعين بس :bawling:
الوضع صار غير شكل يتعب يتعب يتعب :bawling: ماتقصروا صقيقاتي فيكم الخير وان شاء الله يتعدل هالوضع والله صرنا مانفهم شي من الزحمة |
رد: هام لطلاب و طالبات التخدير
يعطيكم العاافيه هيكااري وجوري على جهودكم
اناا اشوف عالاقل يقسموناا مجموعتين كذااا نقدر ندرس اناا اشوووف الوضع طيب والدرااسه تماام وكلش زين |
رد: هام لطلاب و طالبات التخدير
ان شاء الله ينحل هالوضع
بعدين الاختلاط مايصلح يصير فيه حش وتعليقات ماتصلح شوي :hahahahahah: بعدين بعضنا مابعد جلس مع حريم الا امه .. فجأه يدرس مع مدري كم طالبه :000: انواع القلق والله ماندري كيف بندرس او بنحاول نفهم :017: |
رد: هام لطلاب و طالبات التخدير
عجبتني يصير حش وتعليقات ماتصلح :hahahahahah:
والله اشك ان بعدين رح ننضغط في الدروس المفروض كل قسم لحال الى متى بس ...! الزحمة تقلل الاستيعاب :bawling: |
رد: هام لطلاب و طالبات التخدير
آسفه ع اليوم المفروض ناخذ كلاس مستر احسان بس ماكنت ادري انو الاولاد عندهم كلاس
هذا اللي خرب كل شي ع كل حال كلمت هذا استاذ شربل اليوم و كان ودي ***** قهرني مو راضي يفصل الصيدله عن التخدير :017: |
رد: هام لطلاب و طالبات التخدير
انتهى اليوم على خير اما الفصل المفروض كلنا نتكلم معاه مو حالة كدا نشوف بكرة ويش يصير الحين بكرة من 10 الى 12 بياخدنا ااحسان في مبنى القبول والتخدير بس ?
|
رد: هام لطلاب و طالبات التخدير
لا مو من 10 من 11 في مبنى القبووول
و بس التخديييييييييير راح يشرح لنا المحاضرات اللي فاتتنا و اتمنى انو مافي بنت من الصيدله تجي تخرب علينا |
رد: هام لطلاب و طالبات التخدير
سمعتوا يا اهل الصيدله بالعربي الفصيح بلا تميلح ولقافه :hahahahahah:
|
رد: هام لطلاب و طالبات التخدير
خير ؟!
طيب فيه بنات من الصيدله ماحضروا هالمحاضره وفيه بنات مااستوعبوا .. بسبب التغيير اللي قاعد يصير عندنا مو بس انتو التخدير اللي تعانوا .. إحنا نعاني مثلكم ولخبطتنا مثلكم .. وتعبانين مثلكم بلاش تخرب وماتخرب .. مثل ماانتو تبغوا تفهموا المادة .. بنات الصيدله وأكثر .. لإنه هذا مدخل لهم للي أصعب منه .. والكيمياء من اهم المواد بالصيدله !!! |
رد: هام لطلاب و طالبات التخدير
نقاء غناتي المقصود بداية المحاضرات الا انتو حضرتوها بدونا على عمري مو تخريب لالا فهمتي خطا بس ادا ماشالش المكان تشيلش عيوني
|
رد: هام لطلاب و طالبات التخدير
يؤ يؤ يؤ أهدا من كذا خيتو أهدا !!
محد قال شي بس المعروف في كل الجهات التعليميه ان كل تخصص له دراسه لحاله ! وش معنى المانع اللي كل الطلاب يدرسون سوا !! بكل التخصصات وكل المستويات ؟! كننا بحراج مو معهد :sdfgdsf: |
رد: هام لطلاب و طالبات التخدير
نقاء اوكي بنت بنتين ثالث ماحضروا يكلمون المستر و يشوفون
بس مو 10 بنات الكلاس مايكفي ارحمونا راح تقرب امتحانات الميدتيرم و حنا المحاضرات اللي فاتتنا مانشرحت لا تفهمينا غلط :011: |
رد: هام لطلاب و طالبات التخدير
يابنات التخدير والصيدله المواد وحده بس الزحمه تقلل المعرفه <<<<انا ماافهم واذا جيتو انتو اتنح في مكاني:bawling:
طيب مومشكله انا ابي بكرا الاستاذ ابراهم الخرس بصراحه جدول بايخ محاضرات التخدير والصيدله واحد والكلاس صغير ومشاكل وشرح خمس دقايق ومافي اوكسجين ويبونا نفهم بالقوه ماينفع والله والي ا هم شي عندي بكرا ابي افهم موضوع الدراسه اللحين هل هي بقرض.او من صندوق المانع هديه.اودراسةوعمل انا حاس ان في نصبه جديده الله يستر علينا ولااحد يزعل ياطلبات الصيدله ..... موفقين |
رد: هام لطلاب و طالبات التخدير
سالفة الدراسة قرض لو شغل لو خناقة خلوها علييي بكرة يوصلكم الخبر
|
رد: هام لطلاب و طالبات التخدير
بالنسبه للجمع بين طلبه الصيدله وطلبه التخدير...
حسب ماوصلني من جهة الأداره .. أن المشكله تكمن في .. 1- لاتوجد أمكنه (فصول ) تكفي أو كافيه.. 2- لايوجد هئية تدريسيه كافيه .. وبإعتقادي .. بإن الجميع متضايق من الوضع ولس وحدكم أنتم فقط ياطلبة التخدير.. لو ننلاحظ حتى طلبة التمريض الدبلوم والبكلريوس.. والصيدله.. يعني أحنا حالنا أفضل بكثير من طلبة التمريض (الدبلوم & البكلريوس ) المعنى.. من شاف حالة غيره تهون عليه حالته .. أنا مدري أنتوا ليه مش متحملين الوضع ... حنّا طالبات الصيدله ماتدّمرنا كثركم مع أن حالنا من حالكم تماماً.. |
رد: هام لطلاب و طالبات التخدير
اهلين البرستج
والله مش متضايين العكس انا واحد لازم تنعاد الكلمه لي بالانقليزي 5 مرات ويمكن تثبت مواكيد بعد انا ماعندي مشكله خلاص على هالوضع بس نبي كلاس كبير يحطونا فيه |
رد: هام لطلاب و طالبات التخدير
الله كريم يالمتمرد ..
هو فعلاً الوضع جداً ..................! لكن هالشيء حاصل خارج عن إرادة الكل .. فلو حّنا زنا وعدنا بالكلام راح يتغير شيء لا,, طبعاً هم مش مغمضين عينهم عن هالشيء هم عارفين بهالوضع ويسعون جاهدين بإن يتغير وضعنا.. لأن مش أحنا إللي مش عاجبنا الوضع كذلك الهئيه التدريسيه.. المتمرد.. أنا عن نفسي الله أعلم بحالي بالمحاضرة:119:.. |
رد: هام لطلاب و طالبات التخدير
أنا مع المتمرد في كلامه
و قلت في البدايه لو انو الكلاس كبير اوكي عادي مو مشكله ندرس بس الكلاس صغير مو حاله :011: |
رد: هام لطلاب و طالبات التخدير
حتى لو كان الكلاس كبير ..
ماراح يعجبكم الوضع أسئلوني أنا .. جداً صعب بس ممكن أهون .. |
رد: هام لطلاب و طالبات التخدير
كان اعتراضي على كلمة بنت ! لإنش حددتي بنت ... يعني مُفرد .. ولا قلتي 5 ولا 10 ولا اكثر !
عني مستحيل أحضر وياكم .. حتى لو فاتتني المحاضره لأني بذاكرها بنفسي بس في زميلات لي ماحضروا هالمحاضرات الأولى .. اللي تتكلموا عنها وحقها مثل ماهو حقكم ينعاد ليها .. عاد كثرة قِله .. الوضع مو ذنبنا إحنا :) واكيد الكل يبغى يفهم المحاضرات وكيف نرحمكم .. إحنا اللي فهمنا مثلنا ؟! ولا إحنا اللي قادرين نركز ولا ولا !! للعلم .. احنا أخذنا محاضره وحده بس مع مستر إحسان .. قبل ماتجوا .. ومن بعدها ضعنا واتعطلنا بسبب تغيير الجدول !! طيب من يرحمنا ؟!! هم بعد ورانا ميد تيرم وورانا معدل وورانا نحاتي .. للحين حتى ماوقعنا عقود ولاهمّ !! فوووضى .. الله يأجرنا بس ع صبرنا وياهم !! بنات الصيدله مايحضروا المحاضرات إستهتار عشان تقولوا يخربوا عليكم !! هذا اللي ماارضاه لي ولا لأي وحده من زميلاتي ولا ويش يحد كل طالبه تصحى من بدري الصبح وتجي .. للوناسه مااظن .. ولاهي المحاضرات للوناسه والسوالف بالعكس .. ومن ناحية زعلت لا مازعلت بس هذا حقّ صحيح انتو تعانوا من الوضع .. بس بنات الصيدله مثلهم مثلكم .. بالعكس تعطلوا واجد بسبب تغيير الجدول عشانكم التمريض أرحم من حالنا والله .. ع الأقل ممشين ويدرسوا .. سواء زحمه او لا !!! ع العموم الله يعين ويوفق الجميع |
رد: هام لطلاب و طالبات التخدير
نقاء عشاني هدي غناتي
|
رد: هام لطلاب و طالبات التخدير
حبيبتي اني ماعصبت .. :c8:
بس الحقّ حق .. وحق البنات اللي ماحضروا الكلاسات يحضروها وتنشرح ليهم .. إحنا ماقلنا بنات التخدير يشتتونا ولا يخربوا علينا .. رغم إنو قبل ماتنزل جداولكم كنا ماشيين تمام .. وماعندنا اي مشاكل او ضغوطات .. وبالعكس صابرين ع الوضع .. ومتعاطفين وياكم حتى قبل انفسنا :119: |
رد: هام لطلاب و طالبات التخدير
طيب خلاص شوفوا هذا استاذ ابراهيم لانه شربل ماينفع كل يقول لنا انا مش سوبر مان اتحملونا :hahahahahah:
المهم استاذ ابراهيم طلب خطاب يوكله فيه من دكتور شربل ورحنا له بس مارضى يعطينا وقال تحملونا ماعندنا شيء نقوله له وطلعنا وشكرا:cheese: |
رد: هام لطلاب و طالبات التخدير
اقتباس:
|
رد: هام لطلاب و طالبات التخدير
ولايهمكم الحل عندي
|
رد: هام لطلاب و طالبات التخدير
جيـــفآآرآ
ايش الحل ؟؟:g2: |
رد: هام لطلاب و طالبات التخدير
خيو جيفارا شنو الحل بنصدقك ايش؟؟
احس مافي حل خلاص |
رد: هام لطلاب و طالبات التخدير
أعتقد أخوي جيفآرآ..
إذا عنده شيء راح يعمل به على طول ..ويسعى في تحقيقه ..وأنا واثقه من هالشيء.. :119: |
| All times are GMT +3. الوقت الآن حسب توقيت السعودية: 09:13 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه